بس المتزوجة تدخل .. شنو تختارين !!!!!!

[عروسة فوشيآ]

السلام عليكم

شلونكم ي حلوآت


انا عندي سؤال وكل وحدة متزوجة تجاوب ع السؤال



شنو تختارين




زوج يحبج وتحبينه بس عقيم

والا زوج بينكم احترام بس وفيه عيال


؟؟؟؟


او اذا كنتي ماخذة واحد تحبينه واكتشفتي انه عقيم ممكن تتطلقين وتاخذين النوع الثاني اللي قلت عنه ... او لا ماتسوينهآ ؟



ابي اعرف الاراء

واللي شافت مسلسل الغفران بتعرف انا ليش سألت هالسؤال ... لان لمن شفته قعدت ابجي سنة كاملة ؟؟؟


يالله ناطره ردودكم

 

[ناتشوو]

رفع

 

[عروسة فوشيآ]

آآاااااب

 

[قره عين زوجها]

انا الحمدلله متزوجه شخص يحبني مووت
ولو لا قدر الله كان عقيم كنت مستحيل
هفرط فيه عشان الاولاد ...
دمتي بخير

 

[عذبة السجآيآ]

دام انه يحبني ويموت فيني واانا بعد

اكيد اختاره اهوو

وصح المال والبنون زينة الحياه بس يمكن الشخص اللي بيني وبينه عيال مايحبني بس احترام عشان عياله والعشره بس اللي يحبني بحس الحياه معاه غير وبيغنيني عن كل شي اذا فيه خير ان شاءالله

 

[ككوته]

ما ادري صراحه يمكن راح اختار النوع الثاني الي بيني وبينه احترام وعيال لان العيال ذخر لي بهالدنيا واهم الي راح يدعولي بعد موتي اما الحبيب انا مو ضامنه حبه العمر كله ياما ناس كانو يموتون في بعض والعيب من الريال واخر شي غدر فيها او اهانها الاحترام اساس العلاقه بعده ايي الحب
تقبلي مروري

 

[خالتها]

انا زوجي السابق كنت أموت عليه وهو بعد يموت فيني ..بس لما حملت طلب مني اني انزل البيبي لأنه يقول تونا أصغار لاحقين عالمسؤولية..طبعا رفضت هالشي لأني طول عمري وأنا اتمنى اكون ام.. فضلت اني اكون ام على اني اكون الزوجة والحبيبة.. وطلقني والله رزقني بأحلى بنوته ربي يخليها لي ويحفظها.. صدق الأمومة أحلى شي بالدنيا.. الله يرزق كل وحده محرومه من الضنى بدرزن عيال

 

[انثى الكويت]

انقي الثاني الاحترام وبينا اعيال انا شنو يضمني انه الحبيب اللبيب ما يخوني ويخليني ويروح واكبر بالعمر حزتها ومحد بيطل بويهي ولا اقدر احمل بكبر سني


اما المحترم باسلوبي بيعزني وشوي بحناني وحبي له بيحبني وجذي راح اكسب حب واحترام واعيال


ماكو على شعور الامومه



يما حبو وخونو سالو مجرب

 

[Gomrhom]

شوفي حبيبتي انا بقولج تجربتي ، انا تزوجت زواج تقليدي لا حب ولا خرابيط بس الحب كان من طرفة اهو لان شافني وخطبني اول مرة ورفضت وثاني مرة صارت القسمة. المهم بعد الزواج حاولت أحبة واتضاهر اني أحبة بس ماقدرت يمكن من تصرفاتة او شخصيتة المهم صار عندي ولد منة وانا للحين ماحبيتة بس احترمة واتضاهر اني أحبة بس بداخلي شي ثاني والله مااجذب عليج بالبداية كنت ابجي وازعل اقول ليش مااحبة وحتى ادعي بصلاتي انة الله يزرع محبتة بقلبي بس قدر الله وماشاء فعل الحين عندي ضحكت ولدي تسوى كل شي بالدنيا وكافي حبة بقلبي يغنيني عن كل شي بالدنيا، بعد مرات بيني وبين نفسي احمد ربي على هل النعمة اقول من صالحي لان اذا حبيتة راح اتنازل عن شغلات وايد وراح تطيح كرامتي، أنا الحمد الله مرتاحة بحياتي واهم شي الاحترام موجود لان الحب مؤ كل شي بالدنيا.. بس بعد مرات يكسر خاطري لان ماابدلة نفس الشعور بس أحاول اظغط على نفسي وابين لة اني أحبة بس الحمد الله ربنا آلة حكمة بكل شي .

 

[Gomrhom]

انتي يافوشيا شنو رايج بالموضوع يا قلبي ؟

 

[Bnt-USA]

اختار اللي يحترمني ويجيب عيال

لان الحب ممكن يتغير بيوم وليلة وممكن يخونني

بس الاحترام مستحيل يروح الا اذا صارت مشكلة مني انا




يعطيج العافية

 

[swanyway]

طبعا الاحترام لانه اساس الحياة الزوجية من وجه نظري , حب بدون احترام مايسوى ولا ابيه

انا عندي سبب الزواج اني اجيب اطفال واكون ام اكثر من ان اني اكون زوجه

وكل وحده غير تفكيرها وعقلها بس مادامت جربت الحب خلاص تجرب الامومه

واللي يعطي بنات المسلمين الحب والاحترام والامومه يارب

 

[ام البنات123]

شبي بحبه من غير عيال

اخذ واحد يحترمني اكيد

ولا اللي يحب مو دايم يحترم بالكثير يذل

 

[دآنة آلرشآيده]

اذا احبه واموت فيه مااهده عشان العيال

 

[دلوعة أبوهآ]

إذا كنت متزوجته واحبه ويحبني مآراح اتطلق منه عشان هالسبب ( إذا كان فيه حب بيننآ )
باحاول بكل الطرق والطب الحين اتطور ..

بس اذا كنت بختار من البدآيه !!!!

امممم يمكن اختار اللي بيننا احترام وعيآل ..
لأن الحب مع الوقت ممكن يتغير ..

مافي شي يدوم ع حآله

 

[Habibat Abooha]

النووع الثاني
ابيهم ذخر لي بحزة حاجتي لهم
المال والبنون زينة الحياة الدنيا
وتبالغ اللي تقولج بختار الصنف الاول صدقيني ماراح تقدر تتعايش مع الواقع
والله يكتب للانسان اللي فيه الخير له الرزاق الله
والله يرزق كل محرومه يارب العالميين

 

[Omhamood]

مافي شي بالحياه دايم لاالحب ولا العيال

بس الامومه بالفطره شي مخلوووق مع المره

مهما ماكنتي تحبين ريلج ومتعلقه فيه علي طول راح تحسين فيج شي ناقص

 

[امـ خــزامـى]

شوفي حبيبتي انا اهم شي عندي الاحتررررررررررررررررام

الحب عندي اخر همي اما العيال ربي الرازق
وهم زينة الحياة الدنيا

والله يرزق المحرومين من الضنا ومن الاحترام

 

[عروسة فوشيآ]

مشكورين بنات



بخصوص راي يا اخت قمرهم


انا الحين متزوجة شخص يحبني واحبه مستحيل اخليه عشان سالفة عيال


الله يرزقنا من عنده بيبي متعافي ويكمل فرحتي معاه




بس لو خيروني من قبل لاتزوج اتوقع اختار الثاني

 

[كارلوفي فاري]

شوفي حبيبتي انا بقولج تجربتي ، انا تزوجت زواج تقليدي لا حب ولا خرابيط بس الحب كان من طرفة اهو لان شافني وخطبني اول مرة ورفضت وثاني مرة صارت القسمة. المهم بعد الزواج حاولت أحبة واتضاهر اني أحبة بس ماقدرت يمكن من تصرفاتة او شخصيتة المهم صار عندي ولد منة وانا للحين ماحبيتة بس احترمة واتضاهر اني أحبة بس بداخلي شي ثاني والله مااجذب عليج بالبداية كنت ابجي وازعل اقول ليش مااحبة وحتى ادعي بصلاتي انة الله يزرع محبتة بقلبي بس قدر الله وماشاء فعل الحين عندي ضحكت ولدي تسوى كل شي بالدنيا وكافي حبة بقلبي يغنيني عن كل شي بالدنيا، بعد مرات بيني وبين نفسي احمد ربي على هل النعمة اقول من صالحي لان اذا حبيتة راح اتنازل عن شغلات وايد وراح تطيح كرامتي، أنا الحمد الله مرتاحة بحياتي واهم شي الاحترام موجود لان الحب مؤ كل شي بالدنيا.. بس بعد مرات يكسر خاطري لان ماابدلة نفس الشعور بس أحاول اظغط على نفسي وابين لة اني أحبة بس الحمد الله ربنا آلة حكمة بكل شي .

اظن هالكلام بيخليج تعرفين الاجابه :rerrerek: