مســـا الخير ي الحلواااات :eh_s(7):
أنا طبعا أول مرة أحط موضوع حذي .. بس لأن حاسة بكل وحدة ضعيفة وودها تمتن وتعبت من تعليقات النااااس اللي حوووولها ..
انا من انولدت وانا عصقووولة وتعقدت من كثر ما اسمع ( متني .. بلعي .. اكلي .. شهالجسم .. ليمتى انتي ضعييفة .. الخ )
بيوم وليلة قررت اني اتغير واوري الكل ان انا اقدر اصير احلى واجمل وان مافي شي صعب وماكو شي اسمه ما يصير ومستحيييييل .. وبديت أجمع معلومات عن أكثر الاكلات اللي فيها سعرات حرارية عالية .. وعن الاكل اللي في اكثر نسبة دهووون .. وطلعت أسامي حبوب واايد .. فيتامينات .. بروتينات .. حبوب فاتح شهية .. و طبعا النفسية لها دووور بالمتن .. يعني في بنااات نفسيتهم لما تتعب يكرهون الاكل .. وفي العكس .. انا من النوع اللي اذا نفسيتي تعبت ما آكل ولا أقرب صوب المطبخ .. وللعلم كان وزني 41 وطولي 165 .. يعني كنت عصاااية .. مافي معالم .. بس صدري اللي شكبره داش عرض هههههههه ..
المهم مابي أطول عليكم ..
انا سويت كل شي عشان أزيد بأقصر فترة ممكنة .. و خلال شهرين زاد وزني .. من 41 لي 53 و ما بقى أحد ما قالي محلوة !! متناااانة .. شحلاتج .. والاغلب يسألني عن سر التغيير .. لأن صج ويهي طلع وطلعتلي خدود وصار في معااالم مثل باقي البنات .. انا شكلي الحمدلله حلو بس كان ناقصني انيي انترس وانتفخ شوي هههههه
كل اللي سويييته إني شريت حبوب خميرة + حبوب سايبروفيتا وعشان اوسع معدتي شوي لاني مو اكيلة .. شريت الحبوب الصينية .. وللعلم ي بنات إهي مضرة وتأثر سلبيا على صحتج .. بس اأنا استخدمتها لمدة شهر واحد بس عشان اخلي معدتي تتوسع وايووع بسرعه .. وما رح تضرج اذا استخدمتيها لمدة شهر او اقل وعلى ضمااانتي بعد .. بالعكس بتشوفين تغيير حلو حييييييل .. الحبوب الصينية تييبينها من الحواي ب 5 دنانير انا شريتها .. وكنت لما أخذها أشرب مااي واااايد لانها ممكن تضر الكلى .. واللي يبي الدح ما يقول اح .. يعني تبين تمتنين لازم تسوين كل شي وتتعبين لين توصلين لهدفج ..
المهم اقولكم البرنامج اليومي مالي :
اول ما أقوم من النوم : أكل موزتين مع اني ماحبه .. واخذ حبتين من الحبوب الصينية .. والسيبروفيتا حبة قبل كل وجبة بنص ساعة والخميرة حبتين الصبح مع الحبوب الصينية .. وبعدين أتريق توستتين ( 4 حبات ) وداخل التوست احط حلوم وزعتر وطماط واسويه بالتوستر يصير وايد لذيذ .. واشرب هوت جوكلت ( حليب + نسكويك .. )
وبعد الريوق اريح شوي .. ولازم طول ما انتي قاعدة ايدج ما تكون خالية .. إكلي مكسرااات .. سنيكرز .. شربي عصير مانجا .. اول حليب بالموز .. قبل الغدا بساعه وقفي أكل .. قبلها بنص ساعه لا تنسين السيبروفيتا .. والغدا اكلي اللي يسوونه عادي اي شي بس حرصي ان الاكل يكون فيه دهووون واااااايد .. ولا تنسين ضروري تاكلين سلطة مع الاكل .. ولازم وجبة الغدا فيها لحم او دياي .. حتى لو ما تحبين غصبي نفسج .. والحبوب الصينية على فكرة تفتح شهيتج حيييييييل واللي ما تحبينه بالاكل رح تحبينه ...
بين وجبة الغدا ووجبة العشا نفس الشي كثري من المكسرات .. وكاكاو سنيكرز كل يوم اكلي واحد عالاقل .. ودشي المطبخ سويلج توست فول سوداني ومربى فراولة واكلي .. لازم حلجج ما يتصكر .. طول الوقت اكلي .. حتى وانتي بفراشج ورآيحة تنامين .. شربي كوب حليب كاكاو ونامي .. وبس هذا اهو البرنامج ..
انا ما توقعت اني امتن حيل .. واذا كان الكيلو الواحد يفرق بالشكل ف ما بالكم 12 كيلو زدتهم بشهرين بس .. شي حيييييل حلو .. وبس يزيد وزنج نفسيتج بتتغير .. وتعليقات الناس بتخلي معنوياتج توووب .. وما رح تفكرين تردين ضعيفة ...
أي سؤااال أنا حاااضر .. وآسفة طولت عليييكم سديقاتي الحلوين
:eh_s(7): :ggdw:
