- إنضم
- 10 مارس 2013
- المشاركات
- 5
- مستوى التفاعل
- 0
- النقاط
- 0
مساء الخيركويتيات ..
مرت قرابة السنتين وانا اتابع المنتدى بدون التسجيل فيه وخصوصاً ذا القسم منه ورغم اني لسه بنت لكني كنت اتابع قصصكم واشارككم همومكم وادعي بالغيب
وماتوقعت انه يجي اليوم الي يضطرني اسجل عشان تشاركوني همي وتساعدوني بخبرتكم واقلها وفي الحقيقه اكبرها واكثرها طيب الدعوات منكم
حكايتي ..
إني قدر الله ان يتوفى والديني وانا صغيره فاخذتني اختي الكبيره وهي متزوجه وعيالها من عمري
اختي انسانه كريمه ومامقصره معي ورجلها كتعامل معي مابيننا غير السلام وعليكم السلام لكن الشهاده لله له مواقف طيبه معي وبحكم اني مالي احد فبعض الأمور الي تتعلق بي يقوم فيها صحيح اختي وراه وكل شوي يافلان سوي لها ...الخ لكن يبقى انه متفضل بهالشي علي
لكن يااخوات .. هالانسان ماادري وش اقول عنه بتعامله مع اختي
اختي موظفه وهو بدون شهاده وعندهم عيال وصار لهم متزوجين حوالي 25 سنه
25 سنه شافت الي ماتتخيلونه كان سيء التعامل معها سفر وخرابيط ويتركها وعيالها بالشهور ويرجع اذا افلس وشبع من خرابيطه
ومن كم سنه بفضل الله ثم دعواتها تغير وترك السفر وطلعوا من بيت اهله وسكنت بإيجار طبعاً إيجار من فلوسها
واول مادخلت أنا بيتهم اخذت له قرض وفتحت له مشروع بعده ولاكانها سوت شي لازالت هي الي شايله البيت وعيالها
يادوب الخضار يجيبه بين فتره وفتره
وخلصت من سالفة المشروع زعل وطنقر يبغى سياره وراحت واخذت قرض ثاني وشرت له السياره رغم ان المشروع خيييييير من الله لكن كله ينكر ويقول ماعندي ماعندي هذي اسطوانته
وانا اشوف واسكت واستغرب من اختي والله العظيم انا وانا مو الي دافعه انحرق بمكاني من استغلاله وهي مدري وش اوصفها يسحب بالهبل منها حتى السفر لو هو لمكه كل شي عليها وخليها تجرب تقوله يصرف شي من جيبه ..عليه اسلوب يرفع صوته ويبدا بجمله المعتاده انا مقصر معكم وانا مااعرف ايش وهي ماغير تسكت وتراضيه ،هذا الي قاهرني كل هالاستغفال والاستغلال وهي الي تراضي !!!
يصارخ لاتفه شي لو هو تاخرت عن صعدة السياره ..عصبي فضيع ماينطاق مايقدر احد يخمن متى يقلب عليه
يحب عياله جداً ويهتم لأمورهم لكن طبعاً كل شي واقول مره ثانيه كل شي من فلوس اختي يعني الأدوار منعكسه المفروض الام اهتمام وحنيه على عيالها والاب يكمل بمصرفهم والنفقه عليهم لكن معه لا
ماعنده حرص عليها ولا اهتمام فيها حتى لما يشوفها بالمول ومحمله اغراض البيت غير المفترض يقدر او بأقل الاحوال مسكر فمه لا تلقونه لو تاخرنا شوي عليه وهو بالسياره اعوذ بالله رعد تعرفون صوت الرعد اي هو !!
معقوله كذا مافي تقدير والله العظيم انقهر عليها حتى رد ماترد عليه جد جد احترق ومالي غير اسكت لاني اصلاً مااحتك فيه اطلاقاً مو عشان طبيعة علاقته بإختي وانما استحي ومامتعوده عليه
والمشكله الاكبر هي البيت
كبروا وهو عمره بالخمسين وللحين بالايجار حتى غرفه لاختي وله مافي البيت صغير وكلنا كبرنا انا وعيال اختي ومحشورين وهي عجز لسانها تقوله تبغى بيت كل الحلول الي تقدر عليها اقترحتها عليه لكن مافي
حتى قرض ممكن ياخذ كل راتبها ومايبقى لها شي بعد مافي امل اليوم بكره وهذا الحال
انا جيت صغيره عندها لكني الحين كبرت ووعيت نصحوها اخواني قبل تسنع وتقوي شخصيتها معه لكن يوم ويومين وترجع زي ماهي يحاسبها على الهلله لو اخذت منه ولو قالت له انها دفعت لبنتها كذا او للبيت كذا قالها وحنا لمين نبيه ونكد لمين ومدري وشو طبعاً مع ارتفاع نبرة صوته وماشافت من هالكد الا القليل القليل من نفقتهم الواجبه عليه فهي عن نفسها كل شي يتعلق فيها من راتبها
هه تصدقون قبل المشروع طبعاً بطاقة الصراف كانت معه اذا سافر ورجع جاب لها هديه على قولته تضحك اختي بألم تقول هديه من فلوسي !!
ارجع اكمل بعد ماكبرت ومليت من هالضعف والاستغلال الي يزيد من اختي وعلى اختي وزاد بهالسنه حتى الخضار الي قلت يجيبه قرينا عليه السلام
تكلمت معها نصحت ونصحت تقوي شخصيتها وتحمله المسؤوليه وتوقف هالانانيه الي فيه يفكر بنفسه وعياله وهي يشوفها شقيانه بدوامها وبالبيت ولاحياه لمن تنادي حتى الكاسه لو شرب فيها مايشيلها ولو هي بعز الشغل يهاوش لاتاخرت ماجابت له اكله !
لكن نصحي لها انها تعامله بنفس المكر الي يتعامل فيه سافرتوا قلت لها لاتاخذين بطاقتك معك قولي اوه يافلان نسيتها استعبطي زي مايستعبط ويسوي نفسه على البلاط جالس مامعه شي وخليه يتحمل فلوس السفر بدل ما تشيليه انتِ بالألأف
وزي ذا المثال الي قلته كنت ابيها تتصرف وتتسنع وتشوف نفسها وتشري راحتها وتوقف استغلاله لكنها فاجأتني وعفست الدنيا
بدل ماتكون ذكيه وتتصرف عدل راحت تتهاوش على اشياء تافهه وكل يوم تتهاوش على اشياء اتفه من بعض وولع البيت
يااخوات هالانسان عجيييييب فوق حقه دقه الحين صحيح هي عصبت ورمت عليه كلام وصح قلت انه الاشياء تافهه لكن هو بعد جد غلطان
الي جيت اشاركم فيه وابغى نصحكم ومشورتكم ان الباشا هذا زعل ومكتم ومايكلمها ولاياكل وحتى تلفظ باشياء شينه عليها
وانا متضايقه عشانها ادري انها كل هالسنوات صابره وتراضيه عشان تعيش لكن انا اخت وماقادره اتحمل اشوفها ضعيفة شخصيه ومستغله من احد حتى لو هو رجلها لذلك نصحتها وحاولت اقويها لكن ماكنت ابغاها تتصرف كذا كنت ابيها تصير ذكيه بتعاملها لكن الي محسسني بتأنيب ضمير الحين وماعارفه وش اسوي انه ادري انها بتتعذب ومتضايقه لانها مو عيشه الوحده رجلها مايكلمها وحاقرها وانا بعد مالي احد يعني لو تنيذل معها يشملني بالحسبه لدرجة انه قدر الله اني انخطب بنفس وقت هالمشاكل بينهم ولهاللحظه ورغم الناس زينين سحب على الموضوع وسكت
يمكن كلامي مو مترابط ويمكن حتى مشكلتي ماوضحت لكم فاعذروني جداً متضايقه حتى احس اني مهمومه اكثر من اختي
حاولت اخليها ترجع تراضيه عشانها مو عشانه يستاهل لاني زي ماقلت لكم هي خلاص ماترتجي شي بعد ..تعودت على هالصرف
ولانه ادري انها مامرتاحه وهو كذا مايكلمها لكن هي رفضت
وبنفس الوقت ماادري وش اسوي لاني بعد ابغى موضوع خطبتي يتم وهو موقفه ولاخبر ولاشي لاهو الي رد الناس وخلصني من التفكير ولا هو الي بين لي وش صاير وانا مامهمني هالموضوع الاانه الولد مناسبني ومواصفاته كنت من سنوات ارفض عشان احصل على من يمتلكها
ولأني تعبت من كوني مالي احد وامري لرجل اختي
الحين هي متضايقه منه وهو مافاد فيه وكأنك ياعبيد ماغزيت بالعكس معاند بكل شي تبيه وعصبت عشانه وانا صايره بينهم لامرتاحه لوضع اختي ولا موضوع خطوبتي مشى
ماادري وش ازين .. تعبت عشانها وعشاني
شوروا علي ..وش الحل مع هالإنسان ؟!!
مرت قرابة السنتين وانا اتابع المنتدى بدون التسجيل فيه وخصوصاً ذا القسم منه ورغم اني لسه بنت لكني كنت اتابع قصصكم واشارككم همومكم وادعي بالغيب
وماتوقعت انه يجي اليوم الي يضطرني اسجل عشان تشاركوني همي وتساعدوني بخبرتكم واقلها وفي الحقيقه اكبرها واكثرها طيب الدعوات منكم
حكايتي ..
إني قدر الله ان يتوفى والديني وانا صغيره فاخذتني اختي الكبيره وهي متزوجه وعيالها من عمري
اختي انسانه كريمه ومامقصره معي ورجلها كتعامل معي مابيننا غير السلام وعليكم السلام لكن الشهاده لله له مواقف طيبه معي وبحكم اني مالي احد فبعض الأمور الي تتعلق بي يقوم فيها صحيح اختي وراه وكل شوي يافلان سوي لها ...الخ لكن يبقى انه متفضل بهالشي علي
لكن يااخوات .. هالانسان ماادري وش اقول عنه بتعامله مع اختي
اختي موظفه وهو بدون شهاده وعندهم عيال وصار لهم متزوجين حوالي 25 سنه
25 سنه شافت الي ماتتخيلونه كان سيء التعامل معها سفر وخرابيط ويتركها وعيالها بالشهور ويرجع اذا افلس وشبع من خرابيطه
ومن كم سنه بفضل الله ثم دعواتها تغير وترك السفر وطلعوا من بيت اهله وسكنت بإيجار طبعاً إيجار من فلوسها
واول مادخلت أنا بيتهم اخذت له قرض وفتحت له مشروع بعده ولاكانها سوت شي لازالت هي الي شايله البيت وعيالها
يادوب الخضار يجيبه بين فتره وفتره
وخلصت من سالفة المشروع زعل وطنقر يبغى سياره وراحت واخذت قرض ثاني وشرت له السياره رغم ان المشروع خيييييير من الله لكن كله ينكر ويقول ماعندي ماعندي هذي اسطوانته
وانا اشوف واسكت واستغرب من اختي والله العظيم انا وانا مو الي دافعه انحرق بمكاني من استغلاله وهي مدري وش اوصفها يسحب بالهبل منها حتى السفر لو هو لمكه كل شي عليها وخليها تجرب تقوله يصرف شي من جيبه ..عليه اسلوب يرفع صوته ويبدا بجمله المعتاده انا مقصر معكم وانا مااعرف ايش وهي ماغير تسكت وتراضيه ،هذا الي قاهرني كل هالاستغفال والاستغلال وهي الي تراضي !!!
يصارخ لاتفه شي لو هو تاخرت عن صعدة السياره ..عصبي فضيع ماينطاق مايقدر احد يخمن متى يقلب عليه
يحب عياله جداً ويهتم لأمورهم لكن طبعاً كل شي واقول مره ثانيه كل شي من فلوس اختي يعني الأدوار منعكسه المفروض الام اهتمام وحنيه على عيالها والاب يكمل بمصرفهم والنفقه عليهم لكن معه لا
ماعنده حرص عليها ولا اهتمام فيها حتى لما يشوفها بالمول ومحمله اغراض البيت غير المفترض يقدر او بأقل الاحوال مسكر فمه لا تلقونه لو تاخرنا شوي عليه وهو بالسياره اعوذ بالله رعد تعرفون صوت الرعد اي هو !!
معقوله كذا مافي تقدير والله العظيم انقهر عليها حتى رد ماترد عليه جد جد احترق ومالي غير اسكت لاني اصلاً مااحتك فيه اطلاقاً مو عشان طبيعة علاقته بإختي وانما استحي ومامتعوده عليه
والمشكله الاكبر هي البيت
كبروا وهو عمره بالخمسين وللحين بالايجار حتى غرفه لاختي وله مافي البيت صغير وكلنا كبرنا انا وعيال اختي ومحشورين وهي عجز لسانها تقوله تبغى بيت كل الحلول الي تقدر عليها اقترحتها عليه لكن مافي
حتى قرض ممكن ياخذ كل راتبها ومايبقى لها شي بعد مافي امل اليوم بكره وهذا الحال
انا جيت صغيره عندها لكني الحين كبرت ووعيت نصحوها اخواني قبل تسنع وتقوي شخصيتها معه لكن يوم ويومين وترجع زي ماهي يحاسبها على الهلله لو اخذت منه ولو قالت له انها دفعت لبنتها كذا او للبيت كذا قالها وحنا لمين نبيه ونكد لمين ومدري وشو طبعاً مع ارتفاع نبرة صوته وماشافت من هالكد الا القليل القليل من نفقتهم الواجبه عليه فهي عن نفسها كل شي يتعلق فيها من راتبها
هه تصدقون قبل المشروع طبعاً بطاقة الصراف كانت معه اذا سافر ورجع جاب لها هديه على قولته تضحك اختي بألم تقول هديه من فلوسي !!
ارجع اكمل بعد ماكبرت ومليت من هالضعف والاستغلال الي يزيد من اختي وعلى اختي وزاد بهالسنه حتى الخضار الي قلت يجيبه قرينا عليه السلام
تكلمت معها نصحت ونصحت تقوي شخصيتها وتحمله المسؤوليه وتوقف هالانانيه الي فيه يفكر بنفسه وعياله وهي يشوفها شقيانه بدوامها وبالبيت ولاحياه لمن تنادي حتى الكاسه لو شرب فيها مايشيلها ولو هي بعز الشغل يهاوش لاتاخرت ماجابت له اكله !
لكن نصحي لها انها تعامله بنفس المكر الي يتعامل فيه سافرتوا قلت لها لاتاخذين بطاقتك معك قولي اوه يافلان نسيتها استعبطي زي مايستعبط ويسوي نفسه على البلاط جالس مامعه شي وخليه يتحمل فلوس السفر بدل ما تشيليه انتِ بالألأف
وزي ذا المثال الي قلته كنت ابيها تتصرف وتتسنع وتشوف نفسها وتشري راحتها وتوقف استغلاله لكنها فاجأتني وعفست الدنيا
بدل ماتكون ذكيه وتتصرف عدل راحت تتهاوش على اشياء تافهه وكل يوم تتهاوش على اشياء اتفه من بعض وولع البيت
يااخوات هالانسان عجيييييب فوق حقه دقه الحين صحيح هي عصبت ورمت عليه كلام وصح قلت انه الاشياء تافهه لكن هو بعد جد غلطان
الي جيت اشاركم فيه وابغى نصحكم ومشورتكم ان الباشا هذا زعل ومكتم ومايكلمها ولاياكل وحتى تلفظ باشياء شينه عليها
وانا متضايقه عشانها ادري انها كل هالسنوات صابره وتراضيه عشان تعيش لكن انا اخت وماقادره اتحمل اشوفها ضعيفة شخصيه ومستغله من احد حتى لو هو رجلها لذلك نصحتها وحاولت اقويها لكن ماكنت ابغاها تتصرف كذا كنت ابيها تصير ذكيه بتعاملها لكن الي محسسني بتأنيب ضمير الحين وماعارفه وش اسوي انه ادري انها بتتعذب ومتضايقه لانها مو عيشه الوحده رجلها مايكلمها وحاقرها وانا بعد مالي احد يعني لو تنيذل معها يشملني بالحسبه لدرجة انه قدر الله اني انخطب بنفس وقت هالمشاكل بينهم ولهاللحظه ورغم الناس زينين سحب على الموضوع وسكت
يمكن كلامي مو مترابط ويمكن حتى مشكلتي ماوضحت لكم فاعذروني جداً متضايقه حتى احس اني مهمومه اكثر من اختي
حاولت اخليها ترجع تراضيه عشانها مو عشانه يستاهل لاني زي ماقلت لكم هي خلاص ماترتجي شي بعد ..تعودت على هالصرف
ولانه ادري انها مامرتاحه وهو كذا مايكلمها لكن هي رفضت
وبنفس الوقت ماادري وش اسوي لاني بعد ابغى موضوع خطبتي يتم وهو موقفه ولاخبر ولاشي لاهو الي رد الناس وخلصني من التفكير ولا هو الي بين لي وش صاير وانا مامهمني هالموضوع الاانه الولد مناسبني ومواصفاته كنت من سنوات ارفض عشان احصل على من يمتلكها
ولأني تعبت من كوني مالي احد وامري لرجل اختي
الحين هي متضايقه منه وهو مافاد فيه وكأنك ياعبيد ماغزيت بالعكس معاند بكل شي تبيه وعصبت عشانه وانا صايره بينهم لامرتاحه لوضع اختي ولا موضوع خطوبتي مشى
ماادري وش ازين .. تعبت عشانها وعشاني
شوروا علي ..وش الحل مع هالإنسان ؟!!
