مسويه عملية تجميل ، اقول لاهل خطيبي ولا ما اقول؟

[lemonda]

قولي لحميه صغيييييييييييييره وسويت لها ازاله

 

[مناير ...!]

اهم شي اهو يدري

 

[مييريآ]

انا ما خبيت عليه شي

وما يهمني اهله ، بس قاعده اهتم عشانه لانهم يدورون اي عيب فيني

يوم يقولون هي السبب وهي تكرهك فينا مع اني كله اقول له كلمهم عدل ولا تزعل منهم وهم اهلك بالاول والاخير

بس محترين انه شلون نحب بعض قبل الزواج ، ويبونه يكرهني مممممم

والله تعبانه

 

[زوجة عزيز]

ريلج اقل شي يصبه باذن اهله جذي ماتأمنينه على سر اذا سألوج قولي مسويه عمليه مافيها شي دام اهو قالهم

 

[امـ خــزامـى]

ماقصروووا البناااااااااات
الله يوفقك

 

[عزيز قلبي]

عادي عادي بس ما حب الخبث يعني اخوها قايل لها ليش تقط نغزات
لو منج ويت اسالت اقولها اخوج قايلج وانتي تدرين ليش مسويه
نفسج ما تدرين وخليها تنحرج ما يخلون احد بحاله

 

[في قلب البحرين]

من وجهه نظري اهم شي زوجج يعرف بالموضوع وشافج قبل العمليه

ولو عرفوا او ماعرفوا مايهم اهم شي اللي بيشاركج حياتج ودام اخته من هل نوع افضل لاتعرف

وكان ممكن يسكت ولو عرفوا وقالوا له مخبيه عليك
يرد بكللل برود لا ادري .... احتمال ينقص ويهها هني


بعدين غيري صوتج مادري نبرتج خيررر شصاير
شفيها الاخت

معليج وتكلمي مثل ما انتي
والله مشكله هل ناس
​

 

[مييريآ]

مشكورين على الردود والنصايح حبايبي

ادعولي الله يتمم لي على خير

ويحسن علاقتي مع خواته وامه

 

[خوخة سمسم]

اولا الله يوفقكم يارب

وثانيا شكو تغيرين صوتج عشانها..اذا غيرتي صوتج بيكون هو هذا التصنع بعينه..

خلج واثقة من نفسج اختي..
واذا سألتج عن العمليه قولي ايه سويت ..وهم اذا قالت ليش ماعلمتينا قولي اخوج يعرف وهو الاهم ..

بس ديري بالج تعلمينها انه تجميل ..شكلها دقة قديمة وبتسويلج سالفه ..

 

[al-musk]

طنشي

 

[هاجر محمد]

استغفرالله العظيم واتوب اليه

"اللهم صل على محمد وعلى آل محمد كما صليت على إبراهيم وعلى آل إبراهيم إنك حميد مجيد . اللهم بارك على محمد وعلى آل محمد كما باركت على إبراهيم وعلى آل إبراهيم إنك حميد مجيد "

 

[معصبه وايد]

واهيا شكو رازه ويهها فيج شتبي ؟؟صج حقيره والله غثتني
حبيبتي لاتسكتين عن حقج سويتي شفط سويتي سيليكون سويتي تجميل تفخ نفخ خير اهما شكو بكيفي موشغلج !!اشكره مقهوره منج وتغار ومحتره
سطحي علاقتج معاها وحقريها بس لاتقولين جدام ريلج عيشي حياتج بالطاف طاف طاف وريحي بالج وطقاق الي يطقها
سوري بس حدي مشتطه انغثيت منها

 

[مييريآ]

^^

وانا انغثيت منها من قلب

قاعدة وتقط نغزات ، وللحين كله تكلم اخوها ، وتدور مليون عله وكلهم اسباب تافهة

بس اللي يحرني ان الريال حتى لو كان مقتع فيج مع الزن راح تتفتح عينه على العيوب

يعني في اشياء هو مش ملاحظها تبيه بالغصب يلاحظ ، تخيلي انها داشه على حسابي بالفيس بوك وجايبه صورة ولد عمي

وهو الوحيد الي شكله مو حلو ، ومطرشته برودكاست لخواته وتقول لهم شوفو عيال اخونا بيطلعون نفس هذا

يعني ما ادري هي شكو ، والله تعبت منها

 

[معصبه وايد]

^^

وانا انغثيت منها من قلب

قاعدة وتقط نغزات ، وللحين كله تكلم اخوها ، وتدور مليون عله وكلهم اسباب تافهة

بس اللي يحرني ان الريال حتى لو كان مقتع فيج مع الزن راح تتفتح عينه على العيوب

يعني في اشياء هو مش ملاحظها تبيه بالغصب يلاحظ ، تخيلي انها داشه على حسابي بالفيس بوك وجايبه صورة ولد عمي

وهو الوحيد الي شكله مو حلو ، ومطرشته برودكاست لخواته وتقول لهم شوفو عيال اخونا بيطلعون نفس هذا

يعني ما ادري هي شكو ، والله تعبت منها

حلوه هذي بعد ادور سوالفج واهيا شكو داشه على بروفايلج ادور اخبارج صج جليلة حيا وقليلة الادب مسحي حسابج وسويلج اكاونت يديد ولاتعطينها ويه انا جذي سويت مع اخت ريلي كانت نفس حماتج بس انا ماسكت مسحت واتسابي وحطيته على رقم امي بس عشان اكلم ريلي ومسحت حسابي بالانستغرام وسويت اكاونت يديد وعطيتها طاف وكله حاقرتها والحين ميته حره مني تستاهل اهيا الي بدت محد قالها اتجسس على الناس :eh_s(4):

 

[فريـــــده]

اول شي موفقه .. وبالنسبه لخشمك ماشوفها مشكله واصلاً ماكان له داعي يدري دامه ماغير من شكلك ولا هو باين انتي مبين عليك مره طيبه حاولي تثقلين شوي وتتكتمين مو كل شي ينقال لا للرجال ولا لاهله .. وسالفة الصوت اسمحيلي اقول انه البنت ماقالت شي لاخوها وانما هي نغزه منه علشان ماتزعلين منه ويبيك تغيرينه بس مالقى الا اخته العوبا يحطها فوق راسها < شيشتك عليه وشكراً

 

[ليدي بجد]

قصتك بالضبط نفس وحده هنا حاطه مشكلتها قبل كم يوم ان خطواتها يرسلون له بالواتس اب انها متينه وقصيرة. وخليفه يكرهون خطيبها فيها..وبعد يقولون له كبيره بالعمر لان عمرها ٢٥ وأمها على كلامها سوريه. وبقطر أظن بعد. مدري هو انت نفسها والا لا. !!!؟على العموم. لو قريتي مشكلتها بتحسين بالراحة شوي وان احد عايش نفس معاناتك بالضبط وأنصحك تعرفي عليها هههههه


نصيحتي. لا تدورين رضاهم او تقلبهم بتتعبين. وبعد الزواج بيشتطون شوي وبعدين ينسونك لأنهم فقدو الأمل بفراقك. بعدين منهي الي خوات زوجها ما يحاول ونفسهم يكرهون زوجها فيها بس كلا له أسلوبه في ناس على خفيف ومن تحت لتحت. وحكايه النغزات عن العمر والعمليه طبيعي لا تتوقعين لو مين تزوجتي بيجيك أخوات زوج يقولون ياااي يا خوي خطيبتك قمر. يدرون ان مغرم ودايب يبيون يخففون شوي هالحب لا يصير لعبه بايدك وبنفس الوقت يتبرى من امه وأبوه وخواته(هذا تفكير الي بوضعهم)خصوصا اذا جاي أخوهم وخاطب عن حب
فايش تسوين خذيهم على قد عقلهم وجهزي نفس لاسوء الكلام منهم ولا تهتمين وجهزي ردود واثقه ما فيها نرفزه او غلط خصوصا قدام خطيبك عشان تكبرين بعينه. وأولا واخيرا احمدي ربك مليون مره كلهم مطرطشين بامريكا والسعوديه بخيرهم وشرهم.
وعليك بوالديه وخصوصا والده لا تزعل منك عشان ما تصف معاهم ولا تجيبين سيرتهم بالشينه قدام زوجك او امه. ترى. محد يطاوعه قلبه يسمع في لحمه
وبالنسبة للصوت أتوقع تدري ان هذا صوتك ولا حظت انه مغري وكله دلع فبتثير غيره زوجك عليك خصوصا أنكم بدوام واحد فيبدى يفكر يطلب تقدين بالبيت او حتى تختلفون. وهذا الي لا حظته لما قالت كيف أكلمك الحين بهالطريقه المفروض بعد الزواج. والله اعلم. هذا الي جا ببالي اول ما قريت وبصراحه هي قاعده تستخدم كل الوسائل لزرع الفتن
انبسطي مع خطيبك هذي أحلى ايامكم لا تسمحين لحد يسرق تفكيرك ويشوه جمال الحلم الي أنتو فيه
سوري على الاطاله وعلى البدليات اكتب من ايباد وجنني المصحح اللغوي وما عرف أسكر ه او مالي نفس
موقفه أختي

 

[mrs.abk]

أختي دام الريال شافج قبل وبعد طنشي الباجين ولا يهمونج

لا تخبرين وانتهت السالفة

وسوي نفسج ما تدرين كيف هالعمليات ..

 

[مييريآ]

حلوه هذي بعد ادور سوالفج واهيا شكو داشه على بروفايلج ادور اخبارج صج جليلة حيا وقليلة الادب مسحي حسابج وسويلج اكاونت يديد ولاتعطينها ويه انا جذي سويت مع اخت ريلي كانت نفس حماتج بس انا ماسكت مسحت واتسابي وحطيته على رقم امي بس عشان اكلم ريلي ومسحت حسابي بالانستغرام وسويت اكاونت يديد وعطيتها طاف وكله حاقرتها والحين ميته حره مني تستاهل اهيا الي بدت محد قالها اتجسس على الناس :eh_s(4):

بس انا توني مخطوبة يعني ما كنت اعرف بكل هالمواضيع

وقعدت تكلمني عادي وتقول خلينا نتعرف اكثر وبضيفج عالفيس

وانا قلت عادي ما عندي شي اخشه ، ضفتها

وتخيلي ولد عمي هذا انا مو ضايفته بنت عمتي هي ضايفته

يعني داشه على بروفايلات العائلة كلها

هو يقول لي بس بالبدايه معصبين لانهم كانو مجهزين نفسهم يخطبون له

وحاطين ببالهم بنات وايد وهو كان رافض وفجأة صدمهم انه يبي يتزوج على كيفه


انا ماراح اغير شي الحين لاني ما ابي اكبر المشاكل ، لانه بروحه مهموم وتضايق من اللي قاعد يصير

خواته صارو يقولون له تكلمها واتس اب واحنا ندري ويقولون له نشوفك اون لاين 24 ساعه

فسوالهم بلوك كلهم ، بس هالفترة نبي نحس بشويه هدوء ،

انا خواتي وامي من صوب وخواته من صوب ، اهلي حاسين انه خواته رافضين ويبون يسوون مشاكل

وانا قاعدة اهدي الوضع عندي واقول لا ، احس الكل ضدي ، محد معاي الا خطيبي

تعبت من قلب

 

[مييريآ]

اول شي موفقه .. وبالنسبه لخشمك ماشوفها مشكله واصلاً ماكان له داعي يدري دامه ماغير من شكلك ولا هو باين انتي مبين عليك مره طيبه حاولي تثقلين شوي وتتكتمين مو كل شي ينقال لا للرجال ولا لاهله .. وسالفة الصوت اسمحيلي اقول انه البنت ماقالت شي لاخوها وانما هي نغزه منه علشان ماتزعلين منه ويبيك تغيرينه بس مالقى الا اخته العوبا يحطها فوق راسها < شيشتك عليه وشكراً

التغيير مبين شوي ، خصوصا هو يعرفني من قبل وحافظني

ما احب اكذب ، الرياييل يدققون بالتفاصيل

انا قلت له وما عندي مشكله ، بس مو حابه اهله يدرون

وسالفة الصوت لا حرام ما اعتقد هو له خص ههههههه < ما اقدر اشك فيه :eh_s(22):

كنا نشتغل ف نفس المكان وما كلمني عن صوتي ولا مرة ، وانا الحين ما اشتغل عشان يغار ويتكلم

وهو لما ما يعجبه شي يقول لي ما يستحي ، يعني كنت اقول له ابي اشتغل مذيعه وما رضى

حتى ما يبيني اشتغل كلش ، قال لو تبين وشغل دوامه قصير وما يتعبج موافق ، وما يكون احتكاك وايد

بالرجال لانه يغار ، بس ما تكلم عن صوتي


يمكن مشكلتي فعلا وايد طيبه ، لان خواته الثنتين اللي ماشفتهم بس كلموني بالتليفون

وقلت له شكلهم طيبين وحبيتهم ، والحين هم اللي قاعدين يشيشون امهم


واللي شافتني وقعدت تقط نغزات مو مثلهم ،،

 

[أميرة-]

ويييه بس عملية خشم

أعرف وحده مغيره خلقة ربها وجهها كله مغيرته وعقب جم سنة انخطبت والحين جايبه 2 زوجها مايدري أنها مسويه عمليات بوجهها