البنات اللي عندهم شعبيه بالمدرسه ادش ضروري امانه

[لياليـ]

سلام عليكم بنات
بدش بالموضوع من غير مقدمات
بنات من وانا بالابتدائي كنت احلم انه اصير عندي شعبيه بالمدرسه ورفيجات وايد وكل ماااحاول اتعرف ماانجح اهو عندي برا المدرسه شوي بس بالمدرسه بس وحده او كله اتغيب انا عندي بس كللللللله زميلات ودي اتعرف عليهم اكثر واتمشى معاهم بالفرصه واكون صداقات خاصه البنات ماك جكن او اللي عندهم شعبيه ودي اكون صداقات تخيلو بنات اب عيدميلادي محد يه غير اهلي او اليوم بالمدرسه وحده من البنات اللي عندهم شعبيه الكل سوالها حفله ويابو لها هدايا او انا عندي ايفون رفيجتي قالت لي اذا تبين تتعرفين ع بنات اخذي لج بلاك بيري وضيفي البنات من بعدها راح تتقوى العلاقه يسولفون معاج ويضيفونج

الحين باختصار ابي البنات اللي عندهم شعبيه بالمدرسه او عندهم خبره بتكوين الصداقات يعطوني طرق شلون اتعرف واكون لي شعبيه بالمدرسه مليت من الوحده :eh_s(2):

 

[:حضرية واجد:]

يمه فدوة يا حلاتج
ذكرتيني بالذي مضي لوول شوفي يا قطوة اكثر شي كان مخلي لي شعبية بالمدرسة شطارتي
كنت فلتة بالدراسة اذاكر واكل الكتب اكال والكل يبي يتقرب مني ، وانا احب اسولف مع الكل بحصص الاحتياط مثلا اشوفلي وحدة ارتحت لها
واقعد اطقها سوالف واعزم الي يمنا ع السوالف وهكذا ، و طبعا لساني حلو مع الكل واسلوبي ناعم مع الكل وهذا خلقة فيني بس كنت الاحظ البنات يجتذبون لي بهالسبة ، اهتمي بدراستج واهتمي بنفسج وحافظي علي اخلاقج الحلوة و لسانج الحلو وبتشوفين الكل يتقرب منج ، اذا انتي حاية تتعرفين علي بنات معيننين عزميهم بالفرصة مثلا واشتريلهم ريوق او جذي ، او تقدرين تبطلين معاهم سوالف او ضيفيهم علي الواتسب دام عندج ايفون مانصحج بالبلاك بيري لاني اخاف عليج واضح انج بالمتوسط ياروحي البلاك بيري مو حلو كلش وازعاج الايفون كشخة ورزة وخاص حلوة الخصوصية اخذي ارقام البنات تواصلي معاهم ع الواتساب دزي بي سي تعبر عنج وعن خفة دمج ، سولفي بطلي سوالف معاهم علي الايميل مثلا معنه محد يستخدم ايميل الحين لوول كله واتسب بس هذي طرق حلوة ممكن تفيدج واهم شي اهم شي ترا شطارتج الشاطر مرغوب دايما ، وعسي ربي يخلي اي احد يشوفج يحبج من كل قلبه

 

[^ MiSS MoOoka ^]

كااااااااااااااااااااااااككك ي آي والله ي حلـوج ححتى انا ذككرتيني في مآمضآ هع

انا عككسس آلي فوقي فديتهآ انا مزعــــج وملقـوفه واربع وعشرين سآعه متهزئه كسسلآنه ححيل وفآل آمها اصلآ مدري شلون طلعت من الثآنويهه
والله من شلتي الككريمه جعلي قبلهم يحاتوني في الآختبآر ويمسكوني مااططلع الا وانا نآسخه صفحتي على صفحتهم مع ان انا مآكان يهمني
^ لا تسسوين نفسي كذآ لاني تحسفت الححين لو اني شآده ححيلي مثلهم كآن كرت جآمعيه معهآهم لآنهم كانو شآطرات وملقوفات ومجننين الآبلات الله يوفقهم يآرب
المهم مو هذآ موضوعنآ شلون تعرفت عليهم والله من دخخلت الثانويه غيرت خويآتي فجئه لقيت نفسي في بيئه عجبتي قلبهم على بعض وحيل نخاف على بعضنآ ككنآ نضغط بعضنآ بس بضحكك وانا طبعي احب المدرسه مو للدرآسه يعني ، ودآيم وجهي اضحك ومستآنسه وجمعنآ صف واحد بعآشر مع قروب وكلهم اول مره يعرفون بعضهم ككنآ على روح وحده والي تغيب نسأل عنها وصراحه كنآ نطفش الابلات ومزهقينهم ودآيم وجيهنإ عند الوكيله ومتوهقين وبعها نطلع
ونضك وماعلينآ وصصرنآ مع بعض في الفرصه والهدآ والطآبور طبعآ صوب المخالفات بس هه بنات المدرسه ماكانو يحبونآ بذآت عإشر لان دآيم طايحين فيهم تمصخر < الاعترآف بـ الحق فضله
بس والله الي يعرفنآ من دفعتنآ ب١٢ دآيم يمرون عندنإ ويكملون ضحكنآ حتى بنات ١١ الي يعرفنآ كانو يستآنسون معنآ ويجون احيآناً يقعد ون معنآ عادي نستقبلهم وطلعنا من الثانويه الحمد الله ولححد الحين يقولون المدرسه من دونآ خايسه ورحنآ قبل ايآم هجمنا ع المدرسه انا وقروبي والكل جآ حولنا قالو رديتو روح المدسه من بعدككم وححتى الي كانو مايحبونآ ومتهاوشين اول معهم جو وسلمنآ وضحكنا معهم وتأسفنا حق كل ابله رفعنا ضغطها < مع انه ماينفع الاسف حين وقوع الكآرثه بس الابلات ستانسو وقالو احنا مسامحينكم اصلآ نحبكم لان كنا نعادلين بين اللقافه والشطاره هم مو انا هع
بس نبيض الوججه لا جا موجه او غير لا الايام العاديه مجنن ومخابيل ومااذكر ابله شرحت درس بس تصارخ وتقعدنا وتسكتنا وصوتها يروح مسكينه بذات ١٢ اغلب الشله كانو معي بذات المخخبل صدق هع حنآ ١١ بنت وككلنا مع بعض وضحكك ونضغط بعضنآ ومحد يزعل ع الثآنيه والله لححد الحين معهم ويومياً نكلم بعضنآ في قروب وميااانهه حححيل نفس الخوات يمكن اككثر الله لا يحرمني منهم

بس لا تسوين ككذا اشجعج ع الفساد لا اضحكي بـ حدود آسألي عنهم انتي كوني شلتج شفتي وحده في الصف تعالي معنا واخذوها وفلوها تتعودون علي بعض وراح تعرف طبعج وتعرفين طبعها ححتآ في الباص جو ثآني مع الي اصغر مني اسولف واضحك وعادي مع الجميع ومادري وشو بعد بس انتي اذا في حتياط سولفي وراح تجذبين الي حولج وكذا مرهه راح تتعودن

 

[granted]

يعتمد على الشخصية مو سالفة بلاك بيري ولاغيرة
الشخصية اهي الي تخلي لج شعبية بالمدرسة مو معقوله وحدة تستحي او خجوله ومعارفها وايد لازم تكون جريئة ومرحة فرفوشه وشخصيتها قوية تاثر فالناس

 

[@عسايل@]

هههههههههه والله ذكرتيني بيااام رووعه
انا بالابتدائي كنت اتمنى ان اكوون جذي للامانه بالمتوسط والثاانويه الحمد الله صارت لي شخصيه
اهو يعتمد ع الجرأه تفااعلج مع البنات ماله شغال الشطااره واسلووبچ
تعرفي ع شله بنات وجذي ابرزي شخصيتج بينهم ..*

 

[لياليـ]

انزين شلون اتعرف ع شلة بنات كبيره وعندهم شعبيه يعني استحي فشنو طريقه ادر ادخل بينهم اليوم انا تعرفت ع جمم بنيه وخذيت بنهم بس انا ودي اتعرف ع اللي عندي شعبيه اللي مسيطرين ع المدرسه يعنيي شلوون

 

[VET-Nour]

ماكو احد مسيطر ع المدرسه
عادي بحصص الاحتياط سولفي مع الي يمج و الي وراج و يوم تكونين بالفرصه ويمج وحده سولفي معاها وله بالهده سولفي

و اشتركي بنشاطات و جذي يعني مثلن التمرينات اذا عندكم وله الاذاعه وجذي اشياءات يعني

 

[skranah]

امممممممممممممممممم انا عندي شعبيه بس والله مو مستانسه لان اللي عندهم شعبيه و رفيجات كثاار مستحيل تلقين عندها رفيجه مميزه او الروح بالروح
يعني مو مهم اذا هم شوي ولا واجد المهم يكونون قربين من قلبج

 

[!amorra!]

عشان تكون لج شعبيه لازم ماتكونين حساسه وتكون شخصيتج قويه وجريئه من ناحيه انتي اللي تبادرين بالسوالف تفتحين المواضيع

تكونين بشوشه ومبتسمه اهم شي كوتي واثقه بنفسج

اسلوبج حلوووو تسألين عن الكل تسلمين

تكون لج سوالف شوفي شنو المواضيع اللي تهم البنات بسنج وعرفي عنها وسولفي فيها

واهم شي ماتخلين اح يكسر فيج لان اللي لهم شعبيه في ناس تهاجمهم ساعات ويقطون حجي فانتي لاتهتمين ولاتسمحين لاحد يحبطج

 

[mf6nt el3lat]

خلج طبيعية راح تلقين الكل حواليج يحبج + يحترمج + يتقرب منج ... صدقيني !


وبيني وبينج ترا كثرة الناس تعور الراس ... اكتفي بكم وحده صيري كلوز معاهم وكان الله غفور رحيم


*

 

[طـيـف ♥!]

أول شي انتي جم عمرج ؟ وأي مدرسهه

انا حيل ححيل انعرفت بالمدرسسهه شوفي انا اقولج صصح لسساني مرات يقط سسم يالييت عسل بس أسلوبي انا اعرف بنات شله جييه بروحهم ويالله يتكلمون احاول اخليهم يتعرفون على البنات وحده اهي حلوه واسلوبها حيل راقي بس اقولج هاديه لا لا قوي قلبج وحيل صيري معروفه وشوفي اكيد بصفج في شله عادي شوفي صراحه بيجرحون ويقطون كلام بس حاولي ماتهتمين وسولفي وجاملي ايه جاملي واضحككي وابتسمي وحاولي تاخدين وتعطين مع البنات وصح يمكن بعد غيري فونج لان الكل يهب بالبي بي امم

والله لو بمدرستي لاا اخليجج تتغيرين 180 درججه لان انا حيل معروفه بالمدرسسهه

بس طيف اللي بثامن على طوول ارااء

 

[لياليـ]

مشكورين بنات يعطيكم العافيه كلكم ماقصرتو

 

[لياليـ]

اب
اب

 

[(حكاية قلب )]

خلج اجتماعية اكثر

 

[ابدا يالغالي مانساك]

اب
اب

 

[في غيبتك راحه]

عشان تكون لج شعبيه لازم ماتكونين حساسه وتكون شخصيتج قويه وجريئه من ناحيه انتي اللي تبادرين بالسوالف تفتحين المواضيع

تكونين بشوشه ومبتسمه اهم شي كوتي واثقه بنفسج

اسلوبج حلوووو تسألين عن الكل تسلمين

تكون لج سوالف شوفي شنو المواضيع اللي تهم البنات بسنج وعرفي عنها وسولفي فيها

واهم شي ماتخلين اح يكسر فيج لان اللي لهم شعبيه في ناس تهاجمهم ساعات ويقطون حجي فانتي لاتهتمين ولاتسمحين لاحد يحبطج

:rerrerek: :rerrerek:

 

[دلال و غلا]

انا ف الابتدائي كنت استحي حيييل و تعبت من زود الحيى راحت ايام حلوه ع الفاضي
و لمن وصلت الثانويه تغيرت شخصيتي و كبرت و عرفت شلون اتعامل مع الكل سبحان الله قمت عادي اضحك مع الكل و اسولف و صار عندي رفيجات واجد من صفي و من كذا صف و انا اكثر البنات اللي احب اكون صديقه لهم اللي دايم مبتسمه و للكل و نظيفه و ريحتها *كلها نظافه لان صج كان فيه بنات الله يستر عليهم ما يهتمون بالنظافه تجي حتى وجهها ما تغسله و لا جات المدرسه معصبه و مالها خلق !!

 

[Freakya]

نصيحة لا تتعبين نفسج على شي ما راح يفيدج، كثرة العلاقات تييب المغثة، وصدقيني راح تتأذين بسالفة المجاملات الزايدة، خلج رسمية مع الكل، لا تكونين صداقات مع كل من هب ودب، خلي علاقاتج محدودة ومع ناس معينه ترتاحين لهم، عاد انتي لج مقاييس خاصة فيج، واختاري الصحبة الصالحة..

 

[CSS_]

لووول كلنا كنا نفسج

شوفي انا بالمتوسط شلتي كانت كبيره وفصله والكل يعرفني بالمدرسه والكل يبي يتقرب مني وكنت بالمرشدات وغالباً اللي بالمرشدات يكونون معروفين + الاذاعه

مره قدمت بالاذاعه لوول وكنت اطلع اشارك معاهم وكنت دايما احيي العلم

بس بالمقابل .. دراستي ودرجاتي كانت صفررر كسلانه حدي وبس رحلات وطلعات ورفيجات وجذي

وبالثانويه اول سنه عانيت شوي لان ثانويتي مافيها ولا وحده من رفيجاتي

وماشتركت بالمرشدات ولا طلعت بالاذاعه ولا مره وشخصيتي شوي تغيرت يعني ماكنت نفس بالمتوسط يعني ماسولف مع البنات حيل وجذي

بس شوي شوي بنفس السنه كونت صداقات يمكن 10 بنات او اكثر مادري.. وهم كانوا في بنات يكرهوني مادري ليش لوول الظاهر لان ماكنت متعوده عالوضع وبنات غيييير عني:\

المهم.. ثاني سنه رفيجاتي كثروا حيل كنت امشي واسلم عالبنات وبالفرصه كل شوي اشوف بنت من رفيجاتي وافصل معاها وجذي يعني كان عندي اكثر من شله بنفس الوقت لكن ماكنت احب امشي الا مع بنتين

على اخر السنه وبدايه 12 سبحان الله شلتين من اللي اعرفهم تعرفوا على بعض وكبرت شلتنا وهم شله صفي ب11 معاي ب12 لوول يعني اكثر من شله بنفس الوقت!

لكن اهم شي اهم شي من هذا كله .. ان دراستي اهتميت فيها وما اهملتها نفس قبل

تدرين ليش ؟

لان كنت افصل وقت رفيجاتي عن وقت دراستي

اقولج شلون

بالصف؟ انسي اتكلم او اسولف مع البنات .. بس بالفرصه انقلب وحده ثااانيه افصل واضحك واغني واستعبط واذا صار عندي احتياط لاا افصصل صج لوول

يعني من الاخر..

كوني صداقات ونصيحه نصيييحه بعدي عن البنات "المش ولابد" ترا وربي ماينفعونج بشي.. اخذي نصيحه مجربه

بالتوفيق حبيبتي واي شي تبينه كلميني عالخاص:*