امهااااات (روض الصالحين - الرؤيه - الكويت النجليزية او غيرها) ؟؟ رايكم

[al7reyaa]

السلام عليكم
انا ولدي بالمعالي
وقميضه عليهم مخالفه يقولون بيحلونها لي اخر الشهر
ماودي انقله مكان ثاني
بس اذا اطريت وصكوا ابي مدرسه خاصه سعرها اقل من 1000
لان علينا التزامات وعندي ولدين وودي اكمل معاهم انشالله يعني روضه اقل وكل ما كبر زاد السعر اوكي بس روضه 1500 ما اقدر ورانا البيت والخدم والدنيا اللي نصرف عليها والله كريم

ونبي مستقبل زاهر حق اعيالنا ومن حبنا لها بندرس لها

 

[رفرف]

فنانة انتي حددي اول شنو للي تبينه بالضبط ..

تبينها ثنائية ؟
تبينها نظام امريكي والا بريطاني ؟
لأن كل مدرسة من اللي ذكرتيهم نظامها مختلف تماما عن الثانية ..

انا بنتي بالتكامل ..
توها كيجي1 ..
بس والله زينين والصراحة عكس ما توقعت العربي اقوى من الانجليزي ..
وبالانجليزي تعرف محادثة اكثر من الحروف والكتابة بس انا مو مستعيلة وايد لأن المدرسة اصلا امريكية مو ثنائية فالتركيز على الانجلش اكثر من العربي ..
وعلى القرآن ..
منهجهم زين يعني مو بس الاخلاص والكوثر لا معطينهم شغلات ..
وهم انا محفظة بنتي بروحي مو معتمدة عليهم ..
وبدخلها نادي تحفيظ قرآن لي دشت الابتدائي انشالله ..
وحتى العربي بدخلها قاعدة حلبية اذا الله سهل ..
بس انا عندي المدرسة مستواها زين ليلحين وفي اهتمام ..

 

[الفنانه79]

يعطييييييييييييييييكم الف عافيه امهات


شوفوا ياطويلين العمر

روض الصاااالحين اطردوني ههههههههههههه

مافي مكاااااااااااااااااااااااااااااااااااااااااااااااااااان وبالروضه وخلص تسجيلهم اصلا وانا رايحتلهم نص شهر واحد


المهم طبعا الكويت الانجليزيه اللي في سلوى توووووووووب


ورحت سجلت اعيالي وعطوني موعد للاختبار

اختبارهم من 6 اوراق طبعا للطفل الواحد الحمدلله حلوا اعيالي اسم الله عليهم

واولى روضه سعرها 1175 دينار المهم دفعتلهم

اليووووم ولا امطرشين اورقه مع بنت حماي ان امرفعين الاسعااااااااااااااار 15% تخيلوا

صارت اولى روضه 1300 وكسور ؟؟؟؟؟


وثانيه روضه 2000 وكسور وااااااااااااااااااااااااااااااي ينوا واقعدوا حسبي الله عليهم



بس انا ابي اعيالي نظام انجليزي اظبط لهم من الامريكي حده اخوااااااااااااااااااااره وتسيب وحريه

بس الانجليزيه نظااااااااام

وعسى الله يوفق اعيالنا

 

[mooomooo]

يا قلبي

ان شاء الله المعالي مااراح تسكر

لان ماعليهم مخالفات الوزارة تبي المبنى وبس وهالحجي من جم سنه بس كانوا يمددون لهم

يعني يقدرون يغيرون المبنى بس

انا عيالي بالمعالي عندي بقريد 1 وبكي جي 1

والله يكتب اللي فيه الخير

 

[al7reyaa]

السلام عليكم
والله ماودياستعيل احب المعالي ياربي

والله يفرج همنا يارب

 

[om el7elwen]

انا بنتي بروض الصالحين ممتازة ما شاءالله تكتب الحروف عربي وانجليزي كتابه بدون نقط واهيا اب كي جي

 

[nouna82]

الابدااااااااااااااااااع و بس

 

[al7reyaa]

اللي اعيالهم بالمعالي محد عنده خبر ؟؟؟؟

 

[Dalo3a in Texas]

ها بناااات شخبااااركم مع المدارس

 

[dana_kuwait]

السلام عليكم
مدرسة ولدي قالت وقعوهم على عقود يديده تقريبا نص الستاف موقعين
ولاقين لهم مبنى احتمال كبير بصباح السالم
ماخذين ارض بجنوب السره يبنونها مقر دائم للمدرسه

 

[بيبي-الحلوه]

ليش التحامل على مدرستي الرؤيه
بالعكس المدرسه بيرفكت ..
رياض الاطفال من اروع مايكون الانجليزي فيها 70% وفي حفظ القران نفس الشي .. الولد يطلع من الروضه حافظ جزء عم.

بالنسبه حق الانجليزي والعلوم منهج امريكي
والرياضيات مثل ماقالت الاخت ..مشكلته ان يبلش من الثالث نص الحصص عربي ونصها انجليزي عشان يأهلونهم حق الصف الرابع منهج امريكي .
بس بعد سنتين راح يكون الرياضيات بالانجليزي منذ البدايه
وطول الداوم انا معاكم لي 2 ونص .

وان شاء الله المدرسه في طور الحصول على الاعتراف الدولي ..cis

المشكله بأولياء الامور انهم مايبون يتابعون عيالهم نهائيا .

 

[ورد وردي]

بنات الله يخليكم ابي مناطق بعض المدارس لان انا اعرف ان الرؤية بصباح السالم ومكانها وايد يناسبني

التكامل وين؟
روض الصالحين وين؟
الابداع وين؟
المعالي وين؟


ومنو فيهم فيها حضانة والا كلهم روضة على طول؟؟

 

[زوزو الحلوه]

انا ولدي بالرؤيه روضه خلص معاهم واولى ابتدائي اهو الحين بصراحه لو يترجوني ماراح اخليه يكمل
اول شي ..مافي متابعه من الروضه يعني حفظ الولد ولالا محد يبلغج ويوهقونج بالابتدائي
ثاني شي واجبات وامتحانات جنه بالثانيويه يعني ولدي صار عنده املاء عربي مع انجليزي وامتحان رياضيات بيوم واحد والاداره الصراحه مو متعاونه كلش ..
بقولج سالفه ..اتصلت علي الاخصائيه الاجتماعيه ام فلان نبيج ضروري تحضرين مع الاب انا اخترعت والاب كذلك قلنالها بالتفلون في شي ضروري قالت ما اقدر اتكلم بالتلفون تعالوا وانا اشرح لكم ..اوكي وقعدنا نحاتي لمده يومين شنو هالشي الجايد الي متصل وتبينا
المهم يوم رحنا مخترعين توقعي شقالت !!!زوجي بقى يحذفها بالطفايه تقول ابنك عنده مشكله مش كويسه @@ اخترعت حدي قلت شفيه قالت بينما الابله تشرح هو بيعض المساحه @@ اولى ابتدائي ولدي ها
والله بطت جبدي هديت عليها قلت لها عادي انا امه قبل جذي وتخرجت متفوقه وين المشكله ..
الصراحه ماعندهم سالفه كلش كلش ويبون الولد سيده ومعقد هذا الي فهمته من مدرستهم يعقدون الجهال.. الحين حدي متوهقه مادري وين اوديه مفكره بالمعالي ..محد يعرف عنها اي شي؟؟

حبيبتي انا حاطه ولدي بالمعالي اولى روضه وايد حلوه وممتازه ومدرساتهم يهبلون والمدرسه مرتبه بس راح ينقلون الفروانيه:eh_s(8):

 

[زوزو الحلوه]

بنات الله يخليكم ابي مناطق بعض المدارس لان انا اعرف ان الرؤية بصباح السالم ومكانها وايد يناسبني

التكامل وين؟
روض الصالحين وين؟
الابداع وين؟
المعالي وين؟


ومنو فيهم فيها حضانة والا كلهم روضة على طول؟؟

التكامل بصباح السالم
المعالي برميثيه راح ينقلون الفروانيه
الابداع بحولي

 

[أم شواقه]

يمدحووووون روض الصالحييييييين احسن من الرؤيه

 

[ورد وردي]

مشكوووووووووووووورة زوزو الحلوة بس ممكن اعرف التكامل فيها حضانة؟؟؟؟؟؟؟

 

[ليلى رمضان]

اختي بصراحه يوم السبت اللي طاف شفت بالمركز العلمي بنات يهبلون يرطنون بالانجليزي وأغلبهم أجانب واشوي منهم عيال مصريين ولبنانيين واعتقد الأجانب ما يدخلون اعيالهم الا المدارس المتميزه وأعطيهم اعمار من 3سنوان ونص الى 5 سنوات ومنهم اعيال المذيعين نادين صيداني وخبير الأرصاد عيسى رمضان ومذيعه ثالثه وياهم
ولما سالت البنوتات which school are you from ??
جاوبوني" we are from kuwait english school " واللي جاوبوني اعمارهم ما تتجاوز 4 سنوات
وقامو يلعيون ويه بنتي صج صج very freindly
ادري كلامي مو دقيق عن المدرسه بس وااايد حطيت عيني عليها وفكرت اودي بنتي انشالله ليه اكبرت لانه اغلب اليهال فيها اجانب وقليل من جنسيات عربيه او اسيويه باجر تلقط منهم مصري ولا هندي
يعني بهالمدرسه راح اضمن بنتي ترطن وياهم انجليزي غصبا عليها ( هذا رايي )

 

[زوزو الحلوه]

مشكوووووووووووووورة زوزو الحلوة بس ممكن اعرف التكامل فيها حضانة؟؟؟؟؟؟؟

والله حبيبتي مادري اذا عندهم ولا لأ دقي عليهم هذي ارقامهم 5522204\5528145\5528306\5528175

 

[زوزو الحلوه]

السلام عليكم
مدرسة ولدي قالت وقعوهم على عقود يديده تقريبا نص الستاف موقعين
ولاقين لهم مبنى احتمال كبير بصباح السالم
ماخذين ارض بجنوب السره يبنونها مقر دائم للمدرسه

حبيبتي ممكن اعرف هذي اي مدرسه تتحجين عنها

 

[Dalo3a in Texas]

اختي بصراحه يوم السبت اللي طاف شفت بالمركز العلمي بنات يهبلون يرطنون بالانجليزي وأغلبهم أجانب واشوي منهم عيال مصريين ولبنانيين واعتقد الأجانب ما يدخلون اعيالهم الا المدارس المتميزه وأعطيهم اعمار من 3سنوان ونص الى 5 سنوات ومنهم اعيال المذيعين نادين صيداني وخبير الأرصاد عيسى رمضان ومذيعه ثالثه وياهم
ولما سالت البنوتات which school are you from ??
جاوبوني" we are from kuwait english school " واللي جاوبوني اعمارهم ما تتجاوز 4 سنوات
وقامو يلعيون ويه بنتي صج صج very freindly
ادري كلامي مو دقيق عن المدرسه بس وااايد حطيت عيني عليها وفكرت اودي بنتي انشالله ليه اكبرت لانه اغلب اليهال فيها اجانب وقليل من جنسيات عربيه او اسيويه باجر تلقط منهم مصري ولا هندي
يعني بهالمدرسه راح اضمن بنتي ترطن وياهم انجليزي غصبا عليها ( هذا رايي )

اي هذي من اقوى المدارس الانجليزيه ومكانها سلوى قطعه 11