تجمع رئيسات الاقسام الجدد

[jen2n]

شنو يعني درس ريادي

والفعاليات هذي تغنييني اني ما اسوي درس نموذجي او ورشة !

والمعرض ايشرايج فيه؟

انا محتاره كاروفلي ابي شي خفيف وسهل بس يكون في ابداع !

 

[كارلوفي فاري]

الفعاليات هذي للمدرسه ومنها ابراز لج. بس ماتغني عن ابراز نفسج عند التوجيه. التوجيه يبون ورش عمل دروس نموذجيه. يعني ياحبيبتي الكل يبي منج
بالنسبه للمعرض حلو بس انتي تبينه حق شنو وانا ماعرفت شنو تخصصج
الدرس الريادي هو مثل الدرس النموذجي بس الريادي على مستوى مدرستج تسوين الدعوات للمديره والمديرات المساعدات ومعلمات المدرسه بالاضافه لرئيسة قسمج ومعلمات القسم. وهذا يعتبر من باب تبادل الزيارات.
اما النموذجي فهو على مستوى المنطقه اللي تعزمين عليه الموجهين والمدارس الثانيه. وانا افضل لما تسوين درس انج توزعين دعوات لاكبر عدد ممكن من الاشخاص ويعلمونج فيهم رئيسة قسمج والسكرتاريه
وفي شغله انصحج فيها وثثثثثقي شغلج يعني كل شي تسوينه صوريه وردي البيت وسويله تقرير بالوقت والتاريخ وعن شنو يتكلم وادرجي الصور فيه. واحتفضي فيهم. لانه يفيدج في حالة جاج ترشيح كمعلمة متميزه. لانه انا لما رشحتني المديره هالسنه. انحريت على شكثر انجازات سويتها ماكان عندي اي توثيق لهم او دليل اني سويتهم
واي شي بتسالين عنه لا يردج الا لسانج

 

[أقويا يويا]

بنات مبروك التعيينات انزلت ماعدا الابتدائي


يالله استعداداتكم

انا اسمي نزل ولله الحمد

وانشاءالله بعد العيد بسوي السجلات

 

[jen2n]

ادرس اجتماعيات بس تخصصي فلسفه

ما في غير الدرس النموذجي والورشه حق التوجيه

احس صار شي قديم وروتين وتقليدي ممل !!

يعني مو حلوة بصراحه يشوفونج مجهزه كل شي احسن ما يمكن عشان يعطونج تقرير زين

حلاته احد يشوفج على غفله زيارة مفاجئة

 

[كارلوفي فاري]

مبرووووك للي اتعينوووا وهاااردلك لي ولغيري هههههه

 

[كارلوفي فاري]

بس هالتجمع نبي يكون للاستفاده واللي تعينوا نبي نعرف كل شي يصير معاكم علشان نتناقش ونتحاور ونستفيييد والله يوفقكم

 

[ابلة غزالة]

مبروك لرياض الاطفال و المتوسط و الثانوي

والفال للابتدائي

 

[سينامون]

آمين. قاعدين ننطر

 

[مسك النور]

انا تو طلع اسمي ،،، الله يوفقني ويوفق الجميع

 

[كارلوفي فاري]

انا تو طلع اسمي ،،، الله يوفقني ويوفق الجميع

الف الف الف مبرووووك موفقه ياااارب. وعاد لا تخلينا نبييج تقوللينا كل شي يصيير معاج زييييين

 

[مسك النور]

ان شالله نتعاون ونساااعد بعض

 

[سينامون]

حبيبتي jen2n

انا من رايي جانج متحمسه و ودج تسوين شغله على مستوى المنطقه سوي
انا بالنسبه لي المدرسه لازم كل سنه تسوي انجاز
انا كنت جذي. ولله الحمد مع ان اول سنين تدريس كنت نفسج متحمسه و اشتغل وايد بس كنت اشتغل غلط
كنت ابدع ابرامج الاذاعه و الانشطه اللي على مستوى المدرسه و اختب حق المدرسات اللي عندهم دروس رياديه و اشتغل معاهم
للاسف كل شغلي كان هباءً منثوراً و لا شي انحسبلي و اول ٣ سنين تقاديري كلها جيد
يزاها الله خير وحده تصيرلي انصحتني
قالتلي كل سنه لازم تسوين انجاز منها تنعرفين بالتوجيه و ترتفع اسهمج بالمدرسه و فوق هذا انتي تحسين بنشوة النجاح. احساس وايد حلو الصراحه
و فعلا ترى انا يوم ترشحت حق رئاسه القسم ولله الحمد موجهيني متمسكين فيني مايبوني اطلع من المنطقه

نصيحتي لج بما انج مدرسة اجتماعيات اذا ماتبين تسوين درس سوي مسرحية عن الكويت فيها رقصات. او اوبريت كامل. و الله ماكثر الاغاني الوطنيه
بس حاولي تظيفين لمساتج الابداعيه. اي شي ممكن تقدمينه حتى لو كانت الفكره قديمه لازم تظيفين ابداعاتج. ابداعج سر نجاحج
و الله يوفقج و يوفق الجميع. اقول شرايج تغيرين تخصصج و تيين عندي انجليزي؟ اعلمج الابداع على اصوله لووول

 

[كارلوفي فاري]

حبيبتي jen2n

انا من رايي جانج متحمسه و ودج تسوين شغله على مستوى المنطقه سوي
انا بالنسبه لي المدرسه لازم كل سنه تسوي انجاز
انا كنت جذي. ولله الحمد مع ان اول سنين تدريس كنت نفسج متحمسه و اشتغل وايد بس كنت اشتغل غلط
كنت ابدع ابرامج الاذاعه و الانشطه اللي على مستوى المدرسه و اختب حق المدرسات اللي عندهم دروس رياديه و اشتغل معاهم
للاسف كل شغلي كان هباءً منثوراً و لا شي انحسبلي و اول 3 سنين تقاديري كلها جيد
يزاها الله خير وحده تصيرلي انصحتني
قالتلي كل سنه لازم تسوين انجاز منها تنعرفين بالتوجيه و ترتفع اسهمج بالمدرسه و فوق هذا انتي تحسين بنشوة النجاح. احساس وايد حلو الصراحه
و فعلا ترى انا يوم ترشحت حق رئاسه القسم ولله الحمد موجهيني متمسكين فيني مايبوني اطلع من المنطقه

نصيحتي لج بما انج مدرسة اجتماعيات اذا ماتبين تسوين درس سوي مسرحية عن الكويت فيها رقصات. او اوبريت كامل. و الله ماكثر الاغاني الوطنيه
بس حاولي تظيفين لمساتج الابداعيه. اي شي ممكن تقدمينه حتى لو كانت الفكره قديمه لازم تظيفين ابداعاتج. ابداعج سر نجاحج
و الله يوفقج و يوفق الجميع. اقول شرايج تغيرين تخصصج و تيين عندي انجليزي؟ اعلمج الابداع على اصوله لووول

مع احترامي ارايج اختي. انا اللي صار معاي العكس كنت اول تعيني دروس نموذجيه والله افتخر واقول كانت عجيبه ومسابقات علميه والله كنت احصل على المراكز الاولى وبجداره اقل شي اخذ مركز ثاني. والله تقاديري ماتتعدى 92 ليش لانه التوجيه ينظرني خبرتي قليله فمستحييييل يعطوني امتياز على الالمام بالماده العلميه او وضع الاهداف مقتنعين انه الخبره الاقل مستخيل تلم بالماده العلميه. والله اكثر من عشر سنين عمرها مانزلت لي اعمال ممتازه. ولا حتى ترشيح رئاسة قسم ولا مره رشحوني. لين ماعرفت شنو المطلووب المديررره وبس ومو معناته تهملين التوجيه لا. التوجيه سوييلهم بس ترا مايعطووون لين تتعدى خبرتج. اما المديره سنعيلها الشغل والله حتى الموجهيين توقف بحلقهم
عليج ببرامج الاذاعه المميزه. امسكي اشراااف جناح وخليج مبدعه فيه. ورزي روحج حق مسكة النشاط المدرسي واذا قضبتيه عدل بتشوفين شلون المديره تستانس عليه. وخبيهم بالبنرات والحملات التوعويه
وهذا اا اللي سويته لين الحمدالله كسبت ثقة مديرتي والحمدالله تقاديري ارتفعت. وجاني ترشييح واخيرا عقب انتظااار طويل

 

[fri2010]

الف مبرووووك عالترقيه تستاهلون كل خير

يمكن لقافه مني بس سينمامون ليش عطوج جيد!!!

معقولة يعني انا بعد يعطوني جيد !!!

لاني سويت كل شي يبونه مني وماعندي غيابات ولا تأخير ولا طبية والشي الوحيد اللي ما سويته اهوا النشاط !!

معقولة يعني تقديري بيكون جيد !!

و كارولوفي يعني المديرة اهي اللي تحط التقدير الاعلى؟

رئيسه قسمي قالت حق وحده معانا تعينت بس الكورس الثاني ان ما نعطي امتياز حق اليدد لو مهما سوت !!

جان اقول لها اللي تعينت معانا حتى احنا اللي الكورس الاول جان تقول ايه

عاد والله ظلم حرام عليهم

 

[كارلوفي فاري]

هلا اختي. المديره مو معناته بيدها التقيم الاعلى بس الكلمة الاولى والاخيره لها يعني احيانا تكون رئيسة قسمج متحيزه معاج ودها تساعدج بس الناظره مو حاطتج بمخها فما راح توقف مع رئيسة قسم فتوقف مع الموجهه عليج لكن لو انتي عاجبتها حتى لو الموجهه او رئيسة القسم مو حابين يزيدونج. هي راح تاثر عليهم.
والتقاديير تنحط تقديريه ترا يعني هم يبون لج فوق ال ٩٥ راح يوصونها للرقم هذا
وبالنسبه لاول سنه من تعينت وانا اسمع هالشي التعين الجديد مالهم تقدير امتياز لانه مستحيل. طبعا من وجهة نظرهم

 

[ابلة غزالة]

لا بنات مو شرط اول سنه ما تاخذ امتياز
هذي قاعده للاسف اتخذوها بعض الناظرات

بس الحمد الله انا ناظرتي من اول الرافضين لهذي القاعده
واحتمال ناظراتكم جذي بعد ان شاء الله

 

[fri2010]

ناظرتنا ما تعرف اسامي مدرساتها مع ان صار لها 7 سنين بالمدرسه !!!

واول يوم داومت فيه عقب الدورة على بالها اني طالبة

ومرة جدام البنات على بالها اني طالبه جان تقول لي انتي ليش قاعده مع البنات بهاللبس

لاني قصيرة وويهي صغير

جان اقول لها انا ابله اهني جان تضحك على روحها !

وما اتوقع تعرف اسمي

وادخلت علي مره وحده والموجهه نفس الشي

بس بينت للموجهه نفسي لما رحت كورس اول وثاني للتصحيح بالكنترول

يعني بس رئيسة قسمي اللي ادخلت علي اكثر من مرة

ففي هذي الحاله اشلون بيكون التقييم

حطيت واسطه عشان اعرف تقييمي وللاسف الواسطه ماخذين اجازه بالرمضان :/

 

[سينامون]

صاجه اختي ابله غزاله
مو شرط اول سنه ماتاخذين امتياز
ماشالله معاي بنات من اول سنه خذوا هذا عرف متخذينه بعض الادارات بس مو معناته الكل ماشي عليه

كارلوفي فيري صح كلامج الناظره لها الكلمه الاولى بالتقييم خاصه بالسنين الاخيره تهمش دور التوجيه
بس بصراحه المدرسه مو ملزومه تاخذ اشراف
لان الاشراف الاداري صراحه ياخذ مجهود وطاقه من المعلمه على حساب صحتها و حتى علاقاتج بالمدرسه مع زميلاتج وطالباتج اتاثر
و كثر ما الوحده تلبح من الصبح لين تطلع من الدوام لي دشت حصتها مافيها شدة تشرح
و بعدين سمحيلي اذا هذي انجازاتج و كنتي ماتاخذين امتياز مرتفع هذا خلل بالاداره عندكم
يعني يا اهلك نفسي بالشغل الاداري اللي اهو مو من صميم عملي و لاني مطالبه فيه و لا ما اخذ امتياز مرتفع !
صراحه شي غريب و اول مره يمر علي
و بعدين الانجازات اللي على مستوى المنطقة تدخل من انجازات المدرسه و تنحسب في التقييم مال المدارس فاهيا المستفيده
و على فكره هالسوالف تفيد الادارات نفس ماتفيد المدرسات و يمكن اكثر

و بالنسبه حق سنين الخبره.
انا ياني الترشيح و الاعمال الممتازه سادس سنه تعييين
مو عقب ١٠ معناته هذي اعراف ماشيه عليها ادارتكم

حبيبتي fri2010

انا ماكنت اخذ امتياز لاني كنت اشتغل غلط
كنت شاده حيلي بالانشطه داخل المدرسه و اسوي الشغله و ما اعلن اني انا الل مسويتها
اي شي اسويه يطلع باسم القسم غير ان مدرستي كانت صعبه
و كان عندي قصور في بعض الاشياء
بس انتقلت مدرسه يديده عقب ٣ سنين و بديت من الصفر
ولله الحمد سنتين و ياني ترشيح و اعمال ممتازه و صرت معلم ج

 

[jen2n]

امبي سينامون خرعتيني عيل أنا راح يحطون لي جيد !!! أنا جذي مثلج قاعدة اسوي

 

[سينامون]

امبي سينامون خرعتيني عيل أنا راح يحطون لي جيد !!! أنا جذي مثلج قاعدة اسوي

لا تحطين هالشي في بالج ان شالله ماخذه امتياز
بس من هني ورايح اي شي تسوينه كتبي اسمج
على اقل شي ان شالله اصغر ورقة عمل
سوي شغله على مستوى المنطقه و حرصي ان تكون باسمج مو اسم القسم
حتى لو تقدمينه مع مجموعه من حقج تحفظين حقج
سوي اصدار. مسابقه على مستوى المدرسه.
و اذا نوعج تنحرجين سوي شغلج من سكات بينج و بين رئيسة القسم.