مناقشات <رشيقات العيد> ملاحظات ،، نفسيات ،، ربعن تعاونوا ماذلوا :)

[زعفرانة_73]

كويتيه بروما قدر الله
توصلين بالسلامه يارب​

 

[Aryam30]

سبحان الله طالعي شلون تأجلت سفرتج بس كانت خيره لج وان تكرهوا شيئا فهو خير لكم بس عاد الاكل اللي اكلتيه الحين شلون بتهضمينه :eh_s(14):

عاد جنج انا لي تضايقت اكل ولي استانست اكل اذا ماعندي شي هم جابلت الاكل ماتدرين شالسالفه امبيه ترا مشاعرنا حدها متلخبطه

 

[fatma A]

امبي بنات كل الشباب قبل لا يدخلون النادي مكرشين ولمه يطلعون منه راحت الكرشه والجسم متناسق مو احنا البنات ما ادري ليش نروح النادي نرد دبل مرات ابي اعرف شنو سرهم

 

[تمره بحلاوتها]

حبيبتي قطوه عظم الله أجرج

​

 

[كويتية بروما]

حياتي اشكركم كلكم


فطوم الشباب يقزون ابر هرمونات عشان جدي بسسسسسسرعه اجسامهم واو

 

[ضــمــاد]

هلا وغلا قطووووهـ عاش من شافج


لج وحششششششه

 

[تووته البسكوته]

اهلييين قطوه حبيبتي تو مانور الموضوع

اي صح بنات ليش احنا بكل مناسبه ناكل ..فرح حزن ضيقه فراغ ..لازم هالحلج يتحرك ..
انا الحمد لله امس ماخربطت وايد ماسكه روووحي ..بس كليت 3 حبات بطاط ماكدونالدز ماقدرتاقاوم ريحته لوووووول

 

[العينآوية]

ولكم بااك قطووة .. اشتقنالج عظم الله اجرج يالغلاا

بناات انا صايرة كل يومين ولا 3 ادش النت

قرب العيد ووقتي ضيق والنت مب متوفر كل وقت

اعذروني على الانقطااااااااااع

ويومياتي ماشية تمام عموما اليوم اللي اخربط فيه احرم نفسي بعده وهكذاا

 

[Aryam30]

ماشالله عليج العيناويه ماشيه تمام

 

[فواصل]

مساء الخير


شخباركم

كويتية بروما

الله يعينكم يمكن خيره

وان شاء الله ترجعون بالسلامة

= الظاهر كلنا طبينا امس لوووووووووول

قطوة

الحمدالله على السلامة ومرة ثانية عظم الله اجركم

ولا تحزنين يكفي ان امج من اهل الخير لانها توفت في يوم الجمعة وفي شهر رمضان

الله يرحمها ويغفر لها

فاطمة

ترى الشباب يضعفون اكثر منا

وهرموناتهم غير

في شهر 2 شريت حلابيات جاهزة حق رمضان وكانوا ضيقين

الحين ماشاء الله تبارك الرحمن

ترتبوا علي

وان شاء الله ارجع للنادي عقب العيد

 

[fatma A]

بنات ملابسي توسعت الحمدالله بس قطيعه هالوزن الي مو راضي ينزل

 

[fatma A]

فواصل
الشباب يضعفون بسرعه الانهم يتحركون ما يقعدون بالبيت مثلنا لو بيتجمعون عند واحد من الشباب ما يحطون جدامهم حلويات ولا معجنات ولا مجابيس ولا مقبلات كافي يحطون جاي وقهوه واذا ياعو طلبو لهم اي شي ويلعبون بليستيشن وجنجفه احنا لو بنتجمع نحط هالحلويات والموالح والمقبلات وما نخلي شي ما نحطه جدامنا وين نضعف

 

[تمره بحلاوتها]

بنات منو جربت

مساج التخسيس

مع تخفيف بالأكل ؟

خاطري أسويه

بس متردده ​

 

[كويتية بروما]

تمره ضعفت عليه 6 كيلو
سويته ب كوين مساج بلشعب

 

[منوري الكويت]

ينات انا صايره ادمان علي الاكل بسرعه اجوع ولازم بيومي اكل شي فيه سكر ولا دهون
صج حليب كاككاو قليل الدسم يمتن زلا لا

 

[تمره بحلاوتها]

تمره ضعفت عليه 6 كيلو
سويته ب كوين مساج بلشعب

ماشاء الله الله يتمم عليج

حبيبتي كنتي مسويه رجيم ؟

أو مخففه بس ؟!

وشلون نظامهم ؟ جم يوم رحتي لهم ؟

وهل فعلاً يبقع الجسم من المساج ؟!

أعذريني على كثر الاسئله :eh_s(7):​

 

[كويتية بروما]

والله ضعفت عليه تقريبا 6 كيلو
عجييب يحطون لج مغناطيس ع الادن يخليج تعافين الاكل وعندهم شاي يلوع الجبد ويسد النفس وحبه بعد المساج

والله حبيبتي اللي يبي يعلف ويبلع اكيد بيمتن ويترهل
عاد الحريم اغلبهم يالفوووون سوالف من مادري وين كلهم نحس يبون الخير بس لنفسهم
ترا حتى الميزو ثربي الابر جربتهم حلوووين بس المساج اقوى
حتى اللي يسوون تكمبم ان ما حافظو يردون يمتنون

حطي ببالج لازم تحافضين ع الاكل تحافضين ع النتيجه بتهدين نفسج
كانك يازيد ما غزيت

هدي ردي ع وحده من التجمع

 

[كويتية بروما]

ماشاء الله الله يتمم عليج

تمره من زمان خبري فيهم 2008 الحين رديت بقره:ggdw:
لو اني بالكويت من باجر اداوم عندهم:eh_s(1):
ودي ارد اسوي بس توني مسويه عمليه قيصيريه حق رحمي اخاف موزين لي ولا جان من امه اروح:eh_s(14):​

حبيبتي كنتي مسويه رجيم ؟
لا مخففه كله اكلي كله مشاوي وقهوه وسلطات​

​

وشلون نظامهم ؟ جم يوم رحتي لهم ؟
رحت عندهم 10 ايام ب 110 دينار ونزلت 6 كيلو
وكل ماكملتي جلسات نزل المبلغ جنه عشره
وبنت عمي نزلت عندهم 10 كيلو:rerrerek:لانها كانت امتن مني بوايد ​

وهل فعلاً يبقع الجسم من المساج ؟!
يخضونج خض شوي يزرق ع حسب جسمج حساس ولا لا​

أعذريني على كثر الاسئله
عادي انتي اختي حياج :eh_s(7):​

اااا

 

[كويتيه سبيشل]

صبااح الخير بنناااات
تلحمدالله امس مشيت صح

وانتو شلونكم ؟؟...

 

[كويتية بروما]

بنات بسافر ان شاء الله اليوم
برد الكويت ان شاء الله
واحتمال ما اشبك بالكويت مافي نت وماراح افضى كلش

استودعتكم الله يامن لاتضيع ودائعه:eh_s(7): وسامحوني ع القصور باي