طلبتي حلو ولا فطاير الجزء الرابع شاركينا بالصور والاسعار

[q8helwa]

بنات منو تعرف ورق عنب كله تمر هندي صباره
حامض مابيه بدبس الرمان ماحبه

عفيه اللي تعرف تقولي واذا عندها
صوره اكون شاكرتها

 

[ايمانو حلوة]

q8helwa
انا احبه حاااامض حييل بالصبارة اطلبه من ام حمد اينن حااامض وحق حمولتي حامض حلووو 67614145

طلبت من وحدة ورق عنب وملفوف مسوية اعلان ببر نامج للبيع ماعجبني كلش مو مطبوخ عدل 66245984

Uploaded with ImageShack.us

 

[أم حسون]

امونتي شكله مرتب بس يبين مافيه صلصه ناشف

 

[كشكش]

اللي يقلب بصفحات هالموضوع راح يقول بيوت الكويت نصها ناس تطبخ وتعجل بهالنعمه وتبيع والنص الثاني

يشتريها وبس قاعد ياكل ..!!

النص الاول لعب بالنعمه حط هذا على هذا يطلع هذا .. والنص الثاني اسراف راح نسأل عنه بيوم الموقف العظيم

وحلج مبطل بس همه الاكل ..!!

قبل عيب الحريم يشتغلون بهالشغله لانها دليل على حاجة المره للفلوس الحين لا صارت السالفه عادي

ما اقول ما تشتغل الحريم وتبيع ولا اقول ما لازم ما نشتري ونستلذ بالاكل لكن الشئ صار مبااااااالغ فيه

يا حلو البساطه وعدم التكلف شفيها يعني لو يتني صديقتي وقدمت لها عصير وخلاص الا معجنات

وحلويات وشفيها اذا عزمتها على عشا وقدمت لها طبق او اثنين من شغلي او شغل خدامتي او يلا

اطلب لكن مو بوفيه ونعمه راح تنقط ببطوننا وافرحي يا الامراض او بالزباله استغفر الله ..!

هالشئ بالكويت بس ولا بعد الخليج ..؟؟ بس ما اعتقد انه بباجي البلدان بهالدرجه هذي

الحمدلله .. الله يديمها علينا من نعمه ويحفظها من الزوال ..

وغيرت رايي مابي وحدة تسوي حمسات ولا ام علي ..!!

واتمنى كلامي يكون خفيف عليكم لاني منكم ..

 

[آلعناآأ]

،





^^^

لمآ رفيجتي تجيني اقدم لها عصير بس !!

ليش حبيبتي وين الكرم وين وآجب الضيافه

الطبخ فن مآفيها شي اذا الوحده فنانه و حبت تستفيد والعيشه اللحين مو مثل قبل من نص الشهر المعاش طآآآآآر

خلي النآس تبلع على قولتج عليهم بالعافيه

عووآفي بنآت

 

[الغـــــزال]

نــارنجــــــــه..جعله عوافي لك ولزوجك
عجبني كثير الحلااا..

ممكن أعرف وين صاير محل رهش..وأذا عندك رقم تلفونهم ماتقصرين حبيبتي

 

[تنآهيد ..~]

،

**ماخذه الصوره من الموضوع


هالحلو طلبته و ردت علي فلبينيه

شفتو كراتين توفي المشعل حجمهم شلون

نفسه بالضبببط و سعره بـ 14 !!!!!!

طعمه حلو و عجبني بسس 8 واجد عليه شلون 14 على بالي راهي ومايفشل بسس تفشلت

يَ حلو هآلحلو مآينشبع منه :eh_s(3):
عليج بالعآفيه ..

 

[نارنجه]

قال النبي-صلى الله عليه وسلم-: "من كان يؤمن بالله واليوم الآخر فليكرم ضيفه ""

ذاك اول المراة تشتغل لعازة
الحين الوحدة لما تشتغل بهالامور لانها هواية
والشاطرة تطور شغلها و تفتح لها محل و اثنين


ضيفتج هذي الي حطيتي جدامها قلاص عصير بس
تراهنين انها بينها و بين نفسها انقدت عليج
الضيافة تغيرت
والله اذكر ايام امي الله يرحمها
كانت لازم تشيل جم باوند كيك و بسكوت
وبالفريزر كبب و سمبوسة حق ضيوووف الغفلة

اشلون الحين وكلشي متوفر باتصال سريع !

العمال لي يايبوا لنا غرض ولا صلحوا بالبيت جهاز حطينا لهم ماي وعصير و جاي

بعدين الموضوع كلها اكل باكل و تجارب طلبات

يعني شنو بتشوفين غير هالسوالف


الله يجعل بيوتنا عامرة للقريب و البعيد
و يقدرنا على اكرام الضيف

وعلينا و عليهم بالعافية

 

[نارنجه]

نــارنجــــــــه..جعله عوافي لك ولزوجك
عجبني كثير الحلااا..

ممكن أعرف وين صاير محل رهش..وأذا عندك رقم تلفونهم ماتقصرين حبيبتي

الله يعافييج حبيبتي

رهش صاير بالدور الارضي بمجمع الزاوية
بحولي ورا نادي المعاقين بالضبط

عندهم خدمة توصيل بس جنه على حسب الطلب
هذا رقمهم
22649899

22636936

وجربي قهوتهم
المهيلة
والسبع حوايج
وايد حلووين

 

[نارنجه]

ملفوف حامض و ذايب و العيش طابخ عدل

بصراحة احلى ملفوف ذقته للحين

سعره 2ونص

من ديليزيا جمعية السرة
وكان عنده ورق عنب تحسفت مااخذته

 

[Miss Cherry]

بنات قبل فترة كنت قاريه رد جنه للاخت بدويه وايد عن وحده هنديه تسوي محاشي .. عندي عشا وابي اطلب منها جدر محشي

 

[ايمانو حلوة]

كشكش
بيييييييه لهدرجة مقهوورة كيفهم اللي ببيع خيبيع اللي بيرقص خاليرقص اللي يبي يشرب عصير خاليشرب اللي بخيل ومايد ايده كييفه
كلن ينام عالجنب اللي يريحه وهني عافية يابنات هني هني هني مداخيييل العاافية حبيباتي عسى ربي يحفظ نعمتنا من الزوال
هني هني يامال العافية

 

[ايمانو حلوة]

مس شيري
اليوم طلبت منها بجربه واصوره واقولكم رايي

 

[randomy]

البنت موقصدها الا صار الموضوع مبالغ فيه من صج

والله اعرف وحده مو صغيره ام عيال ... العصر اشتهت باستا اطلبتها من حرمه !!

شنو يبيلها الباستا !! اهي سبحانه كسووووله ... ورزق الهبل عالمجانين

 

[كشكش]

كشكش
بيييييييه لهدرجة مقهوورة كيفهم اللي ببيع خيبيع اللي بيرقص خاليرقص اللي يبي يشرب عصير خاليشرب اللي بخيل ومايد ايده كييفه
كلن ينام عالجنب اللي يريحه وهني عافية يابنات هني هني هني مداخيييل العاافية حبيباتي عسى ربي يحفظ نعمتنا من الزوال
هني هني يامال العافية

حشى والله ماني مقهورة .. لكنه أمر يثير التسااااؤل والاستغراب ..!!

وقلتها قبل وأرد أقولها الله يديمها علينا من نعمة ويحفظها من الزوال ..

خواتي لابد من الحكمة الحكمة في تدبير الأمور حتى في الأكل .. بل لعله الأهم!

واللي تقول أن هذا كرم الكرم بعيد كل البعد عن هذا الاسراف والسفه !

وتدبروا قول الله تعالى { ثم لتسألن عن النعيم }

وحتى ما أكون طلعت عن صلب الموضوع وتعصب علي صاحبته :rgewrg:

في محل بمجمع ولاء بحولي يسوي خوووووش صب القفشه بالقشطه :krkrkr:

اسم المحل زعفران واسم الطبق رزق الله

اللهم لاتجعل تفكيرنا الا في طاعتك ولا تجعل همنا الا عبادتك :yaaaaaarb:

 

[أم حسون]

كشكش احنا مومتعودين صراحه بس عصير؟ليش عاد مانقدم شي معاه موفقر ولا بخل بس هم عيب نقدم بس عصير

عوافي جميعا

 

[انسام الكويت]

بنات قبل فترة كنت قاريه رد جنه للاخت بدويه وايد عن وحده هنديه تسوي محاشي .. عندي عشا وابي اطلب منها جدر محشي

قصدج الأخت ام حسون هي اللي حطت تجربتها بهالمحاشي واذكر سعره بعشره اسأليها وان اشاء الله تفيدج وتعطيج الرقم

 

[*عهد*]

اللي يقلب بصفحات هالموضوع راح يقول بيوت الكويت نصها ناس تطبخ وتعجل بهالنعمه وتبيع والنص الثاني

يشتريها وبس قاعد ياكل ..!!

النص الاول لعب بالنعمه حط هذا على هذا يطلع هذا .. والنص الثاني اسراف راح نسأل عنه بيوم الموقف العظيم

وحلج مبطل بس همه الاكل ..!!

قبل عيب الحريم يشتغلون بهالشغله لانها دليل على حاجة المره للفلوس الحين لا صارت السالفه عادي

ما اقول ما تشتغل الحريم وتبيع ولا اقول ما لازم ما نشتري ونستلذ بالاكل لكن الشئ صار مبااااااالغ فيه

يا حلو البساطه وعدم التكلف شفيها يعني لو يتني صديقتي وقدمت لها عصير وخلاص الا معجنات

وحلويات وشفيها اذا عزمتها على عشا وقدمت لها طبق او اثنين من شغلي او شغل خدامتي او يلا

اطلب لكن مو بوفيه ونعمه راح تنقط ببطوننا وافرحي يا الامراض او بالزباله استغفر الله ..!

هالشئ بالكويت بس ولا بعد الخليج ..؟؟ بس ما اعتقد انه بباجي البلدان بهالدرجه هذي

الحمدلله .. الله يديمها علينا من نعمه ويحفظها من الزوال ..

وغيرت رايي مابي وحدة تسوي حمسات ولا ام علي ..!!

واتمنى كلامي يكون خفيف عليكم لاني منكم ..

خلي النااس تبلع وتترزق الله :eh_s(7)::eh_s(7):
على فكره بس عندنا في الكويت منتشره عدة ظااهرات منها بيع الاكل
الستقبالات بكثره بطرق ممتعده والمشاغل الي تروووع من كثرتها
انا لي معارف في السعوديه وقطر والاماارات والله مترووعين مناا
شنو دراعة حمووله شنوو دراعة استقبال شنو لبس القريقعاان
كااثر مناسبتكم ويقلها من حلى كلها نغزات وحركات من تحت لتحت <<<كلام رفيجتي :eh_s(16):
والله يحفظها من ديرهاا وديم عزهااا

 

[يارب نور حياتي]

بنات تكفون ماعرف انزل صور طلبت حلو زوغه تهرفون شلون زوغه مو طبيعي اشلون انزل الصور بليز ساعدوني كل مره اقول الحجم مو مناسب شسوي يعني  صج الشغل زووووغه شوفي كيكتي نزلتها بالانستغرام اسمها omel7laawealzen اللي عشكل كادبري وكتكات شوفوها وردو خبر *

 

[شمـ305ــوخ]

وانا بَعَــ♡ـدْ
مع يارب نور حًيَاْٺۓِ
مااعرف انزل صور