حلال على الريال و حرام على المرا ؟؟ :@@@@@@

[نونه المنكوشه]

انا بالنسبه لي ممكن اغفر له بس عقب مافجر مخه لووووول اذا كان طيب وحبيب ويخاف الله فيني وممريحني ولكن صارت زله جذي ممكن اغفرله بس قبلها اقلب الدنيا ع راسه واكرهه عيشته بعدين اسامحه بس موايني كريه وعصبي وعشرته مراااا وفوق كل هذا يخون لااهنيه افتح الباب واعطيه خوش فنقر لاني لوبكون عنده بخونه وانا مابي اغضب ربي علشانه ولاعلشان احد فيكون بهالحاله الانفصال افضل اعف نفسي من الحرام واعرف وضعي واصبر مواعيش مع ريال موجود وموموجود

 

[infinity luv]

ماكو ريال يخاف الله يخوون

لو يخاف الله جان ما ارتكب الكبائر

الله يعينا على الريايل الي محللين كلشي حق نفسهم

 

[PuPa^^SWeeT]

الخيانة غيير عن الزنااا



الخيانة فعلا محد يغفر لها



بس ممكن انه المرة اتقوول نزوة



بس انها اتجك ريلها يزني هذي مصييييبة



اما تنفصل عنه و تطلق



او انها اتحط حاجز بينها و يصير زواج صوري

 

[فوفوفوفوفوفو]

وي بنات شفيكم انا سويت هالحساب بس عشان اقول ترا محد قال انه الريال ما يغلط و غلطته حالها حال غلطة المرا ,,, اذا الزوج خاين عيل الزوجه تطلب الطلاق او خلع "الزانيون للزانيات" و اذا بتمسك نفسها و بتظل زوجته عيل هذا اختيارها لانه ما في شي يجبرها تتم زوجته

 

[كويتيه فرنسيه]

والله صاجه مجتمعنا صاف ويا الرجل

لا واحب ازيدج من الشعر بيت ترا حتى المره ترضى بخيانته يعني عادي عندها يخونهاا بس مايتزوج عليها والي وصلها للحال هذا ان مجتمعنا دايم ضد المره اذا تزوج عليها زوجها لاموها وقالو اكيد مقصره

فهي تقول خل يخونني بالسر ولايتزوج علي ويتشمت فيني الي يسوا والي مايسوا

 

[كزنوفا]

انا لوزوجي خاين والله اطلق اله كرامتي

ماتشرف ولا اسامحه ولا اغفرله والحياه ماتاقف عند الرجال

والرجال غيره عشر

اللي يقرب عند كرامتي امسح البشر واخر همي الناس

وصح حنا اللي علمنه اعيالنا من هو وصغير انه انت رجال مايعيبك شي

وهذا غلطه لازم نصححه انا الو تزوجت مستحيل اربي اولدي علي انه رجال مايعبه شي راح اربيه صح والغلط غلط

وكل الحريم لازم تصير كيذا الموضوع لايحتمل الخاين يعني زاني = الرجم لين الموت

الله يبعدنا عن اعيال الزنا

 

[infinity luv]

انا لوزوجي خاين والله اطلق اله كرامتي

ماتشرف ولا اسامحه ولا اغفرله والحياه ماتاقف عند الرجال

والرجال غيره عشر

اللي يقرب عند كرامتي امسح البشر واخر همي الناس

وصح حنا اللي علمنه اعيالنا من هو وصغير انه انت رجال مايعيبك شي

وهذا غلطه لازم نصححه انا الو تزوجت مستحيل اربي اولدي علي انه رجال مايعبه شي راح اربيه صح والغلط غلط

وكل الحريم لازم تصير كيذا الموضوع لايحتمل الخاين يعني زاني = الرجم لين الموت

الله يبعدنا عن اعيال الزنا

فديييتج ردج برد جبدي عدل
اي هذي الناس الفاهمه و العاقله :rerrerek:

و بنااات انا لمن اقول خيانه ( قصدي مسويها مع بنت مختلي اب مرا غيرج بالحرااام )

مو خيانه يعني بس كلم مرا بالتلفون او طالع بنت ماشيه بالشارع !!

لا لا خيااانه (( مختلي اب مرا بروحهم و ثالثهم الشيطااان )

والله ما اسامحه و لا على قص رقبتي ما اعيش مع ريال ما يخاف الله
و يرتكب الحرام و الكبائر
احس انه نجس :eh_s(14):

 

[infinity luv]

الي ماتعرف شلون تعاقب الريال الي يرتكب الحرام و الزنى و ماتبي تتطلق

ترا الله ممكن يغفر له اذا تاب توبه سنعه ولا يرتكب الحرااام ابد و يجابله ربه

يحج و يعتمر و يعتكف بالمسيد

و خل تكون المرا عند اهلها لين ما تشوف الريال تاب و شاريها و يبي يرجعهاا


مو المرا تسامحه و تخليه يتمادى !!!
و خلاص هني الريال يحط اب مخه ( لو شنو اسوي و ادوس فوق راس مرتي ما راح تخليني فااا عادي اسوي الي ابيه لانها ما راح تسوي شي )

اذا عودتي الريال انج تسامحينه و تغفرين له راح يدوس فوق راسكم

مالت عليهم مايخافون ربهم

لوول انا صارلي جم يوم منبط جبدي من الريايل و تفكير المجتمع ابي اطلع الي بقلبي

قلبي مترررررروووووسه

 

[infinity luv]

والله صاجه مجتمعنا صاف ويا الرجل

لا واحب ازيدج من الشعر بيت ترا حتى المره ترضى بخيانته يعني عادي عندها يخونهاا بس مايتزوج عليها والي وصلها للحال هذا ان مجتمعنا دايم ضد المره اذا تزوج عليها زوجها لاموها وقالو اكيد مقصره

فهي تقول خل يخونني بالسر ولايتزوج علي ويتشمت فيني الي يسوا والي مايسوا

ايه كلامج عدل عن المرا ترضى يخونها بالسر عشان لا يتزوج :/
بروحه هذا يبيله موووضوع شكبره خاص فيه
الغلط الاساسي بدا من المراااااااااااااا
اهي زرعت الفكره بمخ الريال
_ انت ريال مايعيبك شي
_ انت ريال كلشي عادي
_ انت ريال حتن لو تغلط الكل يغفرلك
_ و لو غلط على المرا تسامح و تسامح _ و اهو يتمادى و يتمادى

لازم نغير هذي القاعده
و نعلم الكل
انه الغلط غلط مايفرق بين ذكر او انثى :rerrerek:

 

[infinity luv]

وي بنات شفيكم انا سويت هالحساب بس عشان اقول ترا محد قال انه الريال ما يغلط و غلطته حالها حال غلطة المرا ,,, اذا الزوج خاين عيل الزوجه تطلب الطلاق او خلع "الزانيون للزانيات" و اذا بتمسك نفسها و بتظل زوجته عيل هذا اختيارها لانه ما في شي يجبرها تتم زوجته

والله وناسه مسويه حساب بس عشان موضوعي لووول فديتج

و كلامج عدل :rerrerek:

 

[infinity luv]

عجبني هالكلام و نسخته لكم ....

الخيانة في مفهومها العام هي نقض العهد ، لكن من أكثر أنواع الخيانة إثارة في المجتمع خيانة أحد الزوجين للآخر ، إما خيانة الزوج لزوجته أو خيانة المرأة لزوجها ، وهنا يلغب المجتمع دورا فعالا في التفريق بين خيانة المرأة وخيانة الرجل ، فنجد أن خيانة الزوج لزوجته أمر عادي يمكن التجاوز عنه ويعطى لذلك مبررات كثيرة ، فهو رجل ! وخيانته لزوجته لا تمس شرفه ، بل يذهب البعض إلى حد اعتبار ذلك قوة في هذا الرجل ، ومدعاة للفخر .
بينما إن كانت المرأة هي التي خانت زوجها فإنها القيامة الكبرى ، فهي امرأة زانية ، وليست شريفة وآثمة ولا تستحق الحياة ... فإن سلمكنا بهذا الأمر واعتبرنا المرأة التي تخون زوجها تستحق فعلا هاته الأوصاف ، فلماذا لا يوصف بها الرجل أيضا ؟
ألم يقوما بنفس العمل المحرم عرفا وشرعا وقانونا ؟
لماذا تكون عقوبة المرأة الخائنة أقسى بكثير من عقوبة الرجل الخائن ؟
لماذا تعطى مبررات للرجل الخائن وتحرم المرأة منها رغم أنها نفس أوضاع الرجل ؟
أو ليس الرجل هو المسؤول عن زوجته ؟
ألا يمكن أن يكون ذلك الرجل هو السبب في خيانتها له ؟

نفس الي افكر فيه بس باللغه العربيه لووول

المهم .. لو كل مرا تحاسب الرجل مثل ما يحاسبها جان الدنيا بخير

لحد يطوف غلطة الريال بدون حسااااب
​

 

[Bloom]

انا مع فوفو

 

[كارلوفي فاري]

الله المستعان

 

[سندس 90]

سبحان الله إنتي نفس تفكيري
ليش احنا جذي
ألحين لما نطالع مره متزوجه وعندها عيال وتزني نقول اوووف لا تطيح السما بكبرها
ولا الزوج وعنده عيال يزني نقول البلا من زوجته أكيد
ولا اهم عند ربي وااااحد وعقابهن وااااحد بالدنيا والآخره سبحان الله مافرررق بالجنس العقوبه وحده الــــــرجـــــم حــــتـــــى الـــــمـــــوت
ااااخ على تطبيق الشريعه بس حسبنا الله ونعم الوكيل والله جان شفنا قليييييل اللي يزني بس الحين ماكو قاانوون اصلا
الله المستعان

 

[حواري]

اوافقج الراي لاكن سبب التعاسه الي احنه فيها هو تفكير المجتمع تفكير متجمد تفكير جاهلي

 

[infinity luv]

و احنا سبب هذي الفكره التعيسه التفكير الجاهلي و خلينا الريال يشوف نفسه علينا
و عباله انه معصوم من الغلط -_-

تعلموا ماتسكتون عالغلط

 

[Miss Basma ..}]

بالفعل . و المشكلة أن هذا تفكير أغلب الحريم

و لو زوجي راح يخوني
راح أطلب الطلاق مباشرة
لنفرض أن الزوج صابه مرض من الي عاشرها
آخر شي أنا راح يصيبني المرض
و هذا غير أنه زاني و عقوبة الزاني المتزوج الرجم حتى الموت
و المشكلة أن الرجال ما يخاف ربه بعد ما يخلص من خيانته
فشلون أرضى بواحد ما شاف عظمة من عصى

 

[اميرة زوجي]

مش


ترى الكبائر اللي يسويها الزوج الزاني

ربي يحاسبه مو زوجته

له عقوبه بالدنيا
وحساب بالاخره

وهو يعلم تماما ما يفعله انه حرام

مش المجتمع سهل له الطريقه

ولكن احنا يا امهات زدنا الفتن بالشارع

لو كل ام مسكت بناتها وعيالها وربتهم على الدين الاسلامي الصحيح

لخفت المشاكل بنسب كبيره

فوفو

مشالله عنك دائماً كلامك درر ونعم الام والتربية
بتزكريني بأمي الله يحفظها

 

[infinity luv]

بالفعل . و المشكلة أن هذا تفكير أغلب الحريم

و لو زوجي راح يخوني
راح أطلب الطلاق مباشرة
لنفرض أن الزوج صابه مرض من الي عاشرها
آخر شي أنا راح يصيبني المرض
و هذا غير أنه زاني و عقوبة الزاني المتزوج الرجم حتى الموت
و المشكلة أن الرجال ما يخاف ربه بعد ما يخلص من خيانته
فشلون أرضى بواحد ما شاف عظمة من عصى

اي والله ترا صعبه وحده تعيش مع ريال خاين زاني و ما يخاف الله !

 

[حبي للابد]

أنا معاج بكل كلمه قلتيها و حييييل مقهوره من هالمجتمع العنصري الذكوري ، ليش الرجال يسافر لدوله معروفه في بنات الهوا مثل تايلاند و غيرها و احنا ندري انه رايح يخررربط !!! ليش هالشي صااار عااااااادي !! انا زوجي مره سافر تايلاند و لما سألته ليش تبي تسافر قال وناسه مع الربع و دوجه !!!
اوكي هالوناسه ليش بس في تايلاند ؟؟؟؟؟؟؟ روح لدوله حلوه و استانس مثل اوروبا هني تلقى الوناسه اففففف منبطه جبدي .... ضربتي عالوتر الحساااااااس