❥ part2 ❥ شنو التصرفات الغريبة ايللي شفتيها بالعروس ؟

[c a t w o m a n]

حياكم الله جميعا بالجزء الثاني من الموضوع وايللي ما لحق على الجزء الأول يوسع صدرة بالمواقف و يقرى

http://www.q8yat.com/t461601.html

عموما ...
قبل ما نبدأ أحب أنبه على جم شغلة

بليز بنات

1- ممنوع التطرق لأسماء العوايل أو التلميح لها نهائيا

2- ممنوع ذكر أي تفاصيل خاصة عن العرس


فالسؤال الحين


شــنــو الـتـــصــرفــات الغــريبة ايللــي شــفــتــيــهــا بالــعــروس



و يلا منو راح يقص شريط الإفتتاح


◟◟◞◞
(◔◡◔)
╰ ▒▒ ╯
╜╙

 

[shosh1993]

واإاإي وناإسه عطيني المقص خخخخخخخ

ع البركه افتتاح الجزء الجديد

 

[MiSsY HottY]

وااااااااااااااو صار أكو جزء ثاني وناسه انا مره رحت عرس وفيه حركة سخيفه ما عجبتني خوات المعرس لابسين تاج وشريط على الجنب مال ملكات الجمال وكاتبين عليه انته تاج الروس شنو الحكمههههههههه مافهمت

 

[MiSsY HottY]

نصيح يا بنات خلو عنكم الفناتك والحركات العرس كلاسيكي أحسن بدون تفنتككككككككك

 

[amoraa-q8]

اممممم انا شفت عرس حديثا يعني مو من زمان حركه سوتها العروس كلش فااااشله

احنا طبعا مانبي ناخذ ذنوبهم بس عشان مايطيحون فيها البنات العرايس


اول ما دشت العروس طبعا عرضت صورها يمكن والله من غير مبالغه اكثر من نص ساعه تعبنا ننطرها ، قولوا هالحركه عادي يعني تمشي

بس الحركه اللي بعد الصور شلون اشرحها لكم

شايفين اللوحه العريضه بس كبر واعرض من الباب جابوها الفلبينيات وحطوها بمدخل الصاله واول ماوصلت العروس راحوا الفلبينيات وشقوا اللوحه بالنص مادري بعصايات مادري بشنو المهم يطلع مثل صوت تفجير وتدخل العروس من الفتحه بالنص امبيييييه بنات تخيلوا هالحركه ، يمكن البنت على نياتها بس الله يوفقها


المفروض العروس تعرف شنو تختار ، وانا من رايي لا تختار احسن تخلي كل شي طبيعي بدخلتها

 

[لمسه كويتيه]

الحركات والفناتك الي يسوونها العرايس بدخلتهم ما تعجبني احس اوفر لو تدخل طبيعي احسن وايد
واحلى بنظري مو شرط تتميزين بدخلة خاصة حلاتها الدخلة طبيعية

 

[حبوبة الأطفال]

ويييه شخباري على العروس

صارلي اكثر من سنة مارحت عرس

المهم في حركة قبل كم سنة شفتها حدها تضحك

خوات المعرس في بداية العرس للاستقبال لابسين نفس اللبس

ولبسهم عبارة عن صورتين للمعرس

الاولى
حاطينها من قدام صوب الصدر

والثانية تتوقعون وين حاطينها





من ورا صوب الخلفية >>>> امبي يفشل

 

[حبوبة الأطفال]

وتذكرت عروس مسوي حركة لدخلتها

اول مادخلت الصالة لقينها ماسكة عدسة مكبرة كبيرة ومكشختها

تتوقعون ليش

عشان تدور على مسكتها بين الحضور

وفي النهاية لقت مسكتها مع بنوته صغيرة
الله يهديها ويوفقها

 

[&موناليزا&]

عزيزتي رفع لعيووووووووونج

 

[c a t w o m a n]

واإاإي وناإسه عطيني المقص خخخخخخخ

ع البركه افتتاح الجزء الجديد

أهلا و سهلا


يبارك فيج حبيبتي

^_^

 

[مـآلي شبيه~]

على البركة افتتاح البارت الجديد ..~
مره حضرت عرس لما غنو اول اغنية دخلو خوات المعرس يرقصون وكل وحده معاها عصاية وتلوح فيها مادري شنو الحكمة وحدها الحركة موحلوة .~

 

[c a t w o m a n]

هالجزء صدماته أكثر الظاهر


شريطة ملكة جمال

صورة المعرس عالمؤخرة

عدسة مكبرة

اختراق الجدار

ليش جذي الله يهداهم

يا حلات الزفة التقليدية على هب السعد

 

[سـمـو الآمـجـاد]

مرة رحت عرس

جان تدش وحدة لابسة نفنوف عروس وميك اب عروس

لكن طلعت اختها ههههههههههه

وبعد ربع ساعة تدش العروس الاصلية

مادري ما فهمت

انزين المعرس واحد .. شالسالفة ماخذ اختين هههههههههه

طلعوا فناتق بس مو جذي

 

[amoraa-q8]

^^^^^^^



الظاهر عشان لا سمح الله صار شي للعروس يكون في سبير ثاني



استغفر الله انزين اختها شنو تحس فيه من صجها هههههههههههه





بعدين اللي تدور حركات عشان تدخل وتتميز ترى صج راح تتميزين عن باقي العرايس بس تدرين بشنو

تبقين ذكرى مضحكه يذكرونها الحضور ، فلا تخربون على كشختكم وهالليله بهالحركات ، والحمد لله قليل اللي تسوي من هالحركات اللي مالها داعي

 

[انوثتي غير وياك]

الموقف مو صج


:d

 

[عسل مرت قيمر]

هههههه اكثر وحده تضحك الى تدور مسكتها بمنظار

 

[نادر هواي]

صراحه اكثر شئ يلوع جبدي بالعرس بنات غنوه

لارقص ولاشكل ولا لبس << الله يجزاهم خير لو مو حاظرين ابرك ^_^

 

[c a t w o m a n]

عزيزتي رفع لعيووووووووونج

يعز غاليج حبيبتي

 

[رهوفه عرعر]

حنا مره زواجاتنا مافيها شي بس دقاقه ورقص لازفه ولاشي حنا ناس قرووين غنم وابل وماعز احلى مافينا عمي وانا طبعا

 

[أجمل إنسـآنـه ~]

هههههههههههههههههه
ونااسسه حلووو,,المووضووع,,