ههههههههههه اي انا نفسها
حبيت تفكيرج لانه نفس تفكيري بالضبط ، واللي مريحني شوي انهم بغير بلد
حتى اني ما قلت ولا كلمة مو زينة بحق خواته او امه ، وكله قاعدة اصبره
صح اولها كنت اعصب عليه ، اقول له وانت ليش ما دافعت عني ، او اقول له خلاص روح اسمع كلامهم
بس اخر مرة شفته كان مبين عليه مهموم فديته ، وضعف وايد مع انه اصلا ضعيف ، احس قلبي عورني
من يومها وانا بس اصبره واهديه وانصحه ، واقول له عادي لانك اصغرهم واقرب من اخوانك الشباب
لخواتك ، وعادي البنات يغارون وانهم ما جربو شعورنا عشان جي ما يعرفون احساسنا وعلى بالهم
قاعدين نلعب ، وهو يدري فيني ازعل و هو يواسيني ويقول بس هالفترة وهم بس ببدايتها وبعدين
بيسكتون ومن هالحجي ، حتى انه اخر مرة امه قالت له اختار بين خواتك وبين خطيبتك وقال خطيبتي
وزعل امه ، وانا ما رضيت وخليته يعتذر ويقول انه ما في مقارنه بين الخوات والزوجه ، كل حد له مكانه
مختلفه وانه كان معصب وغلط بالكلام وما كان يقصد ، وسبحان الله ، كنت اكتب له وانا بقلبي نار ومع
هذا قعدت اهدي قلبه ، راح ما صدق طرش ايميل لامه شطوله وما رضى يراويني هههههههههه يقول
بالكتابه بيشرح احسن وما بيعصب ولا بيزعل امه زيادة لانه ما يرضى عليها ، واليوم الصبح كنت معاه
ورواني الرد من امه ، شكله خلاص هي بتسكت البنات ، وانه بس كم يوم وبيجي عشان نلبس الخواتم
وتصير خطبة رياييل ، انا متفائلة من اللي صار اليوم ، واحس ان الردود هنا فادتني وايد واحس اني
هديت وايد ، لاني قاعده اصبره وبنفس الوقت اهدي اهلي ، وانا الوحيدة اللي اسمع الكلام من الصوبين
وساكته وما اقدر افضفض لحد واتكلم ، وما اقدر اقول لصديقاتي لانه هذا راح يكون زوجي وما ارضى
اتكلم عنه او عن اهله لانهم راح يصيرون اهلي ،، والله ردودكم هي اللي تقويني وتصبرني ،
وبالنسبة للشغل والصوت خطيبي ما يبيني اشتغل عموما وتركت الشغل من 4 شهور ، بس اتفقت معاه
لو لقيت شغل مافي احتكاك مع الرجال وايد ودوامه قصير راح يوافق اشتغل ، وانا مش زعلانه من
هالشي وهذا حقه ، فما راح يكون في اختلاف بهالشي ، وبالنسبه لصوتي وطريقة كلامي كل اللي
يكلمني اول مرة يعتقدون انه دلع ، بس بعدين مع الوقت يبين انه صوتي ، وايد يشبهوني بحليمة بولند ،
بس هي متصنعه وصوتها حاد شوي ، انا صوتي اهدى ، عشان جي ما عجب اخته ، او يمكن خافت على
ريلها هههههههه مدري عنها ، مشكورة حبيبتي عالنصايح الحلوة وربي يوفقج ويرزقج باللي تبينه .:eh_s(17):
التعديل الأخير:
