دكتور كروز ومستشفى الصفاة الامريكي

[music_teacher88]

قوووة بنااات
والي يعافيكم اختي حدها متوهقه حجزت عند دكتور كروز عمليه شد للبطن بتاريخ28-8 يعني موباقي شي
والدكتور يتعامل مع مستشفى السلام والصفاة الامريكي


الصراحه الصفاة ماتعاملنا معاه ولامرة فمابي احكم عليه
وقلنا نحجز بالسلام احسن
دورووو ودقو المواعيد مفوله هناك غرفه العمليات ماراح تفضا لي تاريخ قريب

قلنا نتوكل ونروح الصفاة والدكتور مدحه من ناحية التجهيزات الطبيه لكن مافيه اي رفاهيه وتكشخ قلنا موضروري


بس انصدمنا ان الصفاة نظامهم عمليات يوم واحد!! يعني ماكو مبيت شلووون
الشد مويبيله عالاقل 4 ايام الوحدو تكون بلمستشفا؟؟؟؟

شنو شوركم اخليها تكنسل ؟؟
لان الكل ينصح ان الواحد يظل عقب الشد اقل شي 3 ايام بلمستشفا
عندها مراجعه قبل العمليه بيومين واللي يعافيكم ناطرين شوركم





:*
ويعطيييكم العاااااافيه

 

[عسووووولة]

اب اب اب

 

[music_teacher88]

حياتي عسووووله تسلمين

 

[music_teacher88]

محتاجين ردودكم .....

 

[طير الحب]

الله يقومها بالسلامه

انا رفجتى ثانى يوم اطلعت بعد الشد اهى قالت اريح لها البيت وفعلا

مو لازم جم يوم

 

[NODA 2]

اي انا انصح تقعد اقل شي يومين صدقيني انا ثاني يوم طلعت والله تحسف قلت يارتني ماطلعت صج تعبت بالبيت وايد الله يسهل علي اختج يا رب

 

[Q8aaa]

الدكتور ادرى دامه قال المستشفى الامريكي خليج على الامريكي واذا انتي خوافه وما تستحملين العوار وما عندج حد يداريج روحي السلام احسن لج

 

[كلـــــي غنج]

اهو مو لازم اربع ايام

عادي من ثاني يوم تقدر تطلع

بس الافضل انها تتم بالمستشفى لان تعب اول جم يوم

انا لما سويت الشد دشيت الاثنين الصبح طلعت الخميس العصر

الدكتور قالي من ثاني يوم تقدرين تطلعين بس انا فضلت اقعد

فـ مادري انتي شنو اريح لأختج

وان شاء الله تلقون مواعيد بالسلام

بالتوفيق والله يقومها بالسلامة ان شاء الله

 

[dady's girl]

انا قبل 10 ايام كانت عمليتي عند كروز بالصفاة
وخلوني انام عادي!
نمت يوم واحد وثاني يوم طلعت والحمدلله كنت حدي مخترعه من المستشفى وامي زفتني لان لما رحنا شفناه اليمعه ولا مسكر وامي تقولي شلون مستشفى يسكر انا قلبي ناغزني بس انا اصريت لان نفس الشي السلام ماكان فيه مواعيد قريبه ومن الخرعه يوم دخلوني العمليات قمت ابجي ههههههه بس الحمدلله ماحسيت الا وانا يقعدوني والسسترات حدهم حليوين الحمدلله خل اتوكل على الله وتروح ولا تكنسل ولا شي والله يقومها بالسلامه يارب

 

[كلـــــي غنج]

^^

الحمدلله على سلامتج

شنو عمليتج ؟؟

 

[دلوعه هانم]

آنا عندي ترهلات بالبطن تنصحوني اسوي شد ؟

وين ؟

 

[dady's girl]

كلي غنج كانت شد بطن =)

 

[freethinker]

مادري عن المده .. بس انا سويت عمليه وطلعت بنفس اليوم ! اصلا المستشفى تزهق !

مادري يمكن اختج غير بس انا من2 يوم داقه عالدكتور ابيييييي ارووح السوووق ابي اطلع مليت قالي مش مشكله اذا شلت البربيش وروحي ههههههههههههههههههههههه < ماحب اقعد لازم امشي واتحرك

بس عموما بغيت اقولج بخصوص المستشفى ترى نظيف عمليتي كانت بالصفاة والخدمه وايد ممتازه واصلا بيكون فاضي هههههههه انا لمن سويت عمليتي ماكو غير ياهناك وعمليتي كانت 9 الصبح وطلعت الساعه 9 بليل

تقوم بالسلامه يارب :*

 

[freethinker]

بس اذا تبي شي راقي وكشخه فماراح ينفعلها ! المستشفى انظيف بس مو واو !

 

[كلـــــي غنج]

كلي غنج كانت شد بطن =)

حبيبتي غدا شرج

انا سابقتج من 3 شهور اي سؤال انا حاضرة بالتوفيق

 

[dady's girl]

حبيبتي غدا شرج

انا سابقتج من 3 شهور اي سؤال انا حاضرة بالتوفيق

مشكوووورة حبيبتي والله ماتقصرين اهوا للحين انا مقتنعه بالنتيجه مع اني احس ان لما اقعد في سفطه في بطني واحسه لين وللحين انا البس الكورسيه بالضبط صار لي 15 يوم من العمليه انا

 

[music_teacher88]

Dadys
Freethinker
يعطيييييكم الللف عااافيه طمنتونااا اهو ياليت في مواعيد قريبه جان بدون تفكير رحنت السلام
والصفاه عمرنا مادشيناة
وعقب لووويه رضوو تبات 3 ايام الحمدالله
العمليه عقب باجر 28-8 الله يسهل يااارب


ومشكوووووورين باجي البنات عالردوود الله يريحكم

 

[ii DareeN ii]

الله يسهل عليها وتقوم بالسلامة

 

[music_teacher88]

الحمدالله قامت اختي بالسلامة
والصراحه اينن الصفاه الامريكي صج صغير ومجكنم
بس السسترات نفسياتهم تهبببل
والغرفه شرحة ونظيفه وزينة
والسعر طبعا فرق عن السلام
والاحلى ان هادي مافي لوويه ناس كثر السلام فيركزون على مرضاهم

 

[كلـــــي غنج]

الحمدلله على سلامتها

اي سؤال انا حاضرة بالتوفيق