آكتبيـلنا قصـة ولادتـج هني ~شـآركينا بتجربتـج ~لرفـع معنويـات الحامل ^_~

[~Rou7~]

بنان الي ماعندها قصة ترفع الموضوع ماعليكم امر لقيته بالصفحه الثانيه
وانا ان شاءالله راح ادش واكتب قصة ولادتي

 

[yoyo"s mam]

اب اب

 

[~Rou7~]

بنت الثانويه انتي نفسي والله ما اداني الفحص
ومو من النوع الي،يسكت ويصبر ويتحمل
كلهم يسمعون صراخي يمااااااااااا

 

[أم يزيد &سديم&]

هذه ولادة يامعودة كييييف تبين الجانب الإيجابي
وضحي كلامج ما فهمت عليج عدل

 

[~Rou7~]

perfume ان شاءالله دايم ولاداتج جذي سهله والفال لنا بساعتين

 

[تماديت بغلاه]

هاي بنات هههه ذكرتوني انا صارلي اسبوعين بالتاسع قلت اروح الصبح للعرف اضبط ملفي واكلم الدكتوره لاني وصلت المهم مافيني ولااااااا شي عادي ولا عوار ولا شي امشي واسولف مع زوجي واشرب حليب كامل الدسم ذبحني الحارج وانا اشربه رحت للدكتوره قالت بسوي فحص وشوفج بالسونار المهم شافتني وقالت الماي قليل وفيج طلوق والبيبي بالحوض وشافت الرحم ٦ سانتي مفتوح جان تقولي ماتحسين بشي ولا عوار انتي ولاده مستعجله وانا عيوني طاحت اقولها من صجج واضحك جان تقولي لحظه ويجيبولي كرسي يممممه شفت الكرسي اضحك تصفق واقول صارت صارت ما ابي انا ما فيني شي قالت ماتطلعين المهم حاولت فيني اهي وزوجي قلت شرط ما اقعد علي الكرسي امشي من الصدمه امشي سريع ومدري وين رايحه وخذتني الممرضه للغرفه الولاده وسالتني مدام كم مقاس تكلمون الشوز عبالي تضحك قلت ليش قلت ٣٩ وعطتني شوز جديد ودخلت للغرفه الساعه ١٠ ونص الصبح وحطولي حقنه ومغذي تبارك الرحمن كمامهم سحر عالم ثاني فجاه نمت ماوعيت الا الدكتوره تبط الماي ونمت وبعدها قالولي سوي بش ثلاث مرات وقولي دعاء لا سهل الا ماجعلته سهلا اقولها سويت بس وحده ونمت والسستر وانا نايمه تقولي والله اضبطج بالكمام وصج ماحسيت ولا شفت شي نمت قعدت قلت اووووف متي اولد خلصوني قالوا مدام خلاص بنوديج الغرفه انصدمت متي لا صج واضحكوابجي بجا مو طبيعي من الفرحه السهاله يارب لك الحمد ولدت ١٢ الظهر بسرعه بسرعه واحرك بطني اتاكد المستشفي العرف والدكتوره منتهي وربي كانها امي بكلامها وتدعيلي وكلامها مشالله عليها وانا حامل بالثامن بولد باذن الله عندها وجبت ولدي عمر ولله الحمد يارب يسهل علي وعليكم اللهم اني اسالك تياسير تعقبها التباشير رددوها بليز

 

[-تكفيني الذكرى-]

اب اب اب

 

[~Rou7~]

هذه ولادة يامعودة كييييف تبين الجانب الإيجابي

هذه ولادة يامعودة كييييف تبين الجانب الإيجابي
وضحي كلامج ما فهمت عليج عدل

يعني تورينهم وتفهمينهم ان تعب الولاده منسي
وهذا اكبر دليل قاعد نسولف ونضحك مافينا شي الي والده مره والي اثنين وثلاث
يعني لو ماننسى التعب مانحمل مره ثانيه
وبعدين البكريه دايم تخاف حيل تحس انها راح تموت بالولاده مو كلهم طبعا بس الناس مو واحد
ودايم من الخوف تتصعب الولاده والوحده بدال ماتقرا قرآن وتتوكل على الله تحاتي وتفكر

يعني الزبده قولي الصج بس لا تخوفينهم شوقيهم
يعمي مثلا قولي احساسج لما شفتي ضناج وشلتيه بعد تعب تسع شهور وان التعب كان يسوى
وان شاءالله كل ولاداتنا سهالات

 

[~Rou7~]

اب اب اب

مشكوووورة

 

[~Rou7~]

اب اب اب

 

[بنت الثانوية]

رؤى ما كتبتي قصة ولادتج

 

[بنت الثانوية]

Perfúme
تماديت بغلاه

مبروووووووك ما ياكم والحمدالله على سلامتكم ويتربون بعزكم ان شاء الله

 

[yoyo"s mam]

رفع رفع
ونبي قصه ولادتك رؤى
شجعينا

 

[بنت الثانوية]

رفع

 

[أبكاني ذنبي]

بجريه


متاابعه

 

[أسـيـل]

رفع لعيونكم والله يسهل على الجميع

 

[الوردة المكنونة]

انا ولدت ٣ مرات

المره الاولى

قلت حق ريلي ودني اتمشى شوي بالحديقه الجو حلو طلعنا انا معاه تمشينا بالحديقه اللي يم بيتنا تونا باول دوره حسيت اني دخت فجأه قعدت على الكرسي شوي ريحت بعدين ريلي قالي يالله نرد البيت شكلج تعبانه واول ما وصلت البيت حسيت اني بروح الحمام تكرمون ما مداني ادش الحمام الا غرقت ماي قلت معقوله سويتها بملابسي ههههههه طبعا هذا ماي البيبي نزل وطيران على المستشفى ويات معاي خالتي وريلي ودقيت على امي يات كنت خايفه لان اول بيبي طبعا بس فحصتني السستر قالت ولاده ودوني غرفتي وحطولي طلق صناعي واول ما بديت احس بعوار قالولي تبين كمام طبعا خالتي وامي حريم قبل كل شي لا يبون كل شي طبيعي وانا كنت متفقه مع ريلي على حركه اذا سويتها يطلع يكلم السستر توديني غرفة الولاده وتعطيني كمام ولا لو بتم على امي وخالتي بولد بالغرفه عندهم هههه دشيت غرفة الولاده وشميت الكمام ما حسيت باي عوار بس اسمع صوتي وانا اقرا قرآن ما حسيت الا الدكتوره تقولي بوش بوش مرتين ثالث الا البنوته يات وحطوها بويهي بعدها ما دريت بالدنيا قعدت لقيت نفسي بالغرفه وامي خالتي يمي قاعدين وكانت اسهل ولاده الحمدالله

 

[الوردة المكنونة]

ولادتي الثانيه يا طويلين العمر كنت انا وريلي قاعدين نتابع مباراة الكويت واوزباكستان

وكالعاده فجأه كلي ماي قلت حق ابو الشباب يالله ولاده قالي هذا وقته ما يقدر ينطر هالبيبي لين تخلص المباراة هههه
وهالمره رحت المستشفى من غير ما اخذ خالتي لان باول مره يننوني كل شي حريم قبل بعد وما دقيت على امي قلت لين افحص اول ما فحصت قالتلي ولاده ودخلتي على طول غرفة الولاده قلت حق ريلي كلم امي بشوفها قبل لا اولد طبعا السستر قالت لازم تروحين على طول ولاده مستعجله انا استغربت ما كان هذاك العوار دخلت الولاده قالت الضغط مرتفع شوي انتي خايفه قلتلها لا عادي حطيت الكمام ومل حسيت بالدنيا بس فجأه حسيت ان روحي تنسحب قمت من مكاني صرخة وحطيت ايديني على بطني وسمعت الدكتوره تقولهم مسكوا ايديها وبعدها ما حسيت بشي قعدت على صوت امي وهي تصارخ بنتي دشت الولاده من امس والحين الساعه ١٢ الظهر وما طلعت وسمعت الدكتور يقولها لا تخافي ما فيها شي الحين اطلعها الغرفه روحي وتلحقج تحركت ولا الاجهزه طوط طوط بعدها يات الدكتوره وقالتلي المشكله ارتفع ضغطي وااايد بالولاده واثر على قلبي وصار احتباس بالمشيمه وقعدت ٣ ايام مركبيلي جهاز القلب وبعدها كل شي صار تمام والحمدالله مع انها كانت ولاده متعسره الا اني بس طلعت من غرفة الولاده نسيت كل شي *

 

[الوردة المكنونة]

الولاده الثالثه

اهني صار معاي شد بالشهر الثامن وما اقدر امشي قعدت تقريبا ٣ اسابيع ما امشي واول ما مشيت رحت الدكتوره قالتلي انتي لازم تبدين تمشين لانج باخر الثامن عشان تتسهل ولادتج ويومها كان عيد ميلاد بنتي قالي ريلي خلنا نوديها نعشيها برا وبنفس المطعم يسون لها كيكيه ويغنون لها وسوينا لها في بيتزا المثني انا وريلي وبناتي ومرينا محل العاب شرينا لها لعبه وطلعنا واحنا بالطريج حسيت بتعب شوي بس ما حطيت في بالي ولاده لاني باخر الثامن وصلت البيت على الساعه ١٢ العوار زاد قلت حق ريلي شكلي بولد قالي اكيد اقعد يمج ولا اروح الشيشه واود قلتله تدري روح واذا في شي ضروري اكلمك
دشيت الحمام تسبحت وعلى الساعه ٢ العوار زاد طبعا ريلي قلبه ما عطاه يقعد بالشيشه رد البيت بسرعه الساعه ٢ رحت المستشفى طبعا هالمره غيرت المستشفى قلت اروح دار الشفا من كثر ما يمدحون كمامهم قلت اجرب دشيت الطوارئ من اولها مافي دكتوره طوارئ بس دكتور ورفضت ان دكتور يفحصني ريلي قالهم كلمو دكتورتها واذا مهي يايه نروح مستشفى ثاني قعدت شوي ويات دكتوره مادري من وين وافحصتني قالت ولاده ودشيت غرفة الولاده طبعا تغيرت علي سستر قاعده على المكتب وتسجل ملاحظتها على البورد وعطتني الكمام ومادرت عني عكس مستشفى الراشد السستر ماسكه ايدي وتهديني
المهم الكمام كان وايد خفيف حسيت بكل شي صوت السسترات وازعاج والحركه اللي بالغرفه ولويه وحسيت ان الوقت وايد طويل ودشت الدكتوره ساعة الولاده يالله بوش بوش قولي يالله قولي يالله والحمدالله يات البنوته الثالثه ويابتها السستر حطتها بويهي عشان اشوفها وتكرمون بالت بويهي ههههه مادري ليش حاشها هوا الظاهر استبردت وبس طلعت من الولاده نسيت كل شي وحاليا حامل بالتاسع وناويه هالمره اولد بالسلام لان دار الشفا ماعجبتني بالمره شكلي بجرب كل المستشفيات الخاصه هههه

يالله نطروني بولادتي الرابعه والاخيره ان شاء الله يكون ختامها مسك مثل ما يقولون *

 

[~Rou7~]

صباح الخير
شلونكم
بنات مادري تقصدني رؤى يعني آنا
روح قصدكم ،،،،،
انا ان شاءالله بإذن الله راح احط قصة ولادتي بولدي ،،،،وعد

الوردة المكنونة مبروك ماجاج الله يصلحهم ان شاءالله ويخليهم لج ويرزقج بالولد الصالح ان شاءالله
بس اذا مافي ازعاج ليش هذي راح تكون آخر ولادة لج الله يسهل عليج ان شاءالله