رابطة ما بعد التكميم ونزول الوزن

[شموخ احساسي]

بنوتا زين الله يبشرج بالخير المشكله ما اشتهي كلش واذا شربت اي شي احس صوت غازات ببطني مادري من شنو انا ابر السيوله إلي ذبحتني ( الله يعدي هالفتره ع خير ان شاء الله والحمدالله على نعمة الصحة والعافيه

 

[SILVER ROSE]

بنات الرياضة ممكن توقف الوزن؟
لان موعدي بعد يومين وخايفة ما اكون نازلة وايد
صارلي شهرين من العملية

 

[مذهلة 78]

السلام عليكم

حدي ولهت عليكم والحمدلله الحين بتفرغ لكم اليهال خلصوا وطلعت نتايجهم يعني ما في شي راح يعطلني بعد اليوم

طبعا طحت لكم على مكان جديد لعلاج الشعر بما ان التساقط مشكله الكل قاعد يعاني منها طبعا وهالمكان اسمه بايو سفير سبا مكانه بشرق وطبعا المكان رحتله بالصدفه كنت قاعده ادور على صالون هناك وما اشوف الا كلمة سبا جان انزل وادرعم عليهم ولا مكان حييييييل راقي ويهبل يفتح النفس دشيت قتلها انتوا شنو عندهم خني جان تقولي علاج الشعر والبشره وطبعا هذا عز الطلب

قالتلي بفحص شعرج وطبعا تم الفحص وطلعت جلدة راسي حمرا وفيها قشره وقالوا عن كورس علاجي احتاجه مده الكورس 8 جلسات وسعر الكورس 136 عقب الخصم اليوم كانت اول جلسه

يتبع غدا انشاء الله مع الصور ........

 

[اوووفه]

ايوه عاشت عاشت ام التجارب سيري ونحن من ورائك

 

[مذهلة 78]

هههههههههههههههههه اوووفه صج ضحطتيني الله يغربل بليسج
نكمل اليوم حلقة امس

اول شي مثل ما قتلكم سوتلي فحص للشعر وهذي الشاشه وطالع فيها فروة راسي





وعقب الفحص حددت نوع الجلسات اللي احتاجها امس رحتلهم وكانت اول الجلسات

اول شي حطتلي سنفره الصبار لفروه الراس وقالتلي ان هذي تسفر فروه الراس من

الدهون والقشره وتفتح مسامات الشعر المسكره وللامانه عقب السنفره حسيت بهوا

قاعد يدخل بالراس طبعا تمت ربع ساعه تفرك بالفروه وصج دخت وحسيت اني بنام

بس مانمت خفت يطوفني شي

بعدين قعدتني على هالكرسي وغسلت شعري بشامبو خاص وعقبها خلطت ماسك

مع سيرم وخلته على اطراف شعري لمده تقريبا 15 دقيقه وهني يابولي شاي طعمه

غريب كضيافه






وبعدها حطتلي انبوله مكوناتها زنك وكولاجين وفيتامين سي وفركت

فيها راسي وخلتني اقعد ربع ساعه تالي قالتلي خلاص تقدرين تلبسين حجابج بس لا تستعملين السشوار وبعدها قالتلي هالجلسات لازم تستمرين عليهم ويبيلج 3 جلسات بالاسبوع مرتين عندنا بالمركز ومره بالبيت وشريت الاغراض وطلع سعرهم 86 وبالنسبه للشامبو قتلها انا اتسبح كل يوم جان تعطيني شامبو يومي مع الانبولات والسيرم والماسك

 

[مذهلة 78]

صباح الخير اشلونكم بنات شخباركم

مذهله يا قلبي رحت حق دكتوره روسيه مدحتها لي رفيجتي وعطتني كريمات ومرطب وحمايه وبداوم عليهم وبشووف ومراجعتي بعد اسبوعين

اووووفه اهليييييييين بخير يا قلبي الله يوفقهم يارب زين سويتي اشتركتي بنادي اي نادي عاد وجم صار لج من سويتي العمليه

اووفه في ناسسسسسس يمشي معاهم تفخ ما يفش وفي جسم بسرعه يفش انتي من نوع الي جسمج بسرعه تمتصه الماده وانا لو منج ما اسوي خلاااص اخاااف جربي خلطات عسل شي جذي احسن لج وله اقولج جربي حبووب تفخ الويه من صيدليه ولا تغزين ابر مره ثانيه لان ما ينفع لج وموفقه ياقلبي

شهوده حبيبتي شلونج وشلون ويهج الحين انشالله احسن طمنينا عنج

 

[اوووفه]

مرحبا يامذهله يامدهشه

بشري شنو حسيتي عقب جلسه الشعر حسيتي شعرج انتعش في حياه وبجم سعر الجلسه الوحده

وشصار علي خدودج ها تفختي لان قلتي اليوم موعدج

ايه مذهله انا اعرفه دكتورج باسم بس انا لما نزلت موضوع ابي تجارب البنات بتفخ الخدود بشوفه مرتب ذرب انت مجربته بالبلازما

 

[مذهلة 78]

هلا حبيبتي اووووفه

بالنسبه لشعري حسيت انه فيه لمعه وطايح ما دري يمكن من الماسك والتونك

والحين ما تبين النتيجه يبيلي وقت وبالنسبه لسعر الجلسه اتوقع 15 مو متأكده

بالنسبه للتفخ ما تفخت لان الدكتور يتفخ باحماض الفواكه يعني عقب شهرين بفش

 

[اوووفه]

ليش بتتفخين بشنو آمن شيء احماض الفواكه انت شنو الماده الي تبينها

 

[مذهلة 78]

ليش بتتفخين بشنو آمن شيء احماض الفواكه انت شنو الماده الي تبينها

اهي نفسها احماض فواكه بس تراكيزها تختلف وهالشي توني اعرفه واحنا نحتاج النوع الثقيل اللي ينغز دااااخل صوب عظمه الوجه وانشالله بس اروح بقولكم التفاصيل

 

[اوووفه]

زين ليش ماطلبتي من الدكتور التركيز الثقيل ليش ماعنده

عاد انا كلمت الدكتور باسم شاكر بالتلفون وقلتله عن تجربتي قالي انا راح اغزج ماده تركيزها عالي وقلت خن استخير قبل وانزل موضوع اسال فيه عن الدكتور بس للاسف محد رد علي

 

[اوووفه]

اهي نفسها احماض فواكه بس تراكيزها تختلف وهالشي توني اعرفه واحنا نحتاج النوع الثقيل اللي ينغز دااااخل صوب عظمه الوجه وانشالله بس اروح بقولكم التفاصيل

عاد مذهله انا الدكتور طارق طقني علي عظمه الخد الي قريبه من الاذن بالضبط وغزته تعور وركز حيل علي العظمه بس هم فش ما ادري شسالفه خدودنا مو راضيه تنتفخ :bbbiu: وتري هم الماده الي حطها لي ثقيله وتركيزها قوي

 

[اوووفه]

تكفين مذهله منو دكتورج عندي عرس اخوي بعد اسبوعين عفيه علميني عشان يمديني احجز عنده مستحيل احضر العرس بخدودي هذي الكل راح يقول مريضه انا حجزت عند دكتور باسم حق البلازما بعد اسبوع عشان يعطي ويهي شويه نظاره

 

[Ya-ta3bny]

خوووش موضوع الله يعافيكم
انا سويت العملية21/9/2011 عندالدكتور الهيفي
وزني قبل العملية 92
وزني الحالي 70
ما نزلت واايد.. لاني ما اسوي رياضو و اكل حلو
انا ودي اوصل 63 و ان شاء الله يعيني لاني اعالج للحمل و انتو عارفين ابر و سوالف كلها تتفخ
انا الحمدللة شعري ما طاح بس بشرتي شاحبة ودي اطق فيلير بس خايفة اجازف
حدي خايفة من الترهل علشان جذي ما ودي اضعف وايد

 

[لــيل]

السلام عليكم ورحمة الله وربركاته \

انا مسويه العمليه من شهر تقريبا
ووزني 130 تقريبا حزتها نزلت 12 كيلو لين الحين ,

ابي اسأل سؤال
غير الماي والعصير واللبن , والروب , شنو ممكن اكل
لان لين الحين مو قادره اكل شي مع ان المفروض ابدا اكل ولو بطاط مهروس ورز
لكني من بديت اجرب تكرمون ارجع الي اكله ولا احس اني مخنوقه ومو قادره اتنفس /:
​

 

[مذهلة 78]

زين ليش ماطلبتي من الدكتور التركيز الثقيل ليش ماعنده

عاد انا كلمت الدكتور باسم شاكر بالتلفون وقلتله عن تجربتي قالي انا راح اغزج ماده تركيزها عالي وقلت خن استخير قبل وانزل موضوع اسال فيه عن الدكتور بس للاسف محد رد علي

حبيبتي الدكتور باسم ايده حيل خفيفه بالغز و لما اروحله ما يابلي طاري عن تفخ الخدود بهالماده

 

[مذهلة 78]

عاد مذهله انا الدكتور طارق طقني علي عظمه الخد الي قريبه من الاذن بالضبط وغزته تعور وركز حيل علي العظمه بس هم فش ما ادري شسالفه خدودنا مو راضيه تنتفخ :bbbiu: وتري هم الماده الي حطها لي ثقيله وتركيزها قوي

حبيبتي الظاهر الماده خفيفه وتركيزها مو عالي او انج تحتاجين اكثر عشان يبين

 

[مذهلة 78]

تكفين مذهله منو دكتورج عندي عرس اخوي بعد اسبوعين عفيه علميني عشان يمديني احجز عنده مستحيل احضر العرس بخدودي هذي الكل راح يقول مريضه انا حجزت عند دكتور باسم حق البلازما بعد اسبوع عشان يعطي ويهي شويه نظاره

الدكتور محمد معروف وكلمته وامس وقتله ابي اغز باقرب وقت لان عندي عرس السبت اللي اهو باجر ما رضى وقالي ماراح اغزج لان ويهج راح يورم ويتفخ واايد وراح يتم هالتتفخ اسبوع تقريبا فتعالي يوم الاثنين لان الاحد عندهم عطله

 

[مذهلة 78]

خوووش موضوع الله يعافيكم
انا سويت العملية21/9/2011 عندالدكتور الهيفي
وزني قبل العملية 92
وزني الحالي 70
ما نزلت واايد.. لاني ما اسوي رياضو و اكل حلو
انا ودي اوصل 63 و ان شاء الله يعيني لاني اعالج للحمل و انتو عارفين ابر و سوالف كلها تتفخ
انا الحمدللة شعري ما طاح بس بشرتي شاحبة ودي اطق فيلير بس خايفة اجازف
حدي خايفة من الترهل علشان جذي ما ودي اضعف وايد

الحمدلله على سلامتج ومبروك انضمامج لعالم الرشاقه وحبيبتي يمكن انتي طويله او عظمج عريض عشان جذي ما نزلتي واايد

وبالنسبه للفلر انا سويته وغزيت بوتكس والحمدلله اموري اوكي لا تحاتين ترى ما يخوف

 

[مذهلة 78]

السلام عليكم ورحمة الله وربركاته \​

انا مسويه العمليه من شهر تقريبا
ووزني 130 تقريبا حزتها نزلت 12 كيلو لين الحين , ​

ابي اسأل سؤال
غير الماي والعصير واللبن , والروب , شنو ممكن اكل
لان لين الحين مو قادره اكل شي مع ان المفروض ابدا اكل ولو بطاط مهروس ورز
لكني من بديت اجرب تكرمون ارجع الي اكله ولا احس اني مخنوقه ومو قادره اتنفس /:​

الحمدلله على سلامتج وحبيبتي انا كنت مثلج اول شهرين حتى الماي ما كنت اقدر اشربه اي شي يطب بحلجي ارجعه وكان كله معاي هبوط لاني ما اكل وعقب الشهرين بديت بالبطاط المشوي و سلطة ماكدونالدز بالتدريج وحتى لو ارجع ارد مره ثانيه آكل لين تعودت معدتي والحين الحمدلله قمت اكل كل شي

واذا ياتج الغصه وتحسين انج ما تقدرين تتنفسين امشي او اوقفي بعدها ب5 دقايق بتصير امورج اوكي