متجدد: كل ما يخص مادة الرياضيات من صور\ وسائل\أفكار\ألعاب تربوية\دروس\تحاضير..إلخ

[المـــــها]

حياج الله حبيبتي نوووورتي

 

[المـــــها]

مرحبا شلونكم من زمان ما أضفت للموضوع​

يا ريت يااااا ريت ابلات الرياضيات تشاركون معاي​

اليوم بحط مستلزمات معلمة الرياضيات في المرحلة الابتدائية من تصويري و مجهودي الشخصي​

لوحة فلين للمسائل الحياتية الطويلة
أنا زينتها بنفسي و طلعت مشوقة و بنفس الوقت ما تشتت الانتباه
​

شخصيات كتب الرياضيات

​

بطاقات الضرب و بطاقات القسمة

​

مكعبات تركيبية
​

منحنيات حجم كبير و صغير
http://www.up-00.com/​

أقراص حمراء و صفراء
​

آلات حاسبة
​

قطع دينيز
​

عناصر مختلفة


​

الأرقام المغناطيسية بحجم كبير
​

لوحات العشرة
​

بطاقات لتعليم كتابة الأرقام
​

قص ولزق الأشكال الأساسية يساعد و يرتب بالتحضير

​

ورق تغليف شفاف
استخدمه لتغليف أوراق الa4
http://www.up-00.com/​

 

[المـــــها]

أستخدم ورق التغليف لتغليف اوراق الاي فور اللي اطبعهم للدروس اليومية حسب مزاجي مرات تغليف حراري و مرات
أطبع و استخدمه حتى لأسئلة المجموعات




سبورات ذاتية مع أقلامها للطالبات للضرورة



زخارف للسبورة





بطاقات للجمع و الطرح ولوحات العشرة و غيرها حسب الدروس





بطاقات لعبارات او اي شي احتاجه



خط الأعداد




بطاقات بأحجام مختلفة
و بذوقج تزيينها






بطاقات تعبير شفهي\تمرن\لاحظ..إلخ



صندوق المفردات لكل صف



جنطة تشيلين فيها أغراضج



مساطر مفرغه للأشكال و غيرها لتحضير الدروس


​

 

[المـــــها]

هالطريقة علمتنياها وحده لأولى و ثانية ابتدائي
ان لما يكونون شطار و مؤدبين احط الهابي فيس
و لما مايعجبني تصرف او يكون في ازعاج أحط الساد فيس فيضييق خلقهم و يتأددبون


هذا لبس فراشة للمتميزة


تفافيخ نوتات بطاقات


استيكرات للتحضير طوابع للبنات فواصل


جلاد



قرطاسية

هالاستيكر أحطه كل مالميت الكتب و البنت اللي تعجبني احط لها


هدايا



بوكس و ملفات ينفعون للتنظيم




هالبطاقة فيها مكان ادخل فيها ورقة و اكتب فيها قيمة الاسبوع


بطاقات خروج الطالبات و اقلام لسبورة و مساحه و ياحبذا البخاخ اللي يمسح السبورة من بعد الابلات اللي قبلج





و أخيرا و ليس آخرا في كذا شغلة بحطهم بعدين
اللي اهم:
الأسهم \ القطع المنمطه\الأشكال الأساسية\المجسمات\محيطات الأشكال\الساعه\لوحة المائة




أتمنى أشوف ردود حلوة ​

 

[ablah_mariam]

[/CENTER]


من وين هذول صآرلي سنه آدرس مآ آلقآهم
لآ تقولين السنآفر بسرعه تطير الآغرآض فيه

 

[math2020]

يعطيج الف عافية حبيبتي ابداااااع وان شاء الله في ميزان اعمالج

 

[متفائله بالحياة]

مشكووووره ويعطيج العافيه
دائما متميزه :ggdw:

 

[متفائله بالحياة]

[/center]


من وين هذول صآرلي سنه آدرس مآ آلقآهم
لآ تقولين السنآفر بسرعه تطير الآغرآض فيه

حبيبتي تلقينهم بالسنافر ومكتبة الأسره وااااايد

 

[Your Dream]

ماشاء الله تبارك الررررررررحمن

شغل متعوب عليه



الله يجزاك خير يارب



ان شاء نفيدكم باللي عندي

 

[{بسكوتهــ~}]

يعطييييييييج ألف عافيه


حيل استفدت منج <<أبله رياضيات

 

[المـــــها]

[/center]


من وين هذول صآرلي سنه آدرس مآ آلقآهم
لآ تقولين السنآفر بسرعه تطير الآغرآض فيه

من سيتي ستارز اللي بالري

 

[المـــــها]

فديتكم و الله

منورين الموضوع و الله و يشرفني مروركم

 

[ablah_mariam]

بنات نصيحه اللي ما عندها طابعه وجهاز تغليف بالبيت تحرص انها تشتريهم من أول السنه

انا العام تعينت و أول كورس كنت أعاني من سالفة أنه يومي بالمكتبة أغلف بطاقاتي واقصصهم بس ثاني كورس شريت جهاز تغليف
وكل ويك اند اسوي بطاقات حق فصل كامل واغلف واقصص طبعا كان ياخذ وقت فرحت شريت الآله اللي تقص الورق وارتحت وكنت ألزق المغناطيس بالمرة و أجمع بطاقات كل درس بأكياس الشفافه مالت الفايلات والأكياس هذي أحطهم داخل فايل بو 100 ووقت الدرس بس أطلعهم واروح حصتي حيل ارتحت ولنهاية السنه صار عندي بطاقات منهجين كاملين ( طبعا للكورس الثاني لان الكورس الأول كان حوسه وضيعتهم ) وناوية ان شاء الله اشتري طابعه a3 عشات افتك من مشاوير المكتبة مرة وحده

 

[RowTow]

أبله مريم معاها حق.
آنا شريت طابعه آ3 و تغليف آ3 و شريت قطاعة ورق, بس أخذتها آ4 فتضايقني بقص الآ3 فراح أشتري ثانيه بإذن الله.

و وسائلج لا تقطينهم جمعيهم. آنا طبعا وسائلي كلها موجوده بس حوووسه لأني أول سنه. الله يعيني على فرزهم. بس تعلمت, إن شاء الله من السنه الجايه راح أبدي نظام جديد بحفظ الوسائل.

و أهم شي النسخه الإلكترونيه من تحضيرج و وسائلج, لا تروح لا يروح عليج تعبج كله. آنا أحفظهم على اللاب مالي و على هارد دسك أحدثه أول بأول.

و بالنسبه لقطع دينيز, آنا شفتهم بصراحه حيييل غالين, فسويتهم عالكمبيوتر و طبعتهم و قصصتهم بعدين غلفتهم و رديت قصصتهم و حطيت لهم مغناطيسات, صاروا شحلاتهم.
بس كثرت وحدات و عشرات و أعتقد ما سويت لا مئات و لا آلاف, يمكن لأني ما احتجتهم واجد, إن شاء الله راح أسويهم هالسنه. بس ودي كل فئه أسويها لون, لأني سويت الوحدات و العشرات نفس اللون.

و آنا مثلج بعد يالمها سويت بطاقات جمع و طرح و قسمه و ضرب مفرغه أستعملها حق دروس واجد ورا بعض. بالذات حق أولى نفعتني, لأني كنت أعجز بالطباعه, ليما اكتشفت ثوالتي آخر الفصول و سويت بطاقات مفرغه.

 

[المـــــها]

أبله مريم معاها حق.
آنا شريت طابعه آ3 و تغليف آ3 و شريت قطاعة ورق, بس أخذتها آ4 فتضايقني بقص الآ3 فراح أشتري ثانيه بإذن الله.

و وسائلج لا تقطينهم جمعيهم. آنا طبعا وسائلي كلها موجوده بس حوووسه لأني أول سنه. الله يعيني على فرزهم. بس تعلمت, إن شاء الله من السنه الجايه راح أبدي نظام جديد بحفظ الوسائل.

و أهم شي النسخه الإلكترونيه من تحضيرج و وسائلج, لا تروح لا يروح عليج تعبج كله. آنا أحفظهم على اللاب مالي و على هارد دسك أحدثه أول بأول.

و بالنسبه لقطع دينيز, آنا شفتهم بصراحه حيييل غالين, فسويتهم عالكمبيوتر و طبعتهم و قصصتهم بعدين غلفتهم و رديت قصصتهم و حطيت لهم مغناطيسات, صاروا شحلاتهم.
بس كثرت وحدات و عشرات و أعتقد ما سويت لا مئات و لا آلاف, يمكن لأني ما احتجتهم واجد, إن شاء الله راح أسويهم هالسنه. بس ودي كل فئه أسويها لون, لأني سويت الوحدات و العشرات نفس اللون.

و آنا مثلج بعد يالمها سويت بطاقات جمع و طرح و قسمه و ضرب مفرغه أستعملها حق دروس واجد ورا بعض. بالذات حق أولى نفعتني, لأني كنت أعجز بالطباعه, ليما اكتشفت ثوالتي آخر الفصول و سويت بطاقات مفرغه.

زين تسوين انا بعد بشتري جهاز تغليف حراري و طابعه اي3 وقطاعه
على جم كلهم؟

 

[المـــــها]

بنات نصيحه اللي ما عندها طابعه وجهاز تغليف بالبيت تحرص انها تشتريهم من أول السنه

انا العام تعينت و أول كورس كنت أعاني من سالفة أنه يومي بالمكتبة أغلف بطاقاتي واقصصهم بس ثاني كورس شريت جهاز تغليف
وكل ويك اند اسوي بطاقات حق فصل كامل واغلف واقصص طبعا كان ياخذ وقت فرحت شريت الآله اللي تقص الورق وارتحت وكنت ألزق المغناطيس بالمرة و أجمع بطاقات كل درس بأكياس الشفافه مالت الفايلات والأكياس هذي أحطهم داخل فايل بو 100 ووقت الدرس بس أطلعهم واروح حصتي حيل ارتحت ولنهاية السنه صار عندي بطاقات منهجين كاملين ( طبعا للكورس الثاني لان الكورس الأول كان حوسه وضيعتهم ) وناوية ان شاء الله اشتري طابعه a3 عشات افتك من مشاوير المكتبة مرة وحده

اي و الله انا بشتري بعد
على جم سعرها؟​

 

[RowTow]

زين تسوين انا بعد بشتري جهاز تغليف حراري و طابعه اي3 وقطاعه
على جم كلهم؟

على حسب ما أذكر الطابعه شي و خمسين, التغليف شي و ثلاثين أو أربعين. و القطاعه رخيصه.

 

[المـــــها]

يعطيج العاااافيه

 

[المـــــها]

بناااات شرايكم نحط تحاضير و أهداف سلوكية؟؟

 

[ablah_mariam]

طابعة a3 ب 63 أيام عروض الغانم تحسفت ما شريتها والتغليف الحراري شريته من مكتبة العجيري ب 22 صغيرون وعلى قدي بس تغليفه a3 و a4
أما آلة القص من السنافر شريتها ب 7 بس مشكلتها a4 مو a3


بالنسبة لاقتراحج أختي المها أتمنى هالشي وعندي سي دي في كل الاهداف السلوكية اذا لقيته بحوسة أغراض المدرسة انزله لكم للتحميل ان شاء الله لان للحين ما طلعت ولا سويت اي شي للمدرسة