تضحية ام ضاعت هباااء منثووورا @@@

[شادن33]

السلام عليكم حبايبي

من اللي اشوفه ومن اللي حوالي
اشوف نوعين من الامهااات
النوع الاول اللي تضحي بكل شي بس ماتحصل شي حتى بر اعيالي
يعني تعطي وتعطي وتصبر واخر شي عيالها مايبرونها ولامسويلها اعتبااار

وام ثانيه اللي اشوفه تعطي بس بحدود ةتضحي بس هم بحدود
بس اللي ملاحظته انها تحب نفسها مثل ماتحب اعيالها يعني ماتنسى نفسها وتطالب بحقوقها غير الاولي
وتلاقين هذي يبرونها اعيالها ويهابونها ويحترمونها

طبعا الكل يبي يصير مثل الام الثانيه يمكن
بس الاولي ابي تفسييير ليش مافلحت مع اعيالها ولما كبروا احسهم ماردو للجميل كما يجب
هل لانها نست نفسها وكانت تعطي بالهبل وما تاخذ شي او ماعلمت اعيالها عل الاخذ والعطاء
ابي اعرف عشان اصير الام اللي يبرونها عيالها من صج
المايك لكككم *

 

[Tom ♥ Jerry]

.


طبعا الثانيه احسن و انا من النوع الثاني ..
نفسي اولى بكل شي صراحه :$


بس للاسف الاغلبيه الي من اهلي او بالمجتمع من النوع الاول
يهملون نفسهم تالي تنــدم !

 

[بحرانيـه]

مثل مابريتي امج بتعرفين تمشين عيالج مثل ما امج ربتج والله ماينسى احد امج وابوج داريتيهم الله يكافئج باولاد مثلج اذا العكس ماتلاقين غير السلبي

 

[Miss Eteket]

طبعآً آلآم آلثآنيه ..~
بس آلآم آلآولى دآيمآً آو بآلآخص فيهآ آلطيبه آلعميآ آنن محد رآح ينفعهآ غير عيآلهآ في هآلجيل مآ ينفع معآهم غير آلآم آللي مآ نقول عنهآ متسلطه بقد مآ نقول آن لهآ قوآعد و قوآنين تضبط عيآلهآ خوفآً عليهم من آلآنحرآف آو آلآنجرآف مع آصحآب آلسسوء ..~

و هذآ رآيي مع آني مو آمم

 

[قمر بيت أبوها]

هو نصيب يعني الأم ممكن تقط عيالها علي طليقها وتتزوج وتعيش حياته يمكن ماتدري عنهم صاروا باي سنه يدرسون
ومع كذا يكبرون ويتعنون لها ويبرونها
وممكن مسكينه تتطلق ولا تترمل وتكرف عمرها لعيالها كرف وهي بالاخير تبقي وحيده البنت تروح مع زوجها والوالد مع زوجته وتلاقينهم يشوفونها بالسنه حسنه
الاعتدال والوسطيه بالعطاء حتي مع الابناء أفضل من العطاءاللا محدود

 

[ياشايل الظبى]

النوع الاول
اللي تعطي من غير حساب يصير عطائها مع الوقت واجب عليها ومهي مشكوره
والثانيه تعطي وماتنسي نفسها ولا افراط ولا تفريط
وتري الصلاح من ربي ... محد له يد .. الوحده تربي والهادي الله

 

[أمي قرة عيني]

أمي من النوع الأول بس الحمد لله أنا وخواتي قايمين فيها الله يرزقنا برها ويسامحنا اذا قصرنا


بس أخوي لا والله مو شايفها شيء أصلاً معاملة لها زبالة والله تعور قلبي من كثر ما اشوفها تنهان واللي يقهر شكثر ضحت

وتعبت وهي تربي بس الله يعوضها ان شاء الله


بس فعلاً الأم اللي تعطي وايد ماتنهاب خاصه لاكانوا العيال لئيمين الله يكافينا الشر

مشكورررررررررره ع الموضوع

 

[JANAA]

النوع الاول
اللي تعطي من غير حساب يصير عطائها مع الوقت واجب عليها ومهي مشكوره
والثانيه تعطي وماتنسي نفسها ولا افراط ولا تفريط
وتري الصلاح من ربي ... محد له يد .. الوحده تربي والهادي الله

فعلا كلامك صحيح 100%

تعالوا شوفوا المساجد والشكاوي من معاملة الابناء لأبائهم عقوق يا خواتي الله يهديهم ما يدرون كما تدين تدان امي الي تعبت وتعنت علي وتركت كل شي وضحت بشبابها علشاني يكون جزائها الاهمال وعدم الاكتراث لها اخخخخخخخخ ما يدرون ان قدمها تسبق قدوم الرسول للجنه بس الجزاء والثواب من عندالله وليس من عند العبد

 

[Bloom]

انا امي من النوع الاول والله انه كل الفلوس الي في يدها لنا وماتشتري شي حق عمرها وتستخسر في نفسها كل شي ! عيزنا معاها مافي فايده وضحت بوايد اشياء صبرت على المشاكل على شانا بس الحين احنا مو مقصرين وياها لو تبي عيونا عطيناها احنا قمنا نشتري لها ونسوي لها يوم الكل شال نفسه بس احس من داخلها مكسوره ماعاشت مثل الي حولها والحين نحاول نعوضها بس احس الحين ماتفرح بالشي لانها كبرت مو مثل قبل في شبابج تبين تلبسين وتكشخين .. لكن دايما تردد انا مرتاحه اني عرفت اربي وتضحيتي ماراحت عبث

انا توني الله رازقني ببيبي واحس اني قاعد اعيد الكره حاكره نفسي بالبيت اربي ولاعندي حياه اجتماعيه خاصه اني بديره غير ديره اهلي
ولا قدمت على شغل لاني مابي اقط عيالي عالخدم بس احس ضميري مرتاح

قلت قصه حياتي

 

[روانتي 12]

وتري الصلاح من ربي ... محد له يد .. الوحده تربي والهادي الله

فعلآ صحيح كلامج . .

الوحده تربي و الهادي الله . .
ونوع الاول انا شفته بعيوني لكن عيالها بارين فيها و هي مرتاحه وايد ومستانسه . .

وبعدين ترا في نوع ثالث . . و مو شرط الي نشوفه يكون صح يمكن يكون غلط .

 

[شادن33]

شاكره للكل

 

[* ليــــدي *]

احلى شي اللي مره ترخي ومره تشد عليهم
هذا افضل شي ..
بنتي احتارت فيني لوووووووول

شكرا ع الموضوع الحلو

 

[شادن33]

ليدي اي انا بعد جذي مره اعصب ومره اقعد اضحك وياهم يننتهم مو عارفين لي
بس وايد احاتي لما بكبر ببروني ولا لاء
مع اني باره ابامي فديتها
الله لايضيع تعبنا

 

[المرتاحة]

لا تكن صلبا فتكسر ولا ليناً فتعصر

بالضبط الانسان لازم يصير جذي حتى مع عياله


بس اغلب امهاتنا ويداتنا قلوبهم رهيفه ما تقدر تصير حازمه مع عيالها بسرعه ينكسر قلبها عليهم وربي معطيهم على قد نيتهم وقلوبهم نظيفة علشان جذي الله يبارك لها


مروا علي يدات من الفئتين الاولى والثانية وكل عيالهم وعيال عيالهم شايلينهم شيل وبارين فيهم


بس من وجهة نظري حلات الام تصير وسط ومعتدله في تربيتها لعيالها

 

[شادن33]

المرتاحه انتي صح والله الهاادي

 

[الزورق222]

الام غير الاب بقلبها ورحمتها لابناءهاا قلبها كبير واحنا مقصرين مهما فعلنا سنبقى مقصرين ..
النوع الاول من الامهات الام المعطاءة لن تجد ماتتمناه من ابناءها لانها فقط تعطى بسخاء كيف تنتظر منهم المقابل وهى فقط تعطى ..
النوع الثانى هى الماسكة العصا بالنص تعطى بحدود ام لها شخصية قوية تدرس الامور بتمعن لن تكون كمستوى الاولى من الحنان والتضحية لن تصل لانهااا نوعا ماا قاسية لمصلحة ابناءها اكيد ..
هى اعطت والباقى على بابناءها هم من يبحثون عن ريح الجنه اذا كانوا ناويين على الجنة ومرضاة ربي ..

 

[العفاسيه وبس]

كويتيات رد: تضحية ام ضاعت هباااء منثووورا @@@

لا تكن صلبا فتكسر ولا ليناً فتعصر

بالضبط الانسان لازم يصير جذي حتى مع عياله


بس اغلب امهاتنا ويداتنا قلوبهم رهيفه ما تقدر تصير حازمه مع عيالها بسرعه ينكسر قلبها عليهم وربي معطيهم على قد نيتهم وقلوبهم نظيفة علشان جذي الله يبارك لها



مروا علي يدات من الفئتين الاولى والثانية وكل عيالهم وعيال عيالهم شايلينهم شيل وبارين فيهم


بس من وجهة نظري حلات الام تصير وسط ومعتدله في تربيتها لعيالها


كلامج أختي عين العقل

 

[قموووره]

الي عياله ما بروها انا اشوف انها ماربت ( برايي)
لان التربيه موبس عطاء ؟؟ العطاء الي من غير حدود يخرب ما يعدل واصلا هذا الشي غلط
المفروف المربي يعطي بحدود !! ما افتحله ايدي عالاخر ولا امسك عالاخر والاعتدال مطلوب وظروري
في اشياء الواحد ما يحبها بس لازم يسويها حتى لو قسى على عياله بس علشان يعلمهم حق بعدين وهذا لهم
يعني اذا ولدي على غلط او مريض ودواه بالجوي ما راح اجويه؟؟؟؟ مع اني ما اتحمل اجوي ولدي بس اذا هذا علاجه لا والله بجويه علشان ااسسه صح وجذوره تكون قويه
في امهات تعطي عيال كل شي وما تقصر باي شي وعبالها ان هذا زين !!! لا والله مو زين وما هكذا التربيه هههههههههه
وشكرا ياعيوني​

 

[Reelax]

واااااااااي هذي كلمتي داايم لامي وخوااتي
اقوول بصير شديده مع عيالي علشان يبروون فيني
من اللي اشووفه حواالي الشدييده عيالها يدورون رضااها
واللي تلاحقهم وتداريهم يعطوونها بو لبااس ولايدروون عنها

>>> هالحالات انا شايفتها كثيير

 

[manoooram]

أنا مع الشد واللين بتربية الأبناء وأعطيهم ماي عيوني لأنهم عيالي يستاهلون
اسم الله عليهم
وبنفس الوقت ما أهمل نفسي