©«-.¸¸.-»© ¶ *رابطة المتكممات* ¶© «-.¸¸.-»© الجزء الرابع

[NawoLy]

بنات بس عندي سؤال انا حاليا بالاسبوع الثاني من السوائل يعني سوائل ثقيله

شنو تشربون باليوم ؟؟؟ انا احس ما اكل شي الدكتور قالي لازم ٥ -٧ وجبات باليوم ماني عارفه اقسمها!!!

مثال امس اكلت جيلي و عصير جوافه و روب وباجي اليوم كله ماااي واحس اني مغثوثه كل ما اقعد من النوم لايعه جبدي

لا ووزني وقف اللي مرت بهالحاله ياليت تفيدني :d

 

[^همآليل^]

ناوولي .. اسألي دكتورك اضمن واحسن .. عشان لايصير شي .تندمين عليه بعدين

انا رابع يوم من سويت العمليه .. أحس بألم ماني قادره امشي طبيعيه والا اقعد والا انام عدل
بنات كنتوا مثلي والا بس أنا ؟
متى ترد عافيتي ؟ متى صحصحتوا بنات !!

 

[قل علها خيرھ]

بنات تكفون ادعوا لي
باجر موعد عمليتي ( تكميم معدة )
حدي متوترة وخايفه ،
تكفون ادعوا لي ساعة استجابة ..

 

[^همآليل^]

الله يسهلهاااا عليك ..
الله يشرح صدرك وييسر أمرك

 

[HOT^CHOCOLAT]

الله يسهل عليكم يارب قل علها خيره الله يقومج بسلامه لاتحاتبن توكيد علي الله
نولي أنا لما اقوم جبدي لايعه عادي حبيبتي
كايده الحمدالله علي سلامتج والالم أنا تم معاي اكثر من اسبوع وحاله عن حاله تفرق وراح يروح يوم عن يوم لاتحاتين بس عليكم بالمشي بنات

 

[HOT^CHOCOLAT]

تمنيتك الله يتمم عليج يارب وعلينا

 

[donat]

ناوولي .. اسألي دكتورك اضمن واحسن .. عشان لايصير شي .تندمين عليه بعدين

انا رابع يوم من سويت العمليه .. أحس بألم ماني قادره امشي طبيعيه والا اقعد والا انام عدل
بنات كنتوا مثلي والا بس أنا ؟
متى ترد عافيتي ؟ متى صحصحتوا بنات !!

كلها يومين و تحسين نفسج احسن وايد

 

[NawoLy]

الله يسهل عليكم يارب قل علها خيره الله يقومج بسلامه لاتحاتبن توكيد علي الله
نولي أنا لما اقوم جبدي لايعه عادي حبيبتي
كايده الحمدالله علي سلامتج والالم أنا تم معاي اكثر من اسبوع وحاله عن حاله تفرق وراح يروح يوم عن يوم لاتحاتين بس عليكم بالمشي بنات

هووت انتي وقف وزنج ولا الحمدلله ينزل ؟؟

لاني توني بالاسبوع الثاني ووقف بس نزلت وايد باسبوعي الاول

 

[^همآليل^]

الله يسهل عليكم يارب قل علها خيره الله يقومج بسلامه لاتحاتبن توكيد علي الله
نولي أنا لما اقوم جبدي لايعه عادي حبيبتي
كايده الحمدالله علي سلامتج والالم أنا تم معاي اكثر من اسبوع وحاله عن حاله تفرق وراح يروح يوم عن يوم لاتحاتين بس عليكم بالمشي بنات

ان شآء الله .. الله يطمن قلبك
انا مدري شفيني هاليومين بس اوسوس

الله يقومنآ بالسلامه

 

[ام خدود ورديه]

السلام عليكم شلونكم بنات
اليوم صارلي 3 اشهر بالضبط من سويت العمليه ونازله بس 19 كيلو توقعت اكثر
يلا الحمدالله على كل حال

 

[غضى]

بنات شفتوا للي توفئ عقب العمليه امبيه هوووونت مابي اسويهاااا


فيصل الشطي عمره ٢٣ سواها عند دكتور خالد العنزي



الله يرحممممه

 

[Nofeya]

اكيد عند خالد العنزي لاني بسويهاعند الدكتور العبيد الحربي ؟؟ الله يرحمة يارب

 

[Nofeya]

جان زين احد يقولنه معلومات اكثر الله يخليكم لا تبخلون بالرد واااااايد خايفه

 

[غضى]

اي حبيبتي عند خالد العنزي بمستشغئ السيف

 

[سـما]

يا بنات تعوذوا من ابليس
هذا يومه الله يرحمه ويصبر قلب اهله

من انخلق ببطن امه وهو مكتوب له يموت بهالتاريخ
تعددت الاسباب والموت واحد
لو ما سوى العمليه لو كان بفراشه هذا يومه اللي كتبه له رب العالمين
الله يرحمه ويغفر له
اللهم امين


واذا تكررت حالات الوفيات عند كتور معين
معناته ان هالدكتور عنده اخطاء طبيه ويجب الابتعاد عنه
والدكتور خالد العنزي ان كان هو فعلا اللي مسوي له العمليه
فهذا الشي ما بنقص من جدارته كدكتور ممتاز
وهذي اول حاله اسمع عنها عنده



ولا يقارن بالدكتور الجار الله اللي اعرف شخصيا
وحده توفقت عنده بعد العمليه من التسريب
قحيح يومها بعد
لكن مثلها كثيرين تعرضوا للتسريب ومستشفيات الكويت تشهد
واللي يقهر انه مايتلاحقهم لما يتعرضون للتسريب
ومايعترف اصلا بانه تسريب !

وواحد بغى يموت وشالوا معدته بفرنسا

وغيرهم كثيرين
عساني ماكون ظالمته بس هذا اللي اعرفه
اللهم بلغت اللهم فاشهد

 

[قل علها خيرھ]

صباح الخير بنات انا سويت العملية امس
الحمدلله ، بس ذبحتني الغازات والترجيع

نصيحة بنات ،
تصدقوا واقروا الاذكار واستغفروا
عشان ربي يسرها ويسهلها عليكم

 

[SILVER ROSE]

يابنات منو ماكان الدكتور اللي مسويها عنده المرحوم
هذا يومه والله يرحمه ويشافي كل من يسويها ويرزقه الصحة والعافية

 

[SILVER ROSE]

يابنات انا رفضت اخد بروتين لان الكل مايمدح طعمه
شلون اعوضه بالاكل شنو الاشياء الغنية بالبروتين

 

[النظره الخجولة]

ابييييييييييييييييه من صجكم هالسالفه والا شنو
موعدي معاه قرب تكفون قولو الصج

 

[مسس غلوي]

الدكتور بتويتر كاتب ان السبب جلطه بالرئه ، الدكتور مو بيده هالشي ، الله يرحمه هذا يومه