ليمتى سرير النفاس ؟؟؟

[! بــدويه وآآيــد !]

،


احنا عندنا لازم لازم الوحده يزورونها وهي على سريرها ومو شرط تنسدح تقعد عالسرير
وعيب الوحده وهي والد توقف تسلم لازم تكون قاعده
امبيه حسيت عاداتنا غير عن الناس ههههههههههههههه

 

[جـــواهر]

سوسن حبيبتي عشان جذي اقترحت ان السرير يكون بمكان وغرفة الاستقبال بمكان
لان لاصار في ناس مثل حمولتج ماتستحي*
ولاتحسب للنفاس حساب ع الاقل تهدينهم وتروحين لسريرج ترتاحين بس انتي شتسوين*
المشكله انج نفاس عند حمولتج دام انهم موحاسبين لراحتج انا اقول نامي قدامهن وخل يولون ولا صج عندج غرفتج النوم قولي*
ياجماعه اعذروني انا تعبانه وماانام وبنام داخل*


عالمي المجنون*
الله يعينج انا كنت مثلج كنت اتعب مع حمولتي*
بس لمن ماتحمل اخليهم امي عندهم وادخل الغرفه اتسطح ع سريري وارتاح*
بس للامانه ماكانو مزعجين حيل زيارتهم خفيفه بس انا جذي مع كل اللي يزوروني*


بدويه وايد*
ع فكره هالعاده اندثرت واتوقع انج رشيديه مثلي هالشي انتهي من عندنا وصار عيب النفاس ماتقوم للزوار خاصتن للحريم الكبار*
وترا في ناس للحين بهالطبع تدرين مره انا وخالتي زرنا وحده متعوره ركزي متعوره يعني مسقطه*
ومنسدحه ع دوشق وصغيره البنت تخيلي شكل خالتي شلون دنقت عليها والله عيب*
قهرتني بغيت اصكها بالمطاره اللي يمها*
حتى مارفعت نفسها شوي للمره الكبيره*



ويسلمووو ع مروركم كلكم ونقاشكم الحلو*
هي بالنهايه عادات وتقاليد*
بس احنا بيدنا نغير للاحسن

 

[ام فواازي]

جواهر غلط الوحده تكون منسدحه عالفراش والناس يدنقون عليها مو حلوه
تكون قاعده بس ماده رجولها ومريحه ظهرها عالمخاد واللي يجي يسلم عليها و هي قاعده خو مو حلوه منسدحه
لكن بنظري الوالده لازم لها سرير بعدين مو اسبوع وتطيب الخياط بروحه يبيله اقل شي 10 ايام عشان يطيب
مادري كل شخص وجهة نظره
انا احط سريرين واحد بصالة التلفزيون الداخليه واحد بصالة الاستقبال

 

[متوترة]

حنا لازم سرير بغرفه النفاس ..
عشان ترتاح الولاده مثل سكرات الموت .
والطلق يساوي كسر 50 عظم ...
وخروج راس الطفل اقرب ماتكون لنزعه الروح كل هالاشياء متوقعه بتروح باسبوع
مستحيل يبي لنا عشرين يوم ..

<معيشينها رعب .
وابره الظهر بمنطقتي مافيه عسى الله يعين مافي الا بمستشفى ويعتبر مجزره
عسى الله يعين ويصبرنا يارب ..

اجلس على السرير ولاجوني وقفت لهم وجلست ع طول واذا تعبت شوي انسدح
وكان الله بعون الجميع

 

[سارة ة]

كلام انسام الكويت عدل
اتعب نفسي وظهري وحالتي حاله عشان الحريم!

 

[@سيدة نفسي@]

انا من صرت أقعد ببيتي صار نظامي نفسج ياجوجو

أصلا الشقة كلها صالة وغرفتين أحط سرير بكل غرفة

وين يقعد أبونا بالله؟؟! لووووووول

وصج زواري مايزوروني الا عقب اسبوعين

وام العيال مستحيييييل تظل منسدحة عالسرير

اسبوعين يااااطيبها لا ريحت اسبوع

الله المستعان بس

 

[مشتطـه]

مادري ليلحين ماصارت عندنا


اصلا اول 12 يوم عذاب الخياط


واساسا الناس تطورت وقامت حتى بالبيت تحدد جم يوم للناس
مو كل يوم مدرعمين الناس

 

[عازفه القلوب]

ماشاء الله عليكم ياكويتيات تكلفون على نفسكم حييييييل حلات الشي بالبساطه مفرش حلو ومرتب مع سرير البيبي واغراض الضيافه بس

 

[! بــدويه وآآيــد !]

،


جوجو اي رشيديه بس هالطبع للحين عندنا
ماعندنا احد يسوي استقبال
ولاعندنا احد يحدد يوم للزياره
والصاله تصير مهجوره الناس يتجمعون بغرفة النفاس
والنفاس لازم عالسرير ماتقعد تخرب وتتعب ويخرب خياطها
ماتطورنا للحين:/
وللحين نظامنا العجايز لازم يفزعون ويجون يرقون النفاس كل يوم على وحده لاترتاح لا صبح ولا عصر ولاليل
وعيب عندنا الوحده تحدد ايام للزياره هذي طارده خلق الله وماتستحي و..و..و.. :/

ان شالله نتطور قريب يارب

 

[*kim*]

بس للامانه ماكانو مزعجين حيل زيارتهم خفيفه بس انا جذي مع كل اللي يزوروني*.

كل اللي يزورج تقعدين معاهم شوي وتروحين تخلينهم حتى لو كانو مو مزعجين !!!!!!!!!!!!!!!!!!!!!!!!

 

[:نسوني غلاه:]

اخيتي جواهرعجبني موضوعج وانا معاج ميه بالميه

 

[a7la _limOoO]

نا سجلت بالمنتدى عشان بس اعلق على الموضوع لان انا تعذبت وااايد بنفاسي

تعذبت من خياطي شفت المووت منه كان ملتهب علي وانا جروحي التئامها بطئئئ تخيلي ضليت 50 يوم من ولادتي يالله التأم الخياط

كنت اذا مافي احد كنت انسدح على بطني واذا جا احد اقلب نفسي على طول واضل جالسة وانا بموووت بس عشان استقبل الناس

فالي بقوله ان مو كل وحدة ماشاء الله عليها صحتها ترجع على طول من بعد ولادتها او اجهاضها تفتكر كل العالم مثلها

يعني الوحدة لو سمح الله ماتت وهي تولد تعبر شهيييييدة يعني محد يعرف مقدار الألم والعذاب اللي تمر فيه خاصة اللي ماتاخد لا كمام والا برة ماتعرف معنى العذاب الا هي

واتمنى محد يزعل من كلامي

 

[بحور العنا]

يعطيك العافيه حبوبه
والله يكتب اللي فيه خير للجميع

 

[جـــواهر]

نا سجلت بالمنتدى عشان بس اعلق على الموضوع لان انا تعذبت وااايد بنفاسي

تعذبت من خياطي شفت المووت منه كان ملتهب علي وانا جروحي التئامها بطئئئ تخيلي ضليت 50 يوم من ولادتي يالله التأم الخياط

كنت اذا مافي احد كنت انسدح على بطني واذا جا احد اقلب نفسي على طول واضل جالسة وانا بموووت بس عشان استقبل الناس

فالي بقوله ان مو كل وحدة ماشاء الله عليها صحتها ترجع على طول من بعد ولادتها او اجهاضها تفتكر كل العالم مثلها

يعني الوحدة لو سمح الله ماتت وهي تولد تعبر شهيييييدة يعني محد يعرف مقدار الألم والعذاب اللي تمر فيه خاصة اللي ماتاخد لا كمام والا برة ماتعرف معنى العذاب الا هي

واتمنى محد يزعل من كلامي

هذي الساعه المباركه اللي سجلتي فيها بالمنتدي حياج الله حبيبتي تفيدين وتستفيدين*

صاجه كلامج صح والله يعينج انا كنت مثلج بنفاسي الاول*بس انا اقترح هالشي للي متوهقه
بالكفر يعني اذا هي قادرة تستغني عن السرير راح تشوف انه ماله لزمه

 

[جـــواهر]

بس للامانه ماكانو مزعجين حيل زيارتهم خفيفه بس انا جذي مع كل اللي يزوروني*.

كل اللي يزورج تقعدين معاهم شوي وتروحين تخلينهم حتى لو كانو مو مزعجين !!!!!!!!!!!!!!!!!!!!!!!!

اانا ماعندي الا اخت وحده واختي متزوجه وعندها عيال وفبيتها وامي مره كبيره مافيها حيل
اذا جونا زوار انا وامي نستقبلهم وامي ركبها تعورها ومافيها حيل
واختي ماتقدر تجينا الا بالعطله بحكم مدارس عيالها واحتا مااعندنا تحديد ايام استقبال ع قولة
بدويه عيب هالشي عندنا اللي بيجي حياه الله فتخيلي الموقف انا اللي ابدل البيبي واحطه عندي
وانا اللي اقوم فيه وانا اللي اسهر معاه لاجوني زوار ماقعد طول الوقت عندهم خصوصا لاكانو مطولين
وهم حشا مو مزعجين لكن اضطر اخليهم ارتاح شوي انسدح ع سريري وابدل للبيبي واعطيه رضعته
<< قالت قصة حياتها

 

[حكآية قلب]

انا اول 15 يووووم ماااراااح اططلع حتي لو يجيني احد


الاستقبال بصالات تحت امي تستقبلهم

اماا اني انزل مستحيل


خواتي و خالاتي و عماتي مااعندنا رسميات يجون لغرفتي عادي


بس الملاقيف اللي يجون اول اسبوع

كيفهم ماراح انزل لهم كلش



ووووو من اول الايام بدز مسجات استقبال بحطه يومين


و بالهليومين يجون و حياهم الله


غيرررره ماراح انزل

و اللي مايبي كيفه مو شي ضروري 


وحدددددة برتااااااح وادور الراحه



شريت لي كفر ب100 دينار


و ان شالله عشان استفيد منه بعد طلوعتي

لغرفتي


امااا البهرجه الزايدة


هذول كيفهم


بس والله والله والله

ياويلهم من الاسراف

صار شي خيال


اي مقتدرة بس همن شوي شوي

مووو معقوله


ولادة 4 مرررة مسويه نفسها عرووووس


ترا عيب والله 


اول بيبي ماااعليه نقدر الفرحة


اماااا جايبه كوكش بيبيبات و الحاله حاله !


شكووو





و ترا والله الاغلب


محار حريم و كل وحدة عشان ماتطلع اكشخ مني

و عشان فلانه و علانه لما تجي تشوفني كشخه



الله يعينكم ياحريم 



انا مااااحب الرسممميات ابد


اللي بكشخ فيه لزووووجي

يوم طلوعتي بس

غيرررره ماراح اقط عليه

 

[فرحتي2.2]

واااي انا عندي لازم سرير لان ماشاءالله زوارنا كثيييير وحياتج من اول يوم لي اخر يوم زوار وساعات الصبح بعد


فلازم سرير

مع ان السرير حاليا صار موضه قديمه وماكو احد يحط السرير تقريبا 90٪ من اهلنا ماكو سرير بس وضع اهلي لازم سرير لان بيتنا بيصير فندق ههههههههه

 

[جـــواهر]

حكاية قلب

انا اللي يعز علي واللي امون عليهم يدخلون داخل بالدار
مايقعًدون بغرفة الاستقبال
بس انتي لازم تنزلين للناس ع الاقل لو شويه هن جايين عشانج
يتحمًدون لج بالسلامه
وصاجه كلامج الحين الاستقبالات كلها ماحر حريم

 

[جـــواهر]

واااي انا عندي لازم سرير لان ماشاءالله زوارنا كثيييير وحياتج من اول يوم لي اخر يوم زوار وساعات الصبح بعد


فلازم سرير

مع ان السرير حاليا صار موضه قديمه وماكو احد يحط السرير تقريبا 90٪ من اهلنا ماكو سرير بس وضع اهلي لازم سرير لان بيتنا بيصير فندق ههههههههه

عليج نور هذا اللي كنت بوصله السرير صار موضع قديمه
والله اني استانس ع الزوار صح اني اتعب واميمتي بعد قلبي تتعب
بس تعرفين النفاس تجيها ضيقه وتستانس ع اللي يلفي عليها
واستانس اكثر باللي تدخل علي وبيدها حسو ولا مفروكه ولا قبوط
بدال الحلويات والخرابيط

 

[سحايب برنس]

سرير النفاس مو مسالة موضه قديمه او جديده للأسف انتوا يالبنات مادري شلون تفكيركم يعني وحده عظامها مفككه من الولاده ومخيطه وعظامها طري وغض تبينها تبوبز ع الكنب وتقعد ربع ساعه هذا اذا كانوا ضيوفها خفاف بصراحه لاتعليق بعضكم مجبور انه ماينسدح اوع الاقل يريح ع السرير لظروف خاصه فتقعد ادور أعذار وتبي تلزم الناس معاه وتخليهم غلطانين لازم السرير موجود ١٥ او ٢٠ يوم بعدها عاد عادي الوضع بإذن الله يكون تمام بس همن عيب يجونج ضيوف وانتي منسدحه يسلمون عليج يجندسون السرير اذا تعبتي تمددي عليه ماعليج ملام واللي جايج بيعذرج لانه عارف انج مضطره *