رابطة ما بعد التكميم ونزول الوزن

[دلال العبدالله]

هاي بنات شلونكم شخباركم


الله يعطيكم العافيه الموضوع وايد حلو :eh_s(17):

ابي اخذ رايكم بشي انا وزني 85 وطولي 163 وبسوي عملية تكميم ومع العلم من قبل سنتين كنت مسويه شد حق بطني و سويت سليكون حق صدري والحمدالله تماام بس المشكله انه قاعده امتن باماكن ثانيه يعني ماكان عندي زوايد صار عندي وفخوذي اكبرو .... انا خايفه من الترهل و خايفه يخترب صدري

اتمني تفيدوني ... وشكرا

 

[el.naz]

قووووه يالرشيقات
انا سويت العملية بتاريخ 6/2
وشعري خلص اهم مشكله عندي ياها الشعر والاظافر
والدكتور كتبلي على فيتامينات بس مو قاعده اخذهم بنتظام
كتبلي حبوب اسمهم ((برايورين)) احس مفعولهم حيييييييييييل بطيئ
بليز الي تعرف حبوب احسن منهم تقولي والاهم انهم مايفتحون الشهيه

شلووونج مذهله
انتي مدحتي البلازما حق الشعر شلون مفعولهم وجم ابره بالاسبوع؟
اهو يوقف التساقط و ينبت الشعر؟
وشكرا لوووول لجيتكم بالاسئله ;p

 

[مذهلة 78]

هاي بنات شلونكم شخباركم


الله يعطيكم العافيه الموضوع وايد حلو :eh_s(17):

ابي اخذ رايكم بشي انا وزني 85 وطولي 163 وبسوي عملية تكميم ومع العلم من قبل سنتين كنت مسويه شد حق بطني و سويت سليكون حق صدري والحمدالله تماام بس المشكله انه قاعده امتن باماكن ثانيه يعني ماكان عندي زوايد صار عندي وفخوذي اكبرو .... انا خايفه من الترهل و خايفه يخترب صدري

اتمني تفيدوني ... وشكرا

والله حبيبتي انا كنت شاده بطني ب2007 والعام سويت تكميم
ونزلت 45 كيلوا تقريبا والحمدلله بطني ما صار في اي ترهل

جنه توني شاده فلا تحاتين اذا شغل دكتورج مال الشد اوكي ببين عقب ما تنزلين والصدر راح يصغر بس ما اقدر افيدج لاني ما سويت صدري واذا خايفه من الترهل عليج بالنادي والرياضه عقب العمليه

 

[مذهلة 78]

قووووه يالرشيقات
انا سويت العملية بتاريخ 6/2
وشعري خلص اهم مشكله عندي ياها الشعر والاظافر
والدكتور كتبلي على فيتامينات بس مو قاعده اخذهم بنتظام
كتبلي حبوب اسمهم ((برايورين)) احس مفعولهم حيييييييييييل بطيئ
بليز الي تعرف حبوب احسن منهم تقولي والاهم انهم مايفتحون الشهيه

شلووونج مذهله
انتي مدحتي البلازما حق الشعر شلون مفعولهم وجم ابره بالاسبوع؟
اهو يوقف التساقط و ينبت الشعر؟
وشكرا لوووول لجيتكم بالاسئله ;p

حبيبتي ابر لبلازما مو ابر اسبوعيه ابره سنويه تاخذينها بالسنه على حسب احتياجج لها انا الدكتور قالي احتاج ابرتين

خذيت وحده والثانيه ناويه آخذها بس ناطره اليهال يخلصون امتحانات

 

[بس بس بس]

السلام دونت شخبارج طمنينا عليج شلونج وشلون صحتج وشلون العمليه وياج انشأالله سهله
ياليت تردين واطمنينا

 

[شهد-الكويت]

قوه بنات اشلووووووووونكم ولهت عليكم كلكم فردا فردااا دار دار زنقه زنقه ههههههههههههههههههههههه ياكرهي اذا نكت
بس مو مني بنااات لا تشوفون بشرررررررررتي واااي منقهره حدي تغيرت حييييييييييييل قبت كلها حبووووب تخيلو حتي بخشمي وبحواجبي حبوووب بشرتي تخرع قبل مو جذي ما ادري من شنو رحت لدكتوره عطتني حبووب اكلهم وعطتني كريم والكريم يقشر البشره وبنات انا اداوم وما اقدر اتمكيج كلش وبشرتي بدون كريم وااااي ضيم تخرع من الحبووب ما اقدر اوصف لكم شسوي بنااات نصحووني بليز اريييييييييييد حالاااااا صج نقعت مره وامش بقطن وهم ارش ماي ورد ماكو فايده بنات بس بشرتي احس جنه فيها فلفل لما احط كريم هذا تقشرت بس ماعطتني كريم مرطب احس بشرتي مشدوده احط كريم مرطب وله لاااااااا عشان مقشره اخاف ارطبها زيد لحبووب قولولي شسوووووووووي الله يوفقكم

الحمد لله علي سلامة البنات الي توهم مسوين تكميم وانشاء الله فالكم الرشاقه

 

[مذهلة 78]

شهوده وربي عسل وانتي تنكتين

حبيبتي المفروض بالتقشير ما اطلعين من البيت ولازم تعطيج مرطب وحمايه لان ان طلعتي بالحر وقت التقشير ويهج ببقع شلون ما قالتلج الدكتوره هالكلام !!!!

وشلون ما عطتج مرطب وحمايه !!!!!

وبالنسبه لماي الورد ترى يزيد الحبوب والمره تنشف البشره !!! شهووووده انتي قاعده تلعبين صح !!! حبيبتي غيري هالدكتوره في مليون دكتور جلديه

 

[شهد-الكويت]

عطتني حمايه انا قلت لها بعدبس ماعطتني مرطب انزين اشرايج بغاده غديري رشحيلي دكتور شاطر

 

[مذهلة 78]

اول مره اسمع عنها صراحه شهوده عندج الدكتور مشعل الغريب ممتاز بمستشفى السلام وتروحين بدون موعد تقعدين وتحجزين رقم نفس المستوصف

 

[مذهلة 78]

واهم شي شهوده ويهج ما تحوشه حراره وشمس والهواء العليل مالنا

 

[شهد-الكويت]

والله بروح له اجربه انا دوام شسوي مذهله بس احط حمايه واروح ويهي كله متقشر ولحبوب حمر بشرتي تخرع اقولج

 

[اوووفه]

مرحبا بنات اشلونكم شخباركم
ادري من زمان عنكم واكثركم نساني بس انشغلت مع الامتحانات وحوسه عيالي الله يعين

المهم بقولكم اخر التطورات سجلت بناي وراح اباشر اول مايخلصون عيالي امتحانات


والسالفه الثانيه الي بقولها لكم تضحك شويه ومسخره وهي قصه خدودي الي مو راضيه تنتفخ
اول مره رحت لبنان وسويت بوتكس لتجاعيد وفلر بسيط لخطوط الضحك الي حوالين الفم
وبعدها بشهرين غزيت خدودي عند طارق بالعرف الله وكيلج اسبوع تخربط وجهي وعقب رد الوضع مثل ماكان ماجني تفخت كلش
وعقبها بشهر رديت حقه وقلتله ان فشت خدودي قالي بحقنج بماده اثقل واقوي وغزني اسبوع وجهي روعه عقب ماخلص الاسبوع فش ماجنه سويت شي
لدرجه لاعت جبدي من التجميل كله شكله ماينفعلي التفخ

 

[شهد-الكويت]

صباح الخير اشلونكم بنات شخباركم

مذهله يا قلبي رحت حق دكتوره روسيه مدحتها لي رفيجتي وعطتني كريمات ومرطب وحمايه وبداوم عليهم وبشووف ومراجعتي بعد اسبوعين

اووووفه اهليييييييين بخير يا قلبي الله يوفقهم يارب زين سويتي اشتركتي بنادي اي نادي عاد وجم صار لج من سويتي العمليه

اووفه في ناسسسسسس يمشي معاهم تفخ ما يفش وفي جسم بسرعه يفش انتي من نوع الي جسمج بسرعه تمتصه الماده وانا لو منج ما اسوي خلاااص اخاااف جربي خلطات عسل شي جذي احسن لج وله اقولج جربي حبووب تفخ الويه من صيدليه ولا تغزين ابر مره ثانيه لان ما ينفع لج وموفقه ياقلبي

 

[donat]

السلام دونت شخبارج طمنينا عليج شلونج وشلون صحتج وشلون العمليه وياج انشأالله سهله
ياليت تردين واطمنينا

الحمدالله سويت العملية وكل شي اوكي اول يومين عوار بس بالمسكنات كل شي يهون
الحمدالله ان للحين ماصار معاي لوعه و ترجيع مستمرة على الماي و العصير بس للحين ماجربت البروتين خايفة اجربه لان الاغلبية يقولون ما يتقبلونه و يرجعون :eh_s(16):

 

[اوووفه]

هلا شهد اشلونج شخبارج
انا الله يسلمج اشتركت بفلكس بس للحين ما داومت انطر يخلصون امتحانات علي الاربعاء اداوم ان شاءالله

شهد شسوي يختج وجهي من الضعف يخرع لازم اتفخ حييل ضعيف كل من شافني قالي عجوز تخيلي هالكلمه تنقالج باليوم عشر مرات شيصير فيج

وعلي ايدج اذا تعرفين وحده عندها عسل ومجرب عطيني اسمها لان شكثر جربوا يقولون خرطي وهم حبوب الكولاجين ماكو مفعول

انا الحين صارلي سنه من سويتها عند الدكتور خالد العنزي

 

[اوووفه]

دونات حمدالله علي السلامه وتصبري كلها اسبوعين ويقدي شرج ان شاءالله

 

[SILVER ROSE]

شلونكم بنات انا اشتركت بالاكوا كلاسس وان شاء الله يبين معاي نتايجة
وايد خايفة من الترهل الاسبوع الياي يصير لي شهرين
وان شاء الله اكون نازلة
تابعوا اخر نتايجي بموضوعي عن التكميم

 

[SILVER ROSE]

بنات في اعلان قريته عن الدكتورة منال شتا
عن منع الترهل بعد العمليات بدون تدخل جراحي
منو يعرف شلون طريقتها وشنو جهازها ليزر والا شنو؟
ومنو مجرب الدكتورة؟

 

[شموخ احساسي]

السلام عليكم بنات انا سويت العمليه ولله الحمد بتاريخ 2\6 وعدت على خير على ايد المبدع الدكتور عماد الأبراهيم جد بنات اسلوب وتعامل راقي نزلت للحين ماشاء الله 3 كيلوات بس جد بنات نهائيا ما اشرب ولا اكل شي ودوم احس بدوخة


بس عندي سؤال بالنسبة لغرز العمليه يشيلهم الدكتور ولا شنو بالضبط بليز إلي تعرف تفيدني لان حدي احاتي هالشغلة

 

[donat]

السلام عليكم بنات انا سويت العمليه ولله الحمد بتاريخ 2\6 وعدت على خير على ايد المبدع الدكتور عماد الأبراهيم جد بنات اسلوب وتعامل راقي نزلت للحين ماشاء الله 3 كيلوات بس جد بنات نهائيا ما اشرب ولا اكل شي ودوم احس بدوخة


بس عندي سؤال بالنسبة لغرز العمليه يشيلهم الدكتور ولا شنو بالضبط بليز إلي تعرف تفيدني لان حدي احاتي هالشغلة

الحمدالله على السلامة
انا بعد عمليتي كانت 2/6 بس ليش ما تشربين شي؟ لازم سوائل شفافة ماي عصير جلي دايت كير انا دكتوري قال لي شربي نص كوب حليب خالي الدسم مع البروتين و الحمدالله ماشي الحال

الغرز انا سالتهم بالمستوصف لما رحت حق الغيار على الجروح قالت لي السستر لا الخيوط تذوب بروحها ما تنشال