الحقوني عرفت ان زوجي عنده جوال بالسياره الحين كشفته

[Bforbella]

اووف اوف اوووف وشهالدعاوي يااختي اهدي والله حرام لاتدعين مذا انا اعرف انك متنرفزه بس وش تقتلينه انتي صاحيه تعوذي من ابليس تحسبي ولا تدعين انتبهي والله نصيحه
قولي له يعترف ولا اذا مااعترف خليه يطلقك احسن ماتكبر المشكله
انتبهي يدخل الشيطان بينكم تعوذي من ابليس وصلي وادعي له مو عليه
والله يهديه

 

[modern]

و الحين دريتي و تأكدتي انه كذاب وخاين....اوكي شتسوين بعدها؟؟؟ تتركي البيت؟ تطلقيه؟ تفضحيه
حبيبتي استغفري ربك و ابتعدي عن التفتيش ورا زوجك ترى تدشين بحرب لا تنتهي
الرجال يخون و يسري حساب لزوجته و يخاف انها تعرف ... انتي الحين وريتيه انك دارية عن خيانته و لسه قاعدة بالبيت يعني فتحتي وراقك قدامه
و اذا كان يسريلك حساب و يخاف منك الحين خلاص عارف مسبقاً ردة فعلك
تصرفك غلط 100٪
يا طنشي عنه و وقفي تجسس او كان لازم ما تعلميه انك دارية بالموبايل و تسوي فيه مقلب يكون دليل على خيانته

 

[زوجة عزيز]

الله يعينج مو كفايه خاين بعد جذاب !!

 

[soft.eye]

دامه خايف من الي سواه خلاص مشي السالفه بمزاجج طوفيها بس بينيله انج مو غشيمه ولا غبيه وترى كل الرياييل يغلطون واحنا البشر مو معصومين عن الغلط حافظي على زوجج وبيتج لا تحلين بنات ابليس يخربون بيتج

 

[اسوارة من حديد]

يااااابنااااات دقيت على زوجي وقلت له تعال الحين البيت قال ليش قلت لا تستعجل على رزقك اذا جيت بتعرف وش اللي صار قمت اخذت شنطي ولميت العفش حقي وجاء شاف اغراضي بغرفة النوم
قلت له ياتعترف ياا والله ماعاد تشوف وجهي مره ثانيه لادق على ابوي لاخليه يجي ياخذني بعد زن والحاح مني انه يعترف


شووووفو وش قال
اول شي انا قبل شهر سافرت يم هلي وتمشكلت وياااه هو الحين ماله يوم واحد ببيت هلي قلت له يله (((((اطلع)))) والله يابنات اني ماكنت اعرف ان هالكلمه قلبته فوق تحت قالي تطرديني من بيت هلك طيب والله لاوريك بطريقتي بعدين بتعرفين
المهم حاولت اراضيه يمكن اسبوعين وشوي وهو بالقوه تقبل الامر يقول يوم وصلتي عند هلك بعتيني واستندتي عليهم خلاص


والحين اعترف ويقول علي الحرام اني ماطلعت الجوال ع شان اغازل ولا اسوي حرام من وراك اني ماطلعته الا كنت ابي اتزوج مسيار وكنت حاط لك مهله اسبوعين لو مارجعتي طيران اني لاتزوج عليك مسيار
بس يابنات قلت له لاتخلي كلمتي شماعه قال شوفي يشهد الله اني تخلصت من الجوال بعته
قلت له كيف اصدقك ابيك تقول كلامي وتعيده ع شان انا انسى الموضوع واسكره قلت له قول علي الحرام اني ماني متزوج مسيار ولامتزوج عليك ولا بتزوج وعلي الحرام اني ماكلمت بنات ولانيتي اغازل واكلم بنات حرام وعلي الحرام اني بعت الجوال ورميت الشريحه والرقم كانو شباب العمل كلهم يعرفونه لو كنت بغازل كان ماعطيتهم الرقم


سؤؤؤؤؤؤالي يابنات ياخواتي ياحبايبي الله يسعدكم والله اني عرفت ان العصبيه الزايده ماتجيب نتيجه وان الكلام بهدؤء جاب نتيجه وقام يحلف لي ان كان بيعلمني اصلا بالشريحه بس يقول كنت ابي استنى كم يوم واعلمك لانه السالفه وكلمة اطلع يقول جرحتني جرح كبير بصدري يابنات حتى وهو يكلمني عيونه كلها دمووع وحمرا




اول شي تتوقعوون انه صادق بكلامه ولا يقص علي مثل اغلب الرجال؟؟؟؟؟؟
هل ارجع بطبيعتي وشخصيتي الاولى؟؟؟؟
ولا ازعل كم يوم واثقل عليه؟؟؟
هو اصلا قالي يوم تزاعلنا يقول والله مع الايام بتعرفين يعني كان يهددني بطريقة غير مباشره انو راح يتزوج مسيار
ويقول الحين علي الحرام ما اتزوج عليك وعلي الحرام مااسوي اي حرام من وراك وعلي الحرام ماعاد اخذ جوال او شريحه من وراكًً،،،،،،،


ريلااكس--ونونه --وكل اللي دخلووو وعلق بمشكلتي الله يحميكم يارب ويحفظ لكم ازواجكم وعيالكم تكفون ردو لي الحين الله

 

[اسوارة من حديد]

انا مدري ليش كل الحقد اللي كان فيني رااح مدري هو غباء مني ولا سذاجه ولا شي طبيعي يوم اعترف هديت وصدقت هل تتوقعون يقص علي ولا من جد لانه هو كلش والمحارم واشياء الحرام وهو دايم كان يقول الدنيا دواره ومن زنى يزنى بجدار بيته يعني ترجع له بس يابنات لو صار لكم مثل ماصار معي وش بتسوون بالضبط

 

[Reelax]

شوووفي مدام قال لك هالعذر. حلفييييه بالقران انه مايتزوج وراج عشان مايتعودويعيدها اذا هو انسان خائف ربه ويخاف من الحلف الكذب. حلفيه انه مايسوي ششي وراج. وانه اذا بدر منك شي يزعل يواااجهك مو يعاند بالخش والدس.
وانه كلمتج طلعت بلحظة غضب. والانسان مو معصوم من الغلط.
بس كلللللش ولا انه يسوي شي من وراااج يعاتبج ويعاقبج علني.
مو خشششش ودس ومسيار. لان بالشي هذا راح تهدم عايلتنا وتشتت اولادنا
وحلفييييييه انه مايكرر هالشي
وبعددد مايحلف. وتتاكدين انه ماراح يعيد فكرة زواج المسيار.
قوووولي له. انا بسامحك هالمره لانك حلفت. ولاني احبك.
وخلينا نفتح صفحه جديييييده. بدوووون خش ودس


وبعدها لاتنسين الاذكار. والدعاء. هذا يمكن تنبيه من ربج عشان تلجاين له. لان مثل ماقلتي الكل حاسد كم. على حبكم وعلاقتكم


عطيييييه الثقه وحسسيه. فيهااااا. والله يوفقكم

 

[Reelax]

هههههه كلنا جذذذذي نطخ بسرررعه حتى لو احتمقنا ودعينا

حبيبتي الاغلب جذذذذي مشاكل وعناد. الانسان مو معصوم عن الغلط.


اييييه ياقلبي انسييي وارضي. واحمدي ربج ان زوجج مو متعود ع الحراااام


وادعيييي. واستودعيه ربج.


وووااايد. حريم اعرفهم مرو بالشي هذا

 

[اسوارة من حديد]

ريلاااااكس حبيبتي الله يسعدك على وقفتك معاااااي فديييييييتك ياروحي والله كلاااامك في القلب الله يسعدك يااارب وييسر لك والله ماانسى وقفتك معي
كل الصبايا اللي دشو هنيه وكتبو وربي ماراح انساااكم في صلاتي والله راح اتصدق عنكم كلكم


بس انا وقتها صدقته بس اعوذ بالله بعد مانام قعدت اهوجس بس هو شايل فكرة الزواج من يوم رجعت بيتي بس هو قال علي الحرام اني مابتزوج ولاانا متزوج وماعاد اخذ جوال او شريحه من وراك


مدري احس انه لو بس حلف ما اصدق بس هو حرمني على نفسه وشهد الله بكلامه انه صادق

 

[Reelax]

يابنت الحلال صدقيييييه صدقيييييه وانسي انسي لانك استودعتيه ربك وهوبيسخره لك وبيحفظه


لاتظنيييين ان في حياة زوجيه ماتمر بمثل هالمشاكلمستحيييييل
عيشي حياتج مع زوجج. واستانسي وانبسطي


دعوااااااتج لي ربي يفرج همي. وينولني اللي ببالي.

 

[نونه المنكوشه]

والله انج ابالي واني انصحج مثل ماانصح اختي شوفي حبيبتي الحين مدامه اعترف وقالج اللي بخاطره خلاااااص صدقيه وصكري الموضوع وزيدي جرعتة الحنااااااااان اقسم بالله انه بتشوفين شلون يسير خاتم بصبعج تدرين ليش لانه راح يحس بتأنيب الضمير انه فكر يسوي هالشي واهوه الحمدالله ع كلامج يخاف الله فلاتحاتين حتي لوغلط خوفه من ربه يردعه ومدام ريلج حساس حاسبي ع كلامج معاه ولاطولين الزعل ي قلبي احتويه انا دايم انصح اي متزوجه تهاوشتي مع ريلج طلعي حرتج وعفسيه بس بعدهااااا اذا انحلت المشكله احتويه لاتثقلين عليه لانه بيمل واهوه بالهوقت محتاج انج اتكونين يمه ومعاه صج اني مومتزوجه بس انا قبل ماخذه دورات فخليج شاطره وسمعي كلامي والله يوفقج ويبعد عنكم المشاكل

 

[اسوارة من حديد]

Reelax &نونهالله ينور بصيرتكم يارب ويرزقكم كل الخير
نونه وريلاكس كلامكم في الصميم والله تسلم هالانامل الله يسعدكم دنيا واخره


Reelax والله ماانسااك ابد دايم ببالي ادعيلك وهمومك والله هي همومي بعد اني ما ارتاح الين ربي يفرجها لك
الله يفك كربتك يارب وييسر لك ولنا
استودعتكم الله الذي لا تضيع ودائعه

 

[اسوارة من حديد]

يا الله توي انتبه ع نفسي رحت اقرا الرسايل اللي كتبتها كل شي بخاطري كتبته وكل شي صار بالتفصيل كتبته

الحمدلله على كل حال

 

[Sisyphus]

انا نادرا ما اكتب حلول لمشاكل البنات بحكم ضيق الوقت
لكن موضوعج شدني حيل لان حسيت انج تمشين على النيه و ما عندج لف و دوران ومجامل و اللي بقلبج على لسانج
و هالشي غلط بالتعامل مع الرجال يا بنت الحلال
اختي لازم تسمعين كلامي عدل عدل عدل
انا حدي منصدمه انج طردتيه من بيت اهلج
والله لو رجال ثاني انه ليطلقج بالثلاث ولا يهمه*
زوجج متفهم و عاقل وهو اللي يحاول يهدي الامور
وانتي فيج نوع من الطفاقه و مطيوره و متسرعه
اسمحيلي على هالكلام بس والله اني اكلمج وانا اعدج مثل اختي
ديري بالج تردين تعاملينه بالاسلوب هذا*
لا تدعين عليه جذي
و لا تطردينه ولا تقوليله كلمة تنقص من رجولته مهما كان الموقف
حتى لو انه بالفراش مع بنت شارع*
لان الكلام اللي تقولينه يجرح انوثتج قبل يجرحه او يجيه
انا عندي تاخذين اغراضج وتروحين لبيت اهلج افضل مليون مره من كلام عربجي يطلع منج

الشي الثاني
مبين انج يا اختي يا حبيبتي من النوع اللي كل ما زعلت طقتها شلاله لبيت اهلها
لا تروحين لاهلج ابدا ابدا الا في حالة وحده بس و هي انج ناويه توصلين السالفه للطلاق بسبب خيانه حقيقية
و شي اخير لازم انبهج له
مبين انج انتي الطرف الاقوى بالعلاقة
حاولي ما تضغطين عليه بزياده عشان لا يجي اليوم اللي ما يحسبلج اي حساب بسبب كثر العتب و من كثر ما تحاسبينه

نصيحة اخيرة
زوجج لازم يكون هو سندج بالدنيا
ولازم هو يعرف هالشي
ديري بالج تخلين اهلج هم عزوتج رقم 1
زوجج رقم واحد و اهلج رقم اثنين
لان لو هو عرف انه سندج بالدنيا بيفكر الف مره قبل لا يجرحج
لكن دامج كل شوي تستقوين عليه باهلج و اهله
وربي بتلوع جبده بيوم ولا ينلام
عايش مع وحده تهددني بابوي و ابوها طول الوقت؟ و اي غلطة قالت بدخل شيبانا بالسالفه؟
ديري بالج يالغالية و الله العالم اني اكلمج ناصحه لوجه الله

 

[اسوارة من حديد]

Sisyphus كلامك على عيني وراسيى واغلب كلامك صحح انا متسرررررعه مررره بس موب عربجيه الا اذا عصبت يعني خلاص احس الدنيا مسكره قدامي
انا بطبعي اي شي يضايقني لزوم اتكلم ما اقدر اتحمل


شوفي كل بيت لازم فيه مشاكل بس عمري وحيااتي ماتكلمت لاهلي او لاهله اصلا شي داخل بيت بيتي مايطلع منه وما اطلع من بيتي لحد ماتصير الامور تمام
وعند اهلي هناك تخاصمت معاه اصلا انا اللي كنت غلطانه هناك بس الشيطان موجود وبصراحه الموقف ماكان يستاعل اني اقوله اطلع بس الحمدلله على كل حال


بس هالجوال طلع شخصيتي الحقيقيه خاصمت دعيت عليه كل شي سويته لاني فقدت السيطره على نفسي
ترى والله صعبه لما تخلصين لانسان وبالمقابل يجي النكران والله صعبه وصدمه




انا طلبت الطلاق وقلت راح اعلم اهلي واهلك انا لو علمت اهله او اهلي كرامتي ماتسمح لي ارجع بيتي مره ثانيه ما احب نظرات الشفقه من الناس اني رجعت له

 

[ام بدر 27]

تعوذي من الشيطان وحلي الأمور بالهدوء التسرع ماينفع

 

[خالتي قموش]

انتي بيدج تقدرين تخلينه ما يتزوج

ابدي صفحه يديده
وتركي عنج العصبيه
وروئي
الريال زين
لو واحد ثاني انطرد
جان طلقج من زمان
لا قدر الله

حافظي على النعمه اللي عندج
وقولي الحمدلله
ترا النعمه زواله

تقدرين بلكلمه الطيبه و الابتسامه
تملكينه

 

[جلكسي بالمكسرات]

حبيبتي ،
تبين الصراحة
أنا جداً متعاطفه مع زوجك
يعني تهينينه وتشتمينه و تطردينه
وتهددينه و تخوفينه
أمانه وين الأنوثة وين الرقة وين الأخلاق ؟؟؟؟!
لا تلومين أي وحده أنتقدت شخصيتك
أنا كشيت وأنا قرا
وكسر خاطري زوجك والله كسر خاطري
الدواء مر بس يعالج
أنتي دواك تغيرين شخصيتك هاااذي !!
أنتي ما تاخذين نصايح الرسول عليه الصلاة والسلام ؟؟
روحي أقري أحاديثه عن طاعة الزوج والرضوخ له
وأنتي راكبه فوق راسه و تشتمينه و تهددينه و تطردينه
يعني لا أرضتي الله ولا رسوله
وتبينا نرضى وأحنا نقرا كلامك ؟
لا أبد ما أجاملك و أقولك لك صريحة
أنا صادفت نفس شخصيتك زوجها قرر يتزوج عليها
صراحه ما ألوم ولا رجال يفكر يتزوج على زوجته إذا هي ما تحترمه وتقلل من قدرة و تصااارخ كأنها عربجية
أنتي لو تلاحظين
كل ألي سوتيه بس عشان لقيتي جوال
طيب أنتي تحبينه لدرجة أنك أنجنيتي يوم شميتي ريحة خيانه
طيب إذا تحبينه ليش تتمنين له الموت والشلل ؟
شخصيتك جداً غريبة
عجزت أفهمها
في النهاية أتمنى تغيرين شخصيتك لأنها بتنفر الرجال منك
وشكراً

 

[اسوارة من حديد]

وين ياروحي شخصيتي متناقضه بغض النظر عن مشكلتي احب زوجي وهو كذالك مع مرور الايام اكتشفنا خيانه يعني بالله بالعقل تحبينه وتتمنين له حياه سعيده ؟؟؟!!!!
اللي سويته اناا طبيعي ١٠٠٪١٠٠
انا طبيعة شخصيتي جدا عاديه بالعكس كنت جدا مسالمه بس انا مسالمه بحذر واذا صار شي فيه من الخلل للحياه الزوجيه اكيد وانا انثى عندي احاسيس ومشاعر تبان ردة فعلي اللي هي [[[[الطبيعيه]]]] مثل اللي صار لو فرضاا سكت وقفلت على الموضوع يعني مثلا بنام مرتاحه ولا بيكون كل تفكيري المشكله
بس تدرون وش اللي مو طبيعي لما تجي بعض الردود وتقول وش ذا وش سويتي حرام عليك بس ع شان جوال اجل وش تبين متى تبان ردة فعلي اذا دشيت بيتي وحصلت مره قدامي ولا كمان وقتها اصبري تفهمي الموضوع اسئليه شوفي ليه سوى كذا؟؟؟!!!!!!!!!
ترى ياحبايبي عمووووماا الدنيا ماووقفت على الزواج ولا على زوج واحد
اهم شي الكرااااااامه فوق كل شي
كان سكتي وصبرتي لا ياقلبي والله انا انثى لدي احاسيس ومشاعر وانا انسانه شفافه جداا للقريب والبعيد. اكيد ياقلبي بدعي عليه اجل بدعي له مثلاا وانا اشوف الخيانه
وش يعني لو احب ما ادعي على الطرف الثاني لا ياحبيبتي لو هو حب بصدق ماكان خان واكيد بيروح حبه في ثواني هو اكيد ماراح انسى بتم فتره متعذبه بس مافي الا ربنا يحقق مرادنا
الحمدلله الذي جعل بيده الملك وهو قادر على كل شي

 

[كليـ دلعـ]

^^^^^^^^

كللاامج صحييييح

ومنطقي الف بالاميه

لكن انتي اصبحتي من النوادر في هالزمن

يعني اللي نفس تفكيرج

اصبح منكر في هالزمن!!!

واصبح خطا ومحط سخريه!!

فاهمتج

واايدج

والحريم اللي نفس تفكيرج اصبحوو ينعدون ع الاصاابع


انتي بهاالزمن غلط لان هذا زمن التجلب والتهووتل بالريل لو شسوا

بس دام مقتنعه بتفكيرج

خلاص لاتستشيرين احد

لان صععب احد يفهمج

بس

دام زوجج حلف لج وشراج

خلاص صدقيه وردي الهاديه الحبيبه المطيعه

والله يسخره لج ويريح بالج