ياربي هالرياييل عليهم قلب من حجر

[عطري انفاسك]

السلام عليكم ياربي هالرياييل عليهم قلب من حجر
بليييييز بنات ادعولي ارد حق بيتي وزوجي وربي حالتي ماتسر
متزاعلين صارلنا اسبوعين موقادره اتحمل افراقه
ادق عليه مايرد اذا زعل مو من السهل يرضي
الله يهديه يارب
يارب يارحيم يا ارحم الراحمين اجمعني بزوجي عاجلا غير اجلا امين
الله يرزق كل اللي تدعيلي بالمثل

 

[mdam 7laa]

والي تقولج زعلانين وانا عنده ومومعبرني وماسكه نفسي ماروح بيت اهلي مع ان الحق معاي بس ادري انا الي ماراح اتحمل واتحسف

 

[أمونيتا ~]

حبيبتي شاللي مطلعج من بيتج ؟؟؟

مو اي زعل تطلعين من بيتج مايصير

حاولي تحلين الموضوع وخلج ذكيه

و ادعي الله يهديه ويسخره لج واستغفري وايد

الله يسخر لج زوجج ويسخرج له ويجعلكم قرة عين لبعض يارب

 

[هويتك]

الله يهديه ويسخره لج غصبن عليه

الله يجمعكم

 

[سماء الاحساء]

رسلي رساله. وان شالله ربي يهديه ويردج

 

[خالتي قموش]

الله يعينج ويعينا معاج
سكتي عنه و لا تراسلينه ولا تدقين

 

[عطري انفاسك]

والي تقولج زعلانين وانا عنده ومومعبرني وماسكه نفسي ماروح بيت اهلي مع ان الحق معاي بس ادري انا الي ماراح اتحمل واتحسف

الله يهدي اللي عندج ويهدي ريلي يااارب




الله يصبرنا عليهم

 

[عطري انفاسك]

حبيبتي شاللي مطلعج من بيتج ؟؟؟

مو اي زعل تطلعين من بيتج مايصير

حاولي تحلين الموضوع وخلج ذكيه

و ادعي الله يهديه ويسخره لج واستغفري وايد

الله يسخر لج زوجج ويسخرج له ويجعلكم قرة عين لبعض يارب

اللهم امين جزاج الله خير على هالدعوه

 

[عطري انفاسك]

الله يهديه ويسخره لج غصبن عليه

الله يجمعكم

اللهم امين فديتج على هالدعوه

 

[عطري انفاسك]

رسلي رساله. وان شالله ربي يهديه ويردج[/quote
عشتو زعلان مارد على رسايلي
الله يهديه ويردني امين يارب

 

[مهندسه مستقبل]

حبوبه يمكن اهو عنيد و يبيج ترجعبن البيت من غير لايطلب منج
ف ردي و اعتذريله

الله يوفقكم و يجمعكم لبعض

 

[آنيقـة]

ارسليلهه مسسج عن الشوق

وتغزلي فيهه

وآلله يهديهه لج

 

[عطري انفاسك]

الله يعينج ويعينا معاج
سكتي عنه و لا تراسلينه ولا تدقين

اي والله الله يعينا ودي اسكت بس موقادره ميته من الحره




الله غصبن عنه

 

[رنيم الروح]

الله يهديه ويجمع بينكم ويهدي سركم

 

[خالتي قموش]

اشغلي نفسج
اقري سورة البقره
تهدي اعصابج
روحي تسوقي
غيري جو
عشان تلهين عنه

 

[manoooram]

حبيبتي طلعتج من بيتج يعتمد على سبب زعلج
مو بأي وقت تهدين بيتج ومكانج
دامه غلطان عليج تصبري وادعي ربج ان يهديه ويصلحه

اذا كان زعل دلع وعلى سالفة ما تسوى
لا يا قلبي نطري شوي وردي اتصلي عليه أو دزي له مسج شوق
ومالج الا بيتج

أما اذا السالفه فيها خيانه أو شرب ومن السوالف الكبيرة
وحسيتي ما بادر من نفسه يسأل عنج أو يبين ان شاريج
لا يا قلبي خلج على زعلج وحقريه
لأن بهالمواقف يبين الريال الشاري من البايع ويبيها من الله

 

[معزوفة عشق&]

اعطيه فرصه لاتكلمينه ولاتدقين عليه لمده كم يوم لعل وعسى يلين قلبه
والتزمي الدعاء والاستغفار
اسال الله ان يسخر لك زوجك ويردكم لبعض ردا جميلا يارحم الرآحمين

 

[M!SS.LOBY]

الله يصلح حالكم

 

[نوف الصقعبي]

الرجل قلبه موحجر
ومايتحمل البعد عن شي اسمه انثى
لاكن لوما بنات الحرام والإنترنت والشات وموقع غيمزر الوصخ وتويتر والافينيوز ومقاهي الشيشه اللى متروسه بنات موليين


ماراح نشوف زوج مايصدق على الله يدور الزله والزعله على زوجته بس عشان ياخذ راحته

وإن شاء الله زوجج مايكون منهم

والله يبعد عنه بنات الحرام اللى تارسين الديره بكل مكان
واللى خربو وهدمو بيوت عامره​

 

[خالتي قموش]

بنات الحرام لهم يوم
الله يمهل ولا يهمل