تجمع مسافرات مريكا 2012 باذن الله ( تم دمج المواضيع )

[حشمه]

شلونكم بنات خلونه نذكر بعض شنو نحتاج

الحمدلله سفرتي 16 يوم صج شويه بس

بروح اولاندو بس

 

[حشمه]

بنات انا بروح مع اليهال قالولي اخذ دوا كحه وادول وحبوب مص

وهم سمعت اخذ معاي المشترك البلاك الابيض الطويل عرفتوه

طبعا غير شاحن التلفون وشنو بعد اخذ معاي باخذ ان شالله

ايباد اليهال حق الطياره وجنطه صغيره فيها خرابيط للطريج

ادري فيهم ماراح يسكتون الا مع الككاو والبفك

 

[Behtar]

حشمه بامريكا بلاكاتهم غير عن الي نستخدمه
ولاغراض الي ناخذها
انا ماعندي شي بس حق ولدي بجنطته سناكس وحليب
وبجامه اذا تضايق وبطانيته مايستغنى عنها من وهو بالاشهر ماينام الا عليها
وعنده ايباد يحب يتابع كرتون
هالاشياء ان شالله تصبره بالطياره
اما عن الاغراض اليوميه كل شي عندهم بالوال مارت
حتي مابكثر لبس بشتري من عندهم ويمكن اقطهم لاييت ارجع اخذ الماركات الي بشتريها ان شالله
مافيني صبر متي ان شالله ايي اليوم الي ازهب فيه جناطنا
ووووين عواشه استانست واسحبت علينا هههههه

 

[AL3N8A]

ابببببببب

 

[حشمه]

خلاص البلاك ماخذه اهم شي البنادول وادول اليهال لان باخذ اعيالي

الاثنين معاي وعلى قولتج بطانيه للطياره وخرابيطهم ككاو والايباد

والملابس انا شكلي باخذ ملابسهم كله واقط اهناك واشتري يدد جذي ناويه

 

[غلاي غير]

بسالكم عن الجو صج حررررر غته باورلاندو ولاس فيغاس

مابي رطوبهن وحر مثل شرق اسيا

 

[أم سمدع]

هاي بنات وينكم

 

[كاكاووو]

شلونكم بنات واااي يااحظكم عطووكم فيزا
الله يسلمكم اليوم أنا وزوجي رحنا السفارة
أنا خذوا جوازي
بس زوجي لا
قالوله راح نتصل فيك خلال أسبوعين واحتمال اكثر
لانه عسكري
ضاق خلقنا

 

[OutDoor]

بنات ممكن أسأل سؤال ؟

الحين انتو اذا رحتوا و قطيتو هدومكم هناك ؟؟ شلون ؟ يعني انتو اشكثر مستخدمين هالهدوم ؟ يعني اذا قددم حيل شلون تلبسونهم للسفر و اذا يدد و فيهم مجال نستخدمهم بعد فترة أطول .... شلون تقطونهم ؟؟ أنا الصراحة أستغرب من الي يقطون هدومهم هناك ..... إحنا نشتري ملابس يــــديدة للسفر و نكشخ للمطار

 

[ام فياصل 2007]

الحمدلله احنا طلعت فيزتنا الاسبوع اللي طاف واليوم حجزنا الطيران ع الاتحاد ان شاءالله
بس احس طلع غالي شوي انا وولدي وزوجي ١٦٠٠ دينار طيران دولي وداخلي
بس باقي الفنادق بنيويورك واورلاندو ان شاءالله هالفترة بنحجزهم

 

[حشمه]

شلونكم بنات واااي يااحظكم عطووكم فيزا
الله يسلمكم اليوم أنا وزوجي رحنا السفارة
أنا خذوا جوازي
بس زوجي لا
قالوله راح نتصل فيك خلال أسبوعين واحتمال اكثر
لانه عسكري
ضاق خلقنا

عادي حبيبتي لايضيق خلقج

انا جذي بعد ماخذو جواز ريلي

طولو صج بس اخيرا عطوه فيزا

لاتحاتين ان شالله يعطونه الفيزا قبل سفرتكم

 

[حشمه]

بنات ممكن أسأل سؤال ؟

الحين انتو اذا رحتوا و قطيتو هدومكم هناك ؟؟ شلون ؟ يعني انتو اشكثر مستخدمين هالهدوم ؟ يعني اذا قددم حيل شلون تلبسونهم للسفر و اذا يدد و فيهم مجال نستخدمهم بعد فترة أطول .... شلون تقطونهم ؟؟ أنا الصراحة أستغرب من الي يقطون هدومهم هناك ..... إحنا نشتري ملابس يــــديدة للسفر و نكشخ للمطار

الله يسلمج ان شالله ببطل الكبت وبشوف هدومي اللي كديتهم وبوزعهم

باخذهم معاي انا مخططه اشتري هدوم لليهال اكثر منهم طبعا

فحتى هدومهم باخذ العمليين اللي يلبسونهم وايد عشان نستعملهم اهناك

ونقطهم لان اصلا بنكون شارين يدد للكويت عرفتي انا اكلمج عن السفره بكبرها

وحتى المطار للامانه بلبس شي عملي لي ولليهال الكشخه حق ردتي الديره

ان شالله بالسلامه

 

[حشمه]

الحمدلله احنا طلعت فيزتنا الاسبوع اللي طاف واليوم حجزنا الطيران ع الاتحاد ان شاءالله
بس احس طلع غالي شوي انا وولدي وزوجي ١٦٠٠ دينار طيران دولي وداخلي
بس باقي الفنادق بنيويورك واورلاندو ان شاءالله هالفترة بنحجزهم

غالي بس ميخالف ان شالله تستانسون بالسفره

 

[كاكاووو]

احنا اجلنا السفره إلى اشعار اخر
لان ع ماا يتصلون علي زوحي إلا الاسعار ارتفعت ماتسوى
بخليها شهر واحد لان الجوو يكون بارد
الله كريم ان شاالله

 

[لمن اكون]

كاكاو.
كل تاخيره فيها خيره ��

ويينكم بنات
الا حشمه انتي بتروحين اي ولايه

 

[عواشه القرقاشه]

قوه بنااات شلوونكم

انااا بااك من امريكا
والله الديره ونيسه وعجيبه

خل اسولفلكم عن كل مكان ومميزاته وعيوبه من وجهة نظري

نيويورك :
ونيسه وحلوه وباارده
ماتصلح حق اطفال من وجهة نظري
يعني بو 14 سنه وفوق
سكنت بالتايم سكوير فندق كراون بلازا
والمدينه غاليه من طقة دول اوروبا

من عيوبها ان العاملين اي شي يسوونه لج يبون بقشيش
بدون مبالغه جنه بمصر وتعطينهم مايعجبهم !!

اورلاندو :
قعدت فيها اسبوعين ضبطت
ونيسه ونيسه ونيسه
واااايد حبيتها والشعب حبووووب
بس اخر 3 ايام قام يطق مطر قوي بس ونااسه
وفي ملاهي يديده اسمها ليقو لاند
للاسف مارحت لها لان يالله لحقت على ديزني ويوفيرسال وسي وورلد وملحقاتهم

السوق حلووو
بس كملابس صراحه للبنات جدا عادي وعملي حيل
بس حق ملابس يهال يونس
وميك اب خذيت كل شي من ماركه يوربان دي كي

ميامي :
حلوه و ونيسه و الاوتلت فيها حلو دولفين مول
بس هم ماتصلح حق زعاطيط
ويكثر فيها الهوم لس

اتمنى فدتكم بشي
اي استفسار حاضره

 

[لمن اكون]

عوااشه انتي نفس الوالد اول ما قعدنا بالتايم سكويت والا يقوول جنها القاهره هههه
ياي اشتقت لامريتاا <<< ع قوله الاختي الصغير << فيها لدغه هههع

 

[غلاي غير]

الحمد الله على سلامتج عواشه

بشري شلون الجو هناك صج حر ورطوبه والا زين

 

[Behtar]

الحمدلله ع سلامتكم عواشه
بس حسافه ماطولتوا
في صور ؟
عاد احنا كنسلنا ميامي قلنا نخليها ليله
لان قالوا ماتنفع للعوايل واحر من اورلاندو

 

[Behtar]

اوت دور
انا ماراح اخذ وايد لبس من الكويت لان لو برجع هم اكون شاريه وايد حرام وزن عالفاضي
وانا ماكشخ بالسفر كل شي مريح
اخذ لبس شويه واشتري من عندهم ملابس رخيصه عاديه اذا احتاج وماكون بحاجتهم اذا رديت
اخذ لبسي الي من لكويت والي شاريتهم الغاليين بس