موظفات بيت التمويل الكويتي أو أي بنك ثاني!! استفسار عالماشي!!

[^SwEeTa^]

السلام عليكم و رحمة الله و بركاته

اشلونكم بنات؟

حبيت أسأل الموظفات في بيت التمويل الكويتي


- تنصحون الوحده تشتغل هناك؟

- جم معاشج أول ما تشتغلين اذا انتي بكالريوس؟؟

- كل الإدارات فيها دوام عصر و لا بس الفروع؟

- و هل دوام العصر الزامي أو اختياري؟

- و جم مره تاخذون بونص؟ و بحدود جم؟

يا ريت يا بنات اللي تعرف منكم تفيدني

و بس

شكررررررررن

 

[vogue grl]

انا كنت اشتغل بنك بس موتمويل وراح اجاوبج على الي اقدر عليه واتوقع انه البنوك نفس شي
جم معاشج أول ما تشتغلين اذا انتي بكالريوس؟؟اعتقد 500ومع دعم عماله200يصير800دينار

- كل الإدارات فيها دوام عصر و لا بس الفروع؟الأفرع فيها عصر اما الادارات دوامهم ليه 3 عصر

- و هل دوام العصر الزامي أو اختياري؟الزامي كبدايه لج وبعدها مديرت الفرع تحدد لج ايام الي ماتاخذين فيها عصر

 

[فز1عه]

دوام البنوك حلو والمعاش راهي

بس بتاكلينها ماكو زيارات

وكل وقتج شغل بشغل


يعني من السبع الصبح الين ثمان بالليل وحياتج شغل في شغل

 

[بنت الكويت العسل]

احسن من شغل الوزارات بصراحه

 

[^SwEeTa^]

Hollaback Girl

مشكوووووووووووووووووره حبوبة على الرد

بس اشلون على البونصات؟

 

[^SwEeTa^]

فزاعة ... بنت الكويت العسل

مشكوووورين حبيبات قلبي على المرور

 

[MissChoco]

انا والله ماعرف شي عنهم

بس حلو معاشهم

 

[^SwEeTa^]

MissKaka

مشكوره حبوبة على المرور

 

[سندريلا_الكويت]

انا ودي أشتغل في بنك شجلت بالخليج و الوطني و برقان بس بيت التكويل مايصير لازم متحجبه بس بسألكم بنك بوبيان عادي مو متحجبه؟؟

 

[^SwEeTa^]

والله ما عندي خبر سندريلا!!

أصلا أول مره أسمع بسالفة الحجاب!!

 

[سندريلا_الكويت]

مليييت من قعدت البييييييييييييييييت

 

[future_engineera]

انا ودي أشتغل في بنك شجلت بالخليج و الوطني و برقان بس بيت التكويل مايصير لازم متحجبه بس بسألكم بنك بوبيان عادي مو متحجبه؟؟

اللي اعرفه حتى بوبيان لازم حجاب!

 

[rayoomah]

شوفي المعاش حلو بس تطلع عينج هناك
يعني والله الوزاره احسن وايد

 

[^SwEeTa^]

ريومه حبوبة ليش تطلع عيونج؟؟

شنو المتعب بالضبط؟؟ تقدرين تشرحين لي؟؟

بس تراوالي تراوالي ما راح تطلع عيوني كثر ماهي طالعه مع التدريس الحين!!

والله يعين

 

[WORKING WOMAN]

[SIZE="5"]مساء الخير حبيبتي
رواتب بيت التمويل وايد زينه الجامعيه الاساسي 520 +240 دعم عماله والدبلوم الاساسي 420 +219 دعم العماله وزيدي عليها 120 من الحكومه يعني الجامعيه 880 والدبلوم 759
وفوق كل هذا 30 بدل سياره و 200 بدل مسائي اذا داومت كل يوم 4 ايام في الاسبوع
اما المسائي اجباري اذا كان الفرع ناقصه موظفات اما اذا كان العدد كامل فممكن التشفيت علي حسب ما تشوفه المديره واذا كان البيت بعيد يعطونج بدل انتقال
اما البونص فهو نسبه من الراتب من 15%الي 30% وينزلونه كل 3 شهور وتاخذينه علي حسب شغلج والاهداف اللي محققتها
مافي استاذان الا للضروره ويكون بموافقه المديره وتعطينها خبر من قبلها بيوم والمرضيات لج 6 ايام في السنه وكل يوم زياده ينخصم من راتبج والاجازات 30 يوم بالسنه
اما بالنسبه للشغل كثر ما تشتغلين تاخذين الزين عندهم كل شي يبين بالارقام ما فيه ظلم بس كراف[/SIZE]
[CENTER]انشا:eh_s(8):لله اكون فدتج[/CENTER]

 

[*شمعة الجلاس*]

انزين ما تدرون اذا يصير يوظفون سعوديات

بس خريجة دبلوم تجاري تخصص حاسب الي

 

[مطيريه ماركه]

سوري حبوبه داشه موضوعج

بس بنات اللي تشتغل ببنك ياليت تفيدني

اذا بحول لحساب ثاني بالسعوديه مثلا فلوس

يعرف اسمي والا لأ مايقدر

وجزاكم الله خير

 

[^SwEeTa^]

Working Woman
مشكووووووووووووووووره حبيبة قلبي على الإفادة .. ما قصرتي يا الغاليه

*********

حياكم الله بنات .. و مشكورين على المرور

********

مطيرية

حياج حبيبة قلبي الموضوع موضوعج .. قولي اللي بخاطرج

 

[*شمعة الجلاس*]

انزين ما تدرون اذا يصير يوظفون سعوديات

بس خريجة دبلوم تجاري تخصص حاسب الي

.............؟؟؟؟؟؟؟؟؟؟؟؟؟؟؟؟؟؟؟؟؟؟





عطووووووووواني وجه............!!!


لاطنشون فيني بلللللللللللللللللليز

 

[^SwEeTa^]

*شمعة الجلاس*

هلا والله حبيبة قلبي

الصراحة ما عندي خبر إذا يوظفون سعوديات!!

بامكانج تسئلينهم