حبيبتي الف لا باس عليج
انا صار معاي بكل حمالاتي وربي ما اراد انهم يكتملون لي الاخير بعيد الشر عنج وعن كل حامل يارب
حبيبتي علاجج من بعد ذكر الله والتوكل عليه ان الدكتوره تعطيج حبوب وتحاميل واحيانا ابر مثبته
حسب حجم الانفصال وكمية الدم اهي تحدد الدكتوره تحتاجين حبوب بس او زياده
واكيد بتوصف لج حبوب بيبي اسبرين بس مو لو كان في دم لان الاسبرين يساعد على سيولة الدم واحنا مانبي سيولة بهالحاله ليمن تلتحم المشيمه
حبيبتي الدم والغذاء يوصل للبيبي من خلال المشيميه وانفصالها يقلل من هالشي علشان جذي لازم ترتاحين علشان ترجع مكانها وتغذي البيبي
انا قلت جذي لان اكو وايد بنات بس يعتمدون عالعلاج ومايدرون ان كثرة الحركة ممكن تزيد هالانفصال
مو معناته كله نايمه .. لا انسدحي لي تعبتي وقعدي عادي ومارسي نشاطاتج اليوميه سبوح وترتيب بسيط ومن تحسين يشوية تعب انسدحي
حبيبتي ربي يتمم حمالج على خير وتذكري ان الداء والدواء بيد الله
واهو اللي وضع هالبيبي في رحمج وكتب اجله وبيده ثباته فدايم توكلي على الله والحي عليه بالدعاء بالثبات لجنينج ورزقه حسن الخلق والخلق
والزمي الزمي الزمييييي الاسنغفار والصدقه
هالكلام عن تجربه .. صحيح اني فقدت اجنتي لكن ادري ان فيها خيره .. بس عن تجربه الدعاء والاستغفار والصدقه غيرت حياتي ١٨٠ْ
جربي
وماتشوفين شر
