دوانيه شلة منتظرات نتيجه عملية اطفال الانابيب والحقن المجهري

[rachaaa]

ميلانو حبيبتي الله يارب يفرحنا بحملك ويلقون مليون واحد مو واحد ياارحم الراحمين

يارب يا شمخانية ياقلبي تحليلي بكرا وتكوني حامل بارب
بنات ادعولي اسمع النبض الاثنين

 

[شمخانيه]

رشا
انشاالله تسمعين نبضه
ﻻست
جزاك الله خير
ميﻻنو
ت
انشاالله ربي يرضيكم ويعطيكم
مهاويه
ربي كريم يفرحنا بنتيجة ايجاية
ونطلع حوامل
حبي راشد
وين اختفيتي

 

[شمخانيه]

قمر الكويت
يا قلبي مشكورة

فدوتك
الله يفرح قلوبنا بكره
توني ادري ان تحليلك بكره معايا

 

[rachaaa]

شمخانية حبيبتي ماسويتي ولا تحليل ولا حتي منزلي شصار معاج

 

[شمخانيه]

رشا
والله ما سويت وﻻ تحليل وتري شريت تحليلين بس ما جربتهم
اوﻻ ما ابي اياس من رحمة رب العالمين وبعدين هالايام هذي
ما تتعوض لجات فيهاا لرب العالمين
ثانيا ما مرني وﻻ احساس بالحمل يشجعني اجرب احلل

 

[مهاويه الحلوه]

الله يجزاااكم خير خير ي قلبي
وعساااا ي رب نفرح كلنا ونحمل
ونسمع النبض
وعسا ربي يعوض صبرنا خير اللهم امين

 

[rachaaa]

توكلي عالله يا شمخانيه الله لا يضيعلك تعب
فدويتك يااااارب يرزقج ذرية صالحه معفاة يارب

يامن امره بين الكاف والنون وادا ارد شي قال لها كون فيكون ياارب تطلعون حوامل بكرا

 

[gmar al-kuwait]

فدوتك عمري الفال لج يارب باجر تبشرينا

وان شاء الله مايضيع لج تعب ولاصبر ياقادر ياكريم

 

[ميلانوو]

رشا ولاست بيس فديتكم مشكورين عالدعوه الحلوه وكل اللي دعالي


لاست بيس
والله مايدخن وقطع الغازيات والكفين بس قبل اسبوعين تقريبا حلل وانصدمنا انهم بعد مالقو كان صف ولا في تقدم بالعلاج
الشهر الجاي عمليه التفتيش عنده وانا قلبي بيوقف من المحاتاه ياااارب يااارب


الله يرزقكم ويرزقني بالتوم اللي يعوض تعبنا

شمخانه وفدوتك توكلو على الله اللي عينه ماتنام

 

[سمو النفس]

ااااالف اااالف مبرروووووك حبي راشد ربي يتمم عليج وهالله هالله بالادويه بوقتها والحين اهم مرحله ريحي نفسج واقري قران يوميا



شمخانيه وفدوتك يارب تبشرونا بكره




ميلانوو ربي يرزقج بالذريه الصالحه يارب

 

[last piece]

ميلانو ربج القادر على كل شي

واحنا نتخذ بالاسباب ومتكلين عليه
شمخانيه ومهاويه شلون النفسيه ؟!

حب راشد ياقلبي ارجع اقول لج كثري بروتين بيض حليب كامل الدسم لحوم حمرا بس مطبوخه جيدا
لانها تساعد على ثبات الاجنه
وفاكهة السفرجل قابضه للدم وتمسك الاجنه كثروا منها تر مفيده حيل حيل

احبكم بالله واتمنالكم الخير

 

[شمخانيه]

مو قادره انام من التفككير

 

[شمخانيه]

مدري اشلون اسوق السيارة واروح احلل
ماابي اقول ﻻحد حتي زوجي ما ابيه
يدري ﻻني صرت استحي منه من كثر عملياتي وفشلهم
وهو بعد مل وصار ما يسالني عشان ما يضايقني
الله يعين

 

[gmar al-kuwait]

شمخانيه تعوذي من ابليس

والمكتوب بتشوفه عينج

بردي اعصابج وقلبج

وتوكلي على الله حق توكله

وانا متفائله هالسنه لج ولكل البنات

ويارب خير وتبشرينا باجر

 

[last piece]

مدري اشلون اسوق السيارة واروح احلل
ماابي اقول ﻻحد حتي زوجي ما ابيه
يدري ﻻني صرت استحي منه من كثر عملياتي وفشلهم
وهو بعد مل وصار ما يسالني عشان ما يضايقني
الله يعين

يارب تبشرينا وتصدقي وانتي رايحه
حتي لو على العمال اللي يشتغلون

ربي لايضيع لج تعب

 

[Dodo80]

ربي لاتذرهم فردا وانت خير الوارثين

 

[Dodo80]

لا تيأسوا من رحمة رب العالمين ​

 

[rachaaa]

يارب ياشخانيه قلبي بكرا يكون احلي يوم وتفرحي بخبر حملك

 

[rachaaa]

توكلي عالله شمخانية حبيبتي توكلي عالله
فدويتك يارب نفرح فيكي

ميلانو العسل وايد زين

 

[شمخانيه]

بنات والله جتني العبره
من كﻻمكم الحلو
انا كبيرة ا عمري46سنة
وانتو اكثركم صغار
وحسيت اني ياهل وارتحت من كﻻمكم