تجمع مسافرات امريكا (2013) بأذن الله

[JFK LAX]

بنات شلكم باجار السيارات وعوار راس مخالفات وحوادث لا سمح الله

قزروها تكاسي وتقزر ولو غاليه التكاسي = سعر الاجار والبانزين غالي

خاصة اللي اول مره يروحون ومايدلون ولا شرايكم؟

 

[JFK LAX]

دبل اتري باي هلتون 4نجوم
سويت صاله وغرفه والغرفه سريرين دبل كنق
والصاله فيها غنفه تصير سرير

والفندق الثاني ماريوت
وعلى فكره التايم سكوير مافيه ولا فندق خمس نجوم كلهم 4
والليله ب120 دينار الفندقين
بس بدون ريوق
واذا تبين ريوق زياده 30 دينار لليله
ينظفون الغرف بس لمن تطلعين غرفهم صغيره يذكروني بغرف مستشفى دارالشفى الجونيرز لوووول

عليج بالعافيه توحه بس ماقلتي شسم المطعم المشهور :eh_s(9):

السويت في دبل اتري راهي حق جم شخص؟

 

[JFK LAX]

شهد انصحج باليونايتد عججيب طيرانهم انا مجربته ، و 5000 شويه ما اعتقد تكفي حق تذاكر وسكن اذا 5000 بس مصرف اتوقع تكفي :eh_s(7):

دي حبيبتي انتي مجربه اليونايتد؟ اهو يوصل واشنطن دي سي بعدين لازم داخلي حق نيويورك؟

شنو كان خط رحلتج وشكثر تطول الرحله من واشنطن الى نيويورك؟

خايفه الاجراءات في مطار واشنطن يأخرونا وتطير عنا الطياره.. :eh_s(10):

 

[Pink_Roses]

توحة مشكورة حبيبيتي وناطرين تقاريرج والله يونسج بالعافية

 

[سيكولوجية]

توحه
إذا بس المصرف 6000 حق شخصين اكل وتسوق
كافيه ؟ لمدة شهر

جي اف
بالعكس امريكا إذا بتطبينها كل من ينصح بالسياره
ترى المشاوير بعيده حيل وكل تكسي تركبينه بياخذ منج همجه
عادي يطلع 30 دينار وله 40 بكل رحله !
تأجرين سياره وبانزين
يطلع عليج اقل من التكسي

 

[مشتطـه]

لالالالا التكاااسي نار وشرار

تخرع اسعارهم



حيل اوفر الاجار

احنا بنأجر لقينا سيارة عنونه صغيره ب 200 دينار

8 ايام


التاكسي يقولج الروحة بس ب 100 دولار
شدعوة قالو غالي

 

[مشتطـه]

دي حبيبتي انتي مجربه اليونايتد؟ اهو يوصل واشنطن دي سي بعدين لازم داخلي حق نيويورك؟

شنو كان خط رحلتج وشكثر تطول الرحله من واشنطن الى نيويورك؟


خايفه الاجراءات في مطار واشنطن يأخرونا وتطير عنا الطياره.. :eh_s(10):

انا مجربه اليونايتد

13 ونص ساعه

مطار واشنطن انتي وحظج مرة فاضي وبسرعه تخلصين ومرة زحمة وتطير عنج الطيارة الثانية


واتوقع ليما نيويورك 45 دقيقة بالطيارة


والطيران الداخلي خلي الترانزيت 4 ساعات

لان انا طافتني الطياره واضطريت انام يوم بواشنطن

واليونايتد روعه



بس وانتي تحجزين جيكي عالطيارة بعضهم بوطقة وقدم مثل الكويتيه

ف جيكي على نوع الطيارة قبل لا تحجزينها :eh_s(17):

 

[توحه1]

رد لوبستر اسم المطعم المشهور
اما السويت بوغرفتين لي ولعيالي 4
احنا 6 اشخاص
جو اورلاندوا الحين انا فيها خيسه حر
وانا كل لبسي ترينقات وبوتات ناطره بعد كم ساعه تطلع الشمس وروح اشريلي كم بلوزه وقميص وزوجي بروح يشري نص كم
درجه الحرار26
بنات الجت بلو حلوه كانى بطيران الجزيره ويعطونج عصير او ماي او بيبسي
ومعاهم بطاط شبس او كوكيز او نفيش
السماعات بفلوس الغطاء بفلوس والمخده بفلوس

 

[دي حسن]

دي حبيبتي انتي مجربه اليونايتد؟ اهو يوصل واشنطن دي سي بعدين لازم داخلي حق نيويورك؟

شنو كان خط رحلتج وشكثر تطول الرحله من واشنطن الى نيويورك؟

خايفه الاجراءات في مطار واشنطن يأخرونا وتطير عنا الطياره.. :eh_s(10):

هلا حبيبتي اي مجربته ولا افكر اجرب غيره:rerrerek: الحمدالله ارتحت من طيرانهم ومعاملتهم انا طرت من الكويت دايركت لي واشنطن دي سي تقريبا 14 ساعه وعقب طيران داخلي لي فلوريدا ساعتين وصج وايد كنا نحاتي سالفه التأخير خفنا تطير الطيارة عنا بس الحمدالله وقت اللي وصلنا ماكان وايد زحمه وخلصنا الاجراءات بسرعه:eh_s(9):

 

[توحه1]

مايد الي بتودي عيالها معاها اقل من سنتين بيزهق ويتملل وحنه
وانا ولدي الصغير عمره سنه وشهرين الله يحفظه مطلعلي قرون مع انه اخوانه معاه
١٠
٨
٦
١وشهرين
هذول عيالي الله يخليهم لي

 

[شهد الحلوة]

مايد الي بتودي عيالها معاها اقل من سنتين بيزهق ويتملل وحنه
وانا ولدي الصغير عمره سنه وشهرين الله يحفظه مطلعلي قرون مع انه اخوانه معاه
١٠
٨
٦
١وشهرين
هذول عيالي الله يخليهم لي

الله يخليهم ويحفظهم حقج انا اعيالي 10 و 3 ونص وسنتين بس على حسب الياهل انا بنتي ام سنتين اهدا واريح الف مره من ام 3 سنوات راح اخليها على ابوها وانا علي ام سنتين احنه متفقين جذي كل واحد يمسكله ياهل هههههههههههه​

بسالج حبيبتي رفيج ريلي قايله لا اتروح نيويورك اذا معاك يهال ما تسوه ويتعبون روح اورلاندو دايركت صج ولا لأ معنه اختي اتقول حرام انتو واصلين روحولها 4 ايام عالأقل فيها تمشي وونيسه الحين اروح ولا ماروح ؟؟​

 

[Pink_Roses]

لالالالا التكاااسي نار وشرار

تخرع اسعارهم



حيل اوفر الاجار

احنا بنأجر لقينا سيارة عنونه صغيره ب 200 دينار

8 ايام

مشتطة شنو نوع السيارة بسفرتتنا اللي فاتت اجرنا التيما لمدة 17 يوم طلع خمسمية دينار بس احنا اخترانا تامين شامل ما نتحمل ولا شي من شركة دولار

شنو نوع السيارة االلي اخترتوها وشنو نوع التامين اللي خذيتوه؟ وومن اي شركة

 

[Pink_Roses]

رد لوبستر اسم المطعم المشهور
اما السويت بوغرفتين لي ولعيالي 4
احنا 6 اشخاص
جو اورلاندوا الحين انا فيها خيسه حر
وانا كل لبسي ترينقات وبوتات ناطره بعد كم ساعه تطلع الشمس وروح اشريلي كم بلوزه وقميص وزوجي بروح يشري نص كم
درجه الحرار26
بنات الجت بلو حلوه كانى بطيران الجزيره ويعطونج عصير او ماي او بيبسي
ومعاهم بطاط شبس او كوكيز او نفيش
السماعات بفلوس الغطاء بفلوس والمخده بفلوس

الحر هذا اللي مخليني اتردد و ما اروح اورلاندوا لان صج ما استحمل الرطوبة والشمس

عيل شهر خمسة شراح يصير وقت سفرتنا شكلي صج بغير الخطة

 

[توحه1]

روحي انيويورك بس تمشي ومتاحف وتمثال الحريه فيها ١٧ مكان سيايحي
ترى نيويورك حدها 4ايام ماتسوى اكثر غاليه
اما اورلاندوا فحدها 17 يوم لاتزيدون
تفطسون من الحر بشهر خمسه والشمس حنانه ورطوبه
بس اهي ارخص دوله وافضل دوله لليهال والتسوق فيها اوت لتين. وفيها مجمعين

 

[توحه1]

احنا ماجرين سياره 7راكب من ناشونالتي اسم المكان الي استلمنا منه السياره
على فكره انا موديه معاي بطاط وبسكوت وحليب بودر لولدي الصغير
ولبنه صغيره وبقرشه صغيره حطيت زعتر قلت حق اول يوم ريوق وعليه صغيره شاي لان باورلاندوا انا ساكنه بفلا بعدين بفندق
ولمن وصلنا شرينا توست وبيض وماءوصج فادني الي يبته معاي بالكويت

 

[توحه1]

اقل شي بجمعياتهم وبقالاتهم 2 دولار
يعني ٦٠٠ فلس ماكو شي اقل

 

[مشتطـه]

تووحه اي صاجه غاليه حيل جمعياتهم عبالهم الدولار 100 فلس


احنا عايشين هني بأمريكا ونعاني

ندفع اجار وانترنت وتلفونات وتأمينات وعباله


بنك

كل شي على ريلي ما اتدخل بهالامور
بس احنا شخصين اخذنا اصغر سيارة وارخص وحده
ومادري عن التأمين اتوقع بدونه ؟

 

[ودي***أفرح]

الحمدلله على السلامه توحه ويارب يحفظكم ويسر اموركم

حبيبتي انا عندي كم سؤال وياليت تفيديني باللي تعرفينه

ان شاءالله بنسافر امريكا ع شهر 8 وراح يكون معاي زوجي وعيالي 2 شباب وبنتي وزوجها وولدها على يوم السفر بيصير 10 شهور ودي اعرف عن اجراءات فيزا الطفل شلون سويتوها بالضبط ( انا وزوجي وعيالي وبنتي مسوين الفيزا من سنتين )
والسؤال الثاني عن الحليب كم العدد المسموح فيه ؟؟؟
السؤال الثالث انتي قلتي ماخذه لبنه وزعتر عادي يدخلونهم ؟؟؟؟

دوختج باسئلتي اعذريني حبيبتي

 

[توحه1]

طلبات الفيزا للصغير والكبير نفس الشي
والحليب مسموح اي عدد عادي ماقالوا شي انا ماخذه معاي ٤ علب حليب غير حليب سوفتي مال التموين ههههعه علبه
وماخذه شوربات السريعه(( كنور))
واخذت جبن قلاص واحد
ولبنه صغيره
وبفك كيس بو٢٠ حبه
واخذت بسكوت واووريوا ودايجستف وكوكيزمن كل نوع ٦ حبات
وعلوووك
اول ماوصلنا المطار بامريكا سالونا قبل لانستلم الجنط قالو شنو الاكل الي يبتوه قلنالهم اكل للاطفال

 

[توحه1]

اجراءات الفيزا سهله
صوري الطفل وروحي المقابله مايحتاجون شي نفس لمن سويتي اجراءات فيزتج

واي سوال انا حاضره

وحبيت اقولكم الاوت لتااات روعه ويسون لكم غير خصوماتهم خصم اذا شريتي فوق ١٠٠ دولار
ولاتنسون تاخذون كبونات الخصم اول مادخلون الاوت لت من الاستعلامات تدفعون خمسه دولار والخصم 20%للسلع الجديده الي ماعليها خصم