رابطة ما بعد التكميم ونزول الوزن

[ميمي الرشيقه]

السلام عليكم ورحمة الله وبركاته

شلونكم بنات شخباركم

انا كملت الشهر من سويت العمليه الحمدالله ونزلت 10 كيلو بس وعندي احساس اني عادي جني مو سويتها عرفتوا احساسي

المهم بس عن شي بنات اللي تعرف ترد علي اللي ما تعرف لا تجرح بالكلام وتفتي فوق راسي

انا كنت اشيش قبل العمليه ومن شهر ما شيشت ماسكه نفسي بس بسال عادي ارد اشيش ولا اخرب عمليتي بهالتصرف واوسع معدتي

وشكرا ​

 

[&فوزه&]

ميمي حمدلله علي سلامتج ومبروك النزول انا سألت الدكتور عن التدخين لان خواني يدخنون وتأثر لصرت قاعده عندهم
قالي التدخين قبل العمليه بشهر وبعدها بشهر عشان يلتأم الجرح وأحسن لج اسألي دكتورج

ميمي شنو فايتميناتج اللي تستخدمينها اللي عطاج الدكتور

وشكراً

 

[ميمي الرشيقه]

الله يسلمج فوزيه حببيبتي
انا اخذ السنترم اطحن الحبه واشربها مع ماي
استحي اسال دكتوري
صج بعد شهر انا مسوين علي حصار رفيجاتي يقولون لي بعد 6 شهور يخلوني ارد اشيش
فوز حبي تاكدي لي من خواتج ما يوسع المعده مايخرب عمليتي :eh_s(16):

 

[&فوزه&]

ميمي حبيبتي خواني اللي يدخنون مو خواتي ههههههه


اما عن سالفة ان الشيشه توسع المعده او لا ماعندي فكره بس الدكتور قالي عن الدخان عموما حاولي ماتستنشقينه سواء انتي او غيرج يدخن جنبج قبل العمليه بشهر وبعدها بشهر حاولي تبتعدين عنه وبس وسلامتج

 

[سـما]

حبيبتي ميمي الرشيقة
التدخين مضر بالصحة بشكل عام
لانه سموم وتدخل بالدم

وفي حالة العمليات الدم هو اساس التئام الجروح
وانتي جرحج بمعدتج
وداخلي يعني خطر لو مايلتئم الجرح بشكل كامل
وخطورته تؤدي الى مضاعفات كبيرة وتؤدي للوفاة لا سمح الله

اتمنى تكونين فهمتي السبب بالمنع
عشان تقتنعين
بشكل عام ومن خلال معرفتي واطلاعي البسيط
بهذا الموضوع اعتقد انه لا يقل عن ثلاث شهور بعد العملية
عشان تضمنين التئام تام الجروح الداخلية للمعدة

وتكونين اجتزتي مرحلة الخطر
ووقتها يعني بعد ثلاث شهور
راح تكونين نزلتي ثلث وزنج ومستانسة ومتفائلة
وسعيدة بالانجاز وراح تفكرين الف مره قبل لا ترجعين للشيشة
وضررها على جمالج وصحتج بالمقام الاول

 

[فنجان من الحب]

انا بعد مع كلام الاخت سما وموفقه ميمي وتصيرين رشيقه
مرحباااا يا حلوين
انا للحين معدتي مو متقبله الفيتامين ��شنو اسوي واذا عندكم بديل لسنتروم ويكون
شراب ما تتحمل معدتي الحبوب شكلها تفرض شخصيتها بزياده هالمعده مو مؤدبه معاي ��
وانا بديت اكل مهروس والحس لبنه او جبنه شويه
وبتعصبون علي ادري بس انا سحبت علي مواعيد الدكتور بعد
دكتور دعله احبه وخوش دكتور بس دعله ياربي اخر مره رحت له خلاني ابجي
وقعدني شهر سوائل هو وراسه مو اسبوعين
شرير مو
المهم انا معتمده عليكم من بعد اعتمادي علي الله
شرايكم بالتخبيص اللي انا مخبصته
وبنات انا لازم اكل كل دقيقه بس انا ما اكل كل دقيقه
توني ادري اذا ابي انزل لازم كل ساعتين او اقل اكل
لو كميات صغيره
وبسالكم ادري قرقه انا بس شسوي
المهم بعد فترة الشهر شنو ناكل او المهروس يعني بنات اللي لها شهرين
خل تفيدني شنو تتريق شنو تتغدي
مشكله انا ملولع ماحب دايم اكل مره وحده وبس وهذا سبب سمنتي من الاول
للحين في قرقر واجد في راس مال انا بس بسكت اللحين
اتمني تفيدوني بكل اللي تكلمت عنه
تيكه ياباشا
سلام ياحلوات

 

[لؤلؤه المحيط]

السلام


بنات انا عمليتي 3 _ 2 شجعوني تكفون


خايفه من العوار والترجيع والله حاطه ايدي على قلبي

 

[ســكــر]

حبيبتي فنجان من الحب الفتره الاولى فتره ذهبيه لنزول الوزن استغليها وشهر مو كتير بالعكس انا قعدت شهرين على السوائل الخفيفه والثقيله واليوم بلشت الأكل وحقولك نظامي
الفطور : نص كوب حليب خالي الدسم + 2 بسكوت أو شابوره أو كورن فليكس
سناك : حبة فاكهه بس نوع يكون طري شوي مثل الخوخ الكمثرى أو ممكن عصير
الغداء : عدس - شوفان - خضار مبشور - سمك مشوي + تونا بالماء + شيش طاووق او قطعة همبرجر مشوي - هريس - جريش والسلطات خيار مع روب أو سلطه خيار + طماطم بس لازم الخيار والطماطم بدون قشر ويتقطع قطع صغيرة جدا
سناك : حبة فاكهه بس نوع يكون طري شوي مثل الخوخ الكمثرى أو ممكن عصير
العشاء : فول او حمص مقشر ومهروس + قطعة جبنه او معلقتين لبنه
انا اليوم كملت شهرين الحمد لله

لؤلؤة المحيط حبيبتي انا اول وحده بشجعك لا تخافي ولا تحاتي العملية سهالة ان شاء الله الالم والترجيع هاد شي طبيعي لا تخافي منه بس مع الوقت بيخف وعشان تتجنبيه ركزي اول فتره على المشي ثم المشي ثم المشي عشان تطرد الغازات من الجسم ولا تشربي بسرعه ومجرد الاحساس بالشبع وقفي الاكل على طول ولازم تتحملي اول فتره ولا تملي او تستعجلي النزول في اجسام بتوقف بالاشهر من دون ما تنزل ولا كيلو وهاد شي طبيعي لاي جسم سواء رجيم عادي او عملية وبتختلف من جسم للتاني والعملية مو حل سحري بدها صبر واراده وعزيمه والتزام بنظام الدكتور والمراجعات + ممارسة رياضه وان شاء الله بنباركلك بالعملية وتقومي بالسلامه يا رب وبنشجعك وبتشجعينا لحد ما نوصل للي نبيه ان شاء الله

 

[نـــواره]

السلام عليكم بنات شلونكم ؟

عفيه تكفون

انا تعبانه من المتن وقلبي يعورني وركبي وريولي وظهري وكل ما اروح الطبيب يقولون لي من المتن
وسويت وايد رجيم اضعف بس ارد امتن ومليت من الرجيم
امي تحن علي عشان اسوي العمليه بس اخاف
ورحت عند دكتور ححسني ان العمليه سهالات
بس وايد يقولون لي لا تسوينها بعدين شكلج يصير كل تعبانه وجنج مريضه
تشجعوني اسوي العمليه ؟ في وحده تالمت وايد لدرجة انها تحسفت تسوي العمليه ؟
تكفون طالبتكم فيدوني ولي يسلمكم

 

[فنجان من الحب]

حبي سكر انا اللحين منزله 13 كيلو
وهذا شي حلوو صح
بس نظام دكتور احبطج عشان تشدين حيلج انا لا
ان حبطني ممكن ادخل حالة اكتئاب عشان جذي تركته
يا يشجعني يا مابي هو انا اول واخر راح اضعف
بس حلو التشجيع
اممم انا ما اكل شي علي الشوربات الحس لبنه او جبن قليل
الدسم
وذره مسلوقه

 

[&فوزه&]

بنات انا لي 23 يوم من سويت العمليه ونزلت بس خمسه كيلو مو كأنه بطئ النزول عندي وانا للحين ع المهروس بس مومتقبله الا الهريس والشوربات فقط امس حاولت اكل تبوله معدتي عورتني يمكن انه تبوله خل وملح بنات قولولي بعد الشهر اقدر اكل من اكل البيت العادي

انطر الاجابه من الخوات اللي عندهم خبره،،،وشكراً

 

[&فوزه&]

لؤلؤة المحيط

ونواره


ترا العمليه سهله بس التعب اول اسبوع والترجيع اول ثلاث ايام فقط وبعدها سهالات انا وزني مو واجد٧٥بس سويتها لاني تعبت من شي اسمه رجيم وصج انه للحين نزولي بطئ بس علي الاقل ينزل الوزن غير قبل كان يصعد وينزل لعب بعصابي بس الحين اوقف علي الميزان بكل ثقه ادري اني نازله ��
الله يكتب لكم اللي فيه الخيره ��

 

[فجر@@]

سلام عليكم يا بنات
انا اليوم لي١٤ من سويت التكميم بس معاي امساك
شنو تاكلون حبوب او دوا للامساك ياذي ��

 

[فنجان من الحب]

فجر ياقلبي
بخصوص الامساك كثري ماي اما دوا الاسهال ما ادري اذا زين او لا



بنات العملية بسيطه حيل والترجيع من بنت لبنت يختلف
انا مارجعت الا حبوب الفيتامين لانها ثقيله علي معدتي
بس غير هذا مارجعت
والعوار اول 3 ايام من العمليه ومو العوار اللي حيل ويكون فترتها يعطونكم مسكن
اهم شي تعرفونه ان المشي بعد العمليه يفيدج حيل بتتاذين بس لمصلحتج
وسلامتكم

 

[نـــواره]

فوزه مشكوره وايد حبيبتي
وعسى ينزل وزنج على اللي انتي تبينه بدون الم وبدون تعب


يزاج الله خير

 

[راعية الذيب]

السلام عليكم
اشلونكم بنات

انا حبيت استفسر عن بعض الاسئله مثل :

لو اروح للدكتور العنزي ومعاي كل التحاليل اقدر اقوله بالتاريخ اللي ابيه ولا هو يحدد لي؟

انا اكثر من دكتور قايلين لي نفس الكلام ( المراره ملتهبه وفيني بعجين وفتاق وشحم مكان السر ) تنصحوني اني اسوي معاهم التكميم ولا يتعبني حيل ؟
ابي اعرف التكميم فتحه الشق كبيره ولا صغيره؟
هل البس كورسيه عقب العمليه؟( في وحده من البنات تقول انه في بعض العمليات اذا اشفطوا منها الشحوم يخلونها تلبس كورسيه طبي وما تقطه الا بالنومه )
سري هل راح ينشال ؟

يا بنات يا ليت القي الاجابه عندهم لانه ذبحني الوسواس والخوف

وشاكره لكم

 

[Rooro90]

بنات انا صارلي ثمن شهور مسويه التكميم وكان قبل وزني 125والحين 84
بس بنات
لمن اكل حيل معدتي تطلع اصوات اتفشل

 

[عسوله30]

السلام عليكم
انا لي شهر من سويت العمليه ونزلت للحين ١٥ كيلو تقريبا لان اخر مره قست قبل اسبوع
سويتها بالاردن عند دكتور محمد خريس بصراحه شاطر ورخيص ١٢٠٠ دينار وبدا جسمي يترهل وقاعده اسوي رياضه واشرب الشمر يمدحونه لشد الجسم
الوزن قبل العمليه ١١٧ والهدف ٦٠
طبعا انا عانيت من الغازات اول يومين من العمليه بعدين من بديت امشي ارتحت والحين احس اني خفيفه حيل مع اني مانزلت واجد
الله يسهل علي وعليكم يارب
اي سؤال انا حاضره ��

 

[فجر@@]

هلا بالرشيقات ان شا الله
رحت موعدي نازله بس٥ وقالي اكل مهروس بس اكلت بطاط مشويه وضايقتني هريس اتقبله جريش اوك بيضه جربت لينه خلطتها مع حليب ماقدرت اكل الا نصها وقعدت علي جبدي
والماي صايره امل منه اشرب عصير تفاح وعصير توت المراعي علشان ما اييني التهاب بالبول من قل السوائل
وودي اشرب بس والله ساعات انسي حتي الوجبات انساهم
اول اسبوع اهو الصعب الحين عادي الاكل مايشووق لان الرشااقه حلللوه
الله يرزقنا وياكم الرشاقه بصحه وعافيه ان شا الله

 

[فجر@@]

بسالكم احد فيكم قالها الدكتور تلبس مثل الكورسيه يترج وما تقطه الا وقت النووم؟؟؟
ومتي اقدر اسوي رياضه؟؟ سويتها العمليه١٠/١/٢٠١٣