سويت اوراق التعيين كلها ،،،،،،، بس سؤال؟؟؟

[الأمل لحظه]

بنات انا الحين خلصت اوراقي كلها ووديتها الوزاره وخذوها وقالوا ندق عليج اذا وصل قرار التعيين ....
سؤال الحين لي اكثر من اسبوع بعرف اهم عادي يطولون بسالفه قرار التعيين وجم المده اللي لازم انتظرها ؟؟؟؟!!
وماادري صج بيدقون علي ولا لازم انا اللي ادقدق عليهم !!!

 

[الأمل لحظه]

وينكم يانوظفاات ؟؟؟
مافيه احد !!!!!

 

[fofo90]

اللي اعررفه انهم يطولوووون
سويتي فحوصات الوظيفه

 

[منار 22]

انا توظفت تقريبا 11/6 وبالواسطة

الي اعرفه انه اطولون يعتمد على الادارة واعتقد بدقون عليكم يا شهر 7 او بعد رمضان

 

[الأمل لحظه]

اهاااا
غريبه انا قالوا لي انه مايطول اسبوع او ١٠ ايام بالكثير !!!!


انا خلصت الفحوصات والاوراق كلها بس باقي ورقه مباشره العمل ،،، يعني اذا مافيه الا عقب رمضان شحقى معطلين الاودام يقولون بعد شهر شهرين وانتهى الموضوع،،

 

[منار 22]

انا والله لو الواسطة مو مكلمينهم ولا نايمين بالعسل
لان اغلب المدرا والوكلاء يطلعون اجازة فما يتوقع ملفج

طبعا يعتمد على الوزارة نفسها يمكن انا وزارتي غير عنكم التربية غير مافيها تدريب انا تدربت حوالي 3 ايام وبعدين سويت الفحص نطرت اسبوع بعدين استلمت اوراق الفحص ووديتها ونطرت بعدها 10 ايام حركت الواسطة علشان يفهمون شسالفة بعدها دقوا علي

التربيه اكيد غير عنا
بالتوفيق ان شاء الله

 

[أريد حلا]

هالرمضان مسوي قلق للشعب من الحين للحين ماشرف و اهم بعد رمضان وبعد رمضان بعد العيد وبعد العيد عيني من الله خير

 

[الأمل لحظه]

انا والله لو الواسطة مو مكلمينهم ولا نايمين بالعسل
لان اغلب المدرا والوكلاء يطلعون اجازة فما يتوقع ملفج

طبعا يعتمد على الوزارة نفسها يمكن انا وزارتي غير عنكم التربية غير مافيها تدريب انا تدربت حوالي 3 ايام وبعدين سويت الفحص نطرت اسبوع بعدين استلمت اوراق الفحص ووديتها ونطرت بعدها 10 ايام حركت الواسطة علشان يفهمون شسالفة بعدها دقوا علي

التربيه اكيد غير عنا
بالتوفيق ان شاء الله

حبيبتي انا مو تربيه !!
انا بشؤون وسويت تدريب ثلاث ايام وبعدها سويت الفحص ،،،،
وقبل شوي كلمتهم وقالوا تو ماوصلنا قرار التعيين !!!

 

[منار 22]

انا قبل بعد نفسج بس قالولي ما وقعها الوكيل الخاص بالشؤون الاداريه
انتي وين تدربتي؟ اقصد المكان باي فرع للوزارة

 

[الأمل لحظه]

تدربت بالمكان اللي راح اتوظف فيه >>> تنميه المجتمع بوزاره الشؤون ،،
بس انتي جم قعدتي على مال وقعها الوكيل ؟؟؟

 

[منار 22]

انا خذت مني تقريبا ١٢ يوم

 

[fofo90]

الله يخلي الواسطة وظفتني
بسررررررررعه
الحمدالله

 

[الأمل لحظه]

عاد واللي ماعنده واسطه شيسوي؟؟؟
زوجي يقول ماله دخل قرارات التعيين تاخذ وقت ليما يوقعها الوكيل !!




والله ماتوقعت المسأله تطول جذيه ،، بس على قولتكم الي ماعنده واسطه >>>>> ينهضم حقه بالكويت

 

[الأمل لحظه]

ابشركم ،،،،،، واخيراً صدر قرار التعيين

 

[عسل مرت قيمر]

مبروك حبيبتي

 

[kanoosha]

عفيه بنات منو عندها واسطه تحطني بالشووون واللله محتاجه الوظيفه

 

[الأمل لحظه]

الله يبارك فيكم
واختي الشؤون مايبيله واسطه حطي من رغباتج بالديوان وان شاءالله ينزل اسمج لانه ماعليه ضغط مثل الاوقاف ،،، ويعطون كتب احتياج بسهاله والله يوفقج،،

 

[kanoosha]

اي حاطه الششوون ورقمي١٥١ مايعطوني كتاب