السلام عليكم ورحمة الله وبركاته
*الحمدلله الذي اطعمني هذا الطعام ورزقنيه من غير حول مني ولا قوة *
أبارك لكم قرب حلول شهر الخير والمغفره والرحمه
شهر رمضان
عساه ينعاد عليكم انتم ومن تحبون وتعزون هالسنه وكل سنة ان شاء الله.
شهر رمضان
عساه ينعاد عليكم انتم ومن تحبون وتعزون هالسنه وكل سنة ان شاء الله.
اللهم بلغنا رمضان
واعنا على الصيام
والقيام وقراءة القرآن.
بسم الله الرحمن الرحيم نبتدي بطبختنا اللذيذه
نحتاج دجاجه ننظفها عدل ونغسلها وعقب نقطعها لحوالي 10 قطع ونسلقها بماي مع بهارات حب(شوية مسمار ودارسين وهيل صحيح وبهار النجمه الصيني اذا متوفر عندج وفلفل اسود حب ).
نسلقهم لمدة 20 دقيقه..وال20 دقيقه تحسبينها من بداية غليان ماي الفوح (السلق).
بجدر نحط كمية من الزيت ونضيف حوالي بصلتين مقصصين ناعم ونحمس..واذا ذبلوا وتشوقروا نضيف عليهم كميه من الثوم والزنجبيل المدقوقين..ونحمس شوي..
عقب نضيف ملعقة اكل بهارات مشكله ونص ملعقة اكل فلفل اسود وربع ملعقة اكل كركم ونص ملعقة اكل كزبره يابسه وربع ملعقة اكل كمون وربع ملعقة هيل مطحون وجم حبة هيل صحيحه وبهار النجمه ريحته خنينه بالاكل.
عقب نضيف ملعقة اكل بهارات مشكله ونص ملعقة اكل فلفل اسود وربع ملعقة اكل كركم ونص ملعقة اكل كزبره يابسه وربع ملعقة اكل كمون وربع ملعقة هيل مطحون وجم حبة هيل صحيحه وبهار النجمه ريحته خنينه بالاكل.
نحمس عدل نخلي خلطة البصل تتشرب البهارات
نضيف حوالي طماطتين وحبة فليفله بارده مقصصين صغار
نحمس عدل عقب ماضفنا الطماط والفليفله..ونسكر غطا الجدر لمدة 5 دقايق نبي الطماط يذوب ويصير مثل الصوص..
نضيف قطع الدجاج المسلوقه وجزرتين مبشورين
نحمس بخفه نخلي الدجاج يتغلف بالخلطه الي بالجدر..ونضيف حوالي علبة نخي (حمص )
نحمس ونضيف علبة قيمر ( قشطه ) ونحرك بخفه ..ونخلي الخليط على نار خفيفه لمدة ربع ساعه مع التحريك كل فتره..
ونزيد الملح ونضبطه حسب التذوق .. ونخليه ليما يتسبك جذي..ونخليه على صوب لحين الحاجه له.
(وطريقة العيش)
نخلي ماي سلق الدجاج يغلي..وعقب نكت عيشنا الي نقعناه لمدة ساعه بماي دافي لاحار ولابارد فيه
ونخليه يطبخ ليما يستوي ثلاث ارباع الاستواء..يعني ليما تشوفينه قرب يستوي .
ونخليه يطبخ ليما يستوي ثلاث ارباع الاستواء..يعني ليما تشوفينه قرب يستوي .
نشخل العيش ..ونبتدي نطبقه مع خليط حمسة القيمر والدجاج والنخي
نحط بقاعة الجدر كمية من العيش ونضيف عليها كميه من خليط الحمسه
وعقب نسوي نفس الخطوه..كميه من العيش وفوقها كميه من الحمسه..
وآخر شي نضيف العيش..وفوقه نرشه بماي ورد منقعين فيه شوية زعفران وشوية من صبغة العيش.
وآخر شي نضيف العيش..وفوقه نرشه بماي ورد منقعين فيه شوية زعفران وشوية من صبغة العيش.
ونسكر الجدر عدل بقصدير او فوطه او قطعة قماش نظيفه...
ونخليه على نار خفيفه هاديه لمدة 40 دقيقه ليما يكمل العيش استواءه من بخار الجدر.
ونخليه على نار خفيفه هاديه لمدة 40 دقيقه ليما يكمل العيش استواءه من بخار الجدر.
وللحشو..قصيت بصل شرايح..وقليته بكمية زينه من الزيت ..واستمر بالتحريك كل فتره ليما اوصل للون البني المتكرمل المطلوب..وطبعا اضيف علية رشة ملح ونتفة كمون وفلفل اسود.
هذا جدري نزلته وحطيت البصل الحشو على الوجه
بديت النجاب
وحطيت البصل المحمش على وجه العيش....
وان شاء الله تسوون هالعيش وتستمتعون بطعمه..تفضلوااا
رجاءن حبيبااتي لحد يرد لو تكرمتوا بكمل تنزيل باجي الصور...
