روآية [صفحة بيضاء] بقلم الكاتبة : شيخة

[كلي حلاوه]

ممادري بس يمكن عشان انتي مسويتهَ كلهَ كوبي بيست لو چي
روحي يم الرد و سوي بيست ع البارت القمييل و امسحي اي كلمههَ ةةِ و كتبيها اقيين و جربي مممادري
بس مرات تضبط مععاي لما ااسوي بست >< ' *

 

[Shyoukh]

Ana Chum marra Y9eer m3ay chithi bs ariid Algah mwjoud

 

[Sheakha]

البارت الحادي عشر
​

تذكير بأحداث البارت السابق:
* تطاول ود على أختها شموخ إلي كان فهد سببه ، الشي الي خله شموخ تبجي و تتساءل إذا أهي فعلاً مينونة مثل ما يقولون !، لأن حست أن تصرفها مو طبيعي عشان ماكو شخص طبيعي إذا زعل يشقق اوراق إلا إذا أهو كان بطبعيته مو صاحي لا نلوم شموخ لأنه يحق لها تعتقد أنها جذي خصوصاً عقب كلام أمها *فجر* الجارح
*وفاء طلال حق صاحبه فهد و شلون أنه يطريه دايم عندك يا حآمد إلي يتضايق من هالشيء ، لأنه ما يحب فهد خير شر و يحس أنه صاحبه طلال يغليه أكثر منه
*عآمر إلي قابل زينة بكافترية المستشفى ، و فاتحها بموضوع الزواج وبعد محاولات وأسئلة و حيا و خجل وآفقت و انخطبوا
*نواف إلي كان مآخذ سيارة عامر صاحبه و إلي كان ناسي فيها تليفونه ، وشلون أنه رد على التليفون و كانت ليان إلي تكلمه وقالت له يمرها لأنه خاست من الحر ، نواف لقاها فرصة و مرها ووصلها ليان كانت متصروعة وتزفه وهدت لمن عرفت أنه رفيج أخوها ووصته أنه ما إييب سيرة لأخوها عن الموضوع ، نواف قال لها أنه يحبها و حسها خلوقة لأنها كانت خايفة منه و ليان إلي كانت تقول بنفسها "ما أصدق إلي شافنه عيوني " من كثر ما الموقف قوي
*اليوم إلي قدر فهد فيه يتكلم و ينطق الحروف وراح عشان يبشر زينة إلي حبها قلبه بأنه يقدر يتكلم بس المفاجأة أنه الريسبشن قال له أنه ملجتها اليوم الشي إلي خله فهد تصك فيه الدنيا وقعد يبجي
**حزتها يا عمه : عشان يبلغه و يقول له انه بياخذه بيتهم ويخليه يعيش هناك ، العجيب فهد رضا وأشر له براسه يعني إييه .. غريب كل شي غريب ، شلي خلاه يرضى.. أكيد بنعرف ليش !!!
_____________________________________________________________
البارت الحادي عشر
وعقب ما لم فهد أغراضه وصكر باب البيت ويا بيت عمه وطبعاً عمه بالسيارة دلقم له أفلامه و قعد يعطيه حجي ماخوذ خيره مثل ما يقولون، يعني خرطي فهد كان حاس أنه دشته البيت مرآح تكون عادية وأنها رآح يكون ورآها إنجاز و انتصار ساحق بالنسبة له ! لييش عاد .. فهد بيقول لنا بس مو الحين
عبد الرزاق عم فهد كان مجهز حق ييته يعني من جميع الجوانب و كان محرَص أنه كل شي يكون حسب الأصول و يبيض الويه ، ووصا مرته فجر تسوي الغدا و تسنعه .. فجر إلي تحلطمت بالأول و رفضت طلبك يا عبد الرزاق لكنه لزم عليها ليش أنه اليوم اول يوم له بالبيت وقال لها أنها تسنع غرفته وتبخرها ،و أهما متعمدين يورونه أنه مرحبين فيه و تاليتها يكشتون فيه و يدسونه مثل الحشرة ، عبد الرزاق عطا عايلته خبر عن هالموضوع و الكل كان متأهب حق ييته تأهب عادي ما عدا ود إلي كانت متحمسة و مستعدة حق ييته وناطرتها نطرة ووقفت جدام المنظرة تتسنع و تبطل كبتها و تشوف أي نفنوف تختار إي طبيعي تبي شي يبرز جسمها و يطلع جمالها تبي تصك على خواتها تبي ما يطالع غيرها تبي ما يلتفت حق شموخ أو شهد .. أهي ود بالأصل أجمل خواتها وحلوة ما تنقدين عليها بشي ذويقة ولبيسة و جميلة و مزهلقة " يعني تاخذ القلب و شاطرة تعرف حق روحها" ، بس مع ذلك كانت خايفة ما تعجبه و تطالع نفسها بالمنظرة نوبة تعدل شعرها ونوبة تعدل لبسها نوبة تطالع ويهها و تشوف ابتسامتها و تلعب بتعابير ويهها تشوف شنو لايق عليها ، ود مو بحاجة هذا كله لكنها كانت تطمح أنها تفوز بقلبه بأي طريقة حتى لو كلفها الشي أنها تفقد ثقتها بنفسها و تتصنع عشانه .. ، كانت تحاتي أنه يعجب بشموخ و أنها ما يعطيها أي اعتبار ولا حتى مرت يمه نفس ما أول مرة شافته ! اليديد عليكم و إلي أبيكم تعرفونه .. ود ما تدري أنه فهد عاجز عن الكلام و هذا لأنها ما حطت إب بالها كلش قالت بنفسها أنه ثقيل و هادي عشان جذي ما يتحجى وآيد ! شموخ و شهد بعد ما كانوا يدروون عن هالشي لأنه عبد الرزاق إنشغل بتخطيط حق خطته الي خلته تنسيه أنه يذكر هالشي لهم ! مع أنه مفروض يقول لهم بس ليش ما قال لهم هذا هو السؤال ..،
شموخ كانت توها خالصة لبس شكلها كان ياهل نفنوفها جبينز لونه سكري قصته سيدة و بنصه فيونكة وردية كان على ما قد ما أهو بسيط على كثر ما أهو أنيق وقصته لايقة على جسمها ، شعرها كانت مسويته ستريت و خذت خصلتين من جدام و برمتهم لي وراء و حطت فيونكة لونها وردية فاتحة و حجمها صغير نفس إلي بنفنوفها ، شكلها طالع بسيط و حلو و مو متكلف مطلعها ياهل ،و كانت قاعد تصك ساعتها الرويلكس الفضية إلي بداخلها فصوص ألماس ، وترفعها عشان تشوف عقاربها تأشر على ال 11:30 الظهر .. معقولة ليلحين ما وصل * هالحجي إلي قالته شموخ لأنها كانت تنطر فهد لكن نطرتها مختلفة مو نطرة غرامية نفس نطرة الأخت ود ، لا كانت نطرتها حق شي ثاني كانت تتأمل بيية فهد تغيير جذري بالبيت و أنها راح يكون لها أحد بالبيت يسولف معاها و يعدها صاحية مو مينونة يعني بما معناه شموخ إلي كان تنطره من فهد أهي علاقة أخوة و صداقة فقط لا غير، ونزلت تحت بالصالة عشان تشوف إذا يا و لا بعد
شهد إلي كانت صاعدة على الدري عشان تستشور شعرها المبلل بالماي و ما استشورته لأنها كانت قاعدة تشرب الكوفي ، عشان كانت مسوية تمارين قبلها وعقب ما خلصت تسبحت و لفت شعرها بفوطة وما مداها تستشور لأنها قعدت تسمع اغاني ، شهد ما كانت ناطرة فهد ذيج النطرة إلي تقولين عنها نطرة ، لأ كانت مو دايرة له بال و عادي يعني ، لا كان في شي منها كان يقول أنه فهد إنسان غريب أطوار يعني كانت تكش منه و تحس أنه من داخلها مو بالعته ما ينزل لها كلش تبغضه ححيل لأنه تشوفه ما عنده شخصية ، كانت لابسة ترينيق مال بيت أشبه بترينينق البجامة شعرها لافته بفوطة و ماسكة تليفونها بالأيد اليمين و كوب القهوة بأيدها اليسار أهي كانت تظن أنه شموخ تحب فهد وكانت ما تبي فهد حق ود لأنها تحس أنه رآح ياخذها منها و هم بعد ما تبي شموخ حق فهد لأنه كانت تحس أنه شموخ يبيله وآحد شخصية لأنها اهي نكرة ما لها كلمة أهي كانت تبي تخرب علاقة فهد بأخواتها لانه ما تبيه يكون نسيبهم لأنها تكرهه ، و بصعدتها بالدري دعمت شموخ إلي كانت نازلة مستعيلة و كانت تطالع الدريات عشان ما تطيح بحكم أنها قاعد تهرول ، عكس شهد إلي كانت قاعدة تمشى على بيض ! ، شموخ أول ما دعمت شهد طاح الكوب من إيد شهد على الدري و تدمرت بلوزة الترينينق
شهد أهني نضت و استشاطت و قالت بنزرة : عمية عمية ما تشوفين .. قطيعة عيونج بفقاج
هني قالت شموخ جنها مسوية جريمة: سوري شهود .. كنت ياية مستعيلة و ما شفتج
شهد: إيي من زود الطفاقة .. ما تقدرين تمشين نفس الناس دثوية والله ( قالتها و عيونهها زين ما إطلعوا من مكانهم)
شموخ بهداوتها : إنزين ما عليه الحين أنتي هدي بالأول و أنا بصلح كل شي
شهد: يا حليلج والله .. عيل تقولين بصلح كل شي ..، الدري توصخ والقهوة سودة يعني احتمال تبقى عالدرية و ما تروح و أنا تدرين ما أعرف أسوي شي .. و امي بالمطبخ و الخدم قاعدين يساعدونها .. ما تقولين لي بالله عليج منو رآح ينظفه ، لاه و لا منو رآح يكوي لي تي شيرتي الي بلبسه بدال هذا الي وصختيه
شموخ: أنا .. رآح أكوي بلوزتج و رآح أنظف الدري بس أهدي أنتي
شهد: و أنتِ شعرفج .. تبيني أخليج تحرقينها ..، أنا رآيحة عند أمي
شموخ: شهد الله يهداج .. شنو هبلة أحرقها ما يبليها شي كلها بلوزة و بكويها
شهد: إي هبلة لا و هبلتين بعد .. أنا رايحة عند أمي
شموخ "إلي درت أنه فجر بتزفها و بتسوي لها سالفة وبتخرب اليوم فقعدت تأفف
شهد بطلت باب المطبخ و قعدت تنادي أمها: يما .. يما !

فجر إلي كانت لاهية بالطباخ وريحة البصل و الثوم تفوووح منها و بدراعتها البيت شكلها كان عثة (مبهذل) و شعرها إلي كان طايح و قالت : وصمه إن شاء الله ..! نعم .. خير !! شتبيين
شهد بنبرة تحرش: يما شفتي شموخوه شسوت كتت قهوتي على الدري و الحين الدري وصخ و أبوي موصيج أنه يكون كل شي سنع
فجر: أنا هذه أبيها عاد .. بجبدي من ذاك اليوم سالفتها يوم و صخت دارها بأوراقها
شهد جنها ياهل قاعد يفتن وقالت بنبرة التحرش : بلاج ما دريتي شسوت يما وصخت تي شيرتي إلي علي ألحين .. وقلت لها بلبس وآحد ثاني بس مو مكوي والسبة أنتي .. عاد قالت لي أنا أكويه قتلها إن شا ءالله تبيني أخليج تكوينه ...، ليش ؟؟ عشان تحرقينه لي
فجر حمقت وقالت : إيي سم الله عليها سنعة .. مالت عليها بس و ينها فيه أهيا خن أروح أشخلها لج شخال أوريها شغل الله
شهد: بالصالة مرتزة
فجر رآحت حق بنتها بالصالة و بنبرة نزرة من الطراز الأول: عمااااا بعيييينج بلا يا شموووخوه .. ما منج فايدة ولا عايدة .. تقومين ألحين جدامي تنظفين الحوسة إلي سويتيها و(تلف على شهد) : وأنتي ليش ما بدلتي شناطرة بالله
شهد: يما بلوزتي معفسة إن شاء الله ما ألبسها وأهيا جذي .. جنها عالجتها صخلة
فجر: والله الشرهة ع الصخلة إلي واقفة جدامي (وعيونها على شموخ يعني تقصدها)
شموخ بهدواة بهدف أنها تهدي الوضع المشحون : يما أنا أنظفه جدامج ألحين .. !
فجر جنها طخت : إي زين نظفيه عدل
شهد تضايقت ليش أنه أمها طخت وقالت جنها تبي تحرش أمها أكثر: يما وبلوزتي ..! نسيتيها
فجر بإنزعاج : شسويلج يعني أنتي من اليوم قاعدة ما قلتي حق الخدم يكوون لج و ألحين أبوج و فهد على وصول ما لج إلا أنج تلبسين البلوزة وتلبسين فوقها الجاكيت .. وين بتروحين أنتي .. قاعدة بالبيت بعد
شهد (بنبرة تذمر وحنه ) قالت يمااااه !!!
فجر بصراخ : شسويلج .. يعني تصرفي وراي 600 ألف شغلة أسويها .. فاضية لج أنا ..، وردت المطبخ
شموخ إلي كانت تنظف الدري و تمسح بقعة القهوة العودة و بقى شوي وتخلص هني قالت لها شهد : إستانستي ألحين برد قلبج
شموخ: شنو شهد .. شفيج .. كلها بلوزة شنو شصار بالدنيا
دزت شموخ و قالت بعصبية : وخري بس أهووه ناقصني أكلم ميانين
شموخ: مشكورة ما تقصرين
شهد: جب جب و لا كلمة ترا وصلة عندي
شموخ سكتت لأنها قتلكم ما عندها شخصية إلي حتى شهد الأصغر منها تعلي صوتها عليها
طبعاً ليلحين ما غاب على بال البنات المنظر لما سمعوا أمهم و ابوهم يتكلمون عن سالفة فهد وشلون أنه بس اول الايام يهللون و يرحبون فيه و بعدين يدوسونه ! وكانت كل وحدة تتساءل شنو راح يكون مصيره ود كانت بدافع عنه عشان تبرهن له شقد تحبه و شموخ كانت بتوقف معاه و تسانده مثل الأخت ، شهد كانت تبي تبعده عن البيت لأنه ما تبي أحد يتعلق فيه و ما تبيه ينضر ، خلونا نكون واقعيين صج أنه شهد ما تحب فهد لكنها على الاقل قاعد تدور مصلحته و مصلحة خواتها وإن كان ظنها مو بمحله سالفة أنه شموخ تحبه لكن إلي قاعد تفكر فيه صح بطريقة غلط و إلي بتسويه عشان تبعده صح بس بطريقة غلط ، وأما سالفة تمشكل الخوات مع شموخ بالنسبة لهم موضوع عادي لأنه شي معتاد عليه بالبيت مو معناته أنها تكرهها ، ود كانت تغار من شموخ لأنها كانت تظن نفس الشي
----------------------------------------------------------------------------------------------------
دقت الساعة 12 ضبط عشان تعلن يية فهد وفتح عمه الباب وقال : حييااك تفضل .. أبركها من ساعة ساعة ييتك عندي دش بريلك اليمين
فهد وكان وده أنه يتكلم جدامه لكن ما يقدر ليلحين إب باله شي و كان وده يتكلم عشان يعبر عن النقدة إلي إب داخله يعني شدعوة عليه و شكو بريلك اليمين غلطان ترى أنا مو عروس .. ولا فاهم السالفة غلط *إلي كان يقول له فهد واكتفى بنظرته الباردة الي قدرت تنفس عن نقدته
دش فهد وكان قبله عمه
عبدالرزاق : يا فجر ...! فجــــــــــــــــــــــــــر
فجر إمداها تتسبح و بدلت على السريع ونزلت أهيا و شهد اللي تصرفت مع تيشيرتها وسوت إلي قالت لها عنه أمها ، وطبعاً ما أنسى شموخ اللي كانت مرتزة على الغنفة وأول ما ييا فهد يت وقفت صوب أبوها عبالها بهالطريقة قاعد ترحب فيه .. مسكينة شموخ على نياتها من أهل الله ما تفهم بهالسوالف
فجر و أهيا ماسكة البخور بايدها : هلا كاني ( وأهيا تطالع فهد و بإبتسامة مصطنعة و بنبرة تتغصب فيها الي بتقوله) : هلا يما فهد اسفرت و أنورت و استهلت و أمطرت
فهد جنها حاس أنها طالعة مو من قلبها ورد على إبتسامتها بإبتسامة مصطنعة ثانية ! بالضبط جنهم قاعدين يلعبون تنس
شهد كانت واقفة ورا أمها و قعدت تخزه بنفسية ! فهد كان يقول بقلبه شفيها هذه حشا جنها شامة ريحة خايسة
هني نزلت ود الي تألقت بنفوفها الوردي المشير تشيره ناعمة و بنصة فيونكة فوشية و كانت ماركته شانيل ، قصته ناعمة و لبست معاه كعب مسكر من جدام لونه بيبي بينك و ضافت حق لبسها تراجي مدورة لونهم بيبي بينك و سوارة وردية ناعمة نفس جذي

[/url][/IMG]

نزلت ود وهي تغصب الكل أنه يطالعها خاصةً وأهي حاطة هالمكياج الذرب الناعم كانت حاطة ظل لونه سكري على الجفن المتحرك و على عظمة العين ددشت الوردي بس خففته عشان ما يطلع شكلها جنها ياهل و حطت بلشر وردي فاتح و حمرتها كانت لونها بيبي بينك إلي طلعها القلوس و عطاها شكل رهييييب .. ، نزلت ود و بخطواتها المتناغمة و بابتسامتها لهفتها وكانت ملامحها توحي أنها جنها بتطيير من الفرحة ، و أهي ياية صوبهم الموجودين عيونهم تلاقط عليها جنه أتحفتهم بروعتها وبجمالها .. و رقبتها شلون شامخة جنها مفتخرة أنها تكون ملك ود ، يت ووصلت صوبهم و سادت لحظة صمت بسيطة ود هني طالعت فهد وابتسمت ! ، فهد اسلتطفها حس أنها صغيرة و ياهل يعني ما لها مشاعر إب قلبه مجرد استلطاف ، ود إهني إبتسمت أكثر جنه ياز لها شلون أنه فهد إبتسم لها بإستلطاف باين ..! ، قطعت لحظة هالصمت شموخ إلي قالت بقصد أنها ترحب : تو ما نورت البيت فهد ! ود إلي عيونها زغللت من زود الغيرة جنه بيطلع منهم شرار و إبتسامتها إلي ذابت و نظرتها و كل حواسها تحولوا ! فار دمها .. فهد لاحظ هالشي على ود و استغرب يعني قال شتبي ! ليش شفيها هاذي يعني البنت ما قالت شي .. شموخ توترت و قعدت تبعد نظرها عن ود ما تبي عينها تطيح بعينها، فهد ابتسم حق شموخ و حسها مسكينة على نياتها !! إهني استوت ود وقعدت تعظ شفايفها "الحركة إلي تسويها لما تتنرفز " ، شهد إلي كانت مو عاجبها الوضع وقعدت تخز فهد بإشمئزاز و لوعة جبد .. عصبت لأنه سبب إلي خله هالعداوة تكون بين خواتها والسبب أهو
بعدها رحب فيه عبد الرزاق و قعده على غنفة صالة الاستقبال الفخمة الي من زود ما أهيا عودة تضيعين فيه
عبدالرزاق: يا حيا الله من يا .. يا حلوها ساعة ساعة شوفتك يابوك
فهد حتى ما بادره بإبتسامه سفهه "ما عطاه ويه" !!
عبدالرزاق إلي راح حق فجر عشان يوصيها على أنها تسنع الغداء و راح لها بنفسه عشان يشرف عليه طبعاً يبي كل شي يعجب فهد و يبي يحسسه أنه مهم و بعدين يحسسه أنه ما له أي أهمية
خلت الصالة حق فهد وما كان أحد موجود يت ود وعقب ما ترجت شهد ترجي وحنت عليها ورنت و فهمتها الطبخة
القصد أنه ود كانت ناوية تقط سالفة عن وآحد شافته و بتقعد تغزل فيه عشان تخلي فهد يدير لها بال و تبي يفهم أنها مرغوبة و أنه وآيد إلي يبونها و من هالحجي إلي ماله لزمه ، و قالت حق شهد تمشي الفلم على فهد
ود وقفت صوب دشة الصالة الصغيرة إلي كانت يمها صالة الاستقبال و كانت جبالها شهد قالت وبنبرة دلع ماصخة وقالت جنها تسولف: إيي أمبيه شهود ما قلت لج .. ذاك اليوم أخو رفيجتي ندوش شافني و أنا موصلة ندوش عند بيتهم .. تخيلي يا صوبي جان يقولي ..! أنتي نار .. أنا ويهي جذي صار (وتسوي روحها منصدمة) ما قدرت أتحجى سكت
شهد وهي تمشي الفلم وقالت بنبرة يعني أنا الي منصدمة: والله مو من صجه .. شنو هذا حده جريء ،،
ود: أنتي من صجج ..عاد والله أهو جنتل بشكل مو طبيعي .. يعني شقولج .. إشملحه ( وتطالع فهد بنظرة يعني الكلام عنك)
فهد منصدم يعني شلون لها عين تسولف جدامه جذي و أهيا بنت عمه حس أنه ورا هالسالفة شي .. و أنه لها قصد و شمعني طالعته .. و ليش تتبوسم له وتضحك له .. في إنه بالموضوع .. نعم يعني صج بنت عمه بس مو جذي
و بعد فترة وجيزة قامت ود شغلت أغنية بتليفونها وهي أغنية منى أمرشا "مقطع": يا يما حبيته يا يما حبيته قلبي تعلق فيه زفوني لبيته ( وقعدت تخوزر فهد بهيمان يعني عنك ما استحت على ويهها إطلاقاً بالعكس تمادت و قعدت تطالعه و تحط إيدها على خدها يعني هيمانة فيه وكانت قاعدة وحاطة ريل على ريل وميله ريلها ناحيته و فخذها طالع ولا اهتمت جنه ما في قطرة دم بويها كانت تبي تسوي كل شي عشان تخليه يحبها)
فهد شك بنفسه ليش أنها قاعد إطالعه .. يعني مصخت قزرتها خز ! شفيها هذه شتبي *إلي كان فهد يقوله بنفسه*
عقبها ياه عبد الرزاق إلي ود من شافته ما عدلت قعدتها لأنها دلوعة البابا فعادي يعني لو تعلق ريلها بالسقف يتراولي عادي عنده ما يقولها شي
عبدالرزاق : فهد يبا .. قوم طاح الغدا !
فهد قام وأهو يتكاسل إب بلادة وآضحة مشا صوب الطاولة و كانت العايلة متيعمة و كل شي مشا حسب الأصول و بالشكل إلي خطط له عبدالرزاق بإستثناء ود !!!!!!!!!!!!!
________________________________________________________________________
زينة دكتورتنا كلنا عرفنا عنها بالشغل ! بس بيتها المكان الوحيد إلي ما دشيناه .. وأنا متعمدة أني ما أدشه إلا ألحين ..
خلونا ندش بيت زينة إلي تحديداً كانت فيه أختها عهد عمرها 27 سنة طويلة حنطاوية مايلة للبياض .. بشرتها صافية ويهها مدور و عيونها وساع لونهم بني غامج و رموشها طولهم متوسط .. شعرها يوصل لي ظهرها لونه أسود شفايفها متوسطة .. أسنانها مرتبين .. وجسمها زين مو متينة ولا ضعيفة بالنص ..، حواجبها مقوسة وبنص خدها غمازة محفورة بخدها و تبين بس تضحك مع أنها نادر ما تضحك .. نتكلم عن شخصيتها عهد إنسانة جدية وحازمة بكل الأمور الكل متعود عليها جذي أمها خواتها و حتى ريلها .. إي نعم تضحك و تتغشمر لكن ما تحب الضحك غلي ماله داعي و تكره الطنازة موتها ودم ضروسها الطنازة تكره هالشي و ما تحب الربادة ودايماً تحب توجه خواتها إب كيفها و بالطريقة إلي تبيها .. عادة نفسها أمهم يعني حيل عاتلة همهم ..! يمكن عشان الله ما رزقها بيهال لحد ألحين لكن ما تدرون شنو حكمة ربي ..، عهد إلي يعرفها حيييل يحسها قاسية و ما تعرف تطلع مشاعرها حتى مع ريلها علاقتها جافة لكن مو معناته أنها فاشلة بعلاقتها معاه و مع اهلها ..! بالعكس كانت وآيد حنونة بشكل قاسي .. قليل ما تبجي و قليل ما تضحك.. نبرتها وحدة بالكلام ما لها إلا الجدية .. ريلها تعود عليها و كان يحبها لأنه يحسها حبوبة معاه و فكر جم مرة ومرة أنه يفاتحها بهالموضوع لكن خاف على مشاعرها ، عهد نوعها تقط الحجي و تمشي يعني ما يمها و كانت دايماً عينها على خواتها و أكثر شي زينة وحتى قبل ما تملج وتنخطب كانت تشك فيها و تخاف عليها .. مثالية بطريقة مريبة يعني كل شي لازم يصير بدقة متناهية .. عهد سنعة و مسنعة مثل ما يقولون راعية حق وواجب تفكيرها مو تافه نفس باجي البنات إلي شغلهم الشاغل جنطة الفلانية والساعة الفلانية .. لا كان تفكيرها أكبر من جذي وحتى قبل ما أثروا عليها .. ما لها رفيجات مقربات عندها زميلات بس همن علاقتها فيهم علاقة ود ما كان عندها وقت عشان تبني صداقات كثر ما كان عندها وقت أنها توهب نفسها لبيتها وخواتها
ريلها هاشم عمره 28 أخو طلال العود ..! هاشم مملوح أسمراني و إبتسامته تذوب الصخر عيونه مكحلة من الله ورموشه طوال وكثاف بنص ويهه سكسوكة و حلجه متوسط و مركب تقويم .. شكله وستايله شبابي ما تعطينه متزوج .. أصلاً البنات دايماً يتحرشون فيه .. وربعه كانوا يحسدونه عليهم ولو أنه مو داير لهم بال .. أهو كان يحترم عهد وآيد و يشوف أنه لازم يتحمل جمودها وقساوتها و أسلوبها لأنها تستاهل كافي أنها تحب أمه و مو مقصرة بشي حتى معاه ودايماً تحاول أنها إذا زعلته تسكر الموضوع و تعتذر له بشكل حيل راقي رغم قساوتها و عصبييتها الزايدة .. كان ما يدري إذا يحبها أو لأ و تمر عليه أحيان وآيد يسأل نفسه : أنا أحبها ؟؟ ولا أمثل أني أحبها ..، شخصيته كان عكس عهد تماماً مو منظم و عادي فال الدنيا و طاق لها إصبع *كناية عن الاهمال* \
وعادي عنده .. شنو يعني أصلاً الوضع عنده سايح عادي يرد البيت متأخر و يحصل له محاضرة من عهد ممكن تستمر مدتها ساعتين عن إحترام الوقت و تنظيمه و إحترام مواعيد دخول البيت يعني حياته لوية ، أهو نوعه بس يتحلطم و كله الناس غلط وأهو الصح ما يعرف يرقع حق عمره كلش و كان حييل ويا طلال
!!
________________________________________________________________________
نرد حق الي كنا فيه عهد كانت قاعد توبخ زينة ليش أنه دق عليها عامر البارح الشي إلي خله عهد تشك بزينة لأنه عهد حيل تحرص وتشك فيها يعني حجرة ما علينا !! أهيا كانت شاكة أنه زينة على علاقة مع عامر من قبل وأنه كان بينهم شي و زينة كانت تكره لما تحرص عليها و تشك فيها
عهد بنبرة فيها شي من التهديد والزف: بتحجين بالطيب و بتقولين من متى تعرفينه .. ولا أحفر قبرج تحتج ..!!
زينة بنبرة تذمر: ترى أنتي ذبحتيني من أمس وأنتي قاعدة تعيدين وتزيدين بهالسالفة .. قتلج ما أعرفه ما تربطني فيه اي علاقة
عهد بشك : والله ؟؟ على منو حبيبتي .. مستحييل أصدق كلمة من الي قلتيه .. أمس أسمعج تكركرين معاه بالموبايل حسج وصل لي عندي عبالج نايمة ما أسمع
زينة بضحكة : بعد قاطة الأذن .. عهد الله يخليج لا تقعدين تسوين لي فيها سيناريو .. واستحي على ويهج ترى أهو عبارة ريلي وأنا ما خليتج تنامين بداري عشان تنتهكين خصوصيتي ..، مفروض اصلاً ما تسمحين حق نفسج أنج تتسمعين ترى ما يجوز أصلاً ..!! تدرين إنه هذا تجسس ؟؟
عهد : إيييه قلبي السالفة علي .. و غيريها.. و يا حبيبتي يا زيون أنا ما قطيت أذني سمعتج بالصدفة مو ذنبي والله إذا أنتي ماخذة راحتج حييييييييييل (وتمدها بقصد أنها تنرفز زينة)
زينة بأعصاب باردة: هدي يا روحي أنتي ترى ما قلنا شي غلط بالتليفون قاعد يسولف لي شصار معاه .. بعدين أهوا مالج علي
عهد: صج لا أنا مادري الصراحة مالت عليج بس هذا الي أقوله .. يا الرقلة أنتي ما تعرفين سوالف الشباب إذا حطوا براسهم بنية وعجبتهم يقعدون يتحبلون لها و ما عنده مانع يملج عليها بس عشان يحاجيها بتليفون ويشوف شمايتها و شنو نظامها .. وتالي يطلقها ، ويقعد يشهر فيها وبعايلتها و ييب طاريها بالدواويين شعبالج إنتي .. الملجة يعني بنظرج ضمان !
زينة : يا ربي ترى الولد أخو رفيجتي و أمهم أعرفها وأنا حسبة بنتها .. يعني من سابع المستحيلات إنه يسوي جذي
عهد: وشلي يخليج واثقة ..ياما ناس خربوا على الناس ..! ليش أنتي تعرفين ربعه .. عيال خلاته ..! إلي حواليه ما تعرفينهم حبيبتي هذيل يوزونه ويتحدونه .. يتحدونه أنه يطلقج ما تعرفينهم يماااا منهم هذيل الشباب يخربون وما يختربون !
زينة: عهد والي يسلمج كافي ترى راسي صاكني ! ما تقولين لي شلي خلاج تروحين لبعييد وايد جذي ..! عامر خوش واحد خلوق و لا يمكن يسوي فيني جذي أهوا يحبني
عهد: نعمممممممم ... يحبج !! وأنتي شدراج
زينة ترقع : إييه يعني أحسه يحبني
عهد: لاه .. تحسين ماشاء الله خوش إحساس يدري عن إلي بقلبه .. تكفى ولي يعافيج سألي إحساسج إذا أنتي جذابة ولا لأ ؟؟
زينة: ترى أنتي كوميدية .. يعني مادري شتبين قتلج أحسه يحبني .. بتصدقين صدقي ما تبين الطوف أربع و مع السقف يصيرون 5 يلا شعلييج وايد طبي وتخيري
عهد: هييين الحجي مو ألحين الحجي باجر لا شفتيه سجل مكالماتج معاه .. رآح تعرفين أنه كلامي صح وأني أبي مصلحتج
زينة: إنتي شتقولين .. شنو يسجل وين قاعدين ..! شخباري هالسوالف ومثل ما قلت لج عامر ما يسووي جذي ليش أنه يخاف علي ومصلحته من مصلحتي ويعني مو معقولة خلاص أنا بصير مرته جدام الله وخلقه و يسوي فيني جذي .. ما تدش العقل كلش !!!
عهد: لا تدش حبيبتي أكبرها و أسمنها صارت فيهم ما تصير فيج أنتي ..! إلي محيريني ثقتج الكبيييرة فيه يعني واو جد هبلة .. لازم أصفق لج (وتصفق بإستهزاء)
زينة: إلي يخليني أثق فيه أنه زميلي بالدوام وأنه أحنا حسبة أهل
عهد: ما شاء الله خوش بعد شي يديد و أنا آخر من يعلم .. أنا أبي أفهم بس ليش ما عطيتيني خبر يعني عادتني غريبة
زينة: شدعووة عليج ترى عادي يعني مو شي ضروري و مصيري عشان أبلغ حضرتج فيه
عهد: لا مو عشان جذي أنتي ما تبيني أعرف عشان تكلمينه و تعرفين عليه على رآحتج طبعاً شريك حياتج
زينة: شكووو وييع عليج .. شكو ترى تنرفزين والله
عهد: وويع هاه ! الويع أنتي إلي تبين أهدج على كيفج و أخلي القرعة ترعى .. لكن سمعيني و حطيني على بالج عدل هذا إلي اسمه عامر إن شفتج تكلمينه قبل العرس لا تلومين إلا نفسج
زينة: أفففف ملاااقتج يا مليقة ..! عناد فيج ألحين بدق عليه ..، أهو إلي كل مرة يدق علي ألحين أنا بدق عليه
عهد بصرآخ وتل التليفون من إيد زينة: بس مو قبل ما أسحب تليفونج .. عطيني إياه
زينة بعناد وتمسك تليفونها بقووة جنها ياهل وتقول: مـــــــــــــــــــــابي .. وخريي وخري .. ما راح أعطيج إياه
عهد بنرفزة واضحة : أقولج عطيني إياه
زينة: مابي تليفوني شنو ما راح أعطيج إياه يلا مناك فارجي
عهد واهيا واصلة حدها من العصبية: بتسمعين الكلام و لا آخذه غصب
زينة بعناد : ماني سامعة الكلام يلا شبتسوين
عهد بعصبية : شبسوي .. أنا أعلمج شبسوي وإتل التليفون بقوة و تحذفه على الأرض بقوة
زينة بعصبية: أنتي خبلة !! يعني شكو تكسرينه متهاوشة معاي تكسرينه شماله !
عهد: عشان ما تكلمين زفت الطين إلي أسمه عامر
زينة: تدرين شنو مشكلتج بالحياة .. أنج ما عندج شغل غيري .. روحي بيتج جابلي ريلج هويناا فكينا من شرج
عهد جنه أحد هفها كف و تالي غرقها بماي و خلاها تمسك ميتر ووتكهرب نفس الشعور بالضبط الكلام إلي قالته لها أختها حز بخاطرها
ووقعدت على الغنفة وفالت : أنا ما عندي شغل غيرج لأني أحبج و أخاف عليج أكثر من نفسي و من ريلي
أهني زينة حست نفسها ياهل ليش أنها زعلت عشان كسرت التليفون و أنه تفشلت لأنها تغلي عامر إلي ما صار لها وآيد من عرفته و تفضله على أختها وقالت عقب ما يمعت الحجي بصعوبة : عهد أنا آسفة .. لا تزعلين علي والله غصبن علي .. أنتي تدرين أنا ياهل و ما أفتهم ولج الحق تنزريني و تسوين إلي تسوينه فيني بس لا تزعلين علي بليييز
عهد:لأ عادي قلتي كلام أخس من هالكلام وطوفت بس إلي ما كنت متوقعته إلي قلتيه توج وليش كل هذا عشان كسرت تليفونج .. تليفون بداله ألف تليفون ..! بس أختج ما بدالها أخت
زينة وهي مبرطمة: وآآآي عاد عهدوه لا تزعلين علي ..أنا غلطانة أدري والله (وهذه بوسة) "تبوس أختها"
عهد ساكته
زينة : يلااا عاد
عهد ضحكت
زينة: ضحككتيي ههههه
عهد:لا ما ضحكت
زينة: امبببلاا امبلا ضحكتيي (قالت جذي لأنه عهد قليل تضحك)
عهد: بس عاد
زينة: ههههههه
عهد: يا حلو سوالفج يا زيون ترى رآح أشتري لج تليفون بدال إلي كسرته
زينة: لا ماله داعي بس إذا أنتي ملزمة ينفع .. تكفى لزمي
عهد: هههههه لا ما يصير لازم أشتري لج وآحد ثاني ! ها والحين ؟؟
زينة: إيي خووش
زينة كانت لامة عهد و ماسكتها من إيدها و بهذه الأثناء دشت عليهم منال أختهم الصغيرة منال عمرها 15 سنة ، حنطاوية طولها متوسط! ضعيفة , عيونها عسلية فاتحة متوسطة و رموشها كثاف وآيد وييها مدور بس لها حنج خفيف خشمها متوسط بس مدبب من جدام ! عندها غمازات محفوريين بويهها شفايفها بارزين و حجمهم كبير .. شعر غزير ولوني بني فاتح ! جميلة ..شكلها يبين جذابيتها و رقتها !! نتكلم عن شخصيتها منال راكدة وعاجل .. ورزينة صج أنها متسرعة بقرارتها بس تعرف شلون تدبر نفسها و ما تحب اللجة و الكلام الزايد يعني وآيد كلاس حتى أبوها دايم يقولها أنتي الي بياخذج لازم يعرف قدرج ! أهي تنحط على الجرح يبرى بس مشكلتها بالحياة مو بسرعة تتأقلم و تتعود على الناس وهالشي خلاها ما تواطن عامر و تستملقه .. يمكن عشان ما تبيه ياخذ أختها منها هذا لأنه زينة حيل قريبة منها .. منال وآيد تهتم حق التصوير وكانت تتمنى اليوم إلي تصير فيه نفس أختها زينة .. كانت ماخذتها مثال و نموذج و قدوة للإنسانة الناجحة
نرد حق الي كنا فيه دشت منال عليهم و قالت بنبرة ضحكة : الله الله على الفلنتاين"عيد الحب" إلي ياي بالغلط وشاقح من الرزنامة
زينة: هههههه شكوو !
عهد: لا تكفى ولي يسلمج خليها تفتي
منال: شكو هاا إي بفتي ألحين مخليني بروحي عشان تلمون بعض ..! إنزين على الأقل عزموني خن نتحاضن كلنا يمييع
زينة: يا الهبلة مو جذي .. السالفة إنه زعلت عهدوه فقلت ألمها عشان أراضيها
منال: يما يما يا الرومانسية ..! إنزين وخري شوي بدش معاكم
عهدوه: دني لها خنشوف آخرتها معاها
وأهما قاعدين يلمون بعض .. دش عليهم أبوهم .. الحجي مبارك عمره 47 شعره خالط سواده الشيب كان طويل ابتسامته محببة يعني تفرح الكل .. شديد بوقت الغلط ولين و سمح وقت اللين ..! ، طيب و تغلب عليه البشاشة .. يحب بناته ومرته أهما عنده كل شي بالدنيا ما يهمه أحد كثرهم
مبارك بنبرة طنازة: هآآه.. شعندهم طيور الحب اليوم
منال الخبلة قالت بنبرة ضحكة: حياك يبا معانا قاعدين نلم بعض
مبارك: ليش أهو عشاء عشان تقولين لي حياك معانا .. وبعدين يا جليلات الحيا مفروض أنتوا تفزون تلموني مو أنا الي أييكم
منال: ولا تزعل .. قوموا أنتوا!!
ورواحوا يلمون أبوهم ..، أهني دشت سلوى "أم زينة" ! سلوى عمرها 44 سنة حبوبة و متواضعة لكن إلي يدوس لها على طرف إدوس له على عشر وإلي يأذي بناتها بكلمه يترحم على روحه أحسن له ..! سلوى مو باين عليها الكبر حنطاوية مملوحة ويهها مدور عيونها متوسطة رموشها مو كثفة وآيد خدودها مبينة و غمازاتها محفورين إبتسامتها عذبة و تريح .. ويهها ينور شفايفها متوسطة ! طولها متوسط ضعيفة ! شعرها غزير نفس بنتها منال ولونه بني فاتح عيونها لونهم عسلي فاتح .. منال كانت ماخذة منها وآآآيد
سلوى: وويي يا حلوكم تهبلون
منال: حييااج يما تعالي لا يطوفج خوش لمة
سلوى: هووو .. ما خبرت اللمة تنمدح
منال: لا يما والله عجيبة عجيبة أنتي بس تعالي و جربي بنفسج
مبارك: تركيها عنج .. هذه الي تشوفه تعزمه على اللمة على قولتها زين ما عزمت ليكي "الخدامة"
سلوى: والله تسويها .. !
مبارك: إيي مو غريبة
منال: ههههههههه
_______________________________________________________________________

بجانب من بيت عآمر إلي كان مدشش صاحبه نواف بيتهم ومقعدة بالصاله تحديداً وموصي أمه وقايلها عندي ضيف وصي ليان لا تطلع برا دارها و أنتي بعد ..! نورية قالت له حاضر ..
نواف مبسط بصالة و كان عامر يايب له جاي و قال له : منور منور البيت بوجودك لا تستحي ترى البيت بيتك
عامر: إحلف تصدق توني أدري .. طول هالمدة عبالي بيت يارنا
نواف: يا حليلك صيدة بسرعة تصدق
عامر: جب
نواف: إيي من عذرك تجعمني .. من لقى أحبابه نسى أصحابه
عامر: آفاا شحقة تقول هالكلام .. أويلاه عليك بس
نواف: لا بس خلاص ملجت ألحين و بتفتح بيت خلاص صار وقتك كل للمدام واحنا بتعطيني أحلى سيفون
عامر:إي والله جنك تدري
نواف: هاه .. أقين أقين جني سمعت غلط
عامر: من قال هاه سمع .. بعدين ياخوي مليت من ويهك .. حفظته تبيني أقولك جم شعره بسكسوكتك
نواف: لا جم شعره بخشمي يكون أحسن !!
عامر: ترى أنت ما تنعطى ويه
نواف: أدري
عامر: جب
نواف بنظرة واثقة: شكراً
بهالحزة كانت ليان توها قاعدة من النوم ونورية راح عن بالها سالفة أنه نواف برى ونست إلي وصاها عليه ولدها وهي أنه محد يطلع برى
ليان كانت قاعدة من النوم كانت الساعة 4:35 العصر قامت من سريرها وتوجهت صوب الليت و بطلته عقبها رآحت صوب الكبت عشان تغير هدومها ولما وصلت صوبه خلاص شافت نفسها بالمنظرة مالت الكبت و لا المصيبة أنها مدمرة نفسها و نزلت عليها الدورة .. ليييان طبعاً حالها حالنا عصبت و لاعت جبدها لأنه شكو تيي لها ألحين كانت مالها خلق بطلت الكبت وقعدت تدور العدة بس ما لقت العدة (الكوتكس وملابسها الداخلية "عاد فهموا أنتوا").. شهالحظ عاد قالت بقلبها أنه أكيد الخدامة ما حطتهم بالكبت و أنه حطوا بالكم أنه أهيا ما تدري أنه نواف برى .. قامت دشت حمام أمها و غسلت وجذي ولبست بجامة ثانية بس ليلحينها ما لبست الكوتكس و لا بدلت ملابسها الداخلية و توهقت يعني إن شاء الله ما تقعد جذي وإدمر (توصخ) روحها .. فقامت بطلت باب دارها وطلعت أهيا دشتها كانت خفيفة إلي عامر ما لاحظها لأانه كان قاعد يلعب بتليفونه و يطقطق فيه .. نواف إلي عدل القعدة و شق الضحكة ..، أشرح لكم أكثر ليان كانت متوجهة صوب المطبخ إلي مكانه بآخر البيت أهيا كانت طالعة من الباب و مو معطية ويهها للصالة يعني رآيحة صوب المطبخ مستعيله البنت .. عشان جذي ما حطت إب بالها وما كانت متوقعة يكون أحد بالصالة لأنه كان صخه .. نرجع حق الي كنا فيه ليان وهي متوجهه للمطبخ قالت بصراخ: كانتي..!! وين نيو كوتس مال أنا
هني عامر فطن و هد التليفون إلي بأيده جنه أحد هفه طراق ما توقع هالشي ألحين أهوه قايل حق أمه و موصيها وهذه تطلع وتحرجه جدام صاحبه وبالبجامة لا وشتبي تبي كوتكس .. إنزين فشلة جدام رفيجه أصلاً ماكو صبي يرضا أنه أخته تتكشف على ربعه
عامر رآح لها وبملامح عصبية وبنبرة حادة: أنتي ... شسويتي ؟؟ بقرة أنتي رفيجي قاعد برى حاسبج معاي مو ألحين بعدين بس خل يمشي
ليان عقب ما أنحرجت واستوعبت أنه كان قاعد وسمعها قالت جنها تسوي نفسها مو مهتمة: أمبيه شفيك ترى مادري أنه موجود
عامر: لا والله .. أنتي ما سمعتي البلوة إلي قلتيها !! سمعي أنا بخليج ألحين وبستلمج بس يطلع
عامر رد حق رفيجه و قعد يتعذر منه وجذي ، نواف إلي ضحك عليها ما حط إب باله كثر ما استانس على الموقف وحط إب باله فكره
ليان ويهها قط ألوان ما تدري شترقع حق روحها إذا شافته أكثر من مرة تفشلت معاه الموقف لا يحسد عليه صراحة تخيلي مكانج مكانها إحررررآآآآج ..! صح ؟
ما علينا مشا نواف بعد ربع ساعة .. عامر ما صدق على الله طول ما أهو قاعد يفكر شلون بيشرشح ليان
عامر بصراخ : لياااان وينج فيه طلعي .. أحسن ما أطلعج
ليان كانت ليلحينها بالمطبخ ما كان تسترجي تطلع احتارت تطلع ولا تظل مكانها آخرتها استسلمت للأمر الواقع و طلعت
ليان : نعم .. عامر شبغيت ؟؟
عامر: يا حلوج والله .. شبغيت بعد لا مابي شي سلامتج بس بغيت أشكرج على لوحة الفشلة إلي رسمتيها لي
ليان: والله عامر ما كنت أدري
عامر: يعني ما قدرتي إتلفين رآسج تشوفين منو الي موجود .. فرضي الي كان موجود عامل جان شسويتي
ليان: ما تووقعت أحد بيينا هالحزة عشان جذي طلعت
عامر: مو على بو انه بيتج تقومين تمترين المكان .. سألي إذا في أحد برى وبعدين كان لازم تطلعين كنتي تقدرين تدقين على كانتي و تييب لج الي تبينه لحد عندج ما كان فيه داعي أنج تسمعيين بيوت النمل *يقصد انه حسها كان عالي *
ليان: عاد صار اللي صار
عامر: أنا ممكن أفوت لج و أقول ما تدريين وطلعتي لكن ليش تصرخين بصوت عالي ما قدرتي تدشين عليها و تسالينها
ليان: مادري والله عبالي ماكو أحد بالبيت ليش أنه كان هدوء
عامر بصراخ: بطيتي جبدي الحين أنا قاعدة أكلمج تقولين لي مادري شنو إلي ما تدرين قثيتيني ..!
ليان: إييه مادري إنه في أحد
نورية طلعت من دارها وقالت وأهيا مختصبة: هوو..! شفيكم .. شصاير؟؟
عامر: بنتج المصون طلعت من دارها ورفيجي قاعد
نورية: يما ما عليه سامحها أنا نسيت لا أقولها إنه موجود
عامر: وليش ما قلتي لها ؟؟؟ أنا شموصيج عليه الله يهديج يا يما ،، !
ليان: شفففت يعنيي .. أنا مو غلطانة لا تقعد تزفني
نورية: إي يما أنتي ما غلطتي وبعدين عادي نواف ولدنا مو غريب .. تلقاه ما طالعها أصلاً صد
عامر: إيييي هييين تقول ما طالعها *قال جذي لأن ذيج المرة قطعها خز وجدامه بعد*
نورية: خلاص يما بعد يعني ألحين أنت بتغير شي
عامر: أنتي ما تدرين شقالت والله سواد ويه أحرجتني جدام الولد ومعاه
نورية بخرعة:هو شقالت
عامر: قوليلها
ليان قطت رآسها بالأرض وقالت بحيا و كانت ما تبي تقول بس كانت لازم تقول أهيا ما تحب أحد يركبها الغلط علشان شي ما يستاهل فقالت: لا أبد يما بس كنت أبي شغلة نسائية و طلعت بدون لا أدري أنهم برى وكنت مستعيله فقلت بصوت عالي إلي أبيه حق كانتي
نورية وبنظراتها حق بنتها فهمت وقالت: ما عليه يما .. عادي السالفة ما تسوى لا تحر روحك حبيبي أمي عشاني
عامر: لا يما عادي بس ابيج يا ليان تفهمين أنه مرة ثانية تتأكدين مو تطلعين وتدشين بالبيت على كيفج ..، وأنتي يما بعد إذا قلت لج لا تطلعون علمي ليان عشان ما تطلع .. أصلاَ أنا ما راح أدشش ربعي البيت ..، إذا بعزمهم بخليهم يخللون بالدوانية .. ويلا فمان الله
نورية: وين رآيح؟؟
عامر: الدوانية
نورية : الله يحفظك
_______________________________________________________________________
فهد صار له 3 يوم إب بيت عمه و ليلحين كل شي أوكي وليلحين تحرشات ود فيه ما خفت ونظراتها له بعد
فهد قاعد بغرفته إلي يم غرفة السايق ..، الوقت إلي كان فهد بغرفته يت ود عشان تتلصص عليه وتطرف باب غرفته بدزة خفيفة من إيدها عشان تجسس عليه .. مرة وحدة قام فهد عشان يبدل تي شيرته .. ود هني قعدت تطل عليه و تتأمل جسمه .. شلي صار له معقولة تسبهت فيه و حبته لدرجة انها تتلصص عليه و اهو يبدل صج قلة حيا
فهد ما لاحظها ورجع يرسم رسمته .. فهد حس بالضيق و جنه مو قادر يرسم قام حذف القلم وتل فوطته وراح يتسبح ..!
أهني ود دشت الدار وقعدت تتعبث و تطالع الرسومات .. طاحت بإيدينها الرسمة إلي رسمها حق زينة و حق نسخة مفصلة حق ملامحها ما تفرقينها عنها الفرق الوحيد إلي كان فهد يحسه أنه هذه جماد وأنه زينة حقيقة ، ود لما شافت الرسمة عيونها جحظت وغارت جنها بتموت .. مخها راح بعيد .. قررت أنها تدش على فهد و تقعد معاه طلعت برى و قعدت شوي تنطره على ما يبدل ويخلص
ومرت 20 دقيقة جذي ، إهني قامت طقت عليه الباب
قام فهد و فتح الباب و أشر لها يعني نعم
ود بدلع وبمييياعة : شدعوة يعني ناوي تخليني واقفة برى قولي تفضلي
فهد يأشر لها يعني دشي
ود: ثانكس
وبركت ود على الغنفة و قعدت تعبث بلوحاته جدامه ومسكت رسمة زينة: وقالت الله منوو هذه ؟؟
فهد يأشر لها بأيده وبنظرة يعني رديها مكانها
ود: وويي سوري ما أقصد .. شسوي ملقوفة ..!
فهد رآح يرتب لوحاته ويحطهم مكانهم وأهو قاعد يرتب تغافلته ود بحركه سريعة وقامت وحطت إيدها على رقبته وقال بهداوة ونعومة: أنا دخلت مزاجي .. ما تصدق شكثر عجبتني
فهد دز إيدها و طلعها برا الدار
ود كانت مستغربة ليش ما يكلمها و كانت قاعدة تلاحظه يعني غريبة صار لها 3 أيام تحرش فيه و لا أكو نتيجة المشكلة ما يرد عليها بالكلام بس يأشر ..
ومو بس ود إلي مستغربة من فهد حتى فهد كان مستغرب من نفسه .. ليش أنه دز ود ..، يعني لهدرجة أهو معتقد نفسه ملك حق زينة وأنه ضروري محد يجيسه عجبة صراحة ..! لا و الأمر من هذا أنه كسرت خاطره ود حس أنها نفس حالته شلون أنه يحب زينة و مو قادر يوصل لها حسها أهي بعد تحبه بس مو قادرة توصل له وأنها تحاول بشتى الطرق أنها توصل له .. قعد يفكر ويقول شلي يخلي وحدة نفسها تتعلق فيني أنا إنسان الكل يدري إني كنت ما أتكلم وليلحينهم عبالهم أني ما أتكلم .. شلي يخليها تحبني و تتعلق فيني ..!! فهد وآيد تساؤلات كانت تدور إب راسه وكانت للأسف مالها جواب

_______________________________________________________________
حتى ليان بعد تساؤلاتها كانت مالها جواب لما كانت تفكر بنواف وشلون التقت معاه فجأة و حست أنها قاعدة تميله .. بس شلون قدر يحررها من شرنقة حبها المتعلقة بفهد .. أول مرة قلبها ينبض لغيره ما تدري إذا أهي معجبة فيه و لا تحبه .. الشي إلي حرك هالتساؤلات بمخها أهو الشي إلي صار لها أمس ..!!
كانت الساعة 8 الصبح و جنه الصدف تشتري بعضها بس يمكن ما تنشرى .. صيدي أهو أنك يا نواف لحقت ليان إلي كانت رآيحة جامعتها وشفتها هناك بالمصافط وقلت لها : بيس بيس ..!
ليان: شنو بيس بيس تنادي عتوي أنتا
نواف: أحلى عتوي
ليان: إنزين شتبي .. تقدر تهويني لأنه أنا مو فاضية لك أولا .. ثانياً : مابي أفشل نفسي جدام الناس
نواف: الله واكبر ما تبين تفشلين نفسج جدام الناس ليش أني معاج .. بابا سكتي لا أذكرج بسالفة أمس ولك والله أأزمج أبجيج اسوي دموعج نهر النيل هني
ليان إنحرجت : بس جب جب " فارج"
نواف: ما راح أوخر و لا راح أروح إلا ليمن آخذ رقمج
ليان: عيل لا تروح
نواف: خلاص عيل بتم أمشي وراج
ليان منقهرة لأنه يعاندها وقالت: ما يمهني
نواف: أوكي
مشا نواف وراها من المصافط لي الكلاس بس كان موخر عنها وايد مو غبي عشان يفضحها ويخلي الناس تفهمها غلط .. قاعد يتبعها بس بخطوات متباعدة ليان وصلت باب الكلاس و تلفتت شوي شوي ولاحظته أنه وراها كرهت عمرها .. يعني إن شاء الله ما يلحقها لي الحمام لاعت جبدها وتنرفزت بس من داخلها كانت تضحك على خباله
خلصت من المحاضرة وصار عندها بريك بهالبريك تعمدت ترد المصافط عشان تقدر تحاجيه و لأنها كانت بتحرك *بتمشي* !
وصلت ووصل وراها بدقايق
نواف: ها زهقتي ؟؟
ليان: حد أمه .. أفف والله لوعة
نواف: ههههه
ليان: تآمر على شي لأني بمشي
نواف بوقاحة: إييه رقمج
ليان: نعم ؟؟
نواف: ونعامة .. رقمج شنو صمخة ما تسمعين ؟
ليان: مابي أعطيك إياه شلون وبعدين أنته مو رفيج أخوي .. عيب عليك إلي تسويه أظن
نواف: أنتي غير شي يبا عدل كلامج رفيج أخوج و أنا وياه أخوان صدقيني مراح أضرج .. كل اللي أبيه أهو أني أكلمج والله بخاطري كلام ودي أقوله
ليان: مابي أسمعه وفره لنفسك
نواف: والله
ليان: إييي
نواف قام ووقف جدام سيارتها وقال: يلا أبيج تحركين .. بشوف شلون بتحركين ألحين ؟؟
ليان تطالع ساعتها وقالت : عفية والله ما اقدر أتأخر يا ...
نواف: إسمي نواف
ليان : أخ نواف الله يخليك خلني أمشي
نواف: أحنج لج يعني أحنج لج مو قبل ما آخذ الرقم
ليان: وآآآآآي
نواف: والله عاد كيفج واااي يمااي جاي إلي أهو ما راح أمشي من هني إلا ومعاي الرقم
ليان شافت أنه ما باليد حيله وأنها تأخرت و ما تقدر تنطر حر وخيسة وبنفس الوقت ما تقدر تعلم أخوها وقالت عشان تفتك : سجل عندك 9970...
نواف : لا حبيبتي ما أضمن .. عطيني تليفونج
ليان: ليش ؟؟
نواف: عطيني
ليان عطته وقام نواف بدوره و سجل رقم بجهازها ودق على رقمه عشان يسجل رقمها و يتأكد انه رآح يدق عليها و ما راح تعطي طاف
نواف: إي الحين أمشي و ردي يا ويلج إذا ما رديتي .. أعلم اخوج
ليان : ملييق والله صج راعي بقالة ماكو أسلوب
نواف: لا ذاك أول ألحين تطورنا قمنا نشتغل بجمعيات
ليان: زيييين مبروووك
نواف: يبارك بعمرج .. شعبالج شوية أنا ,,!
ليان: ووي قرقة وخر عني بمشي
نواف: فمان الله
ليان: فمان الله (وتبتسم)
حرك نواف وراها و طول الطريج ووراها بالسيارة ويسوي لها حركات بالجام .. يطلع لها لسانه ومرة يسوي لها باي باي طبعاً ليان بقلبها كانت ميته ضحك عليه حسته أهبل وقالت من وين طلع لي هذا ؟؟
________________________________________________________________________
اليوم السادس حق فهد بالبيت و اليومين ال 5 والرابع مروا عليه بصعوبه ليش أنه ذاق الويل و شاف الويه الثاني حق عبدالرزاق ومرته
وبوسط البيت كان عبدالرزاق يصرخ على فهد: أسمع ألحين بتغسل السيايير سيارة سيارة وعلى الله ألقى وحدة مو منظفها عدل تدري شسوي فيك .. !! أفرمك .. و زهب نفسك بعد شوي بنمر العدل أبيك تسوي لي توكيل سامع
فهد قاعد يحاول يمسك نفسه و سكت و يأشر براسه يعني حاضر
طلع برى عشان يغسل سيايرهم والسياق كان يطالعه جنه كاسر خاطره .. لأن يعاملونه أحسن من ما يعاملون فهد .. البنات كانوا منصدمين وخصوصاً ود
أهني ود سألته يبا ليش ما يرد عليك ؟؟
عبدالرزاق: لأنه مينون وأطرم
ود شهقت شهقة جنها منصدمة و رآحت تركض لدارها وتبجي و هات يا دموع كل هذا عشان درت أنه ما يتحجى بس مع ذلك هالشي زادها تمسك بفهد
عقب ما خلص فهد يا له عمه وقال له إمش ممعاي للعدل .. فهد عصب وأشر براسه يعني لأ
عبدالرزاق: أهو بكيفك أهو .. لا يكون عبالك انت لك شي عندي حبيبي أنت ما لك شي عندي وبتسوي إلي قلت لك عليه و إيدك فوق راسك
فهد سلم امره لله و وافق بعد شيسوي
وعقب ما رد فهد من العدل .. إنسدح بسريره وحس أنه طقت جبده من الدنيا وأنه قعد بفكر و أقنع نفسه أنه ماله بهالدنيا غيرج يا زينة أنتي الوحيدة إلي عطفتي عليه وحنيتي عليه .. الغريبة أنه كان فهد متعجب ليش أنه أخوانه ما سألوا عنه وبالذات إسماعيل مو عوايده هذا لأنه عبد الرزاق كان لما يتصل إسماعيل كان يقول له : إنه فهد نايم أو أنه ما يبي يحاجيه ، فهد تشبث بزينة أكثر وكره عبد الرزاق أكثر وطرت على باله فكرة تحل كل شي وتريحه من هالغثا إلي أهو فيه


يوم السبت بمزرعة عبدالرزاق...............................................................................................


همسة شعرية:
ما عاد لعيون الأوادم مشاريه يا دمعتي صبي على الخد صبي اللي أحبه كل ما جيت ابهديه يقول لا /شكراً..يخليك ربي



دبابيس طائرة:-
شتبي يا المينون *عبد الرزاق*
عامر صاحبي وما أقدر اضره *حامد*
لا يكون تضايقتي من ذيج السالفة *جنان*

أتمنى البارت يعجبكم وسوري على الـتأخير وشكراً على الإفادة .. وسامحوني يمكن أنا وايد أستخدم مفردات صعبة باللهجة الكويتية وقديمة .. ما عليه أنتوا حاولوا تفمهونها
​

 

[Sheakha]

ممادري بس يمكن عشان انتي مسويتهَ كلهَ كوبي بيست لو چي
روحي يم الرد و سوي بيست ع البارت القمييل و امسحي اي كلمههَ ةةِ و كتبيها اقيين و جربي مممادري
بس مرات تضبط مععاي لما ااسوي بست >< ' *

ثانكس يا روحي نفعتيني :eh_s(22):

 

[Sheakha]

ana chum marra y9eer m3ay chithi bs ariid algah mwjoud

إييي قطيعة حنج علي

 

[كلي حلاوه]

ااحم ااحم # اول شيء مشكورة شيوخه ةةَ على البارت :eh_s(22):

تعليقي :$

- اول شيء بتكلم عن عهد ؛ عهد حياتي قلنا تخافين على خواتچ بس مو چي يعني
شدعوا مالچين ي عمري يا بعد قلبي مالچين ' و الله محد محنچ غيرها ! و بعدين
عششتوا اهيا الغلطانه و اهيا اللي تزعل > عاد هذا اول ظهور لها و چي منرفزتني الله
يستر بالبارتات الجايةة ةَ > متعوب عليها ااول ظهور :eh_s(20):

- ود ؛ واي على جرأتها مو من صجها ' قطيعهه ةةَ مو بالعتها >< ' بس زيين فيها الخير
و الله بتتمسك فيةة ةَ مع اني ما اابيها لةَ چان زيين يحب شموخ :'(


- شموخ ؛ تكسر الخاطر و بنفس الوقت تدبل الچبد وويعععااا ماكو لسان لو ماخذه ربع لسان
شهد و لا امها چان احنا بخيير >< '

- شهد ؛ مممالت حتي ممالت '@ وااي على شنو ااسمچ شهد يقولچ شهد العسل
لا شفناا العسل و لا قالها اللهَ قاهرتني سميتي :'(

- لييان ؛ اامبيهه ةةَ الله يعينها على الموقف ؛'$ ! و قاعدين نشوف بوادر حب مستقبلي

- نواف ؛ حلاتةة الدعلة :eh_s(22):

- زينه و عامر الله يهنيهم :'( > من ورا قلبي p; كسرو خاطر هالفهد و علييا

و الله يستر من فهد و اللي يبي يسوية و بعدين شكبره طول و عرض و يسمع كلام عمة و يسوي
توكيل و يغسل سيارات !! صج نرفزني

و مشكورةةَ ااقييين شيوخةة لا خلا و لا عدم :*

 

[Shyoukh]

Alpart 7ddaaaa 3jeeeeeiiiiibbb (Y) ou mskeena Lyan tfshlt :$
Na6rein <<< bsm allah twiich mnzla part
Bs yalla ma 3leeih la2n g9tiiich tshd alentbaaah Ou Tkhly alwa7ed y9eer feeih fthoul 3shan y3rf baji ala7dath
up up up up up

Ou Thankyou 3la alpaart ;**

 

[Sheakha]

ااحم ااحم # اول شيء مشكورة شيوخه ةةَ على البارت :eh_s(22):

تعليقي :$

- اول شيء بتكلم عن عهد ؛ عهد حياتي قلنا تخافين على خواتچ بس مو چي يعني
شدعوا مالچين ي عمري يا بعد قلبي مالچين ' و الله محد محنچ غيرها ! و بعدين
عششتوا اهيا الغلطانه و اهيا اللي تزعل > عاد هذا اول ظهور لها و چي منرفزتني الله
يستر بالبارتات الجايةة ةَ > متعوب عليها ااول ظهور :eh_s(20):

- ود ؛ واي على جرأتها مو من صجها ' قطيعهه ةةَ مو بالعتها >< ' بس زيين فيها الخير
و الله بتتمسك فيةة ةَ مع اني ما اابيها لةَ چان زيين يحب شموخ :'(


- شموخ ؛ تكسر الخاطر و بنفس الوقت تدبل الچبد وويعععااا ماكو لسان لو ماخذه ربع لسان
شهد و لا امها چان احنا بخيير >< '

- شهد ؛ مممالت حتي ممالت '@ وااي على شنو ااسمچ شهد يقولچ شهد العسل
لا شفناا العسل و لا قالها اللهَ قاهرتني سميتي :'(

- لييان ؛ اامبيهه ةةَ الله يعينها على الموقف ؛'$ ! و قاعدين نشوف بوادر حب مستقبلي

- نواف ؛ حلاتةة الدعلة :eh_s(22):

- زينه و عامر الله يهنيهم :'( > من ورا قلبي p; كسرو خاطر هالفهد و علييا

و الله يستر من فهد و اللي يبي يسوية و بعدين شكبره طول و عرض و يسمع كلام عمة و يسو
توكيل و يغسل سيارات !! صج نرفزني

و مشكورةةَ ااقييين شيوخةة لا خلا و لا عدم :*

العفو تسلمين ..*

حبيبتي كلي حلاوة حاولي تشوفينها بنظرة ثانية .. يعني أهيا ما عندها عيال و مالها إلا خواتها وما عندهم ريال فطبيعي تخاف عليهم وآآآيد .. أيي زينة تحبها ما تقوى على زعلها .. ههههه بالأخير تم وجهة نظرج ورايج أحترمه :eh_s(17):

ود أهي قاعد تستخدم جرأتها ليش أنه عبالها فهد داق الثقل عليها ..، تجري الرياح بما لا تشتهي "شهد" (كلي حلاوة)

شهد ههههههههه .. عاد أنتي تبين كل العالم نفسج أنتي ماكو منج إثنين :eh_s(7):

ليان بالضبط

نواف حده دعلة ونزغة وكل شي


ليييش عاد !! .. إيي معاج حق يكسر الخاطر :eh_s(11):

الله يستر .. دايماً تكون في شغلات خارجة عن إرادتنا وما نقدر نتحكم فيها و أكيد فهد له أسبابه

العفو ما سويت شي :eh_s(7):
​

 

[dlo3a baba]

[وااااي البارت عجيب
وفهد قاهرني يعني تعلمت تتكلم ليش ماتتكلم
ونواف فديتة يونس
عهد هذي ودي اعطيها بوكس شكو تقول لها ماتكلمينة قبل العرس
وبس << لاوالله

 

[Sheakha]

Alpart 7ddaaaa 3jeeeeeiiiiibbb (Y) ou mskeena Lyan tfshlt :$
Na6rein <<< bsm allah twiich mnzla part
Bs yalla ma 3leeih la2n g9tiiich tshd alentbaaah Ou Tkhly alwa7ed y9eer feeih fthoul 3shan y3rf baji ala7dath
up up up up up

Ou Thankyou 3la alpaart ;**

تسلمين حبيبتي إنتي العجيبة والله :eh_s(22):

حدها مسكينة إنقص ويهها أصلاً ، لوول إن شاء الله بنزله مراح أتاخر وعد

تسلمين لي مشكورة على هالحجي الحلو .. حبيبتي ما تقصرين من طيبج :eh_s(7):

شكراً على الرفع و العفو ما سويت إلا الواجب :eh_s(17):​

 

[Sheakha]

[وااااي البارت عجيب
وفهد قاهرني يعني تعلمت تتكلم ليش ماتتكلم
ونواف فديتة يونس
عهد هذي ودي اعطيها بوكس شكو تقول لها ماتكلمينة قبل العرس
وبس << لاوالله

أنتي كلج على بعض العجيبة :eh_s(17):

لأ أهو عنده حكمة يا جماعة فهد له أسبابه :eh_s(1):

إيي حده

ههههههه عنف يا ساتر ​

 

[Sheakha]

ترقبوا البارت الثاني عشر .. بارت دسم دسم دسم دسم بكل ما تحمله الكلمة من معني لأنه رآح ننصدم ​

 

[Shyoukh]

Yallaaaa 3yllll waaiiiting 3la Naaar alpaaart

Ou al3fw wlw hatha al9iij ;*

 

[Dashtawya]

مشاءالله عليج اسلوبج حلو وايد الله يحفظج
waiting alpart alyay
;**

 

[Sheakha]

Yallaaaa 3yllll waaiiiting 3la Naaar alpaaart

Ou al3fw wlw hatha al9iij ;*

تسلمين و شكراً على هالمتابعة الحلوة والنطرة الأحلى :eh_s(7):

حيييياتي من ذوقج :eh_s(17):​

 

[Sheakha]

مشاءالله عليج اسلوبج حلو وايد الله يحفظج
waiting alpart alyay
;**

تسلمين وشكراً من القلب على هالدعوة الحلوة إلي مثلج أكييد :eh_s(7):

حبيبتي أنتي ما راح أطول:eh_s(7):​

 

[dlo3a baba]

شوقتيني حق البارت
نزلية بسرعه خاف اعصب ولمن اعصب ماراح اسوي شي

 

[Sheakha]

بنات أنا رآح أقطع لي 4 ايام بس عن الرواية للظروف قسوى و والله كل شيء صار فجأة توى يوصلني علم .. جد ما راح أكون فاضية وحدي بعد .. بس أوعدكم و أن شا ءالله ما أخلف بوعدي لكم أنه بعدها رآح أنزل لكم بارتين دسميييييييييييييييييييييييييين حتى تنتهي النقط و تختفي الفواصل ألقاكم أحبتي على الخير و ستجدون ما يعجبكم و يشوقكم لمعرفة بقية الرواية .. دمتم بخير محبتكم : شيخة ​

 

[Sheakha]

شوقتيني حق البارت
نزلية بسرعه خاف اعصب ولمن اعصب ماراح اسوي شي

حبيبتي لا تعصبين أنتي .. ما راح أطول إن شاء الله خلكم منتظريني :eh_s(7):

 

[Sheakha]

بنات أتمنى تتفهمون الوضع .. وما تاخذوني بذاك الراي ،، يعني أنا مو من مصلحتي كلش أني أتأخر بتنزيل البارتات لأني مو هبلة عشان أعطل نفسي أكثر و أزيد البارتات علي .. فألي أبي منكم حسن النية والظن لأني ما رآح أقصر وعد وأنا قلت وعد يعني وعد وتسلمون لي على المتابعة الحلوة وأتمنى منكم رفع الرواية :*​