حملة قراءة سورة البقره كل يوم

[غريبه قصة احزاني]

انا بديت قرايتها يوم الاثنين 17-3

واليوم السبت 22-3

يعني اليوم اتممت قراءتها لليوم السادس ولله الحمد والفضل


بنات تجاربكم تشجع الله يبارك فيكم اكثروا منها ولكم الاجر

 

[pink-rose]

الحمدلله الذي تتم به الصالحات

قريتها اليوم وكملت اليو م العاشر

 

[غريبه قصة احزاني]

pink- rose

الله يتقبل منج يارب ويبارك في قرايتج

 

[Cherrrry]

الحمد لله توني قريتها
بس ساعات اكسل واحسها طويلة ومااقراها شجعوني عفية خواتي

لا لا لا ليش جذي كسلتي


مايصير خلج ويانا و شاركي كل يوم و قوليلنه شنو سويتي نبيج كل يوم تقولينلنه انه قريتيها

انتي مو في شغلات في بالج تبينها تصير وعندج مشاكل و هم تبينه يروح ؟؟



القرآن اهوه دواااااااااااااج ..


في احد يرفض الدوا ؟؟



لا نبيج اقوى من الشيطان

الحين صايرلج فتره تقرينها ماحسيتي انها طويله شمعنا الحين


استمري في القرايه و تذكري ان رحمة الله واسعه و قاعد يختبرج راح تملين او لأ


وانتي بسرعه مليتي ..


مايصير لازم تثبتينله انه مهما صار ماراح توقفين عن عبادته و التقرب منه .. وتصرين في دعائج ان الله يحب العبد اللحووح يعني العبد الحنان اللي يحن على الشي اللي يبيه ويتوسل لله


ردي صلي قيام الليل .. انتي مجربه و عارفه فضلها ..

بس شكلج وايد محبطه ..

و هذي حاله تحوشنه كلنا ..


بس لازم نتغلب عليها .. و نتذكر ان الله ارحم الراحمين ..

صلي و ابجي و ادعي واقري قرآن و بتلاقين كل الخير ان شاء الله

 

[*الهنوف*]

بنات ترى مو شرط جدول بامكان كل وحده تجيب ورقه وتكتب الارقام من 1-30 على عدد ايام الشهر وتشطب اليوم اللي قرت فيه00وتحط الورقه داخل المصحف
وكل شهر تسوي ورقه وشطب 000واذا تبين تمشين عى حملة 40 يوم تقدرين تعدين جم يوم قريتي

اللي بدت من الحين يعني مو من بداية الشهر هم عادي اكتي بالورقه التاريخ اللي بديتي فيه وجم يوم باقي من الشهر
انا عن نفسي بسوي جذي
22-3-2008هذا اول يوم
بعدين بكمل جدولي كالاتي
23
24
..
..
..
الي31
بعدين برد احط
1-4-2008
2
3
4
..
..
الي31
راح يصير41 يوم
يعني انشالله اخر اربعه اكون مخلصه الاربيعين يوم
ادعو لي ان الله يساعدني ويوفقني اني اتمهم
وهم ماراح اوقف بكمل اقرها بعد الاربعين

 

[Cherrrry]

انا بصراحة كنت اقراها وقت الحاجة بس ، يعني مثل المرض والهم وغيره
بس بعد ماقريت عن هذي الحملة وايد تشجعت اني اقراها معاكم كل يوم
وعسى الله يقدرني وياكم على قراءتها كل يوم وما نتكاسل فيها

يالله يا بنات همتكم وتشجيعكم لبعض عشان الله يوفقنا ويصلح لنا أمورنا ويبارك في أعمالنا
وجزاكم الله كل خير جميعا على هالفكرة الطيبة

لا حبيبتي اقريها بكل وقت مو بس وقت الحاجه .. عشان اللي يعرف الله بوقت الرخاء.. ربنا كريم و ماينساه بوقت الشده والحاجه ..

وتشجعي معانا الحمد لله في مجموعه حلوه من البنات اللي مشاركين و يحبون الخير للكل و يشجعون بعض و يساعدون ..

شاركي معانا و احنا كلنا وياج نساعدج و نشجعج لو كسلتي شوي..

و قوليلنه كل يوم شلون ماشيه


و ان شاء الله يروح عنج الهم والحزن

و حاولي تصلين قيام الليل


اقل شي 3 ركعات .. بس فضلها عظيم

وانا حاطه موضوع عن قيام الليل بالتفصيل و افضاله اللي لا تعد ولا تحصى

 

[Cherrrry]

انا بديت قرايتها يوم الاثنين 17-3

واليوم السبت 22-3

يعني اليوم اتممت قراءتها لليوم السادس ولله الحمد والفضل


بنات تجاربكم تشجع الله يبارك فيكم اكثروا منها ولكم الاجر

ما شاء الله مابقى شي تخلصين اسبوع .. شفتي شلون الايام تمر


ان شاء الله تكملين على طول و ماتوقفين ..


و اكيد ماراح نبخل بتجاربنا


وانا من ناحيتي قلتلكم انه عندي وايد ظروف وكانت كلها تيي بوقت واحد .. اللي صار علي ضغط مو طبيعي


و دراستي وايد انعفست فيها وتأخرت سنه عالتخرج ..


و الحين الحمد لله هالكورس اتخرج .. و بمعدل احسن من اللي كنت راح اتخرج في لو كنت متخرجه السنه اللي طافت


و غير هالشي كنه نكر في ظروف عافسه البيت فوق تحت .. الحين الحمد لله شغلات وايد تعدلت ..


اما بالنسبه حق ظروفي انا شخصيا ..


الله لا يوريج حالتي قبل سنه و نص تقريبا

والحين الحمد لله وايد احسن من قبل ..
صج انه النفسيه ساعات تصير تحت الصفر ..
بس حالتي تحسنت وايد الحمدلله

وكان في ناس ظلموني ظلم شييييييييييييين وهالشي وايد اثر فيني .. لانه ما اتوقع انه في ناس بهالطريقه .. يعني اسوي شي زين يطلعوني بالاخير انا الغلطانه ..


والحين الدنيا دارت و عرفوا الظلمه انه الله حق وانه ظلموني .. و اعترفوا في هالشي ..


و في شغلات وايد يعني قاعده تتعدل.. صج انه مو كل شي صار 100% مثل ما ابي ..

بس واثقه برحمة ربي .. و عارفه انه اللي قدر يعدل كل الشغلات اللي ذكرتها ..

قادر انه يعدل كل شي لي الاخر ..

و ان الصبر مفتاح الفرج ..

وانا دايما احط في بالي ان الله خاشلي شي احسن ..

وكل تأخيره فيها خيره


يعني ممكن شغلات اكون ابيها تصير بس ماتصير.. مع اني اكون واثقه انه هالشغله مافي احسن منها ..

بس لما ماتصير .. سبحان الله الاقي شي احسن منه وما اتوقع انه يصير بطريقه غريبه


عشان جذي حطيت في بالي ان اي شي الله يبي اهوه اللي راح يصير..

و اكيد اهوه الاحسن لي ..


فدايما حطوة في بالكم الله خاشلكم الشي الزين لو مو اليوم .. باجر ..

 

[Cherrrry]

الحمدلله الذي تتم به الصالحات

قريتها اليوم وكملت اليو م العاشر

ما شاء الله عليج .. طفتي اسبوع ..


يالله باقي جدامج شهر تكملين ال40 يوم و تبدين بالاربعين الثانيه


الله يوفقج و يرزقج كل اللي تتمنينه انتي و كل خواتي

 

[Cherrrry]

كلامكم شجعني حييييييييييييييل
وخاصتا اني مو مترقعه من سنتين صارت لي بلاوي وضيقات وديون وغير هم العنوسه

انا اقرى السوره وارد اقطع عنها00والله مرات احس اني مابي امسك القران000الله يهديني

انا مو بعيده عن ربي والحمدلله صلاتي بوقتها والدعاء ما اقطعه

كلامكم شجعني وبرد اقرى البقره اللي ما تاخذ من وقتنا ساعه بس

وبقرى بعد كل المشاركات اهني وبدش كل مره عشان اشوف ردود البنات عشان اشحن نفسي منكم

الحمد لله انج قررتي تقرينها .. ان شاء الله بتشوفين الراحه والبركه بحياتج بعد قرايتها ..


وكل يوم بعد ماتقرينها تعالي قوليلنا خل نشجعج ..

و لا تطوفين ولا يوم ..

ان شاء الله كل مشاكلج بتنحل و تروح و القرآن شافي من كل شي


الله يوفقج حبيبتي و اختيار موفق

 

[منور بنت الطنايا]

انا معاكم وبديت جدياااا من اليوم

 

[kuwaitya_zoGaa]

شلونكم بنوتات
الحمدلله الذى تتم بنعمتة الصالحات
الحمدلله كما ينبغى لجلال وجهك وعظيم سلطانك

كملت 15 يوم واول مره اوصل هالكثر وخصوصا انى اول كنت اقراها واقطع
مشكوره شيرى ويزاج الله كل خير والله يثقل فيها ميزان حسناتج يارب

شعورى
طبعا مستانسه لانى حسيت انى سويت انجاز
وراحة وسهالات ... بس المشكله اللى متعبتنى ليل ونهار مانحلت
والله كريم ... واحسن منا وان شاء الله مايخيب رجاى وظنى

 

[فيفي محمد]

السلام عليكم خواتي انا من دار زايد وحبيت اكون اوياكم في القراءه وانا باديه من خمس وعشرين يوم والله ايقوينا علي الخير

 

[flowers_q8]

لا لا لا ليش جذي كسلتي


مايصير خلج ويانا و شاركي كل يوم و قوليلنه شنو سويتي نبيج كل يوم تقولينلنه انه قريتيها

انتي مو في شغلات في بالج تبينها تصير وعندج مشاكل و هم تبينه يروح ؟؟



القرآن اهوه دواااااااااااااج ..


في احد يرفض الدوا ؟؟



لا نبيج اقوى من الشيطان

الحين صايرلج فتره تقرينها ماحسيتي انها طويله شمعنا الحين


استمري في القرايه و تذكري ان رحمة الله واسعه و قاعد يختبرج راح تملين او لأ


وانتي بسرعه مليتي ..


مايصير لازم تثبتينله انه مهما صار ماراح توقفين عن عبادته و التقرب منه .. وتصرين في دعائج ان الله يحب العبد اللحووح يعني العبد الحنان اللي يحن على الشي اللي يبيه ويتوسل لله


ردي صلي قيام الليل .. انتي مجربه و عارفه فضلها ..

بس شكلج وايد محبطه ..

و هذي حاله تحوشنه كلنا ..


بس لازم نتغلب عليها .. و نتذكر ان الله ارحم الراحمين ..

صلي و ابجي و ادعي واقري قرآن و بتلاقين كل الخير ان شاء الله

صح والله كلامج
ان شاء الله من باجر بترس الجدول صح
ان شاء الله بقراها كل يوم
جزاج الله خير شيري ربي لايحرمنا منج ولا من صحبتج الطيبه

 

[flowers_q8]

حبيبتي ديري بالج من البدع
صحيح ان القران بركه وخير لكن ما نخصص سورة او ايه منه الا لما ذكر فيه التخصيص يعني دليل شرعي من السنه

البقره ورد فيها ( اخذها بركه وتركها حسرة ولا تستطيعها البطله)
ايضا تبارك( تنجي من عذاب القبر)
المعوذات للتحصين
,,,,,,,,,,,,,والخ


لكن طه ما ورد فيها نص....وجزاك الله خير



بنات هالله هالله بالصدقه:klhfl:...ماتشوفون اخر جزء من البقره تقريبا كله يحث عالصدقه والتصدق فطبقوا ما تقرؤون

جزاج الله خير حبيبتي على نصايحج القيمة ربي يرزقج كل ماتتمنين

 

[الكادي-83]

السلام عليكم ورحمة الله وبركاته

أنقطعت فتره مادخلت الحمله كنت أنتظر لين يخلص كورسي الثاني وأدخل أبشركم

ماااااااااااااااااشاء الله

تبارك الله

الحمدلله الذى تتم بنعمتة الصالحات
الحمدلله كما ينبغى لجلال وجهك وعظيم سلطانك

اليوم كملت 80 يوم من قراءة سورة البقرة

والحمدلله صرت أقراها 3 مرات في اليوم في قيام الليل ومع أذكار الصباح والمساء

دعواتكم لي فأني أعاني من تعب شديد شديد من تكثيفي القراءه والله يشفيكم ومرضى المسلمين

 

[flowers_q8]

السلام عليكم ورحمة الله وبركاته

أنقطعت فتره مادخلت الحمله كنت أنتظر لين يخلص كورسي الثاني وأدخل أبشركم

ماااااااااااااااااشاء الله

تبارك الله

الحمدلله الذى تتم بنعمتة الصالحات
الحمدلله كما ينبغى لجلال وجهك وعظيم سلطانك

اليوم كملت 80 يوم من قراءة سورة البقرة

والحمدلله صرت أقراها 3 مرات في اليوم في قيام الليل ومع أذكار الصباح والمساء

دعواتكم لي فأني أعاني من تعب شديد شديد من تكثيفي القراءه والله يشفيكم ومرضى المسلمين

الله يشفيج حبيبتي ويرزقج كل ماتتمنين

 

[قلب حساس]

انا بديت في 21\2 لي 9\3 وقطعت لان يتلي الدوره وبس خلصتها رديت والحمدالله ماقطعته بس بقيت اسئل يصير اقراها واهي يايتلي الدوره عادي لاني سمعت ان مايصير فيدوني الله يعطيكم العافيه

 

[Cherrrry]

بنات ترى مو شرط جدول بامكان كل وحده تجيب ورقه وتكتب الارقام من 1-30 على عدد ايام الشهر وتشطب اليوم اللي قرت فيه00وتحط الورقه داخل المصحف
وكل شهر تسوي ورقه وشطب 000واذا تبين تمشين عى حملة 40 يوم تقدرين تعدين جم يوم قريتي

اللي بدت من الحين يعني مو من بداية الشهر هم عادي اكتي بالورقه التاريخ اللي بديتي فيه وجم يوم باقي من الشهر
انا عن نفسي بسوي جذي
22-3-2008هذا اول يوم
بعدين بكمل جدولي كالاتي
23
24
..
..
..
الي31
بعدين برد احط
1-4-2008
2
3
4
..
..
الي31
راح يصير41 يوم
يعني انشالله اخر اربعه اكون مخلصه الاربيعين يوم
ادعو لي ان الله يساعدني ويوفقني اني اتمهم
وهم ماراح اوقف بكمل اقرها بعد الاربعين

عدل كلامج مو شرط جدول بس انا حطيتلكم الجدول عشان السهوله ..

وبعد الوانه حلوه تونس فالوحده نفسها تنفتح :eh_s(6):


مشكوره عالطريقه

و الله يتمم عليج و تكملين ان شاء الله

 

[Cherrrry]

انا بديت في 21\2 لي 9\3 وقطعت لان يتلي الدوره وبس خلصتها رديت والحمدالله ماقطعته بس بقيت اسئل يصير اقراها واهي يايتلي الدوره عادي لاني سمعت ان مايصير فيدوني الله يعطيكم العافيه

ما شاء الله ..

الله يتمم عليج و لا تقاطعينها حبيبتي..


و بالنسبه لسؤالج اي تقدرين تقرينها بكل وقت .. لكن مايصير تلمسين القرآن بوقت تكرمين الدوره لانه ماتكونين طاهره ..

بس في طريقه ثانيه انه تقرينها من موقع الانترنت مال القرآن

و تقدرين تقرينها من تلفونج لو عندج برنامج القرآن



و ممكن تقرينها من القرآن بس تلبسين دسوس (قفازات = gloves)

عشان يكون في حائل بينج و بن لقرآن

و الدليل انه يصير تقرين في هالوقت ..

انه القرآن مايصير هجره اكثر من 3 ليالي .. و تكرمين الدوره تحتاج اقل شي 5 ايام ..


عشان جذي لازم تقرين قرآن بس ماتلمسين القرآن

و دليل ثاني.. انه لازم كل يوم تقولين اذكار الصباح والمساء ..

و الاذكار في قرآن (المعوذات)

ولازم كل يوم تقرينه .. هذا دليل ثاني انه عادي تقرين قرآن بوقت تكرمين الدوره ..


و عشان تتطمنين .. اكثر دايما الرقاى ينصحون الناس يقرون 40 يوم متواصله و يتابعونهم فيها ,. وبعدها يردون يقرونها 40 يوم ثانيه الا ان يتم الشفاء..

وبعدها الانسان لازم يقراها دايما عشان يحصن نفسه ..


فلاتحاتين و توكلي على الله

و لا تطوفين يوم و اقريها

 

[Cherrrry]

شلونكم بنوتات
الحمدلله الذى تتم بنعمتة الصالحات
الحمدلله كما ينبغى لجلال وجهك وعظيم سلطانك

كملت 15 يوم واول مره اوصل هالكثر وخصوصا انى اول كنت اقراها واقطع
مشكوره شيرى ويزاج الله كل خير والله يثقل فيها ميزان حسناتج يارب

شعورى
طبعا مستانسه لانى حسيت انى سويت انجاز
وراحة وسهالات ... بس المشكله اللى متعبتنى ليل ونهار مانحلت
والله كريم ... واحسن منا وان شاء الله مايخيب رجاى وظنى

ما شاء الله عليج ..

الله يبعد عنج العيون .. و يتمم عليج و تكونين دايما نشيطه بهالشي..


بالنسبه حق مشكلتج..

لا تفكرين فيها .. و فوضي امرج حق رب العالمين

وخلي داخلج قناعه .. انه الله قادر على كل شي و اذا ما انحلت اليوم ..

باجر تنحل


لو وثقتي في الله 100%


راح تلاقين اللي تبينه يصير


بس ديري بالج لا تحطين في بالج انه انتي قاعده تقرين بس عشان تنحل مشكلتج ..

لازم تفكرين انه هذا اللي تسوينه تقرب حق الله اولا

و بعدها عاشن يريحج و يفرج كربتج


وان شاء الله لو خلصت المشكله و انحلت .. استمري و لا تقاطعين ..

عشان الانسان اللي يذكر الله في وقت الرخاء

ما ينساه ربنا الرحيم في وقت الشده

و الله يعينج حبيبتي و يسهل امورج ويفرج همج و تنحل مشكلتج عاجلا غير اجل يا رب العالمين