شهالمجلس تعبنا !!

[A9A9-Q8]

السلام عليكم ..

اكتب هالموضوع وانا بقمه الاحباط ..

من سالفه الداو كي
و التحويلات
و الايداعات !!
و الاستجوابات !!


-----------------------------------

الداو كانو يدرون عنها نواب الشعبي !
وهم طلبو الغاء العقد !

او يستجوبون رئيس الوزراء والغاها
والحين لازم ندفع 2 مليار !!


كان سعر سهم الشركه 6 دولار !
وكان رئيس الوزراء يبي يشتري 50% منها للكويت !

الحين تدرون جم سعر السهم ؟

36 دولار

شوفو الربح ؟

بسببه النواب هم خسرنا خوش صفقه


امس نقابة البترول مسوية ندوة ودعت عبيد الوسمي ونووب حدس ومسلم البراك لمناظرة ..


البراك اعتدر والغوها !!

والبراك يبرر انه بيطلع بقناة اليوم يتكلم ويشرح موقفه ؟

انزين ليش قناة اليوم مع الوشيحي رفيجه ؟ عشان الاسئله ويحبكونها صح ؟

ليش ماراح المناظرة !!!!!

الرجعان صارله سنين ماطلع وقبل استجواب الشمالي يبي يبرر عمره طلع بقناة اليوم

يبرر تجاوزاته ؟

----------------------------
التحويلات

الي قاعدين ننطر من شهر 2 نبي نشوف المستندات الي يتكلمون عنها
والدليل الي عندهم ويدينه
وماكو شي =)

محمكه الوزراء برأت ناصر المحمد ..

قبل يومين ديوان المحاسبة .. الي صج رقابة وشفافية ..
الي بيوم من الايام ادان ناصر المحمد و ادان ديوان ولي العهد

قال التحويلات مافيها شي =) وسليمه =)

الحين طلعتونا بالشوارع ؟
واخرتها ماكو شي ؟


--------------------------

الايداعات المليونيه ؟

كبت امي ؟
وغيره

لي الحين ماشفنا شي

اصلا لي الحين ماستدعو النواب السابقين الي يقولون ارصدتهم متضخمه ؟؟

ولا سوو اي شي ؟
جذبو الجذبه وصدقوها =)

وصدقناها


والمشكله يقولون لنا ارقام الحسابات =)

انزين وينهم ؟

---------------------

 

[تذكر خافقي رمحك]

هالنواب ماوراهم غير التشلخ والجمبزة
وماراح نفتك منهم ابببد لان الي مرشحينهم
الله عامي عيونهم مهما يسوون من بلاوي
هم بيصفقونلهم وينعجبون فيهم
وبيوصلونهم للمجلس الياي وباكتساااح

الله يعين بس هالمجلس صار نقمة مو نعمة
شوفي دول الخليج الثانية كل مالها وللاعلى
واهم لا مجلس ولا عمات عين واحنا بالنازل

 

[^LILY^]

^
^

حبيبتي بدون المجلس فلوووووس الشعب بتنلطششششششششش ومحد بيدري عنها

لذا المجلس نعمه , كفايه فيه لجان وجودها يكشف القبيضه وغيرهم

الله يعزج يا كويت باعيالج امثال مسلم البراك والسعدون وغيرهم الله يطول باعمرهم

 

[بايعتهاا]

حبيبتي لولا الله ثم هالمجلس جان ألحين ما تقدرين تكتبين هالموضوع ولا تقدرين تتحجين بالسياسه والحريه !

ومسلم البراك ضمير الأمه ياب أصوات تاريخيه ما يابها ولا نائب من يوم تأسس المجلس إلى يومنا هذا , احترمي هالأصوات ولا تغلطين على البراك
ولما طلع مع الوشيحي وضح كل شيء وبشفافية وبالمستنــــــــــــــدات والأدلـــــــــــه وأنصحج تجوفين الحلقه قبل لا تتحجين !!! آل حبكه آل خخخخخ

وسالفة الايداعات اهي السبب في ان المجلس انحل وكل العالم يتحجى عنها !!

منو قال ما استدعوا القبيضه ؟!! حبيبتي انتي ما تتابعين أخبار ! استدعوا القبيضه وحققوا معاهم وإلى الآن ما خلصت القضيه , نطري الأيام ياايه

وكل كلمه والثانيه قلتي البراك والبراك واااضح انج شخصانيه بهالموضوع وآنا أطالب بحذف هالموضوع لأنه طائفي

لو كتبت عن الجويهل أو النواب الشيعه جان الكل دخل وقال طائفيه وحذفوا الموضوع ! وألحين كاتبه عن ضمير الأمه وتحاولين تشككين في البراك !!

 

[بايعتهاا]

وإذا كان في أحد راح يخرب المجلس فهو

(السكير) اللي صوتوا له السكارى !!

وأتباع بشار الزرافه واللي فشلونا جدام العالم كله , واحد يوزع الدستور السوري بالمجلس والباجي يدافعون عن بشار بكل وقاحه هذيل وووين والاسلام وووين !!
حتى منظمات الحيوان تحجت عن الثورة السوريه والكفار والعالم كله إلا هذيل المجرمين جبح ويه

 

[brettey]

ولا عضو بالمجلس فيه خير كلهم ورى مصلحتهم وماخذين السالفه عداءات شخصيه وطقاق بالشعب

 

[Hi--class]

على قولت العضوه اللي فوقي كل واحد يمشي ورا مصلحته
كل واحد يتحجى بصوب بدون دليل و الامعات اللي مرشحينهم يرددون كلام نوابهم
اطلعوا وخربو وكسرو على حجة الاصلاح وحسسوني ان لما ينشال رئيس الوزراء بس خلااص كل مشاكل الكويت بتنحل
واحنا من سيئ لاسوء
والسبب الامعات اللي يصدقونهم بدون دليل ولا بطيخ

 

[فلنتينو]

افضل مجلس مر علئ دولة الكويت
والئ الامام وجزاهم الله خير نوابنا طبعا اقصد الاغلبيه في محاربة الفساد ومصلحة الكويت

 

[^LILY^]

في اسلوب ارق من امعات
ارتقي بردج اذا سمحتي

 

[✿¸3ώẪṧĤ»]

حبيبتي لولا الله ثم هالمجلس جان ألحين ما تقدرين تكتبين هالموضوع ولا تقدرين تتحجين بالسياسه والحريه !

ومسلم البراك ضمير الأمه ياب أصوات تاريخيه ما يابها ولا نائب من يوم تأسس المجلس إلى يومنا هذا , احترمي هالأصوات ولا تغلطين على البراك
ولما طلع مع الوشيحي وضح كل شيء وبشفافية وبالمستنــــــــــــــدات والأدلـــــــــــه وأنصحج تجوفين الحلقه قبل لا تتحجين !!! آل حبكه آل خخخخخ

وسالفة الايداعات اهي السبب في ان المجلس انحل وكل العالم يتحجى عنها !!

منو قال ما استدعوا القبيضه ؟!! حبيبتي انتي ما تتابعين أخبار ! استدعوا القبيضه وحققوا معاهم وإلى الآن ما خلصت القضيه , نطري الأيام ياايه

وكل كلمه والثانيه قلتي البراك والبراك واااضح انج شخصانيه بهالموضوع وآنا أطالب بحذف هالموضوع لأنه طائفي

لو كتبت عن الجويهل أو النواب الشيعه جان الكل دخل وقال طائفيه وحذفوا الموضوع ! وألحين كاتبه عن ضمير الأمه وتحاولين تشككين في البراك !!

وإذا كان في أحد راح يخرب المجلس فهو

(السكير) اللي صوتوا له السكارى !!

وأتباع بشار الزرافه واللي فشلونا جدام العالم كله , واحد يوزع الدستور السوري بالمجلس والباجي يدافعون عن بشار بكل وقاحه هذيل وووين والاسلام وووين !!
حتى منظمات الحيوان تحجت عن الثورة السوريه والكفار والعالم كله إلا هذيل المجرمين جبح ويه

:rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek::rerrerek:

م عندي تعليق كلآمهآ كفآآآ و وففآآ
​

 

[ولااء]

ماادري ليش مو قادرين تعترفون بفضل الله ثم فضل البراك وربعه بكشف الفساد ياقلبي انتو وين عايشه ماسمعتي ان القبيضه تم التحقيق معاهم ماشفتي جم واحد منهم ماله عين ينزل الانتخابات اللي فاتت بعدين ترى يشتغلون لكم ولعيالكم لو عليهم مو ناقصهم شي الحمدلله بس يبون يحللون معاش المجلس اللي ياخذونه واذا على قولتج يبون تكسب انتخابي اعتقد بوحمود جم صارله سنه بالمجلس والسعدون كذالك يعني معروفين بالسمعه الطيبه ومثل ماقالت الاخت يكفي ان مسلم البراك حصل على رقم يبعد كل الشبهات عنه

لاتقولين كل هذول امعاء ولا تقولين كل هذول ربعه وجماعته مااعتقد ان جماعته هالعدد

الظاهر عاجبكم الفلوس اللي بحساب القبيضه عاجبكم الفساد بالداخليه كل يوم والثاني مذبوح واحد ليومج هذا قضيه الميموني ماصار عليها شي وهذا وهي قضيه راي عام لين جلسه تاريخ امس 10 / 6 ماصار شي

تبون عيالكم ينذبحون ومااحد يحاكم القاتل تبون حلال عيالكم يضيع على ولد فلان وعلان

تبون عيالكم مايحصلون اي حق من حقوقهم قولو الحمدالله واتركو عنكم الكره يعني بصراحه اشوف السالفه صارت شخصانيه مو اكثر لهدرجه مسوين لكم عقده ترى الشخص الزين يفرض نفسه سواء مسلم البراك او السعدون او حسن جوهر

 

[عاشقة المايسترو]

عزيزتي المشكلة مو بوجود المجلس الديمقراطية جزء منها وجود هذا المجلس ..
وفي ناس حاربوا فـي السبعينات والثمانينات عشان يستمر هالمجلس لأن أداة للمراقبة والتشريع والمشاركة في صنع القرار ..
المشكلة في اختيارات الناس , الناس تركوا التيار الوطني اللي أصلاً أنجب لهم هالدستور والمجلس ولجأوا للمتأسلمين اللي طول عمرهـم يخدعون هالشعب والتقسيم صار طائفي بغيض ..

هذا حالنا وهذي اختياراتنا يا نرد حق عقلنا يا نتحمل اللي ايينا ..

 

[كشمش]

والله محد مساكين غيركم قاصين عليكم وكلهم مصالح شخصيه عيل الكويت متاخره من بد هالدول ليش علشان تحامولهم اشسوا حق الكويت اي ماشالله ايخافون علي افلوس الشعب لدرجه المشاريع فااااايضه بالكويت والناطحات والابراج والاماكن الترفيهيه لالا لايعطونا عين الدول الثانيه خاف صج اقول اللي يدافعون عن المجلس لاتصدقون اعماركم بس

 

[ReD&FoSHia]

هذا افضل مجلس مر عالكويت


بس اللي مخربه تدخل الناس بكل تصرف يسوونه

ليش التدقيق على البراك والاغلبية بسس انهم ماسسوو و ماعندهم شي ؟؟؟


مو كل كلام انردده صح
بس تخيرو بعد المواضيع اللي انواجه فيها

 

[طال السكوت]

اروووووووووووووووووووووووووووع مجلس علي الاطلاق

وعسى الله يطول باعمارهم ويخليهم للكويت

اهم شي ان ناصر المحمد طلع برئ ههههه لان اللجنة برأته

بالمناسبه حبوبه انتى منو مرشحه ؟؟

لا يكون الجويهل ولا الفضل :krkrkr:

 

[فطوم 84]

اللي تقول هالمجلس شنو انجز

ظاهر. تبون. القبيضه اشتقتوا. لهم.



يكفي البراك والاغلبيه واقفين ضد الفساد وقلبهم عالكويت. ووالله الي الان. نشوف انجازات لهم. وتصديهم للفساد ولجانهم. شغاله لصالح الشعب



بعض البنات مايعجبهم البراك ومحمد هايف والمطاوعه تدرون هالمجلس. في ناس تحاربه لانه كلهم ناس ملتزمين ويخافون الله


يبون المجلس كله من ربع السكير محمد جويهل والفضل اللي يبي الخمر. ينباع. بالبقالات. يبون الكويت سمردحه هني ملهي ليلي وهني مطربين ودق ورقص

هالمجلس اهو اللي يحارب الفساد ويحارب الرذيله.


خمة القبيضه اللي الحين اطفال المسلمين تذبح. يوقفون. خمه من الدايخين بالمجلس ويوقفون ويا بشار



وشرفا. المجلس يدفعون رواتبهم لاخوانا المظلومين بسوريا ووالله مواقفهم تشرف وهالمجلس افضل مجلس مر علي الكويت. بفضل الملتزمين فيه واللي يخافون الله



اما. بعض البنات يسالون. ليش الكويت ماتطورت. مثل الامارات وقطر

انا دايما اتابع. مقابلات مسلم البراك والله اهو بيقولكم اسامي القبيضه الاكبار. اللي مو مخلين الكويت تتطور وخير الكويت ببطونهم اهو دايما يقول اسامي ولايخاف. منهم وبمجلس اخر مره. فضحهم

البراك رجل بزمن قل فيه الرجال

البلا مو بالمجلس. البلا برووس الفساد الكبيره بهالديره

 

[فيروز خانوم]

مجلس الامه صار لوعه بس نجره ومهزله وقله ادب مافي حتى احترام بالمجلس