تجمع للصف السابع والثامن والتاسع للعام الدراسي 2012 / 2013

[أم عبووووود]

السلام عليكم حبيباتي

العلوم كله صعب والله ربي يسهل على عيالنا ان شاء الله

ان شالله راح نحصل تلاخيص تفيدنا ونحطها بقسم التلاخيص

ربي يوفق عيالي وعيالكم

 

[جبل واره]

كارلوفي فالي

فكرتج ممتزه وصح كلامج
يعطيج الف عافيه وربي يبارك لج ان شالله بحاول اسويها لعيالي

استاذ ولدي الاسلاميه يسوي لهم تلخيصات بواسطة الخرايط الذهنيه بس ماكنت اعرف اسمها تكون سهله للحفظ واااايد باقل مجهود

مشكوووورة حبيبتي ماقصرتي ربي يوفق عيالج ان شالله

جزاج الله خير

ممكن لو سمحتي تنزلينلنا الملخص اذا للصف السابع الفصل الأول ....

 

[كارلوفي فاري]

ياجماعه خصوصا منهج العلوم لا تعتمدون على الملخصات لانه وللاسف اختبارات التوجيه تجي من بين الاسطر ومايطوفون شي فحبيت انبه

 

[أم عبووووود]

هلا كارلوفي فالي

اي صح باجتماع ولدي اللي بخامس قالوا ان التوجيه اييب من بين السطور وكل كلمه مهمه فما بالكم المنوسطه احنا ان حصل لنا تلخيص ندرسهم اياه ونضيف لهم الناقص

المعلومات وااايد ربي يسهل ان شالله

انا اليوم يايبه كتاب ولدي اللي بثامن الدوام بقعد اقراه بوقت فراغي اشوف شنو محتواه بالضبط

ربي يوفق عيالي وعيالكم

 

[كارلوفي فاري]

شوفي بالنسبة لثامن محتاج تسوين مخطط للنبات يعني مثل ماقلت خريطه ذهنيه
النباتات

وعائيه. غير وعائيه.

وتدرجين تحتها البذريه ولا بذريه والزهريه ولا زهريه وكل تصنيف حطي عنده دورة الحياة مالته وتحتها الخصائص مالت كل مجموعة وبجذي سويتي تلخيص حلو لقسم النبات

 

[كارلوفي فاري]

اب اب

 

[أحلام الماضي]

جماعة حتى العربي بعض أسئلة الفهم والاستيعاب بتبقي غير مباشرة وحتى الصف الخامس العام قبل السابق كان من بين السطور

 

[حبيبة الكويت]

أخت كارلوفي فاري
ممكن تلخيص علوم حق صف ثامن ولدي عنده اختبار إذا عندج المخطط الذهني الي قلتي عنه ممكن تحطينه الاختبار بعد بكره

 

[كارلوفي فاري]

والله للاسف ماسويييت والخريطه الذهنيه الطالب يسويها لنفسه احسن له
وانا يابناات اعذروني ضروفي تغيرت ماخذه اجازه. ادري خذلتكم لكن والله مو بيدي واعتذر مره ثانيه

 

[أم عبووووود]

صباح الخير

حبيبة الكويت ان شالله بدور اي مراجعه احطها بقسم التلاخيص وان لقيت عند ولدي اوراق احس انها بتفيدكم راح اصورها وادزها بتويتر وان مداني راح اطبعها لكن اذا فيه صور او شي جذي راح يكون صعب اني اطبعها

ربي يوفق عيالي وعيالكم

 

[دانه كول]

يارب ماأكون حطيت الراوابط بكان غلط ����


مادري لَيــِْ♡̷̴̬̩̃̊ـِْش حاسه فِـيـہ غلط بس شنو مادري ��

 

[أم عبووووود]

يارب ماأكون حطيت الراوابط بكان غلط ??


مادري لَيــِْ♡̷̴̬̩̃̊ـِْش حاسه فِـيـہ غلط بس شنو مادري ?

حبيبتي يعطيج الف عافيه عالجهد وماقصرتي

بس ياقلبي ماعليج امر حطيهم بقسم التلاخيص بدون روابط كل موضوع بروحه لان الروابط ممنوعه بالقسم

ربي يبارك لج ببنيتج وذريتج وتشوفينها من المتفوقات يارب

ربي يوفق عيالي وعيالكم

 

[أم عبووووود]

صباح الخير

شلونكم خواتي

مدرسة ولدي من هالاسبوع بدت البريزينتيشنات ربي يوفقهم ان شالله

امس دزيت ورقتين مراجعه لدروس العلوم للصف الثامن بتويتر ان شالله يفيدونكم

ربي يوفق عيالي وعيالكم

 

[دانه كول]

مشكوره ام عبود بحاول اتعلم شلون انزل بقسم التلاخيص الاوراق
بدون روابط ان شاء الله

 

[دانه كول]

أإأبـْيے اضيفج عندي بالتويتر ام عبود ماعليج امر بس ماعرف اكاونتج

 

[أم عبووووود]

العفوو حبيبتي دانه انا معاج خطوة بخطوه ونزلي بالقسم ترى سهل

هذا اكاونتي om_abdullah75 حياج الله حبيبتي

ربي يوفق عيالي وعيالكم

 

[أم عبووووود]

صبحكم الله بالخير والكرامه


استفدت من الاستاذ حمزة الخياط جزاه ربي الجنه شغله للتعبير الانشائي وان شالله تفيدكم بكسب الدرجات لعيالكم

في كل موضوع يبدأ بالجمله هذي

( يسرني ويسعدني ان اكتب في هذا الموضوع الشيق )

وان كان الموضوع عن رحله بر ، بحر ، الحديقه ، حديقة الحيوان يكتب الجمله التاليه

( في العطله ذهبت مع اسرتي الى 000000

ان شالله تفيدكم هالمشاركه

ربي يوفق عيالي وعيالكم ان شالله

 

[aroosalshemal]

بنات عندي سؤال لتاسع اسلاميه بدرس ( اسباب النزول )

اللي تعرف تفيدني الله يجزاها الجنه

السؤال

يظن بعض الناس ان لا فائده من معرفه سبب النزول ؟

فما حجتهم ؟

وبما ترد عليهم ؟

 

[أم عبووووود]

هلا حبيبتي

ان شالله يفيدونج البنات اللي عندهم هالمرحله

ربي يوفق عيالي وعيالكم

 

[أم عبووووود]

صباح الخير خواتي

نزلت بقسم التلاخيص تلاخيص لمادة الاجتماعيات وهذي الروابط

الصف السابع
http://www.q8yat.com/t1099561.html

الصف الثامن
http://www.q8yat.com/t1099567.html

الصف التاسع
http://www.q8yat.com/t1099560.html

ان شالله تستفيدون منهم

ربي يوفق عيالي وعيالكم ان شالله