الحقوني عرفت ان زوجي عنده جوال بالسياره الحين كشفته

[امانينا]

حبيبتي ليش تدعين عليه جذي دعائج يخرع
لو صار في شي شتب تستفيدين
صراحه ماتبينه تطلقي من الريال
وراه ام وراه عيال يبونه
وعلى شنو على خط ثاني
عيل لو عنده شقه ولا متزوج شبتسوين
شنو قتل وماقتل
انا ماقولج الخيانه هينه لاوالله تذبح
بس الله يهداج رد الفعل اقوى من الفعل نفسه
تعوذي من ابليس واستغفري هذا شريك حياتج
عالجي الامور بس بدون دعاء عليه لاتتحسفين
ادعيله بالهدايه ادعي الله يبعد عنه الحرام
واستغفري

 

[اسوارة من حديد]

كلي دلععصدقتي والله اني استغرب من بعض الردووود او اغلب الردود خلوني انا الغلطااانه بس الله يجزاهم خير ساعدوني ولو بدعوه


امانينا
لو كان مظلوووم ماراح تستجاب دعواتي باذن ربي اما لو كنت انا المظلومه فالله فوق سابع سما قال دعوة المظلوم مستجابه ليس بينها وبين الله حجاب يعني ع الاقل ابرد حرتي بالدعاء والريال عموماا لو مايخاف من الله ولا يخاف من الناس
لما يشوف المظلوم يدعي عليه بويهه والله ليخاف وبيتم فتره خااايف وان شاء الله تكون توبه لهم

 

[اسوارة من حديد]

اسئل الله العظيم ان يسخر لنا ازواجناا وذرياتناا فهوو على كل شي قدير وان يهدي رجالنا للطريق المستقيماسئل الله ان ييسر لكل من عانى من مصيبه اسئل الله ان يفك كربهم ويكتب لهم ولنا اللي فيه الخير
وصلى اللهم على نبينا محمد صلى الله عليه وسلم

 

[MISS SUGAR]

استغفري ربج

مهما كان هذا زوجج


لاتدعين عليه


ادعي ان الله يهديه ويصلح حاله


اهم شي تهديين وما تتهورين

 

[امـ خــزامـى]

^^^^^
عليه افضل السلام والتسليم

امين يارب

حبيبتي الحمدالله اللي هديتي وامورك مشت وتسهلت

وصدقيه ياقلبي وخلي قلبك كبيروانت ترى ادرى بزوجك لو راعي خرابيط من قبل ومبهذلك كان شيشتك وقلتلك خلاص روحي تخلصي منه

بس واضح من ردة فعلك ان اول مره يمر عليك هالموقف وان شاءالله اخر مره

سامحيه وربك غفور رحيم

الله يسخرلك ولنا ويبعد عنهم الحرام

 

[aloooya]

تعوذي من ابليس

 

[Patcholli]

حبيبتي اذا كان زوجج صادق وانتي حسيتي ان كلامه فعلا صحيح ومافي غير هالكلام عنده
فخلاص لازم تغيرين من اسلوبج وشخصيتج ونفسيتج
الريال وصلها لي تلفون ثاني ومسيار ..!!
تلاحقي عمرج ولااتهدمين بيتج وكسبي ريلج وقلبه واحترميه وعامليه معامله حسنه

 

[قــمر]

محد خلى الرجال يتمادون غيركم انتم يالحريم الوحده لاتزوجت يصير زوجها ربها استغفر الله لو يتفل في وجهها عادي عندها تقول مابحصل ريل احسن منه والله لو كل حرمه وقفت زوجها عند حده ماكان شفتو الرجاجيل عندهم هواية الخيانه اللحين بسالكم لو زوجه تخون زوجها وش بيشوب فيها بيذبحها ويفضحها ويفضح اهلها الله عز وجل مافرق بين المره والرجال الزوج الخاين له عقابه دنيا واخره تجون انتم يالحريم تكافؤون الرجال ع خيانتهم وتلصقون فيهم اكثر كان الوحده بتموت بدون رجال ماكان نص عمرها عاشت بدون رجال في بيت اهلها بتنتحر في نص عمرها الثاني اذا مافي رجال

 

[Reelax]

محد خلى الرجال يتمادون غيركم انتم يالحريم الوحده لاتزوجت يصير زوجها ربها استغفر الله لو يتفل في وجهها عادي عندها تقول مابحصل ريل احسن منه والله لو كل حرمه وقفت زوجها عند حده ماكان شفتو الرجاجيل عندهم هواية الخيانه اللحين بسالكم لو زوجه تخون زوجها وش بيشوب فيها بيذبحها ويفضحها ويفضح اهلها الله عز وجل مافرق

بين المره والرجال الزوج الخاين له عقابه دنيا واخره تجون انتم يالحريم تكافؤون الرجال ع خيانتهم وتلصقون فيهم اكثر كان الوحده بتموت بدون رجال ماكان نص عمرها عاشت بدون رجال في بيت اهلها بتنتحر في نص عمرها الثاني اذا مافي رجال

صاااااجه بس للاسف هذا تفكير. مجتمعنا

 

[مدربة الرشاقة]

سمعتي حبيبتي لا تصارخين وتسوين نجره روحي بيت اهلج سكاتي وسكري فونج اذا كان يحبج بينجن ويتصل ويدق عليج ويدورج وييزر عقله وقعدي جم يوم او دزيله مسج قولي ياانا ياسوالفك وانت تعرف بيتي وينه تدله ماراح ارد لما توعدني او قعدي معاه وبهدوء تري العصبيه ماتجيب الا العاند وقولي اسمع انا ادري عن سوالفك وخرابيطك انا بفتح صفحه جديده معاك وهدديه وقولي والله ان شفت مره 2 عندك فون او مكالمات هذا اخر مابيننا تري الرجال يجي بالتهديد ماعليج الا بالتهديد والدعاء

m3r0o0ora
نا معاها بالراي
بس لاتدعين على زوجك ترى الدعواة كلها بيتطيح عليك

 

[جلكسي بالمكسرات]

أستغرب من الردود ألي تكتب أنتي صح أنتي صح
يعني صارت الزوجة ألي تستقوي على زوجها
وتشتمه و تسمية قدام الكل خروف مخرفن وتدعي عليه بالشلل والموت .. صارت هي صح ؟
ألي سوته ما يرضي الله ..شلون يصير صح ؟
وألي سوته ما يرضي الرسول عليه الصلاة والسلام ... شلون يصير صح ؟
الحين سؤال
طبعاً ما يخفى عليكم أو بالأحرى للناس المثقفين دينياً
ما يخفى عليكم أن الأسلام عطى الزوج مكانه تفوق الوالدين
والدليل حادثة المرأة ألي منعها زوجها تطلع وما قدرت تزور أبوها ومات أبوها وراحت للرسول تبكي قال لها : " غُفر لك ولأبيك بطاعتك زوجك "
طيب دام الزوج له مكانه تفوق الوالدين في الأسلام
هل لو وحده كلمت أمها ولا أبوها بالطريقة ألي أنتي كلمتي فيها زوجك تصير صح ؟؟؟
لااااا طبعاً ما قربت من الصح
هل لو كان الرسول عليه الصلاة والسلام موجود وشافك شلون تطردين زوجك وتشتمينه وتهددينه
وتدعين عليه بيكون راضي عنك ؟
المهم أحب أذكرك بنقطه في موضوع الدعاء وهي أن الملائكة تقول " ولك مثل "
أنتي عشتي دور المظلومه مع أنك مقصرة في احترامه و تستقوين عليه والدليل أنك طردتيه مره
يعني الطرد ما يصير منا والطريق , الطرد أكيد له مقدمات ،ومقدمات طردك له أنك تستقوين عليه وما تحترمينه
في النهاية
أذكرك بالوصية المشهورة " كوني له أمة يكن لك عبداً "
مثل ما قالت وحده من الأخوات ألي ردوا قبلي " باين أن أنتي الطرف القوي في العلاقة "
أتمنى تتنازلين عن هالدور له وتخلينه هو الرجال الحقيقي ألي ما يخاف منك على قولتك
كلامي فيه قسوة و يمكن أنتي من وراء الشاشة تكرهيني الحين
بس أنا ما قلت ألا ألي يرضي الله ورسوله
الله يسخرك له ويسخره لك ويجمع بينكم على خير

 

[اسوارة من حديد]

ياااجلكسي بالمكسرات

لا والله وشلون اكرهك؟؟؟؟؟؟
بس ابي اعرف انتي متزوجه ولا لا؟؟؟
بالله جاوبيني ياقلبي


((اكون له امه يكون لي عبد )ياحبيبتي هالزمن لاصرتي امه والله ليبيعك وليسوي كلش من وراك ترانا مو بعهد الصحابه كل المغريات والوسائل اللي تسهل الخيانه عندهم


اوكيه انا معك من ناحيه وحده انو انا الطرف الاقوى ،،،،لا ياحبيبتي في الحياه العاديه فيه شي اسمه احترام في الحياه بس وقت الغلط وشلون اصير ضعيييفه متى يصير عندي كرامه وشخصيه اذا انهنت او خليت زوجي هو اللي يركب على راسي ان كان صح او غلط .....!!!!!
لا حببتي والله الحياااه ماوقفت على الزوج بقدر اعيش من دون رجال عادي بغض النظر عن الظروف او عن وضعي يعني بعض الحريم اذا تزوجت خلاااص توقف الحياه عند ريول ريلها اضحي بكل شي واهضم حقوقي من شان شريك العمر وشلووون صار شريك اذا اهوو ما احترم الحياه الزوجيه وحافظ عليهاا بستكون التضحيه من طرفي انا ع شانه وهوو انا ماهميته ويروح ينبسط في بلاويه وانا اصير صدق وقتهاا امه عنده شغاله له وبس



تذكرت وشلون تقارنين الام والابو بالزوج
اصلااا مافيه وجهه مقارنه بالعربي الام والاب مايتغيرون بس الزووج وراه الف زوج
يعني لاتقارنين طاعة الوالدين بطاعة الزووج ابددددد

 

[فطوم 84]

كلي دلع والله عسل اسلوبج رووووعه

الله يسعدج

كلامج 100/ 100
يعطيج العافيه

 

[كليـ دلعـ]

^^^^^^^^


فديتج فطوم

تسلمين يالغاليه ع راسي والله

وسااام ع صدري اطرااائج


الله يسعدج ويعافيج ويهدي سرج ويريح بالج

 

[كليـ دلعـ]

جلكسي بالمكسرات

قوليها بكل صراحه قولي كلي دلع

بعد شحقه تقوولين استغرب من بعض الردود!؟

خلاص تقصدينني،،،،.


وبعدين

صاحبه الموضوع ودعاائها القوي ع زوجهها


منو قال عاجبني!؟


طبعا لا ومايجوز وحرام وعيب وغلط

لكن انا حااااسه فيها انا واااااثقه من احسااسها


اهي تدعي من حرررتها من حرقه قلبها

فهذا دعااااء من ورا القلب..

تدعي بس تبي تبرد جبدها والا الصج لويصير فيه شي

تموت،،،


عارفه نوعها واحسااسهاا

ولاتستغربين اذا قلتلج ترا احساسها بيييييووور

احسااسها نقي وصاادق

عشان جذي يت ردت فعلها قوويه حيييل،،


قلت لج ياصاحبه المووضووع صعب يفهمونج

اللي نفس احساسج ندر وجووده.،،،،


فلا تستغربين الردود،،،،


ويااجلكسي

الحياه الزوجيه حقوق وواجبات

ولازم اادي واجباتي كامله

واخاف الله فيه

واحترمه

واطيعه ووووو


لكن اذا كان هالزوج يلعب بحساسي ويخوونني بلاسبب


اوو يطقني وعصبي ويمد ايده ع اشيااء تافهه

او مهمل وبخيل

جذاب خاين غدار اناني اتكالي راعي خرابيط راعي سفر

او او. اوو. اووو


شي طبيعي بتكون للحرمه ردت فعل

خو اهي لحم دم مشاعر احاسيس

لازم تتاثرر

تتجاوب مع اللي قاعد يصيير

زوجي موو اله لازم اعبده


زين شين اعبده

لا حبيبتي

المره لها حقوق لازم يخاف الله فيها

ويراعيها ويعطيها حقووقها

الحياه اخذ وعطا



اما مساله زوجها خاين

اويتزوج عليها بدون سبب

او راعي سفر

او راعي خرابيط وتلفونات

ويقوولوون تغااضي تغااضي عادي عادي

لايبا موعادي

بيتي اذا مادافعت عنه من بحميه!

حياتي اذا ماا اكون حريصه عليها من ببكون!؟


قلنالكم السكات والتطنيش في شغلات

وردت الفعل والحزم في شغلات اخري



كسثماحبيت دعاائها عليه

لكن انا وااااثقه انه من حررتها وردت فعل لا اكثر

وماحبيت حززمها الزااايد. ولوانه ينفع في البعض



بس انا اشوف ريلها شاريها

ياصاحبه الموضوع

خالاااص اعتبريها سحابه صيف وعدت


دام شرا خاطرج واهتم خلاص

ولاتزيدين الجرعه

ترا كثرالدق يفج اللحام


ترا بيهابح يوم يومين

شهر سنه لكن اذا استمريتي ع نفس الاسلوب


راح تكون له ردت فعل مااتوقعينهاا


سئليني حالات شفتها بعيني نفس اسلوبج

ورياييلهم مشترينهم مثل ريلج


لكن لماشافو الطبع مستمر والجفاف والصرامه

واحد تزوج عليها

وواحد طلقها!!!!


ديري بالج

 

[Reelax]

صاااااااااااااااااااااااجه ياكلي دلع.

انا عننننندج طبعي هااااديه وكل من يشوفني يقول مو لايق عليج العصبيه والصراخ وانا جذي


حتى زوووووووجي يقول انتي حيويه وهاديه


بسسسسسسس من عرفت خياااااانته انقلبت لحظتها انهرررررت حتى هو استغرب من ردة فعلي


صاااحبة الموضووووع كانها تكلم عني لما كشفته. دعيت وبجييييت وانهرررررت.




بس بعد مامررررر اسبوع نقدت ع رووووحيوماحبيت تصرفي. بس كانت ردة فعل لا اراديه


عشاااااان جذي اناارسلت لصاحبة الموووضوع بالخاص


قلت لها انا نفسسسسس رددة فعلج. بس ندمتتتتت


وأنها هي بعد فترررره راح تهدا وتندمم ع الدعاوي.


وبالنهااااايه الزووووجه بعد عندها إحساس ومشاعر ومو معصومه ع الغلط


انا مااايد تصرفي ولا تصرف صاحبة الموضووووووع أبدا


بس في موااااقف تطلع الوحده من طووووورها


وبالاخير اااكد على اللي قاااالته كلي دلع


لاتزودينها بالزعل. يرااااضيج ويراضييييج عقب بيمل
عطيييييه جررررعة حنان واهتمااااام
حالج احسن من غيييرج


الله يهدددددي كل زوج لزوووجته

 

[كليـ دلعـ]

^^^^^^^
يعطيج العافيه


وشهد شاهدن من اهلهااا

 

[dubai girl]

الحين كل الدعاوي بترد عليج شو استفدتي

اهله يبونه اذا انتي ماتبينه وشفتي في نهايه القصه ظلمتيه حرام والله كسر خاطري

 

[شادن33]

امبييييه شنو كلب ما كلب هذا ريلج تتكلمين عنه جذي

وبعد تبينه !!!!

الله المستعان

ياحبيبتي الحياه الزوجيه مو جذيه اي قلنا الريال ماادري اشسالفته وشمهبب !!!!

بس عزيزتي تصرفج غللللط اللي تبي ريلها وتحافظ عليه تاخذ ريلها بدهاءها وذكاءها مؤ جذي بالدعاااوي والصراخ
الله يعين

 

[جلكسي بالمكسرات]

أول : كلي دلع أتوقع في غيرج أيد صاحبة الموضوع مب بس أنتي ويمكن لأنج رديتي اكثر من مره فحسيت أن اكثر من شخص أيدها
على العموم شكراً على التوضيح حبيبتي

صاحبة الموضوع :
بخصوص المقارنه بين الزوج والوالدين
يا عمررري أنا أدري من ناحية عاطفية صعبة تقارنين لأن مافي أدفى من أحضان الوالدين
لكن شرعاً وركزي على شرعاً
طاعة الزوج تجي في مرتبة قبل الوالدين
وإذا مب مصدقتني أسألي شيخ دين
والدليل الحادثة ألي ذكرتها وهي أن الرسول ما قال للمرأة ليش خليتي أبوك عشان زوجك بالعكس أثنى عليها و زف لها بشرى الغفران
ولا تنسين حديث أن لو المرأة أمرت ان تسجد لسجدت لزوجها
حاولي تغيرين أسلوبك معاه عشان الله وحده مو عشان زوجك نفسه
والله يفتحها عليك