مساء الخير
عندنا جيرانا صار عندهم هوشــه و وصلت الي الشارع
يعني الفريج درا فيهم
والي يحز بالنفس انه الازواج كبار بالعمر مو صــغار
و السبب عيال ( اربع خمس سنين ) بنتهم و عيال و لدهم
يهال تهاوشو علي قاري
ويتهاوش الابو مع زوجته
انا قايل لج ما نبي عيال فلانه يزورنا كسرو بيتي بهالكره تشوت بكل مكان
وانتي خامره بالصاله
المهم جااان ترد عليه ...... من قالك البيت بيتي مثل ماهو بيتك
و لا ناسي انه سجلنا البيت بينا الاثنين
وتصير الصكه و يلكها ذاك الكف الي لو داش طوفه نخرها
المهم القي عليها يمين الطلاق
والحين صار لهم خمس شهور بين حانه ومانه
متزوجين من سنين و اعمارهم كبيره
شئ يحز بالنفس
خنت حيلي كل ما تمت زارت خالتي
وحالتها تقطع القلب ..... لما اسمعها اروح داري و ابجي
ما ادري في ناس جذي وبهالعمر يتم بينهم الطلاق
( زمن يخوف )
