نقدر نقول الف مبروك لاخواتنا السعوديات لقيادة السياره

[ريوف الشريف]

لا ان شاء الله مانسوق للأبد لأن تعودنا ع الدلال

تعودنا احد يسوقنا ويوصلنا للمشاوير اللي نبيها
​

 

[مغليك قلبي]

انا مايضحكني الا على سالفة تعودنا على الدلال ياختي اذا انتي متعوده على الدلال ولي امرك هو اللي يدفع راتب السايق
غيرك ماهو قادر على الدلال هاذا وغيرك فقدت اب واخ وزوج ولي امر يوديها ويجيبها شتسوى بها الحاله تحط يد ها على خدها وترجى السوووايق والتاكسي على الروحه والجيه
ياليت اللي تبي تتكلم عن السواقه توسع مداركها شوي ولا تحصر عمرها بس وتشوف انها مو محتاجه وفي اللي خدمها خلاص بطقاق بالباقي خلي عندك وعي بالارامل خلي عندك وعي فيه ضرووف كثيره لتاايد قرار سياقة الحرمه وضروفها ممكن تكون مختلفه لضروفك تماما
وحنا محتاجين قرارت كثيره اللحرمه بالسعوديه السياقه -الوظيفه -حقوق للارامل والمطلقات -وأشياء كثيره بس ان شالله يكتب لنا الخير في كل امر .....وان شالله ابو متعب مايقصر ويرزقه ربي بالبطانه الصالحه ...

 

[soheir nigm]

مبروك وده اقل حق من حقوقها

 

[بنت النوخذا]

انا مايضحكني الا على سالفة تعودنا على الدلال ياختي اذا انتي متعوده على الدلال ولي امرك هو اللي يدفع راتب السايق
غيرك ماهو قادر على الدلال هاذا وغيرك فقدت اب واخ وزوج ولي امر يوديها ويجيبها شتسوى بها الحاله تحط يد ها على خدها وترجى السوووايق والتاكسي على الروحه والجيه
ياليت اللي تبي تتكلم عن السواقه توسع مداركها شوي ولا تحصر عمرها بس وتشوف انها مو محتاجه وفي اللي خدمها خلاص بطــــقاق بالــــــباقي خلي عندك وعي بالارامل
خلي عندك وعي فيه ضرووف كثيره لتاايد قرار سياقة الحرمه وضروفها ممكن تكون مختلفه لضروفك تماما

وحنا محتاجين قرارت كثيره اللحرمه بالسعوديه السياقه -الوظيفه -حقوق للارامل والمطلقات -وأشياء كثيره بس ان شالله يكتب لنا الخير في كل امر .....
وان شالله ابو متعب مايقصر ويرزقه ربي بالبطانه الصالحه ...

صـدقتي

مغليك قـلبي

اللي ايده بالـــــــنار
مو
مثل من ايده بالــــــماء​

والناس مو كلها بنفس الظروف
والتي تبي تسوق تبي تقــضي حاجتها
مو للرفاهيـة جدام الناس انها تسوق​

الله المستعان​

 

[انسام الكويت]

ماظنتي خبر صحيح مجرد كلام عالفاضي بعدين من كم سنه وحده سعوديه اسمها منال الشريف خالفت القانون و ساقت سياره بالشرقيه

ووقفتها دوريه وعاقبوها وكانت مصوره نفسها بالفيديو يعني شي مرفوض عندهم بس صعب بيوم وليله ويوافقون عليه و السعوديه مجمتع حيل منغلق يمكن فيه قله موافقين بس الاغلبيه الرافضه

لسواقة المرأه عددهم كبير وتغلب على الاقليه وهذا غير زحمه اللي متأزمين منها اتوقع هذا مجرد كلام يعشمون فيه المواطنات اللي يبوت السواقه

مع انه السواقه افضل لهم من انه سايق يعتمدون عليه وهو غريب عنهم ويعتبر اجنبي

 

[انسام الكويت]

رد: لقيادة السياره لاخواتنا السعوديات

تلتف مجموعة من النساء الناشطات والحقوقيات مثل
سعاد المشري
*
[/size][/url][/center]

ترا الاسم غلط*
اسمها سعاد الشمري *عاد انتي سعوديه مفروض عارفه اسمها عدل *
*

 

[فكرة]

اكيد في ناس محتاجين للسواقة حاجة ماسة وافضل لهم من يركبون مع واحد أجنبي ..
اتعجب صراحة من الي يركبون مع تاكسي .. والله لو اموت ما اركب مع تاكسي بروحي ..
وانا وحده تعودت زوجي وابوي واخوي والآن صار ولدي بعد هم الي يوصلوني شيئ جميل والله لايخلينا منهم
تدرون إذا حلمت بحلم مرعب فهذا يعني اني حلمت اني اسوق سيارة .. يما رعب ..
وانا اشوف ان عزي بدنيتي وآخرتي إني أعمل في بيتي بخدمة أهلي وما أستطيع بخدمة مجتمعي ومااحتاج سيارة ..
أما بناتي إذا اختاروا إنهم بيسوقون فما راح أمنعهم .. لأن هذا قرار شخصي ..

 

[بنت النوخذا]

رد: لقيادة السياره لاخواتنا السعوديات

ترا الاسم غلط*
اسمها سعاد الشمري *عاد انتي سعوديه مفروض عارفه اسمها عدل *
*

هلا عزيزتي انسام الكويت

بنت الحلال ما اعرفها انا مجرد نقلت وتابعت الخبر

انا كويتيه يا الغاليه
من نايدة الكويت
* عاد كلامي كله كويتي مفروض عارفه لهجتنا *


.

 

[مزيونة الخبر]

اقول بنت النوخذا استمري وانا معاج وانا اول وحدة انضم الحمله هاذي في قلبي كلام بس اسكت مابي اتكلم قالت متعودين علي الدلال قال مادري اسميه هذا حسد نفاق اجتماعي او مع الخيل ياشقرا او تخلف امانه بلدي السعوديه متي تخلص من النساء والرجال المتخلفين ياختي ماتبين تسوقين كيفك الناس محتاجه لو يطبق قرار مفتوح علي ورق ومحد يسويه عادي لكن الر فض هذا مايصير قالت متعودين علي الدلال قال اقول حافز بيقطهونها الشهر هذا تري السعوديه فيه نسبه فقر عاليه اكثر من دول الخليج الموظفات راحت فلوسهم علي التاكسي والسواقين وانا وحدة منهم في قطر قرار السواقه من زمان ماساقو الا من خمس سنين لانه مجتمع محافظ في الامارات قرار حريم يسقون تاكسي علي ورق ومحد سوا الا اقليه او وافدين خواتنا الاماراتيات بخير ماهي محتاجه ولامحتاج الفرص قدامه احنا تعقيد في تعقيد الي متي ياناس الي متي بندخل 2013 والي الان كذا وربي الي تقول ماتبي انا اول مايصدر القرار اهي تسوق لكن اقول صدق الي قال المراءه عدوه نفسه لو كلنا اتحدنا وقلنا نبي نسوق انه الملك راح يوافق علي طول وماراح يقصر لكن الناس المتخلفه تخرب علي ناس محتاجه وربي انه اوفر بكثير من السواقين وراتبهم انا معاكم قبل المجتمع السعودي ماكان محتاج انه المراءة تسوق المشواير قليله تكتفي ب الاب او الزوج او الاخ لكن الان الموظفات بسعوديه كل يوم بازدياد غير طالبات المدارس والجامعات انا وحدة ماعندي الا ابوي واخوي اكبر واحد بثاني متوسط مايسوق عندنا سواق كل يوم منحاش غير الفيزا وفلوس شكثر صرت اتعامل مع سواق بالمشاور والله ارتاح من الدوشه حتي ابوي يتمني اني اسوق بما اني موظفه اساعدها بالمشواير لكن الحياه بسعوديه صعبه ومعقدة وانظمه يومه بسنه لكن مايحرني الا الناس الي ماتقدر ظروف الناس لكن اتمني ماتبدا السنه الجديده الا يطبق هذا النظام بشكل فعلي واستمري حبيبتي بنت النوخذا وانا اول وحدة معااج

 

[مزيونة الخبر]

في شغله كنت ابي اوضحه هي انه التغير لدا الناس المتخلفه هاذي صعب اي شي جديد يخافون منه هههه واي شي ممنوع خلاص هو ممنوع مايفكر شنو هو محتاج او ايش يبغي يعني ابسط شي جوالات بكاميرا لاا مانبغاه يارب ماتدخل السعوديه هههه والحين حتي المتشددين الايفون والجلكسي والبلاك معاهم وكل البرامج يدخلونه اول ماطلع الدش لاااااا ومادري ايش فتغير صعب لكن هو جاي جاي لامحاله وامانه الناس المتخلفه ماعليه شي رافضته الحكومه نطالب فيه بشكل سلمي وخصوصا احنا النساء لانصير بس تابعين خلاص ممنوع منوع تري احنا شعب ينقاد بشكل شي تري الدمقراطيه والحريه حلو وحق اساسي لانسان وحلو يغير مجتمعه الي الافضل مو بسعوديه لااا واذا سافرنا برا سوينا النون ومايعلمون ليش مانطالب يكون عندنا سنما ايش المانع كل السعودين برا يرحون سنما محد ينكر اتمني بس الناس تفتح عقله شوي وتعرف الي له والي عليه واحنا النساء نطالب بحقوقنا ونقضي علي بطاله النساء في السعوديه ويدرس اللغه الانجليزيه من صف اول وغيرها وغيرها نطالب بشكل سلمي والحكومه وعلي راسهم حبيبنا ابومتعب الله يشافيه من كل شر ماراح يقصر بشي

 

[*مطبخ الذواقة*]

الله يعطيهم خيرها ويكافيهم شرها ...



وعلى قولتج اللي تبي تسوق تسوق واللي ما تبي الله يوفقها





مشكور ة على نقل الخبر


​

 

[بنت النوخذا]

السعوديات لقيادة السياره

اقول بنت النوخذا استمري وانا معاج
لكن الحياه بسعوديه صعبه ومعقدة وانظمه يومه بسنه لكن مايحرني
الا الناس الي ماتقدر ظروف الناس لكن اتمني ماتبدا السنه الجديده الا يطبق هذا النظام بشكل فعلي واستمري حبيبتي بنت النوخذا وانا اول وحدة معااج

هلا باهل الشرقيه اهلنا و حبايبنا و الله :eh_s(2)::eh_s(2): يجرح القلب و الخاطر
ما ادري ليش الناس في بالهم سياقه السياره .... رفاهيه
واللي ايده بالنار مو زي الي ايده بالماي البارد
كلامك صحيح و لا يخفي المتاعب التي تعيشها الاسر
و بالكويت لو بنعتمد علي ولي الامر و السواق ترا ما قضينا حاجه
و يومهم عن سنه
و الكل متوقع انه السماح بيكون خلال هذي الاشهر القبليله القادمه

ومثل ما وضحت لكم الموضوع هذا لنقل تطورات الحدث
وربي يكتب ما فيه خير للجميع يا رب




ومثل ما قرار الجميع انه القرار
اخــــــتياري

 

[بنت النوخذا]

في شغله كنت ابي اوضحه هي انه التغــــير لدا الناس

اختي الغاليه مزيونة
لا تروحين بعيد :d
بالكويت ترا اول سنين قله قله من النساء كانت تسوق
وما كانت الناس راضيه
و في بعض المناطق البعيده عن العاصمه الكويت
مالج امل المرا تسوق سياره
طبعا هالكلام من الستينات الي اخر السبعينات

بعدها طال عمرج
قامت المرا اجباري تتعلم بالمدارس
و اعداد كبيره من نساء الكويت درسو بالجامعات
و قامت المرا تعمل
بعدها صار عدد الحريم اللي تسوق بدأ بالتزايد


والــي منتصف الثمانينات كان من شروط الزوج
انه مرته ما تسوق وما تشــتغل ولا تــدرس

ههههههههه
والحين الي بيتزوج يبيها جاهزة
جامعيه
وتسوق
وموظفه
و حاجة






لكن مثل ما تفضلتي الظـــروف تحــــكم
ولي حلت الضروره حلت المحرمات

 

[جـوود الحب]

ان شاءالله صدق الخبر

 

[كلهآ ملح ..}]

اول كنت موافقه بقياده السياره بس الحين لالالالالالالالالالا

ياررررررررررررررربي الحين اروح بسايق خااص للجامعه من الساعه 6 الصبح ولا اصل الا 7 ونص
اجل لاجت الحرمه تسوق متى اباصل
لالالالالالالالا الله يقوله

 

[فبيت العز]

مووو اكيد الخبر
الله يرزقهم

 

[granted]

يعني انا اشوف 80٪. من الي ردوا على الموضوع موافقين شلون يقولون ان الاغلبية رافضة ؟؟
اعتقد على السنة اليديدة يتنفذ القرار
والي متدلعة على قولتها لاتحاتي ماراح يتلونها غصب تسوق
فلاتفرضين رايج على غيرج وتكلمي بلسان حالج
بالتوفيق للكل

 

[بنت النوخذا]

متي السعودية تقود السياره

يعني انا اشوف 80٪. من الي ردوا على الموضوع موافقين شلون يقولون ان الاغلبية رافضة ؟؟
اعتقد على السنة اليديدة يتنفذ القرار
والي متدلـــعة على قولتها لاتحاتي ماراح يتلونها غصب تسوق
فلاتفرضين رايج على غيرج وتكلمي بلسان حالج
بالتوفيق للكل

granted عزيزتي الكريمه​

شكرا للاسلوب الراقي​

​

​

يعني الي بيدلع يدلــع محد جابره علي المر
و خنت حيلي الي تبي تخدم روحها بروحها
الله يعينها و يسمح دربها​

​

 

[اصايل الرياض]

انا ماني ضد السواقه وبالعكس بتريح ناس كثير لكن ماني مستوعبه تكون فالسعوديه تدرون ليش لان الزحمه وطريقة السواقه تخوف غير المفحطين اللي فكل مكان والله اللعظيم اني اركب مع زوجي وانا على اعصابي لما تمر يمنا شاحنه او تريله قسم بالله عظامي كله توقف من الخوف الشاحنا والسيارت النقل الكبير صارت بوسط الحواراي حتى مو بس الشارع العامم يعني اتوقع السواقه فالقرى بتكون سهله فالسعوديه لان مافيها زحمه ومن زمان واحنا نشوف حريم الباديه فالقرى يسوقون يعني يجون يقضون اغراضم من وسط البلد بس انا عن نفسي ماعمري تمنيت اسوق مو عشان شي لاوالله بس انا انسانه اخاف اصلا من السواقه واتوتر واكون على اعصابي لكن اللي قلبها قوى ومحترفه الله يسهل دربها ولا يردها الا جزر المالديف ههههههههههههه قويه قويه

 

[~ مطنـووخــہ]

الخبر غير صحيح ابد
شوفي الصحف الرسميه السعوديه او صحيفة سبق وانقلي منها الاخبار
لكن هذي الصحيفه اول مره اشوفها !!
وعلى العموم الامير نايف الله يرحمه قال ماراح تسوق المرأه الا اذا المجتمع كان موافق
وانا من خلال كل معارفي واليوتيوب والمنتديات والصحف السعوديه
المجتمع ابدددد مو موافق ولا يبي هالشئ !!
اللي يبون السواقه عددهم قليييييل جداااا
وانا عن نفسي مااتمنى هالقرار يطبق

شكرا على الخبر وعلى اهتمامك