شلون كانت نظرت البنات العزوبيات لج من عايلتج لمن ملجتي؟حسيتي بالغيره منهم؟ فزو فيج!

[тεķάηαн]

أنا ملجت و أنا صغيره 16 سنه ..
وآلله لآ يوريكم وربي إني صرت نفسية و كل يوم هوآش وبجي على أتفه الاسبآب
حتى وصلت لمرحله أقول لآمي مآبي أسمع القرآن طفيه
آمي بعد عمري خآفت علي عبآلهآ عطوني عين ××
وآنآ بس آتحجى بأي سآلفه عند جمآعتنآ يجيبون طآري الزوآج والعرس حتى لو السآلفه عن المطعم أو التلفون :\!
وجآرتنآ يوم كآنت تكلم أمي تقول لهآ لا تخآفين على نسبة بنتج حظهآ شكبره دامهآ تزوجت :\!!!!
آلله يكفيني شرهم و يرزقهم ضعف إللي عندي و يفكوني ..
آلله الحآفظ :*​

 

[omniaaaty]

السلام عليكم .....
الموضوع وايد حلوو شجعني اشارك معاكم
طبعا انا للحين ما تزوجت والله يرزقني ويرزق الجميع يارب .. بالعكس انا عن نفسي افرح حق الكل واحط نفسي مكان العروس وادعيلها وادعي حق الكل وحق اللي ما تزوجوااا
بالنسبة للشعور مو حسد لا بالعكس ممكن شعور غيره طبيعية بس ايماني بالله اكبر انه كل واحد ياخذ نصيبه بهالدنيا اجلا ام عاجلا بس كل شي بوقته
بالنسبة لاخت لمى الهاجرة اعتقد انتي ظالمه نفسج ما اعتقد شعور حسد شعورج شعور غيره طبيعية مو اكثر لا تشوفين نفسج بهالسلبيه هذي ، لانه مستحيل الشخص يتكلم عن نفسه بشكل سلبي خصوصا جدام الناس ،، حبيبتي انشاءالله تتزوجين وتفرحين والله يعوضج كل خير وكل تأخييره فيها خيره ولا تعيلين على رزقج رزقج ياي بالطريج انشاءالله .
والله يرزق المتزوجه بالحمال ان شاء الله
وعقبالكم يا بنات

 

[دلووعه حبيبيي]

انا يوم ملججت كل البنات اللي كبري متزوجات انا وبنت خالتي كانه اخر شي الحمدلله ربي عطانه احسن الرياجيل واهم محتره ليش انتوا بعد تزوجتم قبلنا يمه منهم كل وحده الله يعطي ع قد نيته. *

 

[MiSsY HottY]

وييييييييييه انا محد باركلي كلششششششششششش لا رفيجات ولا صحبه كلهم اختفووو جك بممممممممممم جني اخترعت الذرة
​

 

[yam_yam]

اكتشفت عاهات وايد ياكافي الشر
بس انا كبرت عقلي

 

[صعبه]

ههههههه
في ناس الغيره والحــــسد ذابحهـــــــم

بييييييت عمي لما دروو اني ملجت

احتروو لدرجه ماباركولي ولا لاممي

تقولون ماكله حلالهمممممممممم

مالت بس

 

[عمة فاتو]

هههههههههههههه تكفين لاتقطعين فيهم واصليهم

هذا الحجي من 13 سنه
الحين معرسين وعندهم عيال:eh_s(9):

 

[عسى الله يهديني]

حياااااااااكم الله منورين بنااااااااااااات

 

[دلوعة العايله]

بنات لاتفكرون بهالتفكير


وتبدون حياتكم غيره وحسد وقالتلي وماباركتلي




خلو نيتكم صافيه



قولو انشغلو او اي شيء


واحسنو الظن فيهم مهما كان هذيل اهلكم



وانا مثلكم لمن ملجت مريت بتصرفات وايد لدرجة اني كرهت ريلي ولمن يدق علي ماودي ارد او ودي اتهاوش معاه

بس بعدين افكر فيها اقول يمكن موقصدهم او انا صايره حساسه

واهما اهلي ماغنى عنهم



وادورهم العذر

الحمدلله بعدها ارتحت



بس احنا لا وحده فينا دخلت الجامعه او تزوجت او حملت تحس انها سوت انجاز ومافي احد نفسها وكل الناس محترين ويغارون منها


احسنو الظن

فديتج عين العقل :eh_s(15):

انا اقرأ الردود واستغرب والله :bbbiu:

الله يوفق ويرزق الجميع من حيث لايحتسبووون يااااارب

 

[سندس 90]

انا بنات عمي واااايد ماابي اظلمهم بس بعضهم باركولي وبعضهم ولا كأني مريت عليهم فيوم
وهمن بنات خالتي واايد وبس خالتي وحده بناتها باركولي فققققط
والباجي ماعلي منهم وبالعكس أتمنالهم كللل خييير
ويارب استر على جميع بنات وشباب المسلمين
بنات عفيه أدعولي ربي يوفقني ويحقق اللي فبالي

 

[مـآلي شبيه~]

اللهم اجعلني في عليين واحفظ لساني عن العالمين
انصدمت واايد بس الحمد الله لك ياربي رزقني بزوج عساه يكون لي ذخر

 

[ياسمينا12]

انآ قبل لا امملج انخطبت كذا مره بس ماحصل نصيب ورفضت وما علمت احد ان فلان الفلاني خاطبني احس ماله معنئ هالشفاححه
وفعلا ريلي يوم خطبني ماعلمت احد لانو مابينت الموافقه
يوم رحت الفحص اليوم رايحححه مامداني

ابوي بلغ عمامي ع اساس الي خاطبني مو من العايله ولازم يقول لهم
اشتغلو حريم عمامي يدقدقون و اشدعوا بنحسدج شنو شقصدج عينا حاره :|
قلت لا بس ليلحين ما ادري في نصيب ولا !!!

وبنات عمي وبنات خالتي

والحظ الحلو

احنا 3 بنات عم ملجنا مع بعض بنفس الفتره « ماشاءالله الله يتمم علينا ككلننننا

اهم كبار وحده 32 و وحده 29 انا 18 !! يعني شنو ما اتززوج عشان انتو تخلصون عرسكم !

وصار المجاكر واالنفسيه الحلوه

وحده منهم تقولي لاتشترين ذهب والماس ماله معنئ و لاتشترين جناط ماركه من وين لج فلوس قيمه ماركه خليج ع التقليد وايد زين
ويوم. عرسها صافه ككككبت كله الماسات قبل عرسها لدززتها شنو يعني هذا

غير عماتي وخالاتي محد يكلمممني كلش الا اذا يبون شي
ويوم اسأل عن شي يطلع بالواتس اب صحين ومايردون احلا سكب

و غيررر هذا وحده من رفيجاتي البيست الي معاي من 5 سنين تقولي لا لاتزوجين ترا اذا تزوجتي ينزل معدلج ويبين عليج الكبررر و يوم وريتها صور ملجتي قالت لي » عسآ فلان «زوجي يشوف غيررررج وماتههنين . وقامت وراحت كلاسها ومادزت من بعدها لا بي سي ولا شي و حذفتني من البي بي ام
وقدام البنات وكل البنات يقولون شفيها هذي اشكررا !!

وغيرر هذا وايد مواقف بس الله يسامممحهم جميعا ورمضان يجمعنا ؛)

 

[al-musk]

الحمدالله ماعندنا هالطبع والواحد يفرح لفرح الي حواليه واهم شي التوفيق لأن على نياتكم ترزقون..

 

[mrs_ntfa]

هههههههه
عيل اقولكم عني؟
شرايكم يوم دقو قلت حق اهلي
يوم الدزه قلتلهم انتو خواتي كلكم تعالولي
يوم التجهيز اروح معااااااااهم
ما اخش عندهم شي
و يوم الدزه بدون محد يحس راحه عدو المهر و الاطلون عل شبكه !
ما اهتميت قلت اكيد لقافه
و يوم العرس و الملجه معااي باصالون
حتى يوم صار الصبح و انا بالفندق يولي
رتبو اغراضي
و قالولي شلون صار
ادري اني غلطانه بس قلت
مشاكلي اشكيلهم عشان يساعدوني
اشياء الحلوه اقولهم
و الحين عقب 5 اشهر
بالغلط بصور ب فون وحده
والا اقرا كاتبه حق الثانيه
ويييع ذبحتنه هذي اهي و ريلها
لاعت جبدي من كثر ما تقولي مشاكلها
جنه محد تزوج غيرها
اففف مليقه و تيب الغلقه
انا @@
متت من البجي
ريلي يقولي هذي اللي كنتي تشرقين ب اسمها ايام الملجه ؟
و بس من وقتها صرت رسميه معاها و اهي ما تدري للحين عبالها اني لهيت بالزواج


والله قلبي عورني يوم دريت
تمنيت اي احد بس مو اهي

ريلي قالي غيره بنات
الله يسامحها
و الحين كل ما رحت تقولي هاا شلون ريلج ماكو سوالف صارت ؟؟؟!!!
ابيسم و اقولها لا ماكو شي

 

[sooso19]

من صججججججججكم كل هذا حسد

معقووووله في ناس جذي

بالنسبه لي الحمد لله بنات عمي كلهممم باركولي وعاااادي مع اني ملجت وانا اصغر منهم واهم للحين ما ملجو

اهم شي التوفيق .....الله يوفقناا اجمعين

والوحده المفروض تحصن نفسها وتوكل ع الله

 

[يآحبي آفهم]

الحمدلللللله الكل فرحولي بنات خالتي وبنات عماتي واهلي ورفيجاتي والله لايغير علينا ويبعد عنا الحسد والغيره لانها مرض الله يكفي الشر

 

[شذونه]

الله يوفقكم

 

[kwait doll]

شدعوه ماخذين دكتوراة عشان يحسدونكم
هههههه
ترا كله نصيب ماله علاقه لا بالجمال ولا بالسناعه
سوري ردي ممكن يكون قاسي ومحطم لطموحكم وامالكم انكم مسوين انجاز
بس صج اشفق على كل وحده تفكيرها جذي
احسها ما صدقت على الله انها تزوجت

 

[عسى الله يهديني]

شدعوه ماخذين دكتوراة عشان يحسدونكم
هههههه
ترا كله نصيب ماله علاقه لا بالجمال ولا بالسناعه
سوري ردي ممكن يكون قاسي ومحطم لطموحكم وامالكم انكم مسوين انجاز
بس صج اشفق على كل وحده تفكيرها جذي
احسها ما صدقت على الله انها تزوجت

هههههههههههههههههههى امبي بنات قصصكم تهبل





kwait dol اي والله حبيبتي انجاز وماصدقنا نتزوج :eh_s(22):

 

[عسل سل]

هههههههههه موضوع يضحك صراااحه يبين صغر عقوول الحريم ان طال الزمن ولا قصر الكل راح يتزووووج
((((حسستوني الي بتزووج انها بتدش الجنه )))))) موضووع ماله داعي