دوانيه شلة منتظرات نتيجه عملية اطفال الانابيب والحقن المجهري

[لهيب الثرى]

ربي يبارك حق كل اللي مملوا ويرزقهم الذرية الصالحه المعافاه
ويبشرنا بكل بالبنات اللي معانا
امين

بنات ابي اسألكم الابر التحضيريه للعلاج طويل المدى تكون تحت الجلد ولا بالعضل يعني اقدر اتعلم اخذهم بروحي ولا لازم اروح الطبيب اخذهم لاني مابي اروح الطبيب كل يوم اخذ الابره خاصه ان الدكتور قالي افضل وقت تاخذينها الساعه ٧ الصبح

هلاااا انا كان ريلي يعطيني اياها بس خذي ورقه تسجيل الابر عشان كل ما تاخذين تسجلين الوقت واليوم عسبت ما تتلخبطين خلي دكتوره تعطيج الورقه

 

[لهيب الثرى]

سمو النفس حبيبتي مشكوره عالرد بس انا حامل بالاسبوع السادس وجم يوم وينزل عليي دم توني رحت الطبيب شفت الكيس وشفت الجنين داخله بس ماسمعت النبض بس سونار خارجي ادعيلي الله يسهل الامور

لا تحاتين خلى دكتوره تعطيج الابره الزيتيه وحبوب التثبيت والله كريم كان معاي نفس لى عندج بس سمعت النبض بس كان الفحص داخلي

 

[rachaaa]

بنات البويضات عندي مو راضين يكبرو الدكتور يقول ناجل الحقن لشهر الجاي ماادري شبسوي

نفسيتي اتحطمت

 

[gmar al-kuwait]

رشا كثري بروتينات واكثر شي بالعدس والبيض واللحم وتونه اكلي تونه والله يرزقج يارب

 

[rachaaa]

والله انا ماادري شقول انا هالشهر بالذات وقفت اكل الخربيط وبس اكل بيض لحمة واكل كل شي مفيد
انا بالعاده الحمدالله اطلع وايد حتي الدكتور استغرب وايد ماادري شسوي
المشكله الدكتور بيروح رويال حياة ووايد بيصير فوق بالسعر مااقدر ادفع الحين برجع من الاول عندهم ما ادري
فيني نار قدر الله ومشا فعل

 

[بحرانيه حلوة]

رشا حبيبتي شربي ماي وايد وامشي وتحركي وعليج بالحلبب والبيض وانشالله يكبرون

 

[rachaaa]

خلص مكو فايده اتكنسلت لان المفروض يعطيني ابر من ٧ او ٩ يوم بالكثير وانا اليوم ٩ فاراح يكونون مو زينين

 

[rachaaa]

الله يشهد انا باليوم بخلص ٦ او ٧ بطول ميا شسوي بعد وكل يوم اكل ٤ بيضات ٢ الصبح و ٢ بالليل وعطول اشرب لبن وحليب

 

[بحرانيه حلوة]

ماتدرين رشا الخيره فيمااختارهً الله جسمنا تشبع من هالابر ربي لك الحمد والشكر بس انشالله الشهر اللي بعده يتحسن وضعج

 

[nhafez]

بحرانية مبروك حبيبتي والله يثبتة يا رب ويرزق كل من يتمنى

انتي ليش سويتي منظار وعند منو سويتيه انا سويت تلقيح مجهري وفشلت العملية والدكتورة قالتلي بسويلج منظار

 

[labeeek]

رشا الخيره فيما اختاره الله

الله يوفقج ويسهل عليج علاجج وان شاءالله خير

 

[labeeek]

سمو حبيبتي انا عطاني 3انواع من حبوب اللوعه

اول نوع مرت عمي أتقول وايد زين وكان يفيد معاها ولا فاد معاي وبعدين غيرها لي ونفس الشي والحين هالمره عطاني اوندا وللأسف نفس الشي خصوصن لوعات الصبح والترجيع والحمدالله على كل حال

 

[الـزينـة]

فتاه حالمه ...الله يرزقتس ويصبرتس
كم لتس متزوجه وش الاسباب
انا لسى اوراقي ماخلصوها عشان التحويل ع اخر الشهر يمكن
لاصار عندي موعد راح اخبرتس


الزينه ....يارب ياسميع يامجييب انتس تكونين حامل وتبشرينا قريب
​

اللهم امين اجمعين ان شاءالله ما تقصرين يا قلبي*

 

[الـزينـة]

سمو النفس و بحرانية حلوه الف مبروك ياعمري الله يجعله كامل الخلق والخلق يا رب

 

[الـزينـة]

رشا يا عمري خيره في ما اختاره الله ان شاءالله الشهر الجاي تكون بويضاتج ممتازة وعلى طول تثبت اجنتج وتحملين يا رب

 

[الـزينـة]

مرحبا بنات
الف الف الف مبروك سمو وعقبال ما تشوفين بحضنك انتبهي لننفسك ولصحتك
ووالف مبروك بحرانية حلوة.....ولا تستعجلين ان شاء الله بتسمعين النبض ويتمم حملج على خير وتقر عينك
وعقبال باقي البنات
فتاة حالمة ..... تروحين وترجعين بالسلامة ويسهل امورك كلها ان شاء الله
المهرة ..... ربي يرزقك ولا يحرمك ....
الزينه... ان شاء الله تبشرينا بحملك
حصه.... لبيك... ان شاء الله انتوا بخييييير دوم​

اللهم امين تسلمين يا قلبي

 

[الـزينـة]

الزينة هانت حبيبتي
انتظري وحللي عند الدكتور
وبشرينا ربي يكرمك بالفرحة التامة و بجنين تام الخلق و الخلقه

اللهم امين ولك بالمثل يا روحي الله يسهل عليج عمليتج ويفرح قلبج بإخوان للبنوته الله يحفظها

 

[last piece]

هلاااا انا كان ريلي يعطيني اياها بس خذي ورقه تسجيل الابر عشان كل ما تاخذين تسجلين الوقت واليوم عسبت ما تتلخبطين خلي دكتوره تعطيج الورقه

مشكوره حياتي ... ربي يسهل امورج دنيا واخره
بس بغيت اعرف هي تحت الجلد ولا بالعضل ؟؟

 

[بحرانيه حلوة]

الزينه حبيبتي الله يبارك فيج

 

[بحرانيه حلوة]

nhafez يبارك فيج حبيبتي سويت منظار بعد الاجهاض طلع عندي حاجز بالرحم داخله قرنين وشالت الحاجز وحطتلي بالونه داخل الرحم ٨ ايام سويتها عند د رائده الفضلي