حبايب قلبي الجهراويات الاصيلات ممكن مساعده ابي وين خان الخليلي بالجهراء يمدحون عطار حواليه
بس ما ادل شي هناك ابي المساعده ولكم الاجر انا رايحه الجهرا كم مره
بس والله اضيع والي يوديني يتوهق يبي العناوين هههههه اتمنى تساعدوني واكون شاكره لكم (ادري طولتها )
لا طولتيها ولا شيئ حبيبتي
انتي تمونين احنا نساعد بعضنا لبعض
اي احد يوديج الجهراء قوليله مجمع خان الخليلي يمه بالضبط مجمع المحاميد وحلاق سمبا بس يفصل بينهم شارع
ووراه بالضبط سوق الجميع ويمه من الجهه الثانيه مجمع اللولوه فيه سوق قصر الامارات ( مو الشاهبندر الامارات لا
تخربطين ) وبنفس شارع اوتاد خليه على يسارج لين يجيج المجمع عاليسار
العطار اسمه ابو صقر على الشارع يمه صيدليه مو داخل المجمع وامين وشغله نظيف
تصدقين مره بغيت اشتري منه عنزروت وكان عنده وما رضى يبيعلي يقول قديم ومو حيل نظيف جزاه خير
توصلين بالسلامه
