تجمـــــع اللي بتعيد رابـعـة ثانـوي مســ2012 - 2013ـائي - حيـــاكم الله نستفيد من بعض

[__amool]

نعم نعم نعم
وانا صارلي يومين أدور هالتجمع أقول مو معقوله ماحطو البنات 
بس أشوا لحقت عليكم 
والله حاله وأنا متردده أعيدها ولا لأ ،، ماشالله بنات بالتجاري وووو ،، ويبون يعيدونها
أنا تخيلو 3 سنوات بالبيييييييت ،، وأفكر بعد أعيدها ولا لأ
أما ألحين عزمت خلاااااص
أنا دفعة 2008/2009 طبعاً قدمت ماقبلووني وقعدت 3 سنييين والبنااات ماشالله ألحين على وجهه تخرررج وأنا حاطه إيدي على خدي
بقولكم قصتي :
نسبتي 65٪ أدبي ماأقبلوني لاني مووو كويتيه قدمت قدمت لو دورات ماكو فايده
الحين ملچت على كويتي فالتطبيقي يقبلون زوجات الكويتين
وطرا علي الطموح بصراحه أبي أكون مدوسة إسلامية أجر بالدنيا وأجر بالآخرة



أسئلتي ،:
1) متى التسجيييل ؟؟
2) المناهج غيروها ولا لأ " مناهج دفعة 2009 " ؟؟
3) أنا نسبتي زففففت بعاشر 55٪ وحادي عشر 64٪ تتوقعون أجيب أعلى من 78٪ ؟؟
4) تتوقعون يدخلوني لأني من ضمن زوجات الكويتيين ،، يعني أدخل تربية ؟؟
5) شنوو أحسسن مدرسة بالجهراء ؟؟ رفي باصات للمسائي ؟؟


أدري أسألتي وااايد بس والله يا بنات شجعتوووووووني حيييييل مع إني كنت فاقده الأمل شوووي
وبإذن الله كل وحده تدخل التخصص اللي تبيه وتوفق فيه يااااارب *

1-التسجيل بدايه العام الدراسي شهر 9
2- اتوقع نفسهم انتي على دفعتي 2008- 2009
3- اذا انتي حاطه اببالج تييبين نسبه لازم تذبحين عمرج دراسة خلاص سنين الكسل اللي كنا فيها لازم نصحى اللي معانا ماشاء الله يابوا نسب ودخلوا الجامعات والتطبيقي وثقي بالله وادعي وتفائلي
4- والله مادري االلي يعرفون ان شاء الله يفيدونج او سالي طالبات التطبيقي هني
طالبات الجامعة والمعاهد التطبيقية
5- قصدج حكومه والا خاص ؟
الخاص يمدحون المشاعل .. والله ماادري

لازم نتشجع غيرنا وصل ولازم احنا نوصل فكروا بعد 5 سنين شنو راح يكون مصيرنا !! الحين الدبلوم مايسوي شي
لازم نتعب الحين عشان نرتاح بعدين :rerrerek:
​

 

[فديته]

صــآجه إللي قبل سنة 2000 يعيدون ثالثه ورابعه

لا انا مو قبل 2000
انا 2000-2001 :bbbiu:

 

[__amool]

بنات شوفو هالموضوع روعا وراح يساعدكم كتبو اهم النقاط عندكم ؛

http://www.q8yat.com/t481608.html
اهداء لبنات الثاني عشر ( شلون ادرس بالتفصيل وتخرجت بنسبة عالية) هدية سر نجاحي (تفضلوا


هذا لقيت زبدة حاطته لتجمع المسائي السنه اللي طافت

 

[ريمـا]

صباح الخير

اتمنى تردووون علي واتمنى اختي زبده بعد تغيدني لانها موظفه بالتطبيقي

انا درست الثانويه كلها بالسعوديه
يعني شهادتي سعوديه

اللحين بعيد رابعه ثانويه فقط
يصيررررر


ياليت احد يطمننننننننننني شايله هم

 

[ديور88]

لا انا مو قبل 2000
انا 2000-2001 :bbbiu:

تعيدين بس اخر سننننه @@

 

[__amool]

تجمع طالبات رابعة ثانوي مسائي 2011-2012 حياكم

بنات دشوا اقروا على هالرابط تجمع المسائي السنه اللي طافت

 

[ضــمــاد]

تسلمين اموله


ان شاء الله على طول يكون عندنا حمااااااااااااااس

 

[fzt_5fooo8]

سندس ٩٠


وحده اعرفها سعوديه وزوجها كويتي تدرس في التطبيقي

بالتربيه حتى سوريات فيه
اتوقع عااادي

 

[سندس 90]

الله يبشركم بالخيييير إن شالله
Amool
أبي أحسسن مدرسة مسائي حكومي أنا بالجهراء

 

[سندس 90]

زبدة ماشالله متى عدتيها ،، جم نسبتج ،، وشنو دخللللتي أو قدمتي
ماشالله والله تحمسووووني لاني احس الدراسه سهههله
وشوفو التجمع السنة اللي طافت ،، ماشالله جابو نسسب والحين يقدمون عالتربية والجامعه
الله كرريييييم*

 

[ديور88]

صج
بنات
بعدين نهايه السنه نختبرررررررر
الفصل الاول والثااااني

 

[سندس 90]

بنات في باص للمسائي متأكدين بليييز فيدوني

 

[! بــدويه وآآيــد !]

،


حسسسسافه لو ادري ان بس اعيد رابعه جان عدتها صار لي سنتين قاعده بالبيت وتوني صغيره عمري 22 بس عبالي اعيد الثانويه كامله
والحين ماقدر اكمل لان طلع ترشيحي بوزارة التربيه
انا خريجة 2008 ونسبتي ادبي 64 انا شااطره بس كنت ماخذه الدراسه لعب بلعب لدرجة والله ماعندي لاكتاب عربي ولا انجليزي زلا علم نفس داشه الامتحان عالذاكره حتى المدرسات ايما يزفوني يقولون مخج نظيف وشطوره بس همج اللعب
متحسفه والله والحمدلله على كل شي

 

[! بــدويه وآآيــد !]

،



الله يوفقكم بنات ومتابعتكم

 

[سندس 90]

^^^^
بدوية ياقلبي عندج وقت

 

[ToOoT"Q8]

أنا عدت السنه بالحادي عشر سنة 2007 وكرهة الدراسه وقعدت بالبيت حالي حال الخدم وألحين تزوجت وشفت ألي حولي كلهم مناصب ماشاء الله.. تعرفون أحساس الوحده لما تكون صغيره وإلي حولها كبار بالضبط هاذي أنا لوووول.. بس ألحين خلاص قررت قرار نهائي اكمل.. بروح حوا الأندلس منو معاي

 

[~mmm~]

بنات الحين اذا بسجل
راح يحسبون 10 و11 صح
يعني مو تعديل نسبه مادري شنو
لاني خلاص قررت اسجل بالخاص صباحي
واذا تبون اي شي بالمقرر انا حاظر ليلحين ذاكره الدروس لوول
والفلسفه عندي مدرستي تييني البيت اسألتها نموذجيه وتختصر كل شي
اي شي تبونه لايردكم الا الكيبورد وموفقين ان شاء الله

 

[سندس 90]

بناااات لاااازم نشششد على نفسنا
أنا بإذن الله حااطه ببالي بجيب برابعه ٩٠٪ يعني تكون نسبتي أكثر من ٧٨٪ ان شالله
بنات شنو طموحاتكم ،، أنا طموحي تربية إسلامية بإذن الله

 

[سندس 90]

صج بنااات شنو جنسية مدرسات المسائي معقوووله كويتيات ؟؟

 

[سندس 90]

بنااااااات 


أمبيييييييه صاااابني خووووف والله احس ببجي 
ماادري ليش احس بيصير صعب ،، وانا طموحي تربية أساسية ،، ياااارب يسرلي أمري واشرح لي صدري