دوانيه شلة منتظرات نتيجه عملية اطفال الانابيب والحقن المجهري

[الـزينـة]

السلام عليكم

خواتي شخباركم

أنا اليوم لي رابع يوم احس اليوم بسنه من التفكير والمحاتاه :eh_s(2):

صج هالفترة اصعب شي بالعلاج الله يصبرني

بنات بالنسبة للي حملو شنو الأعراض اللي حسيتو فيها؟

أنا احس بعوار خفيف مثل عوار الدورة مادري شي زين ولا لا

 

[Hessa2626]

والله مافي اي احساس وكلي امر لله

 

[سمو النفس]

حصه انا ما سوويت تحليل ثاني بس اللي قبل وبالنسبه للوحام ماحسيت فيه لالحين بس الآآم بالظهر خفيفه وصدري ثقيل

 

[ام حمود83]

مساءالخير عالحلوين
بنوتات شرايكم كل وحدة من اللي مسوين ارجاع تقول لنا في اي يوم تحليلها
انا الخمييييييييس واحسه بعيييييييييد

 

[rachaaa]

سمو لزام اتعيدي التحليل علشان تعرفي النسبه تتضاعف وازيد الحمل سليم

 

[rachaaa]

ام حمود حللي ع ١٢ يوم مو لزام ١٤ ربنا يارب يفرحك يارب ويزقك ذرية صالحه معفاة
بنات انا اليوم رحت عالدكتور من بكرا راح ابداء علاج ادعولي

 

[الـزينـة]

مساءالخير عالحلوين
بنوتات شرايكم كل وحدة من اللي مسوين ارجاع تقول لنا في اي يوم تحليلها
انا الخمييييييييس واحسه بعيييييييييد

أنا ليلحين مادري متى أحلل
الدكتور قال ابي أشوفك السبت و اقول لج متى تحللين مادري ليش

 

[كويتية بروما]

الله يرزقكم بنات عاجلا غير اجلا يارب العالمين

 

[الـزينـة]

بنات ...

طلع فيني لحمية وانسداد بقناتي فالوب
الحمدلله ع كل حال ... الحمدلله ع كل حال

الحمدالله على كل حال يا قلبي شي فيه علاج ولا غيره ذكري الله واستغفري دوم وعسى ربي يشافيج ويعافيج ويرزقك الذرية الصالحة عاجلاً غير اجل يا رب

 

[Hessa2626]

بنات نزل علي دم وافرازات بنيه والله خايفه حيل واليوم موعد دورتي

 

[عسل حدي]

يامسبب الاسباب ويافاتح الابواب ياسامع الاصوات يامجيب الدعوات ياقاضي الحاجات ارزقني بالحمل واقضي عني حاجتي ولا تكلني لاحد سواك

 

[سمو النفس]

رشا بس ماقالوا لي اعيد التحليل ؟؟ يعني لازم اعيده ولا شنوو

 

[عسل حدي]

يامسبب الاسباب ويافاتح الابواب ياسامع الاصوات يامجيب الدعوات ياقاضي الحاجات ارزقني بالحمل واقضي عني حاجتي ولا تكلني لاحد سواك

 

[سمو النفس]

حصه روحي لدكتور بكره وان شاء الله خير يارب

 

[عسل حدي]

لا سمو مو الا تعيدينه خلج على مواعيدج مع الدكتور

 

[labeeek]

بنات شخباركم اشتقت لكم

حصه انا نزل معاي 3مرات افراز بني كانه دم بس لما امسح يعني مو وايد اذا خفيف عادي والحمدالله يوم سويت سونار موجود البيبي الله يثبته عادي شي طبيعي

سمو حياتي لا تعيدين التحليل ولاشي اقري قران وتوكلي على الله ما بقى شي عالموعد لا تحاتين وان شاءالله خير

والزينه نفس الشي هم لاتحاتين اقضوا وقتكم بقراءة القران سوالف مع رفيجاتكم خواتكم اي شي لهوا نفسكم ولا توترون اعصابكم وترى انا حسيت بنفس أعراض الدوره وفي بنات ماحسوا بشي والحمدالله حملوا

 

[سمو النفس]

عسل ولبيييك فديتكم طمنتووووني

 

[سمو النفس]

مهره حياتي هدي بالج وان شاء الله خير ،، وخلي الدكتور يشيل لج اللحميه وبعدين سووي انابيب

 

[Hessa2626]

انا حاليا بالطواري قالوا اجهاضً منذر اخذي ابرة مثبت وارتاحي

 

[فتاة حالمة]

حصة عادي حياتي

ممكن تنزل افرازات بنية و يثبت الحمل

لا تحاتين و اتكلي على رب العالمين وانتظري موعد الطبيب

اذكر بحمالي نزل علي شوي رحت للطبيب وصرت تحت الملاحظة وتوقفت الافرازات

سمو النفس مو ضروري تحللين انتظري موعدك ويارب تقر نفسك بشوفة البيبي بالسونار

مهرة حياتي ربي يشافيك ويثيبك على صبرك و احتسابك ابذلي الأسباب لطلب العلاج

و ربي راح يكرمك بالحمل السليم