%% تجمع حق اللي ولادتهم بأكتوبر ونوفمبر %% حياكم

[مبدعة]

هاااي بنات شلونكم آنا أمس وأول أمس ذبحني مغص وعوار بطني والمفروض باجر اروح افتح ملف بالمستوصف
المهم زاد العوار وكله فيني خمول قلت بروح مستشفى الراشد آنا مجربتهم عندهم خوش دكتورتيتن إيفا و يوليانا
المهم رحت لقيت دكتورة إيفا وعندها 4 حالات ودكتور مصري إسمه شريف قلت خل أدش عنده مع إني ماحب الرياييل بس قلت يالا خالأتوكل على الله دشيت وخذا بياناتي وزني ضغطي وسوالي سونار شفت جيس البيبي وسمعت النبض وكل شي قالي تمام قتله عن اللوعة والمغص قالي شي طبيعي قتله في بنتي ماصار جذيه قالي حمل البنات سهل وكل حمله تفرق عطاني بعد فوليك أسيد بس يفرق عن الي بالمستوصف بس وااايد ارتحت من الدكتور جني بكمل معاه لي السابع أو الثامن بعدين اشوف الدكتورة إلي بتولدني
مع التحية (قلبت روسكم)

المغص و عوار البطن هذا كله من تقلصات الرحم و شي طبيعي يصير فيج و لا تحاتين انشالله ما فيج الا الخير

و بالنسبة حق الدكتور اللي يقول حمال البنت اسهل اتصدقين اول مرة اسمع هالمعلومه كل من يقول حمال الولد اخف حتى امه تكون خفيفة بالمشي و الحركه .. والله اعلم

المهم داومي على الفوليك اسيد لان مهم حيل بهالفترة الى نهاية الشهر الثالث و الله يهون عليج يارب

 

[مبدعة]

الدكتورة قالت ما اقطع البيبي اسبرين ولا الفوليك اسيد هذا اللي قاعد اخذه حاليا طبعا مع تحاميل التثبيت اللي ذابحتني

الله يعينج عالتحاميل لوعت جبدي في البدايه بس بعدين صرت ما اخذهم عن طريق المهبل خصوصا يوم نزل علي دم و كانت وايد اريح استخدامها

جم مرة تاخذينها؟

 

[مبدعة]

الله يسهل عليكم يابنات .. أنا موعدي الأول مع الدكتورة يوم الأحد الياي وأكون بالاسبوع السادس وجم يوم تتوقعون أسمع النبض ؟؟

انشالله الله يفرحج بسماع نبضه بس احتمال كبير ما تسمعينه لانه يظل توه صغير على كلام دكتوري ، انا يوم سمعته اول مرة كان بالاسبوع السابع و في ناس ما يبين معاهم الا عقب الاسبوع الثامن

والله اعلم

 

[Brounzi_girlly]

حبيبتي مبدعة آنا صراحة حمالي في بنتي الحمدالله كان سهالة ماثقلت عدل إلا آخر شهرين
وكانت فيني لوعة خفيفة بس الصبح بس هالمرة لوعة على طول وكارهة الإدام وكارهة حياتي وزهقانة من هدومي الي عليي واايد فيني ارهاق الله يسهل علينا إن شاء الله
مع التحية....................

 

[أم منصـ 85 ـور]

تسلمين مبدعه وإن شاء الله أقدر أسمع النبض وأتطمن ..

برونزي الله يعينج ..

بنات وصلت مرحلة زهق ... مالي خلق لشي ومآدري وين أروح زهقانه من شقتي من بيت أهلي من بيت حمولتي من كل مكان

 

[سفيرة العشق]

وي أم منصور نفس حالتى حايشتني كآبة الدنيا كلها

وبلشت معاي اللوعة ونساتي يت فبيتي كله لايعة جبدي منه كل يوم داقة سيارتي سلف ورايحة بيت أهلي

ومساكيين رفيجاتي بالدوام متعودين كل يوم نتبخر الصبح ...

اليوم من شبوا البخور اقلبت جبدي وقمت أكره العطور ...

ومرات أكون يوعااانه حدي بس مجرد آكل أعفس الدنيا ...

تصدقين هذي أول مرة يحوشني جذي...

 

[كويت 1986]

قوه بنات شلونكم ..
اول شي اباركلكم عالحمل والله يثتبه ويهون عليكم نساتكم انشالله

كل يوم اقرى اخباركم وكنت متردده اني اشارك لان تعرفون انا بغربه واخر كورس وادرس طب اسنان يعني وقتي مو بيدي
بس بكيفي سويتلي عطله بروحي صارلي اسبوع مادومت عقب الكارثه اللي سويتها بالسياره بروحي مع السايق للعلم انا بالقاهره وزحمه القاهره ومأساة سواقتهم فقلبت جبدي وعفست السياره الله لا يواريكم شكل السايق مسكين
المهم مابي اطول عليكم بس من صج حدي حاسه بكآبه احس البنات اللي معاي مو فاهمين معاناتي كله على بالهم اتدلع وهم بعد ريلي كل يوم ادق عليه وبجي ومأساه وامي اكتأبت علشاني بس لا تلوموني اول حمل حقي وماعرف شي واحس اني وايد استفدت منك .. >> يعني ماتبي تطول عليكم لووول
نشوفكم على خير وانشالله راح اتواصل معاكم لاني صج حبيتكم

 

[كويت 1986]

سفيره العشق وام منصور
تصدقون مادري شنو سالفه هالاكتئاب وصج حدي كارهه داري مادري وين اروح قمت اغير انام بالصاله
الله يعينكم ويعينا انشالله
حبيت اسألكم انا بالاسبوع العاشر اتوقع وعندي موعد 5 \ 4 مع دكتوره اكيد محد تعامل معاها اسمها د. نيفين الحفناوي عندها مركز الامومه بالقاهره والله يستر لان احس ذابحني الوسواس لان ماشالله نساتي خفيفه وسامعه اللي جذي يكون هرمون الحمل ضعيف وانشالله خير يارب ودي اروحلها باجر بس المشكله مواعيدها صعبه غصب حصلت بعد تدرون 70 مليون بمصر وين القالي موعد بكيفي لووول

 

[مبدعة]

سفيره العشق وام منصور
تصدقون مادري شنو سالفه هالاكتئاب وصج حدي كارهه داري مادري وين اروح قمت اغير انام بالصاله
الله يعينكم ويعينا انشالله
حبيت اسألكم انا بالاسبوع العاشر اتوقع وعندي موعد 5 \ 4 مع دكتوره اكيد محد تعامل معاها اسمها د. نيفين الحفناوي عندها مركز الامومه بالقاهره والله يستر لان احس ذابحني الوسواس لان ماشالله نساتي خفيفه وسامعه اللي جذي يكون هرمون الحمل ضعيف وانشالله خير يارب ودي اروحلها باجر بس المشكله مواعيدها صعبه غصب حصلت بعد تدرون 70 مليون بمصر وين القالي موعد بكيفي لووول

هلا والله كويت و عسى ربي يهون عليج و يخفف عنج الكابه

يمكن ليش بغربة زايدة عليج بس يالله هانت انشالله

بالنسبة حق النساة و اللي يقولون لج اللي ما فيها نساة ان البيبي فيه شي او هرمون الحمل خواره ما عليج منهم انا امي يابت 7 ماشاء الله من غير نساة كلششششششششششش

والحمدلله كلنا صاحين و متعافين وولدتنا بالتاسع لا توسوسين و الله يعينج يارب

 

[أم منصـ 85 ـور]

سفيرة بعد قلبي الله يعينج .. واي يهالكآبه والله ودي أبجي من غير سبب وضع ماأحب حتى عدوي يكون في

كويت .. بعد قلبي الله يهون عليج عاد أنتي بغربة الله يعينج الهم همين .. الله يهون عليج ..

مبدعه .. شلونج مع الدم اللي ينزل عليج ..! وقف وإلا بعد ؟

 

[Brounzi_girlly]

بنات شلونكم بديت آكل بس ضايق خلقي انتفخت بسرعة وااااي مابي يصير فيني مثل بنتي زدت وااايد وماقدرت أضعف إلا يوم كملت سنتين
مع التحية..............................................

 

[مبدعة]

بنات شلونكم بديت آكل بس ضايق خلقي انتفخت بسرعة وااااي مابي يصير فيني مثل بنتي زدت وااايد وماقدرت أضعف إلا يوم كملت سنتين
مع التحية..............................................

حاولي ما تاكلين اشياء دسمه و قسمي الوجبات حق خمس وجبات علشان ما تزيدين

 

[ام طلال]

شلونكم كروشات ان شاء الله بخير

 

[Um Ritaj]

Brounzy_girl
شوفي حبيبتي انا مرة ولدتني الدكتورة بوليانا-قلبها قاسي لاني يوم وصلت المستشفى كنت مفتوحة تسعه سانتي بس طولت بالولادة لان راس بنتي كبير فتخيلي خلتني ساعتين اتعذب وبالاخيرة خلتني اوقع وانا في حالة شبه اغماء على اوراق عملية قيصرية بس لما مر الدكتور شريف فقال للدكتورة بوليانا ارحميها واشفطي البيبي فبعدين الدكتورة استوعبت واشفطت البيبي وطلعت بنتي بس بعد ما شفت الموت بعيوني والله رحمني من القيصرية

وحلفت ماعاد اخلي حرمة تولدني فالدكتور شريف حيل حيل ممتاز شكلي بافتح ملف عنده من الحين للولادة

 

[غـــ روحــsaraــي ــلآآ]

السلااام عليكم


بنات شلونكم امس رحت موعدي وعطوني اخر موعد ولاده 11/11


الله يتمم ويسهل على الجميع

 

[جاردينيا_2000]

اشلونكم بنات ..انا رحت موعدي والحمدالله كل شي بخير بس كان عندي التهاب بالبول اعزكم الله وانا ولاتي اول عشره باذن الله ..النسات ايسمونها جنون ..مالها حل الا انج تستحملينها ولي حواليج يستحملونج .. وهذا المفروض ..كل شي متوقع اصير فيج ..والاجانب في اكثير من الحوامل ينتحرون ..بسبب الكآبه ..وتصرف لهم ادويه وموجود حبوب الكآبه ..بس الحمدالله على نعمه الاسلام اذا حسيته في ضيجه استغفري ..حمدي ربج على النعمه ( بانج حامل) دايما خليج مع الناس ما تقعدين ابروحت الي متغربه ..طلعي من البيت روحي عند صديقاتج..الي بالكويت خليج مع امج اهيا اتحس فيج اكثر وتراعيج ..ترى النسات كل وحده عن الثانيه غير واشياء عجيبه ..مثلا نساتي في حملي الي فاتت اتنسيت في الماي اتخيلي الماي منو اتنسا فيه انا ؟؟مابي اشربه ولا اشوفه تعالو ونا ابي اتوضه حق الصلاه اصيح وادور في البيت اقول زوجي اشفيج اقوله مابي اتوضه ماقدر ..وكرمتم الحمام عندي شبح اشلون ادخل الحمام اتخيله جنه حمام سباحه ماي في كل مكان ويع ماي..ولما اتسبح مأساه راسي ووهي بره ميحوشه الماي ..ههههههههه صار فيني املاح مأساه جنون والله.بس انا في حملتي هذي الحمدالله ..تقريبا مافي نسات ..بس طعم ريجي موحلو ..اما عن اكل الككاو طايحتله ككاو بشكل مو طبيعي ..وزني زاد زاد عده العداد ..وافكر اروح التغذيه علشان اتنظملي اكلي ..على فكره شنو سالفت السفرجل ليش تاكلونه شنو اسوي عاد انا ما احبه ؟؟؟واختي انا احب كل الالوان واحب اشوفه في كل مكان تعالي بيتي وشوفيه الوان الطيف متوزعه فيه ..الوان حلوه احبها ..كلها مثل ما احب كل الناس ؛)

 

[cutey]

سلام شلونكم
انا وحده واايد تعبانه من حمالي
لأني ادرس بالجامعه ومحاضراتي من 8 لي 5 بس عندي فراغ من 1 لي 2
وكلا مشي من مبنى لي مبنى في هالجو العجيب
جم مره يصير فيني هبوط ولوعه مو مقصره وياي 24 ساعه
ماادري شنو راح اسوي بالكورس الصيفي

وبعدين بنات انا ولادتي على آخر شهر 10 يعني في بداية الكورس الأول والجامعه يعطوني اجازة وضع بس اسبوعين
تنصحوني آخذ هالكورس ولا اسحبه؟

وبعدين عادي اصبغ شعري بالخامس بس ابي اسوي خصل مو صبغه كامله

 

[Brounzi_girlly]

شلونكم بنات شخباركم مع النساة آنا خفت عني شوي الحمدالله
Um Ritaj حبيبتي وايد ارتحت من كلامج أهوة شكله خوش دكتور شكلي بكمل مراجعاتي معاه عندي موعد بعد 3 أسابيع
مع التحية.................................

 

[أم منصـ 85 ـور]

كيويتي أنا سامعه الصبغ موزين .. جاردينيا واااي أمس والله أستغفر وأستغفر أعوذ بالله حاشور والله شعور ودي أذبح نفسي بس قريت البقرة والحمدلله .. وصج بنات أمي قالتلي هالضيقة اللي تحسينها ممكن تكون هبوط فعطتني روب مع ملح وليمون والحمدلله يارب حسيت إني أحسن حيل

والله يعينه الجنة تحت أقدام الأمهات مو شي بسيط لازم نعااااااااااااااااااااااااني والله يعينا عالجاي

 

[Brounzi_girlly]

حبيبتي أم منصـ 85 ـور حتى آنا والله تييني ضيقة وساعات من احط راسي على المخدة احس قلبي يهبط ويدق بسرعة
بس إن شاء الله كله باجر يصير هذا سوالف ونتذكرها الله يعديها على خير ونشوف بيبياتنا بصحة وعافية
مع التحية..................................