ابلات عربي محتاجتكم ضرووري دور ثاني بالعربي عاشر

[#شيطونه#]

اهلين ابلاتي العزيزات


​

اشلونكم شخباركم
انا عندي دور ثاني بالعربي وسبب ا لتعبير بامتحان واااايد اخربط فيه واتوتر بالمتحان درجه مو طبيعيه من كثر ما شكلي خايف كا ابلات عبالهم انا عندي شي مثل البراشيم بس انا خوافه مو من هلنوع



المهم الحين ابي الدرووووس كورس لاول والثاني بلييز ابي مساعدتكم معاي يعني الي تساعدني راح تكون سبب نجاحي والله يوفقها الي تساعدني




لا تخلوني بليزززز :eh_s(11)::eh_s(11)::eh_s(11)::eh_s(11)::eh_s(11)::eh_s(11):


​

 

[* Miss Moony*]

حبيبتي بالتوفيييق

انا ابلة عاشر عربي

راح احط لج كل شي باجر

واذا نسيت ذكريني بالخاص

<< زهايممر

 

[#شيطونه#]

حبيبتي بالتوفيييق

انا ابلة عاشر عربي

راح احط لج كل شي باجر

واذا نسيت ذكريني بالخاص

<< زهايممر

حبيبتي والله ناطرتج الله يوفقج يا رب او يحقق امنيتج

 

[* Miss Moony*]

الفصل الاول*
المواضيع :*
حديث شريف (فضل العمل )*
الخيل والفروسيه*
الحياة والناس ( حفظ)*
صدقة السر*
أيات من سورة الجمعه*
من خطاب صاحب السمو*
الديوانية الالكترونيه*
ارض الجدود ( حفظ )*

فنون البلاغة :
اركان التشبيه*
التشبيه البليغ ( ص٢٤-٢٦ ) فقط البليغ*
التشبية التمثيلي*
التشبيه الضمني*
الاستعارة التصريحيه*
الاستعارة المكنيه*
الكنايه*

 

[* Miss Moony*]

هذا اللي طلبيته مني بالرساله اذا في اي شي ثاني بلغيني

 

[* Miss Moony*]

حبيبتي بالنسبة لكتابة التعبير ؛

اول شي اقري راس الموضوع عدل وشوفي مهارة كل موضوع يعني هل هي تعليق رساله موضوع عادي تقرير ... الخ
بعدها شوفي المهارة واسسها الفنية يعني لو اخترتي تقرير لازم تعرفين الخطوات والاسس
ولو اخترتي تعليق كذلك نفس الشي ... لازم تمشين على الاسس الفنية لان تحاسبين عليها

بعد ما اخترتي المهارة شوفي الفكر اللي طالبج تكتبين عنها

مثال التعبير عن القراءه وطالب منج فوائد القراءه وتاثيرها على المجتمع
لازم تكتبين عن النقاط اللي طالبها منج

اتمنى فهمتي علي شنو اقصد
طبعا اهم شي حاولي مايكون فيه اخطاء املائيه
تكون فكرج مرتبه يعني بتكتبين عن القراءه ماتكتبين نقطه عن الفوائدبعدها عن التاثير بعدها تردين للفوائد
لا لازم تكتبين فكره وتخلصين منها بعدها انتقلي للفكر ه الثانيه

وفي عندج نقطة مهمه لازم تكتبين استشهادات
ايه - حديث - بيت شعر طبعا يناسب الموضوع المطلوب

اتمنى استفدتي واي سؤال حاضره تفضلي

 

[the white heart]

أنا أبلة عربي عاشر .. لو تبين أي شي دزيلي خاص .. وأطمنك لا يمكن ينزلك التعبير لأن ما تتصورين شكثر نراعي بالتعبير أصلا لمن نبي نرفع بنت أول شي نروح ورقة التعبير .. درسي عدل وتوكلي على الله

 

[* Miss Moony*]

أنا أبلة عربي عاشر .. لو تبين أي شي دزيلي خاص .. وأطمنك لا يمكن ينزلك التعبير لأن ما تتصورين شكثر نراعي بالتعبير أصلا لمن نبي نرفع بنت أول شي نروح ورقة التعبير .. درسي عدل وتوكلي على الله

صح كلامج ميه بالميه يعني لاتحاتين

 

[* Miss Moony*]

بلاغة الفصلً الثاني

التشبيه التمثيلي
الطباق
المقابله
السجع
الجناس