ساعدوني بنات متوهقه الي عندها خبره بالحجوزات مكاتب السفريات

[ALTaf.m]

السلام عليكم


بنات الي عندها خبره بليز تساعدني انا متوهقه ومتضاايقه

حجزت للندن تاريخ 31 8 وانا عبالي العيد تاريخ 29 8 طلع العيد 19 8

حجزت عن طريق مكتب سفريات التذاكر والفندق ودفعتلهم الفلوس كلها

دقيت عليهم عشان اغير التاريخ قالولي صعبه حيل
بنات صج صعبه ؟؟ وشورو علي شسوي ؟؟ انا ماقدر اسافر بعد العيد لظروف معينه وماكنت ادري ان التاريخ غلط
الله يجزاكم خير ساعدوني مابي الفلوس تروح علي انا بس ابي اغير التاريخ :'(

 

[Dar-zina]

اب اب اب

 

[ALTaf.m]

وللعلم طيارتي البريطانيه والفندق كمبرلاند

في احد يعرف سياستهم في تغيير التواريخ ؟؟ وصج ان مايصير اغير ؟؟؟؟؟ بليز ساعدووني :'(

 

[دلع86]

من خبرتي اقولج
في تذاكر يكون عليها عروض هالتذاكر ما تقدرين تغيرين فيها لا بالروحه ولا بالرده يعني ياتروحين فيها ولا تروح عليج
وفي تذاكر يكون سعرها عادي ما عليها عرض ولا خصم تقدرين تغيرين فيها وتدفعين مبلغ بسيط
والفنادق نفس ألطريقه أنا لمن أحجز عن طريق موقع booking في غرف تتكنسل ويردونلج فلوسج وسعرها أغلى بشوي من الغرف الى ماتقدرين ترجعين فلوسج لمن تكنسلينها
يمكن السفريات حاجز التذاكر بسعر العرض والغرف الرخيصة اللي ماتتكنسل وهذي سياسة من الفندق وخطوط الطيران
هذا الي اعرفه ويمكن في طريقه ثانيه أنا مادري عنها اتمنى البنات يفيدوونج

 

[ALTaf.m]

من خبرتي اقولج
في تذاكر يكون عليها عروض هالتذاكر ما تقدرين تغيرين فيها لا بالروحه ولا بالرده يعني ياتروحين فيها ولا تروح عليج
وفي تذاكر يكون سعرها عادي ما عليها عرض ولا خصم تقدرين تغيرين فيها وتدفعين مبلغ بسيط
والفنادق نفس ألطريقه أنا لمن أحجز عن طريق موقع booking في غرف تتكنسل ويردونلج فلوسج وسعرها أغلى بشوي من الغرف الى ماتقدرين ترجعين فلوسج لمن تكنسلينها
يمكن السفريات حاجز التذاكر بسعر العرض والغرف الرخيصة اللي ماتتكنسل وهذي سياسة من الفندق وخطوط الطيران
هذا الي اعرفه ويمكن في طريقه ثانيه أنا مادري عنها اتمنى البنات يفيدوونج

حبيبتي ماقصرتي مشكوره بس بسالج اقدر اسوي اب قريد للغرف الي اقدر اغير تاريخها واغيره التاريخ من خلالها ؟؟؟ وماعتقد التذاكر عليهم عرض بالعكس غاليه