السلام عليكم ورحمة الله وبركاته,,,,
اشلونكم حبيباتي بنات بلادي الغالي قطر :hjy5jewf:
أنا سجلت فالنتدى ومخصوص عشان هالموضوع وحابه اقولكم تجربتي الفاشلة مع الدكتور النصاب (اسمحولي ع الكلمة ) سعيد كلدراي واللي ماخذ سمعة وصية ع الفاضي !!!!
أولا أنا وحده ضعيفة وزني 48 كيلو وجسمي الحمد لله متناسق بس عندي كرشة صغيرونة مو راضية تروح قلت اتوكل على الله واروح للدكتور سعيد بعد ماقريت عن السمارت ليبو..
خذت موعد ورحت له ولما دخلت عليه قلت له ابي اسوي سمارت ليبو للبطن إلا يقوليانا توني جايب جهاز يديد أحسن من السمارت ليبو ونتايجه فورية اسمه بودي تايت ويستخدم تقنية الحرارة بدال الليزر اللي في السمارت ليبو وظبعا كالعادة قعد يمدح نفسه وان هو اول دكتور في العالم العربي يجيب هالجهاز ويستخدمه!!!
المهم قلت له يعني دكتور نتايجه مضمونة قالي اي نتايجه مضمونة وخلال اسبوع تشوفين النتيجة وبطنج بيصير مسطح.. اقتنعت بكلامه وقلت له انزين بكم تسوس لي البطن؟!!!
إلا يقولي 35 ألف !!! (صدمني بالسعر ) قلت له دكتور بس أنا بطني وايد صغير وهو بنفسه اعترف بالهشي لما شاف بطني.. قالي هاي جهاز يديد وماسوي بأقل من جي.. قالي هذي أقل مبلغ لان بطنج ضغير ولا أنا ماسوي إلا ب45 ألف وطالع!!!
قلت له بافكر المبلغ وايد صراحة .. قالي أوكي فكري ولما تقررين اتصلي اخذي موعد للعملية..
رجعت البيت وبعد الاستخارة قررت اتصل اخذ موعد للعملية واستغربت ان عطوني موعد بعد يومين ( ع أساس ان يقول عنده زحمه والمواعيد بالشهور !!! )
عظوني ورقة قبل العملية بيوم اسوي تحليل دم عشان يشوف تخثر الدم طبيعي ولا في مشكله.. الحمدلله طلع كل شي تمام..
وجاء يوم العملية وكان المفروض اكون عملية عنده وطبعا كالعادة دخل ناس قبلي واخروني ساعة ونص..
ولما وصل دوري اخذتني السستر وعطتني ملابس العملية البسها وودتني لغرفة العمليات واللي فيها جهاز الشفط بالتخدير الموضعي ودخل الدكتور رسم وخطط ع بطني بالقلم وبعدين انسدحت عشان نبتدي العملية...
طبعا البداية كانت بحقن مادة سائلة فالبطن اللي هي البنج عشان المنطقة تتخدر وما أحس بشي خلال الشفط .. بعد البنج بدأ الدكتور الشفط من خلال 4 فتحات صغيرة سواها وكان يشفط الدهن منها طبعا العملية جدأ مؤلمة ومانصح اي وحدة تسويها وماكنت احس ان في شي قاعد ينشفط وبعد ماخلص الشفط بدأ يدخل حديدة نفس السيخ واللي هي طبعا تكون حارة عشان ع قولته الحرارة راح تشد المنطقة بعد الشفط وماتخلي المنطقة تترهل ... خلصنا جان اقوله ابي اشوف الدهن اللي طلع ؟!! قالي لا أحسن لاتشوفين وماخلاني اشوف لاني كنت شاكه ان في شي انشفط من الأساس..
بعدين قالي اقعدي شوي خل اشوف .. قغدت الا يقولي ماشاء الله يبين البطن مشدود ( يقص غلى من ) وأنا اطالع بطني اشوفه نفس ماهو !!!! بعدين خيط لي مكان الفتحات الصغار اللي سواهم ونظفوا المنطقة وعقموها عقب الممرضات لبسوني المشد وحط لي قطعة اسفنج على كامل البطن تحت المشد ( حتى المشد مافي مقاسي وطيب غصب يبون يلبسوني مشد أكبر من مقاسي !! شالفايدة !! ) عصبت عليهم ولما شافوني عصبت راحوا يدورون وحصلوا واحد ولبسوني اياه.. العملية بكبرها ماخذت نص ساعة حتى (وأنا مستغربة طبعا ) خذت تقريبا 20 أو 25 دقيقة..
وكتبلي مضاد حيوي وقالي تعالي بعد اسبوعين للمتابعة .. مرت اسبوغين وجاء الموعد وأنا ماشوف اي تغيير كلش بطني نفس ماهو .. رحت الموعد واقول للدكتور بطني ماتغير نفس الشي.. يثولي لا مستخيل انتي يتهيأ لج بس!! وكشف علي وأنا واقفة الا يقولي ماشاء الله في تحسن كبير بس انتي ماتلاحظين!!
ولما قلت له دكتور بطني ماتغير والكرشه ليحين ماراحت الا يقولي انتي ليحين بطنج منفوخ من البنج وبعدي النتايج يبيلها من 4 الى 6 شهور لين تبين ؟!!!! قلت له دكتور انت قلت لي النتايج فورية وتبين خلال اسبوعين وأنا صدقتك ( يعني اشلون يكذب علي ويغير كلامه )..
وطلعت من عنده وعطاني موعد بعد شهر نقريبا ومر الشهر ورجعت له ومافي اي تغيير ولما جاف مافي تغيير الا يقولي بكل برود خلاص نسوي لج شفط كرة ثانية لان الظاهر ان الحرارة اللي كنت استخدمها واطية وماسوت شي!!! قلت له انزين وأنا ايش ذنبي يعني أنا كنت حقل تجارب تجرب علي !!
قالي نسوي مرة ثانية واضمن لج هالمرة راح تنفع .. قلت له بلاش تسوي لي اعادة للشفط!! تخيلوا شنو رده لي..؟
قالي لا طبعا بفلوس بس ماراح اخذ منج وايد بس 17 ألف !!!!
قلت له لا شكرا خلاص مابي وطلعت من عنده وباروح حق دكتور ثاني أرخص من بألف مره هالحرامي النصاب اللي سمعه على طل لاشغل عدل ولاشي ..
من شاف الرويس رولز والبنتلي اللي يجي فيهم العيادة يعرف من وين يجيب فلوسهم !!
وبس هذي تجربتي باختصار واللي كانت فاسله مع الدكتور سعيد كلداري..
