مدرسات الاجتماعيات ضروري الله يفتحها في وجيهكم

[شموووخ بدويه]

السلام عليكم
خواتي مدرسات الاجتماعيات وغير الاجتماعيات من خلال احتكاكم معاهم بليز عندي استفسار....

انا درست قبل 9 سنين ولاسباب شخصيه قدمت استقالتي،، حابه ارجع للتدريس بس سمعت عن مواد حياتيه ووطنيه وهذا الشي مامر علي كلش،، انا احب التدريس وماعندي مشكله بس مو عارفه شلون أتأقلم مع الحريم لاني جربتهم..

والاهم من هذا سامعه الحين حيل يستخدمون وسائل وايد،، احس تعذيب ويبيله طوله بال

الى اصحاب الاختصاص بليز ابي الرد

 

[#الخشف#]

انا تخصصي اسلامسه متوسط توني خالصه ميداني والحين ناطره التوظيف بالنسبه لمادة تربيه وطنيه هذي للابتدائي بس ....وبالنسبه للمتوسط الوسائل عادي ماحس حيل يستخدمون يعني بالغالب داتا شو وحتى اللي يستخدمونه تلاقينهم مو علا طول يستخدمونه..بس يمكن الابتدائي يطلبون وسائل مبتكره لان رفيجاتي يقولون الابتدائي وسائلهم تعذيييب لازم تستخدمين وسائل علا طول ..

نصيحتي لج درسي متوسط لان الحين في نقص بمدرسات الاجتماعيات والله يوفقج...


ادعيلي الله ييسرلي وظيفتي

 

[jen2n]

شموخ انتي شنو تخصصج بالضبط

لان مرحلة الثانوي تخصص جغرافيا فيه نقص وااااايد

بالنسبه للوسائل طبعا الابتدائي اللي يحتاج وسائل مبتكرة

اما المتوسط والثانوي اشياء بسيطه خرايط وداتا شو بس مو يوميا يعني

 

[Angel_store]

اب اب اب

 

[شموووخ بدويه]

مشكورين حبايبي ،، انا جربت الابتدائي من زمان وكان لازم أدوات وخرابيط وملل وتعب صراحه،، بس البنات الصغار يهبلون

انا أحس صعب أدرس متوسط مراهقات ماعرف أتعامل معاهم،، مدرسات المتوسط عفيه فيدوني شلون التعامل مع المراهقات...

أنا تخصصي تاريخ ع فكره وجامعيه لما درست أبتدائي كان فيه نقص,,الحين يمكن يقطوني متوسط سيده..

واذا تعينت من جديد اتعين على معلم ه ولا الخبره راح تفيدني،، بليز جاوبوني

 

[شموووخ بدويه]

وينكم يامدرساااااااااااااات الاجتماعيات ردوا علي

 

[شموووخ بدويه]

اب اب اب

 

[أبلة اجتماعيات]

الابتدائي حلو توكلي على الله وقدمي واذا على مشاكل الحريم. وين ما تروحين تلاقينهم حتى وانتي بيتج بس انتي ابعدي عنهم وخلج بشغلج ولا تحتكين فيهم حيل

 

[شموووخ بدويه]

الابتدائي حلو توكلي على الله وقدمي واذا على مشاكل الحريم. وين ما تروحين تلاقينهم حتى وانتي بيتج بس انتي ابعدي عنهم وخلج بشغلج ولا تحتكين فيهم حيل

مشكووووره حبيبتي،، انا ابي أحد يشجعني

انتي ادرسين اي مرحله،، ابي استفسر منج لو ع الخاص بلييييييييييييييييييز

 

[ملامح بريئة]

اعتقد الابتدائي مكتفين والمتوسط صار ضغط مواده وشغل حوسه فاشوف الثانوي اريح للتاريخ لان تدرسين تخصص وما يحتاج وسائل البنات الكبار كل شي يساعدونك فيه بالدرجات بس العيب بالثانوي فترة الامتحانات اذا كانت المدرسة كبيرة تتاخرين بالتصحيح بس هالفترة ضغط

 

[ملامح بريئة]

الحريم بكل مكان يغثون الواحد بس صدقيني اللي يشتغل لله يلقاها والله يسهل اموره

 

[أبلة اجتماعيات]

انا أدرس اجتماعيات ابتدائي وأي سؤال أنا حاضره لا يردج شي حبيبتي

 

[شموووخ بدويه]

انا أدرس اجتماعيات ابتدائي وأي سؤال أنا حاضره لا يردج شي حبيبتي

اي والله اختي عندي استفسارات لها أول مالها آخر....

كم سنه صارج بالتدريس...
شلون ع هالمواد الجديده حياتيه ووطنيه انا لما كنت ادرس بس اجتماعيات فقط،، يعني خفيفه

بعدين التحضير شلون عليه،، لاني سمعت الحين مدرسات يقولون شخباري كله باللاب..

والوسائل هذي أكثر شي تغث ،، يعني لازم وسائل ع كل شغله ودرس وهذا بصراحه يلوع جبدي

ادرسون صف اولى وثانيه ولا بس رابع وخامس

ومشكوووووووووووووره حبيبتي،، انا ابي الشخص اللي يشجعني،، لاني برجع للوظيفه وخايفه لاني جربتها قبل،، وزوجي يقول بتردين ردي على شي يسوي،، وبيني وبينج بعد متحسفه ع شهادتي

الله يجزاج خير وماقصرتي

 

[شموووخ بدويه]

الحريم بكل مكان يغثون الواحد بس صدقيني اللي يشتغل لله يلقاها والله يسهل اموره

في هذي صااجه،، مشكووووووووره اختي ع الرد

 

[شموووخ بدويه]

أختي مدرسه اجتماعيات دزيت لج ع الخاص ،، لكن عندج رسايل وايد لازم تمسحين من الوارد بليز أبيج ظروري

 

[أبلة اجتماعيات]

هلا اختي انا درست كل المراحل والاجتماعيات في الابتدائي يدرسون مرات ثلاث مناهج. اللي اهم بلادي الكويت والتربية الوطنية ومهارات الحياة بس صدقيني الصعوبه اول سنه وبعدين سهالات راح تتعودين ومن ناحية الوسائل التعليمية فانتي ملزمه فيها في كل مرحله حتى بالثانوي. بس الابتدائي اكثر لأنج تتعاملين مع أطفال ...
اذا انتي ما تحبين تتعاملين مع أطفال خلج ثانوي انا درست بالميداني بنات متوسط كانوا روعه بس هم تتعبين بالوسائل والشرح نفس الشي لكن فرق الابتدائي أسهل بالامتحانات وبرصد الدرجات ولو كنتي تدرسين صبيان صج انه متعب بس الموجهين يتساهلون مع مدرساتهم أكثر .