زواج المذاهب المختلفة .. مع/ضد ؟ " موضوع للنقاش"

[Q8 dreamer]

ضــــــــــــــــــــــــــــــــد ............. لان في مذهبنه باطل ولا يجوز

وياليت اي وحده راح تتزوج من غير مذهبها تسال المشايخ هل يصح ؟؟ ولا تبني زواجها على باطل وتنجرف وراء عاطفه زائلة ومن ترك شيئا لله عوضه خيرا منه

بالمذهبين يجوز
و انا متأكدة من هالشي 100٪

اذا الدين يحلل الزواج من اهل الكتاب و هالشي مكتوب بالقرآن .. شلون بيكون حرام الزواج من مسلمين بس من مذاهب ثانية ؟

يعطيج العافية عالمشاركة :eh_s(7):

 

[Q8 dreamer]

المفروض اي زواج يتم بقناعه تاااامه ..
فاذا كانوا الزوجين فاهمين الامور اللي ممكن تترتب على هذا الزواج .. ومستعدين يستحملون تبعاته واثاره السلبيه او الايجابيه عليهم وعلى عيالهم فالمستقبل فالله يوفقهك ويمم عليهم ..
لكن لازم يحطون في اعتبارهم انه بيجي اليوم اللي يوقفون عيالهم قدامهم ويحاسبونهم ..
ليش احنا سنه مو شيعه او ليش احنا شيعه ومو سنه ..صارت قدامي كثير ..

اعطيج مثال حي صار عندنا بس على اختلاف الجنسيه مو المذهب ..واحد من الاهل تزوج امريكيه وجاب منها ولد وبعدين طلقها ورجع الديره ..
بعد فتره الام تزوجت وزوجها تضايق من ولدها فارسلته حق ابوه وهو مراهق عمره 13 سنه ..
الولد المسكين ضيع هويته وقزرها ع البركه وبعد كم سنه وقف قدام امه وابوه وقام يحاسبهم ..
ليش امه امريكيه وابوه كويتي ..
وليش كان مسيحي والحين شلون صار مسلم ( ضااايع الولد )

الولد او الاحرى الشاب .. ضايع مو عارف انتماءه وين بين امه وابوه والمجتمع مو متقبله وينظر له على انه دخيل او عدوه يخافون تنتقل لعيالهم ..وعيال عمه واخواله نابذيه حتى لو انهم يدعون العكس لفظياً .. ..
هو ماله ذنب .. بس غلطه امه وابوه وهو الحين يدفع الثمن ... ..
ولكم كامل الحريه لتخيل لو انه هذا الشاب فكر يتزوج وحده من ديرته ..والفلم مستمر ..
ومجتمعاتنا الله خير ماترحم ولا تتقبل الاختلافااات..
طبعا الولد حالياً بالسجن لا شهاده ولا ديانه ولا اخلاق .. التم على شله اجانب قطووه ورا الشمس بقضيه تعاطي وبيع مخدرات ..الشاب ضحيه امه وابوه ومجتمع ظالم لا يرحم ....والامثله كثييييره

وبالذات بهالفتره .. وهالفتن اللي قامت تستشري في مجتمعاتنا الخليجيه بين العرب والعجم والسنه والشيعه وقبيلي ونص نص ..
وبكل امانه الحب يمووووت ويتلاشى امام هالصعوبااات الا من رحم ربي ..
اهم شي الصوره تكون واضحه .. والزوجين يكونون قد اتخاذ القرار والمسؤوليه ..
شخصياً انا ضد ...مع احترامي لكل الاعتبارات

ردج من اكثر الردود الي عجبتني
و الي اشوفها صج تمثل واقعنا

يكونون الي بيتزوجون صغار و ماخذاهم الدنيا
و يمكن مو قد قراراتهم و العيال الي ياكلونها


مشكوورة حبيبتي على مشاركتج معاي :eh_s(7):

 

[Q8 dreamer]

جوان
الاهلة
وحشني زمانك
ام يزن
حلاوه


مشكورين على مشاركاتكم و ردودكم
يعطيكم العافية

 

[دلوعه ناعمه]

بالعكس انا عن نفسي ماااعندي مشكله اذا اخذت من غير مذهبي او بالمستقبل ياخذون اولادي من غيير المذهب عن حب او زواج تقليدي وانا جفت وااايد نااس متزوجين من غير مذاهبهم ومرتاحين وعايشين حياتهم ولافيها مشاكل من هالناحيه اهوو عن اخلاق الشخص مو عن المذهب وبالنهايه كلنا مسلمين سواء شيعه سنه حضر بدووو ......

لاحضت وايد بنات يقولون لااا من غير ذكر الاسباب هاذي عنصريه ....ومالها اي معنى

سؤالج جنه قايلتلهم هل توافقين تاخذين يهودي؟؟ بالعكس اصلا شي جميل يكون اختلاف المذاهب لان يعزز المساواه وعدم العنصريه وطبعا هالعنصريه ماطلعت الا بالسنوات الاخييييره ماذكرقبل كان في هالكلام ..... ووبس واخر شي اقول كاافيكم من هالعنصريه اللي لاتودي ولااتييب الناس اتطور وانتوا ليلحين سني وشيعي وبدوي وحضري ....تعبنا واحنا نقول كافي عنصريه اذا بتسوون شي سووا عشان تعمرون الكوويت ووتبنونها *

 

[IT shadow]

الحين نقول بتاخذين واحد عكس مذهبج:rerrerek:
شلون بتقنعين اهلج:eh_s(1)::eh_s(2):

 

[ماكواسم2]

بالمذهبين يجوز
و انا متأكدة من هالشي 100٪

اذا الدين يحلل الزواج من اهل الكتاب و هالشي مكتوب بالقرآن .. شلون بيكون حرام الزواج من مسلمين بس من مذاهب ثانية ؟

يعطيج العافية عالمشاركة :eh_s(7):

حبيبتي عند السنه ما يجوز وباطل ........... ودشي غوغل على الفتاوي

 

[ماكواسم2]

ماكو اسم انتي افتيتي من عندج ان هالزواج لايجوز

معقولة يجوز زواج المسلم من مسيحيه ويهوديه ولايجوز من مسلمة

كلامج ماله اساس من الصحة

كلامي واضح وقلت اسالوا مشايخ لان اعرف ان في ناس راح تسوي روحها ام العريف .

واذا انتي سنيه دشي على فتاوي ابن عثيمين وابن باز اذا اتعرفينهم واذا ما اعجبتج الفتوى وما مشت على مزاجج عندج احدى الدول العربية تفصلج الفتوى على هواج

 

[(TigerWoman)]

ضد ضد ضد

اعرف وحده من الاهل ماخذه واحد مو من مذهبها شوفي عيالها ماكلين هوا ما يدرون على اي مذهب يصيرون امهم تبيهم على مذهبها وابوهم يبيهم على مذهبه عيالهم مشتتين يبون يرضون امهم وابوهم :/

انا اشوف الوحده تاخذ من مذهبها احسن يكونون متفاهمين وما بينهم مشاكل بالمذاهب ​

 

[Patcholli]

قبل كنت اقول عادي بس الحين لا والف لا .. مو تقليل من المذاهب الثانيه بس لقناعه شخصيه ..
انا ضد هالشي واحب اربي اعيالي واعزز فيهم مذهبي اللي انا مختارته عن قناعه واحب اربي عيالي على المذهب اللي انا مقتنعه فيه وشي ثاني الدين من اهم الاسس اللي لازم اعززها بعيالي فشلون اربي عيالي على شي انا ماعرفه او اسوي مكس ببين شي من مذهبي وشي يخالف مذهبي اشلون بربي هالعيال ؟
لا ضد والف ضد .. ومو حلوه اليهال يكونون مشتتين نص جذي ونص جذاك ..
هذا بالنسبه للانسان الملتزم اللي يهمه يربي عياله صح وبما يرضى الله بس اللي فالينها ومايهمهم هالشي الله يوفقهم والله يهني سعيد بسعيده

 

[Laidy n3ooma]

ضددددد وبقوووووه

لان في وايد اشياء تختلف بالمذهبيييين .. وحلات الثوب رقعته منه وفيييييه

انا ماعندي مشكلة اكوون صداقات مع بنات غيرر مذهبي وعندي صداقات من الديانه المسسيحيه بعددد

لاكن الزواااج غير فيها عييااال وترررربيه وممكن تصير مشاكل على هل موضوع

 

[طالبة انجلش]

انا ابوي مايخلينا نزوج غير عن مذهبنا
الله يسامحه

 

[Q8 dreamer]

الحين نقول بتاخذين واحد عكس مذهبج:rerrerek:
شلون بتقنعين اهلج:eh_s(1)::eh_s(2):

لوووووول عن نفسي اقدر اقنع اهلي
مو بسهولة بس مو مستحيل

 

[Q8 dreamer]

بالعكس انا عن نفسي ماااعندي مشكله اذا اخذت من غير مذهبي او بالمستقبل ياخذون اولادي من غيير المذهب عن حب او زواج تقليدي وانا جفت وااايد نااس متزوجين من غير مذاهبهم ومرتاحين وعايشين حياتهم ولافيها مشاكل من هالناحيه اهوو عن اخلاق الشخص مو عن المذهب وبالنهايه كلنا مسلمين سواء شيعه سنه حضر بدووو ......

لاحضت وايد بنات يقولون لااا من غير ذكر الاسباب هاذي عنصريه ....ومالها اي معنى

سؤالج جنه قايلتلهم هل توافقين تاخذين يهودي؟؟ بالعكس اصلا شي جميل يكون اختلاف المذاهب لان يعزز المساواه وعدم العنصريه وطبعا هالعنصريه ماطلعت الا بالسنوات الاخييييره ماذكرقبل كان في هالكلام ..... ووبس واخر شي اقول كاافيكم من هالعنصريه اللي لاتودي ولااتييب الناس اتطور وانتوا ليلحين سني وشيعي وبدوي وحضري ....تعبنا واحنا نقول كافي عنصريه اذا بتسوون شي سووا عشان تعمرون الكوويت ووتبنونها *

100% كلامج سليم

و انا ما كان قصدي من السؤال اني احقر اوو اقلل من المذاهب
بس حبيت استفسر و اشوف راي البنات
خصوصا انه احنا بمجتمع ساعات يرفض حتى زواج الحضر من البدو
او يخلط بين القبايل


يعطيج العافية عالمشاركة حبيبتي :eh_s(7):

 

[Q8 dreamer]

حبيبتي عند السنه ما يجوز وباطل ........... ودشي غوغل على الفتاوي

انا ساءلة " شخصيا ً " مشايخ من المذهب السني و من المذهب الشيعي
و الاثنين قالو يجوز

حبيبتي فتاوي الانترنت و قوقل مو دايماً تكون صح

 

[Q8 dreamer]

تراينقل وومن
باتچولي
ليدي نعومة
طالبة انقلش

تسلمون عالآراء و المشاركات
ما قصرتواا :eh_s(7):

 

[مذهلة 78]

بالنسبه لي ما عندي مانع الحمدلله بعايلتنا ماخذين من غير مذهبنا والعلاقه من اروع ما يكون دام ان الطرف الثاني مصلي ومسوي ويخاف ربه ما اشوف في مشكله

بالعكس اصلا شي زين والحمدلله عندنا كل واحد يحترم مذهب الثاني والحياه ماشيه

واللي تقول المشكله بتربية الابناء برايي ان الابناء يتبعون الاب بكل شي بالاسم والجنسيه الديانه ودامج رضيتي تاخذين واحد غير مذهبج فشنو المانع من انج تعلمين وتربين عيالج على مذهب ابوهم اللي اهم بالاساس ينتمون له

واللي تقول انا ابي اربي عيالي على مذهبي فهذا اعتبره تناقض ومعناه انج مو مقتنعه ولا راضيه عن مذهب الاب فليش رضيتي فيه من الاساس!!!!

 

[بولندية]

ضــــد

 

[روحي تحبك...]

مع طبعا..الحمدلله دام انه مسلم وينطق بالشهادتين ليش ارفض؟؟ الاتفاق يتم من البداية وبعقد الزواج
حتى العيال بعقد الزواج يشترط على مذهب ابوهم...ماااااعندي ماااانع بس اهم شي اتم على مذهبي

اذا الاسلام احل الزواج من مسيحيه؟؟ شلون ما يجوز الزواج من مسلم يشهد بأن الا إله إلا الله وان محمد رسول الله

واذا على الفوارق الموجودة...ترى مو شرط تكون موجودة بالحياة الزوجية او حتى العادية .. مابي اتعمق وااايد بس ترى هذاااا كل حجي وتلفزيون وانترنت الي يكبر الموضوع ويعطي الشي اكبر من حجمه ومافي احد معصوم عن الغلط وغلط عن غلط يفرق

والله عرفناه بالعقل...

عندي بنت عمي زوجها غير عن مذهبها وعااايشه بنعيم الحمدلله وعيالها نفس ابوهم وزوجها محترمها ومحترم عقائدها ومو مانعها عن شي

يمكن الي ضد قصدهم عن المتشددين.. طبعا ما ينفع متشددين يتزوجون من بعض دام في عنصرية وانحياز


بس بالاخير لكم دينكم ولي ديني.. ومحد يحاسب على الدين الا رب العالمين...يعني محد يقدر يقنع الثاني ان هو صح والي جدامه غلط



مع ومع ومع ليييييييييييين اموووووووووووووت

والي تقول اختلاف صلاة... على فكرة من كم سنه مو بعيده الشيعه والسنه صلوا ويا بعض والامام كان شيخ شيعي


اتمنى نكون اكبر من جذي...ما صارت الفتنة الا من هالفوارق الي اصلا محد يسويها بس مكتوبه عالفاضي

 

[كويتيه شماليه]

ضد وبقناعه

 

[رجفة وهم]

انا ضد هالشيء وبقوة

لاصار عندنا عيال بيحتارون يصيرون بمذهب أمهم ولا أبوهم

هذا غير العنصرية من المجتمع من ناحية المذاهب

لازم يكون فية توافق بين الطرفين من ناحية المذهب

احنا بزمن صار كل أحد صار يشوه مذهب الآخر لاحول ولاقوة إلابالله