ان كيدهن عظيم تعالو شوفوشسويت بصديقة زوجي السابقه

[sh_mashael]

و الله عيب

شنو هذا ؟

بليتيها بعمرها و قولتيها قول اهي ماقالته

و خليتيها زباله مع انها ماتدري انه متزوج

الله يسامج

شي يكدر الخاطر الصراحه

 

[متفائله بلا حظ]

البارونه عيب اني ادافع عن حقي
وموعيب هي تجي تركض ورا رجال متزوج ؟؟؟
اقولج هي حذفت حساباتها قدامي بس وراحت له من وراي تتلزق فيه ولا كانها شافتني ولو انا ماسويت اللي سويته كان يمكن اللحين يكلمها وتكلمه يعيدون ذكريات الماضي

 

[قطوووة]

زين تسوين

 

[متفائله بلا حظ]

وعلى فكره هي زباله انا ماتبليتها هي قبل تدري انه زوجي هلت علومها كلها قالت انا اللحين عندي بالبيبي شكثرهم وانا نظامي امريكي احب الفررند مع الشباب وعندي فلاش مليان بلاوي لو يطيحون عليه اهلي اروح فيها
تقول احب اصور محادثاتي والصور اللي مع الشباب موعلشاني احبهم بس احب الذكريات
بالله عليج هذي مو زباله ؟!


استغفرالله الله لايبلانا بس

 

[sh_mashael]

انتي ماكتبتي التفاصيل

بس إلا التبلي ع الأوادم

و صدقيني كما تدين تدان

و الله يهدي سرج

 

[om Fouz]

هويااااااااااااااااااااااااااام ( شاطرة عفيه عليك

وما نيل المطالب بالتمني ولكن تؤخذ الدنيا غلابا

 

[متفائله بلا حظ]

شنو كما تدين تدان يعني انا بروح اكلم رجال مرتبط واخرب حياته ولاشقصدج !!
والله ماادري. شلون تفكرين اسم الله علي من هالسوالف وانتي حطي نفسج مكاني كنتي بتسكتين وتقعدين تتفرجين عليهم !!!
والله اذا انتي بتسكتين وعادي عندج اهنيج ع برودج اما انا مستحيل اشوف احد يحاول يخرب بيتي وعلاقتي بحبيبي واسكت له ولاتقولين اقدر ابعدها باسلوب ثاني هالاشكال ماينفع معاهم الكلام والاسلوب الزين يبيلهم من يدوسهم علشان يبعدون

 

[شادن33]

دااااهيه وبسرعة تصرفتي
الله يبعد البنات عن ريلج ادعي وبس
وخلي عنج انج تتبعينه منو كلم وشنو سوا تتعبين وعوار راس
استودعيه بالله وخلااااص

 

[ناتشوو]

لا والله ماالومج
حتى لو تبليتي عليها
ع الأقل تبين تحافظين ع حلالج
بس الاخت شنو نيتها
تراجع ذكريات ماضيها الجميل ؟

 

[sh_mashael]

اشفيج ؟

ترضين احد يتبلى عليج لأي سبب من الأسباب

انا رديت عليج حسب اللي كتبتيه و عقب قمتي تكتبين التفاصيل

.

 

[فوفو22]

من حقج الدفاع عن بيتج

بس مو من حقج التبلي على خلق الله للحفاظ على بيتج

اكيد لها حوووبه لانها مظلومه ......والمظلوم دعوته مستجابه



فوفو

 

[mrs.abk]

ما أدري أختي سامعة عن (البهتان) ؟!

معنى البهتان
تدور معاني ابهتان في اللغة حول الكذب والافتراء والباطل، أما البهتان في الاصطلاح فهو: الكذب والافتراء الباطل الّذي يتحيّر منه.
وقال المناويّ: البهتان: كذب يبهت سامعه ويدهشه ويحيّره لفظاعته، وسمّي بذلك لأنّه يبهت أي يسكت لتخيّل صحّته، ثمّ ينكشف عند التّأمّل.
وقال الكفويّ: البهتان: هو الكذب الّذي يبهت سامعه أي يدهش له ويتحيّر. وهو أفحش من الكذب، وإذا كان بحضرة المقول فيه كان افتراء.( راجع نضرة النعيم/ 9)
الفرق بين البهتان والاغتياب والافتراء والإفك:
تتقارب معاني هذه الألفاظ، بيد أنّها عند التّدقيق ممّا تختلف دلالته وتتفاوت، فالاغتياب هو أن يتكلّم شخص خلف إنسان مستور، بكلام هو فيه، وإن لم يكن ذلك الكلام فيه فهو بهتان، والكذب الفاحش الّذي يدهش له سامعه هو بهتان إن لم يكن بحضرة المقول فيه، فإن كان بحضرته كان افتراء، سواء أكان ذلك عن قصد أو عن غير قصد، فإذا كان ذلك عن قصد كان إفكا.



ولا شك أن البهتان أعظم عند الله من الغيبة فعن أبي هريرة- رضي اللّه عنه- أنّ رسول اللّه صلّى اللّه عليه وسلّم قال: "أتدرون ما الغيبة؟" قالوا: اللّه ورسوله أعلم. قال: "ذكرك أخاك بما يكره" قيل:
أفرأيت إن كان في أخي ما أقول؟. قال: "إن كان فيه ما تقول فقد اغتبته. وإن لم يكن فيه، فقد بهتّه".(رواه مسلم).
وبين النبي صلى الله عليه وسلم شدة حال هؤلاء الذين يرمون الناس بالباطل يوم القيامة فقال: " ...ومن رمى مسلما بشيء يريد شينه (أي عيبه وذمّه) به حبسه اللّه على جسر جهنّم حتّى يخرج ممّا قال".( رواه أبو داود،وحسنه الألباني).







في النهاية كان ممكن تحمين بيتج بدون ذنوب ..

والله من وراء القصد أختي..

 

[ناتشوو]

من صجكم بنات
المغازلجية المحترفة
لها حوبة؟؟؟
مو يمكن ربي سلط عليها ذنوبها ؟
خل تولي

 

[كليـ دلعـ]

اخاف معطينج على قد عقلج .......... هي اذكى منج وادهى

خخخخخخخخخخخخخخخخخخخخخخخخخخخخخخخخخ

 

[mrs.abk]

من صجكم بنات
المغازلجية المحترفة
لها حوبة؟؟؟
مو يمكن ربي سلط عليها ذنوبها ؟
خل تولي

هذا الشيء الله سبحانه يقرره موب إحنا يا العباد ..

ما نحاسب الناس أبدا على ذنوبهم .. الجنة والنار موب في ايدنا أختي

 

[sh_mashael]

من صجكم بنات
المغازلجية المحترفة
لها حوبة؟؟؟
مو يمكن ربي سلط عليها ذنوبها ؟
خل تولي

ابد و الله مو دفاع عنها

لكن السالفة سالفة مبدأ

و الله يشوف و الله يعرف منو الظالم

 

[كليـ دلعـ]

ياويلج من الله


ظلمتيهاا وبهتييهاا

ياووييلج من الله اي مظلوومه واي دعوتها مستجابه

وبيتج موبهالطريقه تدافعين عنه


تغضبين ربج وتجذبين وتظلمين عشان بيتج!؟

شلون تبين ربي يبارك لج فيه وانتي عاصيته!؟

لايؤمن احدكم حتا يحب لاخيه مايحبه لنفسه

وبعدين بيتج واامورج بيد ربي

لوكان ربي كاتب عمار لبيتج بيعمر لوو الحريم داشين طالعين

واذا ربي موكاتب عماره

لوو تكيدين من اليووم لي باجر؟!


تبيعين رضا ربج عشاان زوج. قلبه بين اصبعين من الله يعني يحرك ربي اصبعينه ويكرهج!


وش دراج يمكن تمثليه عليج!

شدراج يمكن عنده ايفون ولاب ووو وخااشهم عنج


غير اللي جدامج!؟
عبالج مايقدرون!؟

عبالج مايفكرون!؟


عبالج مهبببل!

هذول الرياايييل ياا امي

 

[سعودييييه هع]

ذكرتيني بهويام الي بمسلسل حريم السلطااان

،

اقول تعطيني دروس بالكذب الابيض والكيد المُباح ؟ احس اني احتااااج لدروسك للي حولي هههههههههههههههههههههههههههههههه

 

[ناتشوو]

انا اقول من كان له حيلة فليحتال
الوحدة لو شكت من مرت اخوها ولا اخت زوجها ولا ام زوجها
نساعدها بالخطط اشلون تستقل عنهم وخل يولون
والحين تشكي من وحدة تبي تسوي علاقة مع زوجها
نقول لها حرام عليج !!!


بس الخوف ان المسلسل ماخلص
وانها ماخلصت للحين
علشان جذي سألت له سويلفات كدة ولا كدة ؟؟

 

[ناتشوو]

هذا الشيء الله سبحانه يقرره موب إحنا يا العباد ..

ما نحاسب الناس أبدا على ذنوبهم .. الجنة والنار موب في ايدنا أختي

منو جاب سيرة جنة ونار
ولا قلت هذي بتدش نار ولاجنة
بس فعلا حاليا هي مغازلجية
الله يهديها ويهدينا
وتحاول تدش حياة زوجي وبالتالي تهدد استقراري
فليش مااتدخل ؟
وصاحبة الموضوع كتبت ان مؤنبها ضميرها بس اضطرت تتصرف جذي