الروكتان حبوب الجمال..متجدد

[سعوديه خقوقه]

سلام عليكم

كيفكم صبايا..


طبعا الكتاب بين من عنوانه راح يكون عن الروكتان ..

انا كلمت المشرفة الاقموره سالم الروح وطلبت انه يكون في تجمع لمستخدمات الروكتان..

قالت ان قسم البشرة مغلقه فيه التجمعات اللحين ..وقالت بامكاني افتح موضوع في الاستفسارات ويكون متجدد..

راح نطرح في هذا الموضوع اسالتنا ونجواب على بعض ونحمس بعض ..


في البداية
نوع حبوب وجهي : متوسط

الجرعة :10 جرام

وزني :47 كيلو ..

عمري:17

طيب اللحين ابي اقوول لكم على شي وابيكم تجاوبوني


انا طلع لي حبوب في جفوني تخيلوا شكلها بـــــــــــــــــــشع ..

هل الروكتان يبعد هذي الحبوب ..لانها اصلا جتني بعد استخدام الروكتان ..

شكلها شكل حبوب بس ما فيها راس ابيض بس كانها حساسيه ما ادري ..

يوم سالت الدكتور قال عاادي ..بس انا احسها لا فيه شي مو طبيعي ..



سوال ثاني هل عادي اشرب لبن لمن اخذ الحبوب ولا كيف ؟؟


واتمنى كل وحده تستخدم الروكتان او استخدمت في الماضي تشاركنا الراي ..

دمتم بحب :eh_s(8):

 

[كلآم نواعم]

هلآ حبيبتي يمكن الحبه اطلعت لج بسبب الدورة
انا استخدمت الروكتين وبعد مابديت استخدمه بدت حبوب الي تحت الجلد تطلع وتختفي بعد فتره
وهذا يعتبر علاج للحبوب الي تحت الجلد ولآتشربين لبن مع الحبوب لانه
ماراح يبين لج اي مفعول للحبوب دوم اي حبوب تستخدمينها اشربي معاها ماي
*ملاحظه : انا وقفت حبوب الروكتين لانه طلعت علاج لمرضى اسم الله عليج السرطان

الله يوفقج ان شاء الله
​

 

[سعوديه خقوقه]

حبيبتي كلام نواعم


ما فهمت ملاحظتك؟؟

 

[caramil]

مرحبا..

اتمنى مشاركتي تفيد الجميع ..خصوصا اني واستخدمت الحبوب على كورسين ..

اولا": الحبوب تسبب تشوه للجنين يعني يمنع الحمل في الوقت اللي تستخدمين فيه الحبوب منعاً باتاً ولازم الزوجه تستخدم كل طرق الوقايه من الحمل..

ثانيا": الحبوب استخدمتها لتنشيف اورام عمليه جراحية اجريتها في وجهي..ولأن الروكتين يسحب الدهون من البشره فـ بالتالي راح يسحب الورم والحمدلله بشرتي مافيها حب شباب..لكن عطاني نتيجه مو طبيعيه و ظاهره بقوه على بشرتي..منها النضاره و الليونه ( النعومه)

ثالثا": االروكتين يسبب جفاف للبشره..خصوصا في منطقتي الفم و حول العينين..لأنها اكثر منطقتين حساستين..علشان جذي لازم تشترين عدة منتجات للترطيب..انا استخدم مرطب لمنطقة حول العينين..بـ عشر دنانير سعره و كثير نفعني..للترطيب و ملىء الخطوط الرفيعه مع ان عمري 22 بس وايد شد عندي المنطقه...ثاني شي تحتاجين اكيد مرطب للشفايف وانا استخدم اكثر من مرطب حسب المزاج ساعات الفراولة من البودي شوب ..او البطيخ ..و ساعات التوت المرطب العادي اللي ينباع بالجمعيات والصيدليات ( طبعا هذا يفسر ظهور الجفاف في منطقة العين عندج يعني لا تحاتين انتي تحتاجين مرطب و بس )

رابعا": حبوب الروكتين تنشف وااااااااااااايد البشره علشان جذي لازم تشربين ماي وااااااااااايد علشان تعوضين الجفاف

خامسا والنقطه الاهم: تسبب هالحبوب كآبه شديده .. ديري بالج خصوصا مع استعمالها على المدى الطويل

اخر شي سعر الباكيت 31..واستخدمت اثنين ب62 تقريباً و فعلا يستحق ..لكن الاهم من هذا كلللله لازم تستشيرين دكتور قبل استخدامه..و اذا استخدمتيه فتره لازمممممم تحليل دم تتأكدين من نسبة الكلسترول

اتمنى اني فدتج ..وشكرا لكم

 

[سعوديه خقوقه]

يسلمو على المرور يا روحي



اثريتينا بمعلوماتك..

بس لو سمحت اختي انتي استخدمتي جرعة كم ؟؟


ودي لك~

 

[سعوديه خقوقه]

اب

اب
اب
وينكم بنات

 

[شباصـه فرنسيــه]

الروكتآن خطير مرره كثير بنات صارت بشرتهم صافيه من بعده بس يبيله متآبعه
انا نفسي اجربه بس الحبوب اللي بوجهي خفيفه ومو وآضحه مره تروح وترججع وخصوصا ايام الدورة في حبآت يوجعن ><
بس ماادري الروكتان ينفع لحآلتي ولآلآ ؟؟

 

[سعوديه خقوقه]

الروكتآن خطير مرره كثير بنات صارت بشرتهم صافيه من بعده بس يبيله متآبعه
انا نفسي اجربه بس الحبوب اللي بوجهي خفيفه ومو وآضحه مره تروح وترججع وخصوصا ايام الدورة في حبآت يوجعن ><
بس ماادري الروكتان ينفع لحآلتي ولآلآ ؟؟

اختي شباصه فرنسيه

ما اكذب عليش واقول لش هالحبوب ما منها مضره ..بس باذن واحد احد اذا انتي رحتي عند استشاري وعملتي فحص وكل شي تمام ..واستخدمتيها حسب التعليمات ما راااح يجيش شي

بنتين من بنات عماتي استخدموها وبشرات ولا ارووووع ..

وترى انا حبوب كانت مو مررره بس كانت مستعصيه يعني استخدمت دفرين والرتن والدريما تي وما نفعتني فاضطريت الجا لهحل ..

باوريش صورة وحدة استخدمت الروكتان

طبعا شوفي كيف حبوووب هذي كثييييييييييييييييييره وكيف قضى عليها

اجل حنى اللي حبوب وجهنا قليلة كيف بتطلع النتيجة ..

ما اقول غير الله يشفيني ويشفي كل مريض ..

ودي لك ~

 

[سعوديه خقوقه]

اب
اب

 

[أمواج البحر]

هالحبوب صج حبوب الجمال

بشرتي كانت دهنيه بشكل خيااااااااااالي و الحبوب 24 ساعه تطلع في ويهي

بس من بعد ما استخدمتها قمت اقول ليش ما استخدمتها من زمان

صج البشره تصير صاااافيه و تحسين فيها ليونه

اهتمي بالترطيب هذا شي اساسي

واذا طلعت لج حبوب خلال فترة العلاج فهذا امر طبيعي

 

[سعوديه خقوقه]

يسلمووو يا امواج البحر


على التجربة المحمسه

بس لو سمحتي متى بانت النتيجه؟

 

[سعوديه خقوقه]

اب اب
اب

 

[غداً القاك]

رهيبه هالحبوب صديقاتي يستخدمونها نضاره والبشره صافيه
حيل عجيبه ان شاء الله اببدأ فيها الشهر الجاي على خير

 

[كويتيه سبيشل]

هالحبوووب عجيبين انا عن نفسي استخدمهم
وقبل شوي كنت عند دكتورتي حنان البيطار
قالت لي هالحبوب عباره عن فيتامين a وما في منهم خوووف
الا ع الحمل لانه يسوي تشوهااات بالجنين

بس بنااات قبل الاستعمال لازم ترراجيعن الطبيب
واذا الحب بسيط ما له داعي تستعملونهم لانه لازم متابعه وترطيب مستمر

 

[سعوديه خقوقه]

غدا القاك


لزوووووووووووووم اذا استخدمتيها بعد شهر تمرين الموضوع


وتكتبين ايش اللي لاحظتيه واسالتك

ودي لك يا قمر ~

 

[سعوديه خقوقه]

كويتية سبشل

يسلمووو على المرور قلبو توقعت ما تردين احسك مشغوله ما ادري ليه هههههه


فعلا انا شفت نتايجها على اقارب لي نتايج خرااااااااافيه

يا رب ترزقني وترزق كل بنت بشره حلوه وناعمه ومثل القطن

ودي لك ~

 

[سعوديه خقوقه]

اب
أب

 

[سعوديه خقوقه]

اب

اب

اب

 

[آبله صغننه]

هالحبوووب خياليه انا كانت تطلعلي حبوب كبيره تحت الجلد تعور وتخررع

وهالشهر اخلص فترة علاجي منه ولله الحمد بس عندي آثار حبوب وانشاءالله بعالجهم بليزر الفراكسل :rerrerek:

بس عندي سؤال مصيريي .. جم الفتره بين انتهاء العلاج والزواج // جم شهر يعني !! الي تعرف تفيدني ضروري لاني قاعده على اعصابي :eh_s(1):

 

[سعوديه خقوقه]

هالحبوووب خياليه انا كانت تطلعلي حبوب كبيره تحت الجلد تعور وتخررع

وهالشهر اخلص فترة علاجي منه ولله الحمد بس عندي آثار حبوب وانشاءالله بعالجهم بليزر الفراكسل :rerrerek:

بس عندي سؤال مصيريي .. جم الفتره بين انتهاء العلاج والزواج // جم شهر يعني !! الي تعرف تفيدني ضروري لاني قاعده على اعصابي :eh_s(1):

تجربتك حماااااااااااااااااااااااس ...يارب افرح بالنتيجه ..

اما اذا على الحمل ما عندي غير ذي المعلومه من 6 شهور الى سنه ..

ونصيحتي تجيبين ولد متاخر ولا تجيبين ولد مشوه ويتعذب ..

الله يتمم لك فرحتك ويجعل بدال هالفرحه فرحتين يارب

اسعدني تواجدك~